1. NAFARROAKO FORU KOMUNITATEA
1.7. BESTELAKOAK
159/2026 EBAZPENA, abuztuaren 6koa, Enpresen Sustapenerako eta Azpiegituretako zuzendari nagusiak emana, zeinaren bidez onartzen baita atzera egitea proiektu hauek onura publikokoak direla zehazki deklaratzeko izapidean (2. fasea): "Serralta haize-parkearen berrindartzea" eta "San Gregorio haize-parkearen berrindartzea", Cabanillasko eta Tuterako udal-mugarteetan. Espedienteen kodeak: 1050-5-CE eta 1051-2-CE.
Enpresen Sustapenerako eta Azpiegituretako zuzendari nagusiaren abenduaren 2ko 112/2025 Ebazpenaren bidez (2025eko 256. Nafarroako Aldizkari Ofizialean argitaratu zen, abenduaren 26koan), aurretiazko administrazio-baimena eta eraikitzeko administrazio-baimena eman zitzaizkion Eólica Cabanillas SLUri, "Serralta haize-parkea berrindartzea" proiekturako, eta haren onura publikoa (1. fasea) zehazki deklaratu zen (espedientearen kodea: 1050-5-CE).
Enpresen Sustapenerako eta Azpiegituretako zuzendari nagusiaren abenduaren 22ko 124/2025 Ebazpenaren bidez (2026ko 28. Nafarroako Aldizkari Ofizialean argitaratu zen, otsailaren 9koan), aurretiazko administrazio-baimena eta eraikitzeko administrazio-baimena eman zitzaizkion Eólica Cabanillas SLUri, "San Gregorio haize-parkea berrindartzea" proiekturako, eta haren onura publikoa (1. fasea) zehazki deklaratu zen (espedientearen kodea: 1051-2-CE).
Ebazpen horietan honako hau zegoen jasota: "Onura publikoa zehazki deklaratzea mugatu behar da zenbait ondasun eta eskubidetara, hain zuzen ere, abenduaren 1eko 1955/2000 Errege Dekretuaren 144., 145. eta 146. artikuluetan eskatzen dena bete den kasuetara, zeinak ageri baitira ebazpen honen III. eranskineko zerrendan (1. fasea). Ukitutako gainerako ondasun eta eskubideen kasuan (2. fasea), egoki den izapidea bete beharko da".
Aurrekoarekin bat, eta Sektore Elektrikoari buruzko abenduaren 26ko 24/2013 Legearen 55. artikuluan eta abenduaren 1eko 1955/2000 Errege Dekretuaren 144. artikuluan ezarritakoarekin bat etorriz, agiri teknikoak eta ukitutako ondasun eta eskubideen zerrenda jendaurrean jarri ziren 30 egun balioduneko epean, proiektuen onura publiko osagarria zehazki deklaratzeko (2. fasea). Horretarako, iragarkia jarri zen Nafarroako Aldizkari Ofizialean (2026ko 45. Nafarroako Aldizkari Ofiziala, martxoaren 3koa) eta Diario de Navarra egunkarian (2026ko martxoaren 4an), eta dokumentazioa Nafarroako Gobernu Irekiaren webgunean argitaratu zen.
Ángel Bernardo Galindo Serranok alegazio bat jarri zuen.
Sustatzaileak, 2026ko abuztuaren 3an, eskatu du atzera egitea proiektu hauek onura publikokoak direla zehazki deklaratzeko izapidean (2. fasea): "Serralta haize-parkearen berrindartzea" eta "San Gregorio haize-parkearen berrindartzea". Izan ere, uztailaren 22an, baimena eskuratu zuen proiektua osorik gauzatzeko Tuteran behar dituen azken herri-lurrak desafektatzeko.
Horiek guztiak horrela, aurkeztutako dokumentazioa ikusirik, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan ezarritakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak proposatu du eskatutakoa onartzea.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Onartzea atzera egitea proiektu hauek onura publikokoak direla zehazki deklaratzeko izapidean (2. fasea), eta proiektuok amaitutzat jotzea: "Serralta haize-parkearen berrindartzea" eta "San Gregorio haize-parkearen berrindartzea", Cabanillasko eta Tuterako udal-mugarteetan.
2. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzuari eta Gobernu Irekiaren eta Herritarrentzako Arretaren Zerbitzuari, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
4. Ebazpen hau jakinaraztea Eólica Cabanillas SLUri, Ángel Bernardo Galindo Serranori eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio-bidea amaitzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espedientearen kodea adierazi beharko da.
5. Ebazpen hau Cabanillasko eta Tuterako udalei jakinaraztea, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2026ko abuztuaren 6an.–Enpresen Sustapenerako eta Azpiegituretako zuzendari nagusia, Iñigo Arruti Torre.
Iragarkiaren kodea: F2611033
