Iragarkia

171. ALDIZKARIA - 2026ko abuztuaren 31

1. NAFARROAKO FORU KOMUNITATEA

1.7. BESTELAKOAK

154/2026 EBAZPENA, abuztuaren 6koa, Enpresen Sustapenerako eta Azpiegituretako zuzendari nagusiak emana, zeinaren bidez administrazio baimena ematen baita 4,8 MW-eko "La Galera" eguzki-instalazio fotovoltaikoa eta horrekin lotutako transformazio- eta hustuketa-azpiegiturak eraikitzeko Corella eta Tuterako udal mugarteetan. Espediente-kodea: 5483-CE.

1. Aurretiazko administrazio baimenaren eta eraikitzeko administrazio baimenaren eskaera.

2024ko apirilaren 8an eta Sektore Elektrikoari buruzko abenduaren 26ko 24/2013 Legearen 53. artikuluan eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta haren horniketa egiteko jarduerak arautzen dituen abenduaren 1eko 1955/2000 Errege Dekretuaren 122. eta 130. artikuluetan ezarritakoari jarraikiz, Ríos Renovables SLUk aurretiazko administrazio baimena eta eraikitzeko administrazio baimena eskatu zituen "La Galera" eguzki-instalazio fotovoltaikorako eta haren transformazio- eta hustuketa-azpiegituretarako, Corella eta Tuterako udal mugarteetan. (Espediente-zk.: 5483-CE).

Entregatu diren agiri teknikoen arabera, "La Galdera" eguzki-instalazio fotovoltaikoa Corellako udal mugarteko 11. poligonoaren 28. lurzatian dago, gutxi gorabehera 8,72 hektarea hartzen ditu, eta honela dago osatuta:

• Alde biko 7.458 modulu fotovoltaiko (RSM132-8-675-700BHDG modelokoak edo antzekoak), 805 W-eko potentzia unitarioa dutenak (1,15 x 700 W), guztira 6.003,69 kWp-eko potentzia-erpinarekin.
• 15 inbertsore fotovoltaiko, SUN GROW SG350HX modelokoa edo antzekoa, 40 ºC-tan 320 kW-eko potentzia izendatua dutenak, guztira 4.800 kWn-ko potentzia izendatuarekin.
• 2 transformazio-zentro (SUN GROW MVS3200-LV modelokoa edo antzekoa), 3.200 kVA-ko transformadore batekin eta 30/0,8 kV-eko transformazio-erlazioarekin.
• 30 kV-eko babes eta neurketa zentro bat.
• 30 kV-ko zirkuitu bakuneko lurpeko linea, 3.600 metro ingurukoa; Corellako udalerriko hainbat lurzatitatik igarotzen da, "La Galera" eguzki-instalazio fotovoltaikoaren babes- eta neurketa-zentrotik "El Royo" eguzki-instalazio fotovoltaikoaren babes- eta neurketa-zentroraino.

Beraz, bat etorrita azaroaren 5eko 997/2025 Errege Dekretuaren 5. artikuluan ezarritakoarekin, "La Galera" eguzki-instalazio fotovoltaikoaren potentzia instalatua 4,8 MW da.

"El Royo" eguzki-instalazio fotovoltaikoaren babes- eta neurketa-zentrotik "TAE Promotores La Serna 30/66 kV" azpiestaziora konektatzea 5482-CE espedientearen esparruan izapidetu da; sustatzaileen azpiestazioa bera eta 66 kV-ko hustuketa-linea, berriz, "TAE La Serna 66 kV" azpiestazioraino (lehendik dagoena eta I-DE Redes Eléctricas Inteligentes SAUrena) SAT11603 espedientean; eta azpiegitura guztiak "El Royo", "La Galera" eta "La Muga" hiru eguzki-instalazioek partekatzen dituzte, eta aldez aurreko administrazio-baimena dute.

2. Jendaurreko informazioaren eta kontsulten izapideak.

Abenduaren 1eko 1955/2000 Errege Dekretuaren 125. artikuluan ezarritakoa aplikatzeko, Ríos Renovables SLUk sustatutako beste bi eguzki-instalazio fotovoltaikoren eskaerekin batera ("El Royo" (5482-CE) eta "La Muga" (5484-CE)) jendaurrean jartzeko lehen izapidea egin zen 30 egun balioduneko epean, eta, horretarako, 2024ko abuztuaren 13ko Nafarroako Aldizkari Ofizialean (165. zk.) iragarkia argitaratu zen.

Ingurumen Ebaluazioaren Atalaren 2024ko abenduaren 17ko txostenean jasota dagoenez, hiru instalazioek eta haien hustuketa azpiegiturek, "La Serna 66 kV" TAEko azken hustuketa punturaino, ingurumen inpaktuaren azterketa bakarra behar dute.

Aurrekoa ikusirik, eta dagokion dokumentazioa aurkeztu ondoren, eskaerak jendaurrean jarri ziren bigarren aldiz 30 egun baliodunez, eta, horretarako, iragarki bat argitaratu zen 50. Nafarroako Aldizkari Ofizialean, 2025eko martxoaren 13koan, eta dokumentazioa Nafarroako Gobernu Irekiaren web fitxa egokian argitaratu zen. Halaber, informazioa Corella eta Tuterako Udalei bidali zitzaien, epe berdinean jendaurrean jar zezaten.

Jendaurreko informazioaren izapideetan, honako alegazio hauek jaso ziren:

–1. alegazioa Eólica Cascante (2024ko irailaren 23a).

–2. alegazioa, Totalenergies Clientes SAU (2024 irailaren 24a).

–3. alegazioa: "Sustrai Erakuntza" Fundazioa (2025eko apirilaren 30a).

–4. alegazioa: "Landazuria-Erriberako Ekologistak Martxan elkartea" (2025eko apirilaren 30a).

–5. alegazioa: "Ongaiz-Zangozerriko Ekologistak Martxan elkartea" (2025eko apirilaren 30a).

Horrekin batera, abenduaren 1eko 1955/2000 Errege Dekretuaren 127. eta 130. artikuluetan ezarritakoa aplikatuz, kontsulta egin zitzaien erakunde hauei, eta taulan adierazten diren txostenak jaso ziren:

Bat etorriz abenduaren 1eko 1955/2000 Errege Dekretuaren 126., 127. eta 131. artikuluekin, Industria Antolamenduaren, Azpiegitura Energetikoen eta Meatzeen Zerbitzuak Ríos Renovables SLUri igorri zizkion aipatutako alegazioak eta txostenak, eta sustatzaileak ere horiei erantzuteko agiriak bidali zituen.

Jasotako alegazioen eta txostenen edukia eta azterketa ebazpen honen I. eta II. eranskinetan laburbiltzen dira.

3. Ingurumen-inpaktuaren adierazpena eta lurzoru urbanizaezinean jarduerak egiteko baimena.

Ingurumeneko zuzendari nagusiaren abenduaren 1eko 1387E/2025 Ebazpenaren bidez, aldeko ingurumen-inpaktuaren adierazpena egin zen "El Royo", "La Galera" eta "La Muga" eguzki-instalazio fotovoltaikorako eta haren transformazio- eta hustuketa-azpiegituretarako, "TAE La Serna 66 kV" azpiestazioraino.

Lurralde Antolamenduko zuzendari nagusiaren martxoaren 31ko 137E/2026 Ebazpenaren bidez, lurzoru urbanizaezinean jarduerak egiteko baimena eman da "El Royo", "La Galera" eta "La Muga" eguzki-instalazio fotovoltaikorako eta haren transformazio- eta hustuketa-azpiegituretarako, "TAE La Serna 66 kV" azpiestazioraino.

Adierazi behar da lurralde-organoaren ebazpenean jasota zegoela paisaian integratzeko neurrien proposamen bat izateko beharra, parkeen esparruetarako landareztatze-plan bat barne, ezarritako jarraibideei jarraituta. Horretarako, erakunde sustatzaileak "Paisaia leheneratzeko eta integratzeko plana" aurkeztu zuen, eta Paisaiaren eta Landa-Lurzoruaren Atala ados agertu zen.

Era berean, dokumentazio hori Ingurumen Ebaluaziorako Atalera eraman zen, ebazpenaren baliozkotasunari buruzko iritzia eman zezan, eta 2026ko abuztuaren 5ean aldeko iritzia eman zuen.

4. Aurretiazko administrazio baimenaren proposamena.

Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa betez, Ríos Renovables SLUren gaitasun legala, teknikoa eta ekonomikoa egiaztatu da. Era berean, abenduaren 1eko 1955/2000 Errege Dekretuaren 123.2 artikuluaren arabera, egiaztatu da 30/66 kV-eko "TAE Promotores La Serna 30/66 kV" azpiestazioaren erabilera partekatuari buruzko akordioa dagoela, loteslea alderdientzat.

Bestalde, abenduaren 26ko 24/2013 Legearen 53. artikuluan xedatutakoari jarraikiz, espedientean jasota daude "La Galera" eguzki-instalazio fotovoltaikoa banaketa-sarean sartzeko eta bertara konektatzeko baimenak, i-DE Redes Eléctricas Inteligentes SAUk emanak.

Horregatik guztiagatik, espedientean jasotako dokumentazioa eta agiriak ikusita eta Sektore Elektrikoari buruzko abenduaren 26ko 24/2013 Legean xedatutakoa kontuan hartuta, Industria Antolamendu, Energia Azpiegitura eta Meategien Zerbitzuko Energia Azpiegituren Atalak prozedura behar bezala gauzatu dela ondorioztatu du, eta Ríos Renovables SLU enpresari Corella eta Tuterako udal mugarteetan 4,8 MW-eko "La Galera" eguzki-instalazio fotovoltaikorako aurretiazko administrazio-baimena ematea proposatu du, baita horri lotutako transformazio- eta hustuketa-azpiegiturak egiteko ere.

Adierazitakoarekin bat, martxoaren 11ko 11/2019 Foru Legearen 32. artikuluak ematen dizkidan eskudantziak erabiliz (11/2019 Foru Legea, Nafarroako Foru Komunitateko administrazioari eta foru sektore publiko instituzionalari buruzkoa), honako hau

EBAZTEN DUT:

1. Ríos Renovables SLUri aurretiazko administrazio-baimena ematea energia elektrikoa ekoizteko 4,8 MW-eko potentzia instalatuko "La Galera" eguzki-instalazio fotovoltaikorako eta haren hustuketa-azpiegituretarako, Corella eta Tuterako udal mugarteetan.

2. Aurretiazko administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzuari, Ingurumen Ebaluazioaren Atalari, Paisaiaren eta Landa Lurzoruaren Atalari, Herri Lanen eta Azpiegituren Zuzendaritzaren Zainketa Atalari, Basoen eta Arrantza Kudeaketaren Zerbitzuari, Nekazaritzako Azpiegituren Zerbitzuaren Herri-lurren Atalari, Ondare Historikoaren Zerbitzuaren Ondare Arkitektonikoaren Atalari eta Erregistroaren, Ondasun Higigarrien eta Arkeologiaren Atalari eta Gobernu Irekiaren eta Herritarrentzako Arretaren Zerbitzuari, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea Ríos Renovables SLUri, i-DE Redes Eléctricas Inteligentes SAUri, Autopistas de Navarra Sari (AUDENASA),Trenbide Azpiegituren Administratzaileari (ADIF), Garraio eta Mugikortasun Jasangarriaren Ministerioari, Eólica Cascanteri, Totalenergies Clientes SAUri, Sustrai Erakuntza fundazioari, Landazuria-Erriberako Ekologistak Martxan elkarteari, Ongaiz-Zangozerriko Ekologistak Martxan elkarteari eta Corellako Arriskuen Sindikatuari, eta ohartaraztea ebazpenak ez duela administrazio bidea agortzen eta haren aurka gora jotzeko errekurtsoa paratzen ahalko dela, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta biharamunetik hasita hilabeteko epean. Hartan espediente kodea adierazi beharko da.

6. Ebazpen hau jakinaraztea Corellako eta Tuterako udalei eta Ebroko Konfederazio Hidrografikoari, eta aditzera ematea honen kontra administrazioarekiko auzi errekurtsoa jartzen ahalko dela, eskumena duen ordena jurisdikzionalari zuzendua, bi hilabeteko epean, honako hau jakinarazi eta biharamunetik aurrera, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko abuztuaren 6an.–Enpresen Sustapenerako eta Azpiegituretako zuzendari nagusia, Iñigo Arruti Torre.

I. ERANSKINA.–JASOTAKO ALEGAZIOAK

Jaso diren alegazioen laburpena eta azterketa azalduko dira jarraian.

1. alegazioa. Eólica Cascante SL.

2024ko irailaren 23an, Eólica Cascantek alegazioa aurkeztu zuen, Cascante II parke eolikoarekiko hustuketa-lineak gurutzatzen direla adieraziz.

Erantzuna:

Erakunde sustatzailea jakinaren gainean dago, eta konpromisoa hartzen du gurutzaketa hori indarreko araudian ezarritakoaren arabera egiteko, eta, horretarako, aipatutako instalazioari edozein kalte saihestu eta erakunde alegatzailearekin obrak koordinatuko ditu.

2. alegazioa. Totalenergies Clientes SAU.

2024ko irailaren 24an, Sigma Energías SLk alegazioa aurkeztu zuen Totalenergies Clientes SAUren izenean, eta hau adierazi zuen:

–Alde batetik, FV El Royo eta FV Ramal Sur eguzki-instalazio fotovoltaikoen arteko bateraezintasuna (biak izapidetzen ari dira), biek azalera bera hartzen baitute Corellako 9. poligonoko 388. eta 389. lurzatietan.

–Bestalde, gurutzaketa bat dagoela FV El BF eguzki-instalazio fotovoltaikoaren hustuketa-linearen eta FV Ramal Sur parke eolikoaren hustuketa-lineen artean (izapidetzen ari dira).

Erantzuna:

Alegazio horren aurrean, erakunde sustatzaileak adierazi du "El Royo" eguzki-instalazio fotovoltaikoa izapidetzen hasi zela FV Ramal Sur eguzki-instalazio fotovoltaikoa eta PE Ramal Sur parke eolikoa izapidetzen hasi baino lehen, eta horregatik uste du ez dela egokia bere proiektua aldatzea.

FV El Royo eta FV Ramal Sur eguzki-instalazio fotovoltaikoen arteko gainjartzeari dagokionez, erakunde sustatzaileak adierazi du 2023ko irailetik kontratu esklusiboak dituela aipatutako lurzatien jabeekin.

FV Ramal Sur eguzki-instalazio fotovoltaikoko eta PE Ramal Sur parke eolikoko azpiegiturekin egon daitezkeen gurutzaketei dagokienez, erakunde sustatzaileak adierazi du bi instalazioei kalterik ez egiteko asmoa duela, eta instalazio horiei ahalik eta kalte gutxien eragiteko prest dagoela, betiere indarrean dagoen araudia betez.

3. alegazioa. "Sustrai Erakuntza" fundazioa.

2025eko apirilaren 30ean, Sustrai Erakuntza fundazioak alegazio-idazki bat aurkeztu zuen:

–Lehenengoa generikoa da, eta Nafarroan parke eolikoak eta eguzki-parkeak instalatzeko plangintzarik ezari buruzkoa da. Horren arabera, mota horretako proiektuek energia berriztagarrien ekoizpena areagotzea du helburu, baina proiektuak ez du aztertzen Nafarroako energia-egoera, ez eta sortutako CO2 isuriak ere, eta ingurumen ukipen larriak eragiten ditu naturaguneetan.

–Bigarrenak "El Royo" (5482-CE), "La Galera" (5483-CE) eta "La Muga" (5484-CE) eguzki-instalazio fotovoltaikoen proiektuen eta horien hustuketa-azpiegituren zuzeneko alegazioen apartatu bat du. Alegazio horiek Nafarroako Aldizkari Ofizialean argitaratu ziren (50. zk.), 2025eko martxoaren 13an. Zehazki, honako hau alegatu zuen:

• Proiektuen zatikatzea ez dela egokia, beste parke eoliko eta fotovoltaiko batzuez betetako eremu batean kokatuta baitaude, eta horrek ingurumen-inpaktu sinergikoak eragin ditzake.
• Proiektua bateraezina dela Corellako udalerriko hirigintza eta lurralde araudi eta jarraibideekin, eta ez du betetzen jardueraren antolamendu sektorialari buruzko araudia, 64/2006 Foru Aginduaren arabera.

Azkenik, proiektua baliogabetzeko eskatu zuen, eta "hortaz, abian diren mota horretako proiektu guztiak geldiarazteko, eta Nafarroan behar dugun energia-ereduari buruzko hausnarketa eta plangintza prozesu egoki bat irekitzeko"; halaber, espediente honetan interesduntzat hartzeko eta horren ebazpena jakinarazteko eskatu zuen.

Erantzuna:

Proiektua Nafarroako energia-egoerarako egokia izateari dagokionez, esan beharra dago proiektuan betetzen direla Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak, eta bat datorrela Estatuko sektore elektrikoaren planarekin eta 2030erako Nafarroako Energia Planarekin, zeinak, betiere, izaera orientagarria baitu.

Gainerako ingurumen gaiak Ingurumeneko zuzendari nagusiaren abenduaren 1eko 1387E/2025 Ebazpenean ebaluatuta daude, zeinaren bidez hiru eguzki-instalazio fotovoltaikoen eta haren eraldaketa- eta hustuketa-azpiegituren ingurumen-inpaktuaren aldeko adierazpena egiten den.

Lurraldearekin loturiko gaiak Lurralde Antolamenduko zuzendari nagusiaren martxoaren 31ko 137E/2026 Ebazpenean ebaluatu dira. Ebazpen horren bidez, lurzoru urbanizaezinean jarduerak egiteko baimena ematen da proiekturako.

Azkenik, Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluan xedatutakoaren arabera, interes ekonomiko eta sozialen ordezkari diren elkarte eta erakundeak interes kolektibo legitimoen titular izanen dira legeak onartzen dituen baldintzetan.

4. alegazioa. Landazuria-Erriberako Ekologistak Martxan elkartea.

2025eko apirilaren 30ean, "Landazuria-Erriberako Ekologistak Martxan" elkarteak alegazioen idazkia erregistratu zuen, "Sustrai Erakuntza" fundazioak aurkeztutakoen ildo beretik (3. alegazioa). Idazkiarekin batera, energia-kontsumoa murrizteko, energia-eraginkortasuna hobetzeko, autokontsumorako eta erregai fosilak energia berriztagarriekin ordezkatzeko alternatibak iradokitzen dituen apartatu bat eta Ingurumen Erantzukizunari buruzko urriaren 23ko 26/2007 Legea aldatzea iradokitzen duen azken apartatu bat aurkeztu dituzte.

Erantzuna:

Sustrai Erakuntza fundazioari emandako erantzuna (3. alegazioa).

5. alegazioa. Ongaiz-Zangozerriko Ekologistak Martxan elkartea.

2025eko apirilaren 30ean, "Ongaiz-Zangozerriko Ekologistak Martxan" elkarteak alegazio idazkia aurkeztu zuen, "Landazuria-Erriberako Ekologistak Martxan" elkarteak aurkeztutakoaren (4. alegazioa) berdina.

Erantzuna:

"Landazuria-Erriberako Ekologistak Martxan" elkarteari (4. alegazioa) emandako erantzun bera ematen zaio.

II. ERANSKINA.–JASOTAKO TXOSTENAK

Jasotako txostenen laburpena eta analisia azalduko dira jarraian.

1. txostena eta 1 bis txostena. Ebroko Konfederazio Hidrografikoa (CHE).

2024ko urriaren 2an, Ebroko Konfederazio Hidrografikoak N/REF 2024-OI-709 txostena aurkeztu zuen lehen aldiz, eta, ondoren, 2025eko uztailaren 22an, N/REF 2025-OI-211 txostena. Bi txostenek jasotzen dute azterlanaren xede den eremuak, 3 eguzki-instalazioak eta horien hustuketa-lineak proiektatzen diren eremuak, Alhama, Ebro eta Queiles ibaien arro hidrografikoei eragiten diela, hustuketa-lineak Sasillo sakana zeharkatzen duela, eta jarduketa, oro har, "Aluvial del Ebro-Aragón: Lodosa-Tutera (ES091MSBT049)" lurrazpiko ur-masan kokatuta dagoela.

Txostenek, halaber, kontuan hartu beharreko jarraibide batzuk eta lanak egiten diren bitartean bete beharreko jarraibideak jasotzen dituzte, eta, proiektatutako jarduketa ibilguei eragiteko eremuan dagoenez, Uren Legearen Testu Bateginaren arabera (uztailaren 20ko 1/2001 Legegintzako Errege Dekretua), obrak egiteko Arroko Erakundearen administrazio-baimena beharko dela ezartzen da. Bi txostenekin batera eranskin bat bidali da, baimena eskuratzeko bete beharreko irizpide tekniko batzuekin.

Horrez gain, jakinarazten da aztergai diren eguzki-instalazioak ("El Royo", "La Galera" eta "La Muga") Corellako Ureztatzaileen Erkidegoko lursail ureztatuetan daudela, eta hori erkidegoari berari jakinarazi beharko zaio; izan ere, azalera murrizten denez, Euskadiko Nekazaritza Ekologikoko Batzordeari eskatu beharko dio haren emakidaren ezaugarriak aldatzeko.

Erantzuna:

Erakunde sustatzaileak afekzioen berri jaso du eta txostenetan ezarritakoa onartzen du.

2. txostena. Zainketa Zerbitzuko Ustiapen Atala.

2024ko urriaren 30ean, Zainketa Zerbitzuko Ustiapen Atalak txostena aurkeztu zuen, eta berretsi zuen egin beharreko jarduketek Nafarroako errepide sarearen arloan eragina dutela N-113 errepidean, NA-6810 errepidean eta AP-15 autobidean, eta, era berean, obrak egiteko baldintzak ezarri zituen, bai eta hartunea egin aurretik dagozkien baimenak izateko beharra ere, eta, horretarako, besteak beste, egin beharreko obrak behar bezala zehazten dituen dokumentazio teknikoa aurkeztu beharko da.

Erantzuna:

Erakunde sustatzaileak txostenean ezarritakoa onartzen du.

3. txostena eta 3 bis txostena. Garraioko eta Mugikortasun Jasangarriko Ministerioa.

2024ko abenduaren 4an eta 2025eko apirilaren 15ean, Garraio eta Mugikortasun Jasangarriko Ministerioak AP-68 autobidearen ustiapen ikuskapenaren aurkako txosten bana aurkeztu zuen (N/REF 2024/131 AP-68 eta N/REF 2025/041), eta adierazi zuen AP-68 eta AP-15 autobideekiko planteatutako gurutzaketa soluzioek ez luketela beteko errepideen araudian eta erregelamenduan ezarritakoa.

Txostenetan linea AP-68 autobidearekin gurutzatzeko proiektua eskatzen da, autobidearekiko erabat independentea izanen dena eta bertan ezarritako baldintzak beteko dituena.

Erantzuna:

Erakunde sustatzaileak txostenean ezarritakoa onartzen du eta proiektu hori aurkezteko konpromisoa hartzen du.

4. txostena. Baso Plangintzarako Atala.

2025eko martxoaren 24an, Baso Plangintzarako Atalak txosten bat aurkeztu zuen, proiektatutako instalazioak bertan zerrendatutako arau xedapenekin bateragarriak diren lehen balorazioarekin, eta jarduera baimentzea baldintza dezaketen eragin sektorialak jasotzen dira.

Erantzuna:

Erakunde sustatzaileak txostenaren berri izan du.

5. txostena. Herri-lurren Atala.

2025eko martxoaren 24an, Herri Lurren Atalak aldeko txostena aurkeztu zuen, non jasotzen den kokaleku horretako eguzki-instalazioek ez dietela kalterik eragiten dauden abelbideei, baina baterako hustuketa-linearen trazadurak "Ramal del Abrevadero del Ruso" izeneko abelbidearekin gainjarrita dagoela 275 metro linealetan, AP-15 autobidearen azpiko pasabidean, Tuterako udalerrian. Txostenean baldintza batzuk ezarri dira abelbidearen eraginak murrizteko.

Erantzuna:

Erakunde sustatzaileak txostenaren eta afekzioen berri izan du, eta ezarritako baldintzak betetzea onartu du.

6. txostena. Tuterako Udala.

2025eko apirilaren 10ean, Tuterako Udalak txosten bat aurkeztu zuen jakinarazteko Tuterako udalerrian Udalaren komunalekoak diren eta eragina jasoko duten lursailen kalifikazioa lurzoru urbanizaezinekoa dela, Generiko kategoriarekin, Tuterako Hiri Antolamenduko Plan Orokorrarekin bat etorriz; beraz, Udalaren baimena eta Nafarroako Gobernuaren Herri Lurren Atalaren desafektazioa izan beharko ditu.

Erantzuna:

Erakunde sustatzaileak txostenaren berri jaso du eta bertan jasotakoa onartzen du.

7. txostena. Trenbide Azpiegituren Administratzailearena (ADIF).

2025eko apirilaren 11n, ADIFek txostena aurkeztu zuen, eta adierazi zuen planteatutako obrek ADIFen baimena behar dutela, eta Trenbide Sektorearen 38/2015 Legean eta hura aplikatzeko erregelamenduan ezarritakoaren araberakoak izan behar dutela, bereziki Jabari Publikoko, Babeseko eta Eraikitzeko Muga Lerroko Eremuekiko bateragarritasunari eta mugaketari dagokienez. Horretarako, gauzatu beharreko obren edo instalazioen proiektuaren euskarri izanen den dokumentazio teknikoa aurkeztu behar da, berariazko preskripzio teknikoak eta aplikatu beharreko baldintza ekonomikoak ezarriz, baimenaren xede diren lanak edo jarduerak behar bezala egikaritzen direla bermatzeko.

Erantzuna:

Erakunde sustatzaileak txostenaren berri jaso du eta bertan jasotakoa onartzen du.

Iragarkiaren kodea: F2610983