Iragarkia

170. ALDIZKARIA - 2026ko abuztuaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

UHARTEKO ETA ESTERIBARKO UDALEN OINARRIZKO GIZARTE ZERBITZUEN MANKOMUNITATEA

Aldaketa, Autonomia eta familia atsedena sustatzeko zerbitzuaren ordenantzan (jubiloteka). Behin betiko onespena

Ordenantzaren hasierako onespenaren erabakia 2026ko 80. Nafarroako Aldizkari Ofizialean argitaratu zen, apirilaren 24an, eta jendaurreko epean inork ez du alegaziorik aurkeztu; hortaz, behin betiko onetsi eta testu osoa argitaratzen da, uztailaren 2ko 6/1990 Foru Legearen 325. artikuluan xedatuari jarraikiz (Nafarroako Toki Administrazioari buruzko Foru Legea).

Uharten, 2026ko abuztuaren 12an.–Mankomunitateko burua, María Teresa Ayarra Elia.

ALDAKETA, AUTONOMIA ETA FAMILIA ATSEDENA SUSTATZEKO ZERBITZUAREN ORDENANTZAN (JUBILOTEKA)

Oinarria

1. artikulua. Ordenantza honen xede den prezio publikoa ezarri da honako hauen babesean: Nafarroako Toki Ogasunei buruzko martxoaren 10eko 2/1995 Foru Legearen 28. artikulua eta hurrengoak.

Zerga-egitatea

2. artikulua. Zerga-egitatea da jubiloteka erabiltzea; autonomia eta familia atsedena sustatzeko zerbitzua, alegia.

Subjektu pasiboa

3. artikulua.

3.1. Prezio publiko honen subjektu pasiboak dira jubilotekaren zerbitzuaren onuradun direnak. Jubiloteka da autonomia eta familia atsedena sustatzeko zerbitzua.

3.2. Zerbitzu honen onuradunak izaten ahalko dira Uharten edo Esteribarren erroldatuta daudenak, honako baldintza hauek betetzen badituzte:

65 urtetik gorakoak, baldin eta mendekotasunik izan gabe, ahultasun zantzuak badituzte.

60 urtetik gorakoak, baldin eta desgaitasuna edo mendekotasun moderatua badute.

Salbuespen gisa, eta betiere irizpide teknikoei jarraikiz, beren autonomian dituzten mugengatik bestelako baliabide soziokulturalak erabili ezin dituzten pertsonak, baldin eta zerbitzu hau onuragarritzat jotzen bada beren garapen pertsonal eta familiarrerako.

Kudeaketa-arauak

4. artikulua. Zerbitzua eskatzea.

Jubilotekan parte hartzeko interesa dutenek Uharteko eta Esteribarko Udalen Oinarrizko Gizarte Zerbitzuen Mankomunitatean eskatu beharko dute. Horretarako Mankomunitateko bulegoetan emanen dieten eskabide-eredua bete beharko dute.

Gizarte Zerbitzuak egiaztatuko du baldintzak betetzen diren ala ez, haren egokitasuna baloratuko du eta horretarako informazio osagarria eskatzen ahalko du (osasun-etxeak emandako jubiloteka-errezeta, medikuaren txostena, desgaitasunaren ziurtagiria eta balorazio horretarako beharrezkotzat jotzen duen beste edozein agiri).

Ondoren, kontuan hartuz dauden lekuen eskuragarritasuna, eginen ditu txosten bat eta Mankomunitateko buruaren ebazpen-proposamen bat, eskaera baiesten edo ezesten dela adierazten duena.

Ematen den ebazpena interesdunari edo haren legezko ordezkariari jakinaraziko zaio, eta hartan jasoko da zerbitzua baietsi edo ezetsi zaion, edo itxaron-zerrendan sartu duten.

5. artikulua. Ordaintzeko betebeharra sortzen da zerbitzua ematea onartzen den unean, Mankomunitateko buruaren ebazpenaren bidez hartutako erabakiaren arabera.

6. artikulua. Hamabost eguneko probaldia ezarriko da Oinarrizko Gizarte Zerbitzuak baloratu dezan haren egokitasuna, jubilotekako monitoreak emandako informazioan oinarrituta.

7. artikulua. Prezio publikoa ordainduko da kargua helbideratuz eskabidean emandako kontu zenbakian. Prezio publikoa hilero ordainduko da, hila bukaturik.

Hamabost eguneko probaldia iragan eta Oinarrizko Gizarte Zerbitzuak baloratzen badu baliabide hori ez dela egokia pertsona horrentzat, hamabostaldi hori ez da kobratuko.

8. artikulua. Azkentzea:

Zerbitzua azkenduko da honako kasu hauetan:

1. Interesdunaren borondatez.

2. Probaldia ez gainditzeagatik.

3. Erabiltzailearen mendekotasun mailak ezinezko egiten badu erantzun ahal izatea haren beharrei eta taldeak dituenei, taldearen jardueren garapena eragozten duten portaerak dituelako edo taldean egokitzen ez delako.

Zerbitzuan baja emateko, Mankomunitateko bulegoetan eskuratzen ahal den eskabide-eredua bete beharko da. Hartan agertuko dira erabiltzaileari dagozkion datuak eta baja emateko arrazoiak, baita zerbitzua emateko azken eguna ere. Behar den organoak zerbitzua uzteko ebazpena emanen du, eta hartan arrazoia eta ondorioetarako data agertuko dira.

Bajaren arrazoiak bigarrena eta hirugarrena badira, ebazpena eman aurretik entzunaldia emanen zaio interesdunari.

Baja emanez gero, honela kudeatuko da tasa: baja zer hilabetetan jazotzen den, hilabete hori osorik kobratuko da.

9. artikulua. Tarifa.

Jubiloteka zerbitzua erabiltzeko tarifa eranskinean ageri da.

ARAU FISKALA, JUBILOTEKA ZERBITZUA ERABILTZEKO PREZIO PUBLIKOENA. ERANSKINA

Tarifak

Pertsona fisikoen errentaren gaineko zergaren aitorpena aurkeztuta justifikatuko da familia-unitatearen urteko errenta.

Ahalmen ekonomia zehazteko, PFEZa egitera beharturik dauden kideen azken deklarazioko edo likidazioko zati hauen batura hartuko da kontuan: zerga-oinarriaren zati orokorra (507 laukitxoa), aurrezkiaren berariazko zatiaren zerga-oinarria (8841 laukitxoa) eta errenta salbuetsiak (529 laukitxoa).

Aplikatuko den tasa kalkulatzeko, eginen da diru-sarrerak zati familia-unitatearen kideak.

Pertsona Fisikoen Errentaren gaineko Zergaren aitorpena egin beharrik ez bada, 2. paragrafoan aipatutako errenta edo diru-sarrerei buruzko zinpeko aitorpena aurkeztu beharko da, eta/edo zentroaren titularra den toki entitateak familiaren diru-sarrerak kalkulatzeko beharrezkotzat jotzen dituen agiriak.

Iragarkiaren kodea: L2611083