1. NAFARROAKO FORU KOMUNITATEA
1.7. BESTELAKOAK
210/2026 EBAZPENA, uztailaren 31koa, Vianako Printzea Erakundea-Kulturako zuzendari nagusiak emana, zeinaren bidez onesten baita Dokumentuen Ebaluaziorako Batzordeak proposatu duen ebaluazio erabakia, Tuterako Udalari baimentzeko ezaba ditzan "Premiamendu bidezko diru-bilketaren espedienteak (1984-2014)" eta "Administrazioarekiko auzi-errekurtsoen espediente judizialak (1992-2008)" dokumentu sailak.
Nafarroako Artxibo Garaikidearen Ataleko buruak egindako txostenaren bidez, zeinak Artxiboen eta Dokumentu Ondarearen Zerbitzuko zuzendariaren oniritzia baitu, Dokumentuen Ebaluaziorako Batzordearen 1.257 zenbakiko erabakia igortzen da, zeinaren bidez Tuterako Udalari baimena ematen baitzaio ezaba ditzan "Premiamendu bidezko diru-bilketaren espedienteak (1984-2014)" eta "Administrazioarekiko auzi-errekurtsoen espediente judizialak (1992-2008)" dokumentu sailak, 515 eta 795 zenbakietako erabakiei jarraikiz, hurrenez hurren.
515 zenbakiko erabakia Dokumentuen Ebaluaziorako Batzordeak onetsi zuen Vianako Printzea Erakundea-Kulturako zuzendari nagusiaren azaroaren 19ko 348/2020 Ebazpenaren bitartez, haren bidez onesten baitira Dokumentuen Ebaluaziorako Batzordeak, 2020ko urriaren 8an horretarako bilera eginda, proposatutako ebaluazio erabakiak. (2020ko 287. Nafarroako Aldizkari Ofiziala, abenduaren 14koa).
795 zenbakiko erabakia Dokumentuen Ebaluaziorako Batzordeak onetsi zuen, Vianako Printzea Erakundea-Kulturako zuzendari nagusiaren apirilaren 26ko 89/2023 Ebazpenaren bitartez, haren bidez onesten baitira Dokumentuen Ebaluaziorako Batzordeak proposatutako ebaluazio erabakiak, toki entitateen sail espezifikoen gainekoak eta Nafarroako administrazio publiko guztietarako komunak diren beste batzuen gainekoak. (2023ko 126. Nafarroako Aldizkari Ofiziala, ekainaren 15ekoa).
Horrenbestez, Kultura, Kirol eta Turismo Departamentuaren egitura organikoa onesten duen azaroaren 15eko 256/2023 Foru Dekretuak ematen dizkidan eskudantziak erabiliz,
EBAZTEN DUT:
1. Onestea Dokumentuen Ebaluaziorako Batzordeak proposatu duen ebaluazio erabakia, 1.257 zenbakikoa, Tuterako Udalari baimentzeko ezaba ditzan "Premiamendu bidezko diru-bilketaren espedienteak (1984-2014)" eta "Administrazioarekiko auzi-errekurtsoen espediente judizialak (1992-2008)" dokumentu sailak, Vianako Printzea Erakundea-Kulturako zuzendari nagusiaren azaroaren 19ko 348/2020 Ebazpenaren bitartez (2020ko 287. Nafarroako Aldizkari Ofiziala, abenduaren 14koa) eta apirilaren 26ko 89/2023 Ebazpenaren bidez (2023ko 126. Nafarroako Aldizkari Ofiziala, ekainaren 15ekoa), hurrenez hurren, onetsitako 515 eta 795 zenbakietako erabakiei jarraikiz. Ebazpen horien bidez onesten dira Dokumentuen Ebaluaziorako Batzordeak proposatutako ebaluazio erabakiak, toki entitateen sail espezifikoen gainekoak eta Nafarroako administrazio publiko guztietarako komunak diren beste batzuen gainekoak, hurrenez hurren.
2. Erabakiaren testua argitaratzea Nafarroako Aldizkari Ofizialean.
3. Ebazpen hau igortzea Kultura, Kirol eta Turismo Departamentuko Idazkaritza Tekniko Nagusira eta Kultura, Kirol eta Turismo Departamentuko Artxiboen eta Dokumentu Ondarearen Zerbitzura, eta Tuterako Udalera, behar diren ondorioak izan ditzan.
Iruñean, 2026ko uztailaren 31n.–Vianako Printzea Erakundea-Kulturako zuzendari nagusia, Ignacio Apezteguía Morentin.
Iragarkiaren kodea: F2610654
