1. NAFARROAKO FORU KOMUNITATEA
1.7. BESTELAKOAK
314E/2026 EBAZPENA, uztailaren 22koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Buñuelgo udal mugartean animaliak elikatzeko produktuak fabrikatzen dituen instalazio baten ingurumen-baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Liverco SL da.
Espediente mota | Ingurumen-baimen integratuaren baldintzak aldatzea |
Espedientearen kodea | 0001-0121-2026-000022 | Hasiera eguna | 2026-05-14 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 9.1.b)ii) |
2010/75/EB Zuzentaraua, azaroaren 24koa | I. eranskina / 6.4.b)ii) |
21/2013 Legea, abenduaren 9koa | Sartu gabeko zentroa |
Instalazioa | Animaliak elikatzeko produktuen fabrikazioa |
Titularra | Liverco SL |
Ingurumen identifikaziorako zenbakia | 3105700753 |
Tokia | Geltokiko etorb. z.g.; 3. poligonoko 627., 628., 629. eta 631. lurzatiak |
Koordenatuak | UTM-ETRS89, 30N eremua, X: 627.243 eta Y: 4.648.574 |
Udalerria | Buñuel |
Proiektua | Instalazioan sortutako beste hondakin bat sartzea zerrendan, 020104 EHZ kodea duena |
Instalazio horrek ingurumen-baimen integratua du, Ingurumeneko eta Lurralde Antolamenduko zuzendari nagusiaren maiatzaren 24ko 245E/2017 Ebazpenaren bidez emana, ondoren uztailaren 15eko 691E/2022 Ebazpenaren bidez aldatua, eta ondoren berrikusia, Ekonomia Zirkularraren eta Berrikuntzaren Zerbitzuko zuzendariaren ekainaren 3ko 223E/2024 Ebazpenaren bidez.
2026ko maiatzaren 14an, titularrak eskatu zuen bere ingurumen-baimen integratuan ezarritako baldintzak aldatzeko, zehazki, ingurumen-baimen integratuaren III. eranskinean, instalazioan sortutako hondakinen zerrendan, beste hondakin mota bat sartzeko, 020104 EHZ kodea duena, siloratzearen plastiko hondakinei dagokiena.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Buñuelgo udal mugartean animaliak elikatzeko produktuak fabrikatzen dituen instalazio baten ingurumen-baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Liverco SL da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honen aurka, ez baitu administrazio bidea amaitzen, interesdunek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau Liverco SLri eta Buñuelgo Udalari igortzea, behar diren ondorioak izan ditzan.
Iruñean, 2026ko uztailaren 22an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Klima Aldaketaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2610351
