Iragarkia

143. ALDIZKARIA - 2026ko uztailaren 23a

1. NAFARROAKO FORU KOMUNITATEA

1.7. BESTELAKOAK

187/2026 EBAZPENA, uztailaren 3koa, Vianako Printzea Erakundea-Kulturako zuzendari nagusiak emana, zeinaren bidez interes sozialeko deklaratzen baitira kultur proiektu, jarduera eta ereduko programa batzuk, bat etorriz maiatzaren 24ko 2/2023 Legegintzako Foru Dekretuan xedatutakoarekin, haren bidez onetsi baitzen fundazioen eta irabazi asmorik gabeko hainbat entitateren zerga araubide berezia eta mezenasgoaren zerga-pizgarriak arautzen dituzten xedapenen testu bategina.

2026ko maiatzaren 1etik 31ra arte, honako pertsona eta entitate hauek eskaera aurkeztu zuten kultur proiektuak edo jarduerak edo ereduko programak interes sozialeko deklaratzeko:

Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 12. artikuluan aurreikusitako jarduketak egin ondoren, Mezenasgo Batzordeak eskaera hauek eta dagokien dokumentazioa igorri zizkion Nafarroako Kulturaren eta Arteen Kontseiluari, ebaluazioa egin zezan.

Eskaerak ebaluatu ondoren, Nafarroako Kulturaren eta Arteen Kontseiluak, 2026ko uztailaren 2an, proposamena bidali dio Vianako Printzea Erakundea-Kulturako zuzendari nagusiari, interes sozialeko deklara ditzan I. eta II. eranskinetan ageri diren proiektuak, jarduerak eta ereduko programak, izaera kulturala dutela iritzita, bat etorriz maiatzaren 24ko 2/2023 Legegintzako Foru Dekretuaren 26. artikuluan xedatutakoarekin (legegintzako foru dekretu horren bidez onesten da fundazioen eta irabazi-asmorik gabeko hainbat entitateren zerga araubide berezia eta mezenasgoaren zerga-pizgarriak arautzen dituzten xedapenen testu bategina). Gainera, lege testu horren beraren 28.2 artikuluan aurreikusitako irizpideak aplikatuta, interes sozialeko deklaratzea merezi dute. Ereduko programetarako eskaerei dagokienez erabaki da, interes sozialeko deklaratzea aurrenekoz eskatu duten entitateen kasuan, deklarazioa urtebeterako emanen dela; gainerakoetan, deklarazioaren gehieneko iraupena hiru urtekoa izanen da, ereduko programen jarraitutasunaren balorazio egokia egin ahal izateko.

Leireko monasterioko Solesmesko beneditarren kongregazioak aurkeztutako ereduko programa interes sozialeko deklaratzeko proposamenari dagokionez, kontuan hartuta azalpen memorian dagoen deskribapen maila, erabaki da ez dela egokia ereduko programaren deklarazioa ematea proiektuari, bai ordea interes sozialeko deklarazioa, urtebeteko iraupenarekin (III. eranskina).

Lodosa por el Toro elkarteak aurkeztutako interes sozialeko deklaraziorako eskaeraz, "Toro con soga de Lodosa" eta "Asociación Cultural Aficionados Toro con soga de Lodosa" izenekoaz, erabaki da oraingoz egokia dela proiektu horien interes sozialeko deklarazioa ematea urtebeterako, baina proiektuetan ondare immateriala sustatu eta zabaltzeko jaso diren jardueretarako soilik, deklarazioak eragin gabe eskaeran ageri diren gainerako jarduerei (IV. eranskina).

Beraz, maiatzaren 24ko 2/2023 Legegintzako Foru Dekretuan xedatutakoarekin bat, haren bidez onesten baita fundazioen eta irabazi asmorik gabeko hainbat entitateren zerga araubide berezia eta mezenasgoaren zerga-pizgarriak arautzen dituzten xedapenen testu bategina, eta Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduan xedatutakoarekin bat,

EBAZTEN DUT:

1. Ebazpen honen I. eranskinean ageri diren kultur proiektuak eta jarduerak interes sozialeko deklaratzea.

2. Ebazpen honen II. eranskinean azaltzen diren kultur proiektuen eta jardueren ereduko programak interes sozialeko deklaratzea.

3. Ebazpen honen III. eranskinean ageri diren kultur proiektuak eta jarduerak interes sozialeko deklaratzea, eta ez ematea ereduko programaren izaera.

4. Proiektuak eta jarduerak gauzatzen diren bitartean bakarrik izanen du indarra interes sozialaren deklarazioak.

5. Interes sozialeko deklaratutako proiektuak eta jarduerak dituzten pertsona edo entitateak Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 22. artikuluak ezartzen dituen betebeharrei daude loturik, bai kultur proiektuari edo jarduerari edo ereduko programari dagokionez, bai zerga administrazioari dagokionez.

6. Kultur proiektua edo jarduera interes sozialeko deklaratuta ere, onuradunek berdin-berdin eskuratu beharko dituzte hura gauzatzeko lizentzia, baimen edo komunikazioak, horiek ematea, zeinek bere eskumenen esparruan, beste erakunde batzuei dagokienean.

7. Interes sozialeko deklaratzen diren kultur proiektuak eta jarduerak Nafarroako Gobernuaren Atarian argitaratuko dira, bat etorriz Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 25. artikuluan ezarritakoarekin.

8. Pertsona eta entitate onuradunek "Mecna zigilua" anagrama erabiltzen ahalko dute beren komunikazio, aurkezpen, argitalpen eta dokumentuetan, baldin eta zerikusia badute interes sozialeko deklaraturik dauden kultur proiektuekin eta jarduerekin edo ereduko programekin.

9. Ebazpen hau igortzea, behar diren ondorioak izan ditzan, Idazkaritza Tekniko Nagusira, Nafarroako Zerga Ogasunera eta Kultur Mezenasgoaren Batzordera.

10. Ebazpen hau Nafarroako Aldizkari Ofizialean argitaratzea.

Iruñean, 2026ko uztailaren 3an.–Vianako Printzea Erakundea-Kulturako zuzendari nagusia, Ignacio Apezteguía Morentin.

I. eranskina.–Kultur jarduerak eta proiektuak

II. eranskina.–Kultur proiektuen eta jardueren ereduko programak

III. eranskina.–Kultur proiektu eta jarduerak

IV. eranskina.–Kultur jarduerak eta proiektuak

Iragarkiaren kodea: F2609790