1. NAFARROAKO FORU KOMUNITATEA
1.7. BESTELAKOAK
287E/2026 EBAZPENA, ekainaren 29koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Galarko udal mugartean automobilgintzarako balazta-osagaiak diseinatu, garatu eta fabrikatzeko dagoen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Frenos Iruña SAL da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2026-000025 | Hasiera eguna | 2026-04-14 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 11.2 taldea |
1/2016 Legegintzako Errege Dekretua, abenduaren 16koa | I. eranskina / Sartu gabeko zentroa |
2010/75/EB Zuzentaraua, azaroaren 24koa | I. eranskina / Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Automobilgintzarako balazta-osagaiak diseinatu, garatu eta fabrikatzea |
Titularra | Frenos Iruña SAL |
Ingurumen identifikaziorako zenbakia | 3110900042 |
Tokia | Eskualdeko II. industrialdea, E kalea 9, 3. poligonoa, 129. lurzatia, Barbatain |
Koordenatuak | UTM-ETRS89, 30N eremua, X: 609.325 eta Y: 4.735.725 |
Udalerria | Galar |
Proiektua | Instalazioan sortutako hondakin arriskutsuen zerrenda eguneratzea |
Egun abian den instalazio horrek ingurumen baimen bateratua du, Ingurumeneko zuzendari nagusiaren 289E/2023 Ebazpenaren bidez emana, eta sarturik dago Ingurumenean Eragina duten Jarduerak arautzen dituen abenduaren 16ko 17/2020 Foru Legearen 1. eranskineko 11.2 taldean.
2026ko apirilaren 14an, titularrak eskatu zuen bere ingurumen baimen bateratuan ezarritako baldintzak aldatzea, zehazki, ingurumen baimen bateratuaren III. eranskinean, instalazioan sortzen diren hondakinen zerrendan, hondakin mota berri batzuk sartzea, 160107*, 160205* eta 120112* EHZ kodeak dituztenak.
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | AZALPENA | BALORAZIOA |
16 01 07* | Olio iragazkiak | Onartzen da instalazioan sortzen diren hondakinen zerrendan sartzea. |
13 02 05* | Pieza oliotsuak disolbatzailearekin garbitzea | Onartzen da instalazioan sortzen diren hondakinen zerrendan sartzea, olio ez-kloratuetarako, baldin eta olio-edukia disolbatzailearena baino handiagoa bada; bestela, 140603* EHZ kodea eskatu beharko da. |
12 01 12* | Olio-gordailuen garbiketako lohiak | Hondakinaren deskribapena ez dator bat eskatutako EHZ kodearekin, eta, beraz, ez da onartzen zerrendan sartzea. Kasu honetan, egokia da jadanik baimenduta dagoen 130503* EHZ kodea. |
15 01 01 | Kartoizko ontziak | Onartzen da instalazioan sortzen diren hondakinen zerrendan sartzea. |
15 01 02 | Plastikozko ontziak | Onartzen da instalazioan sortzen diren hondakinen zerrendan sartzea. |
15 01 03 | Zurezko ontziak | Onartzen da instalazioan sortzen diren hondakinen zerrendan sartzea. |
17 04 02 | Aluminio-txirbila | Ez da onartzen sartzea, eskatutako hondakin mota 120103 EHZ kodeari baitagokio, zeina dagoeneko jasota baitago baimenean. |
17 04 05 | Burdinazko eta altzairuzko txirbila | Ez da onartzen sartzea, eskatutako hondakin mota 120101 EHZ kodeari baitagokio, zeina dagoeneko jasota baitago baimenean. |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen bateratuan ezarritako gehieneko isurketa balioekin eta gainerako eskakizunekin, bai eta teknika erabilgarri onenen aplikazioarekin ere.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Partez onartzea Galarko udal mugartean automobilgintzarako balazta-osagaiak diseinatu, garatu eta fabrikatzeko dagoen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Frenos Iruña SAL da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honen aurka, ez baitu administrazio bidea amaitzen, interesdunek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau Frenos Iruña SALi igortzea, behar diren ondorioak izan ditzan.
Iruñean, 2026ko ekainaren 29an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2609407
