Iragarkia

143. ALDIZKARIA - 2026ko uztailaren 23a

1. NAFARROAKO FORU KOMUNITATEA

1.7. BESTELAKOAK

275E/2026 EBAZPENA, ekainaren 29koa, Ekonomia Zirkularraren eta Berrikuntzaren Zerbitzuko zuzendariak emana, aldatzen duena Ekonomia Zirkularraren eta Berrikuntzaren Zerbitzuko zuzendariaren urtarrilaren 14ko 17E/2025 Ebazpena, zeinaren bidez ingurumen baimen bateratua eman baitzitzaion Garbi Lanak SLk Arakilgo udal mugartean duen instalazio bati, ebazpen horretan atzemandako akatsa zuzentzearren.

Instalazio horrek ingurumen baimen bateratua du, Ekonomia Zirkularraren eta Berrikuntzaren Zerbitzuko zuzendariaren urtarrilaren 14ko 17E/2015 Ebazpenaren bidez emana.

Ebazpen horretan akats bat atzeman da eta zuzendu beharra dago.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera, administrazio publikoek, ofizioz edo interesdunek eskatuta, edozein unetan zuzentzen ahal dituzte beren egintzetako akats materialak, egitatezkoak edo aritmetikoak.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125. artikuluak ezartzen duenaren arabera, administrazio egintzetan eta xedapenetan egiten diren akats material, aritmetiko edo egitatezkoak zuzentzea kasuan kasuko egintza edo xedapena eman duen organoari dagokio. Orobat, akats zuzenketan aipatu beharko dira zuzenketaren ondorio juridikoak eta, jakinarazi edo argitaratu diren egintzak direnean, nahitaez jakinarazi edo argitaratu beharko da zuzenketa.

Ebazpen proposamena hamabost egunez egon da instalazioaren titularrari entzunaldia emateko tramitean, eta hark ez du proposamenaren aurkako alegaziorik aurkeztu.

Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,

EBAZTEN DUT:

Lehena.–Aldatzea Ekonomia Zirkularraren eta Berrikuntzaren Zerbitzuko zuzendariaren urtarrilaren 14ko 17E/2025 Ebazpena, zeinaren bidez ingurumen baimen bateratua eman baitzitzaion Garbi Lanak SLk Arakilgo udal mugartean duen instalazio bati, ebazpen horretan atzemandako akatsa zuzentzearren. Hauxe da zuzenketa:

Ekonomia Zirkularraren eta Berrikuntzaren Zerbitzuko zuzendariaren urtarrilaren 14ko 17E/2025 Ebazpenaren bigarren puntuan, bidezkoa da zuzenketa hau egitea:

Honako hau dioen tokian:

"...15G05025090322023 erregistro-zenbakiarekin, hondakin arriskutsuen kudeatzaile gisa (bilketarako biltegi gisa)."

Honako hau behar du:

"...15G02025090322026 erregistro-zenbakiarekin, hondakin arriskutsuen kudeatzaile gisa (bilketarako biltegi gisa)."

Bigarrena.–Ebazpen hau Nafarroako Aldizkari Ofizialean argitaratzea.

Hirugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren kontra, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.

Laugarrena.–Ebazpen hau Garbi Lanak SLri eta Arakilgo Udalari igortzea, behar diren ondorioak izan ditzan.

Iruñean, 2026ko ekainaren 29an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.

Iragarkiaren kodea: F2609395