1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
1.2.2. Oposizioak eta lehiaketak. Lan publikoaren eskaintza
ERABAKIA, Nafarroako Gobernuak 2026ko uztailaren 1ean hartua, zeinaren bidez artxibatzen baitira Elortzibarko Jarduera Ekonomikoen Eremurako udalez gaindiko plan sektoriala egiteko jarduketak.
2004ko uztailaren 13an, Navarra de Suelo Industrial SAk (NASUVINSA) Elortzibarko Jarduera Ekonomikoen Eremurako plana aurkeztu zuen, udalez gaindiko plan sektorial deklaratzeko.
2006ko martxoaren 6an, Nafarroako Gobernuak Elortzibarko Jarduera Ekonomikoen Eremurako plana udalez gaindiko plan sektorial deklaratu zuen. Nafarroako Gobernuko Industria eta Teknologia, Merkataritza eta Lan Departamentuak sustatu zuen, NASUVINSAren bitartez (2006ko 32. Nafarroako Aldizkari Ofiziala, martxoaren 15ekoa).
Horretarako ezarritako jendaurreko informazioaren eta entzunaldiaren tramiteetan, Noain Elortzibarko Udalak, Zabalegiko Kontzejuak, Asociación Española de Empresas de la Carne elkarteak eta Román eta Javier Lezáun Burguik alegazioak aurkeztu zituzten.
Era berean, espedientean daude honako hauek egindako txostenak: Ingurumenaren Integrazioko Zerbitzuarena (2005eko martxoaren 30ekoa), Babes Zibilerako Zuzendaritzarena (2007ko urriaren 23koa), Ondasun Higigarrien eta Arkeologiaren Atalarena (2004ko urriaren 19koa) eta Iruñerriko Mankomunitatearenak (2005eko maiatzaren 14koa eta apirilaren 14koa).
2026ko otsailaren 11n, Navarra de Suelo y Vivienda SAUk (NASUVINSA) eskabide bat aurkeztu zuen, non azaltzen baitu ezen, plan sektorial horren sustatzaile den aldetik, denbora luzea iragan denez tramitera aurkeztu zenetik, proiektuak indarra galdu duela eta beste planteamendu bat eginen dela tramiteaz edo proiektuaren beraren irismenaz. Horrenbestez, Administrazio Publikoen Administrazio Prozedura Erkideari buruzko urriaren 1eko 39/2015 Legearen 94. artikuluaren babesean eta etorkizunean esparru horretan jarduketa bati berriz heltzeko aukera baztertu gabe, hirigintza espediente hori sustatzen jarraitzean atzera egiten du eta eskatzen du haren kudeatzaileak amaitutzat eman dezala.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 21. eta 84. artikuluekin bat, bidezkoa da erabat onartzea espedientearen sustapenean atzera egitea eta hasitako administrazio prozedura amaitzea.
Horrenbestez, Nafarroako Gobernuak, Lurralde Kohesiorako kontseilariak proposaturik,
ERABAKITZEN DU:
1. Artxibatzea Elortzibarko Jarduera Ekonomikoen Eremurako udalez gaindiko plan sektoriala egiteko jarduketak.
2. Erabaki hau Nafarroako Aldizkari Ofizialean argitaratzea, orok jakin dezan, eta igortzea, behar diren ondorioak izan ditzan, Biodibertsitatearen eta Arrantza Kudeaketaren Zerbitzura, Larrialdietako, Prebentzioko eta Babes Zibileko Zerbitzura, Ondasun Higigarrien eta Arkeologiaren Atalera, Iruñerriko Mankomunitatera, Noain Elortzibarko Udalera, Zabalegiko Kontzejura, Asociación Española de Empresas de la Carne elkartera, Román eta Javier Lezáun Burguiri eta Nasuvinsara.
3. Adieraztea erabaki honek administrazio bidea amaitzen duela, eta haren aurka administrazioarekiko auzi-errekurtsoa jartzen ahalko dela, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean, argitaratu eta biharamunetik hasita.
Dena dela, administrazio publikoek aurretiazko errekerimendua egiten ahalko dute, Nafarroako Gobernuari zuzendua, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2026ko uztailaren 1ean.–Nafarroako Gobernuko kontseilari-idazkaria, Javier Remírez Apesteguía.
F2609489
Iragarkiaren kodea:
