2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GIRGILLAO
2026rako tasak, prezio publikoak eta zerga-tasak. Hasierako onespena
Girgillaoko Udalak, 2025eko abenduaren 19an egin ohiko osoko bilkuran, onetsi zituen 2026tik aurrera indarrean izanen diren tasak, prezio publikoak eta zerga-tasak.
Espedientea jendaurrean egonen da hogeita hamar egun baliodunean, iragarkia Nafarroako Aldizkari Ofizialean argitaratu eta biharamunetik hasita, eta iragarki-taulan ere paratuko da, interesdunek espedientea azter dezaten, eta aurkez ditzaten erreklamazioak, kexak edo oharrak. Hori dena, bat etorriz uztailaren 2ko 6/1990 Foru Legearen 325. artikuluarekin (Nafarroako Toki Administrazioari buruzko Foru Legea).
Jendaurrean egoteko epea iraganik inork ez badu aurkeztu erreklamaziorik, kexarik nahiz oharrik, hasiera batez onesteko erabakia behin betikoa bilakatuko da, eta Nafarroako Aldizkari Ofizialean argitaratuko da behin betiko testua.
Etxarren Girgillaon, 2025eko abenduaren 19an.–Alkatea, Gonzalo Parreño Oroz.
Iragarkiaren kodea: L2517112
