1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1486E/2026 EBAZPENA, ekainaren 26koa, Osasunbidea-Nafarroako Osasun Zerbitzuko zuzendari kudeatzaileak emana, zeinaren bidez aldatzen baita deialdi honen testua: deialdia, batetik, Osasun Departamentuaren erakunde autonomoetako laneko erizaintzako erizain espezialisten 6 plaza oposizio-lehiaketa bidez betetzeko, eta, bestetik, hautaproben bitartez, izangaien zerrendak osatzeko, horrelako lanpostuan jardun dezaten, bai aldi baterako kontratazio bidez, bai aldi baterako barne igoeraren bidez (deialdia onetsi zen ekainaren 4ko 1224E/2026 Ebazpenaren bidez, eta 2026ko 124. Nafarroako Aldizkari Ofizialean argitaratu zen, ekainaren 26koan).
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBAZTEN DUT:
1. Aldatzea deialdi honen testua: deialdia, Osasun Departamentuaren erakunde autonomoetako laneko erizaintzako erizain espezialisten 6 plaza oposizio-lehiaketa bidez betetzeko (deialdia onetsi zen 1224E/2026 Ebazpenaren bidez). Honela aldatzen da:
Hau dioen tokian:
"8. gaia.–664/1997 Errege Dekretua, maiatzaren 12koa, lan egitean langileak agente biologikoekiko esposizioarekin lotutako arriskuetatik babesteari buruzkoa. Agente biologikoekiko esposizioarekin lotutako arriskuak ebaluatzeko eta prebenitzeko gida teknikoa-2014. urtea".
"12. gaia.–487/1997 Errege Dekretua, apirilaren 14koa, kargak eskuz maneiatzeak langileei bereziki bizkarraldean eta gerrialdean ekartzen ahal dizkien arriskuei buruzko gutxieneko segurtasun eta osasun xedapenak ezartzen dituena. Kargak eskuz maneiatzeak ekartzen ahal dituen arriskuak ebaluatzeko eta prebenitzeko gida teknikoa-2009. urtea".
Honela behar du:
"8. gaia.–664/1997 Errege Dekretua, maiatzaren 12koa, lan egitean langileak agente biologikoekiko esposizioarekin lotutako arriskuetatik babesteari buruzkoa. Agente biologikoekiko esposizioarekin lotutako arriskuak ebaluatzeko eta prebenitzeko gida teknikoa-2024. urtea".
"12. gaia.–487/1997 Errege Dekretua, apirilaren 14koa, kargak eskuz maneiatzeak langileei bereziki bizkarraldean eta gerrialdean ekartzen ahal dizkien arriskuei buruzko gutxieneko segurtasun eta osasun xedapenak ezartzen dituena. Kargak eskuz maneiatzeak ekartzen ahal dituen arriskuak ebaluatzeko eta prebenitzeko gida teknikoa-2024. urtea".
2. Ebazpen hau Nafarroako Aldizkari Ofizialean argitara dadila agintzea.
3. Foru agindu honen aurka, ez baitu administrazio bidea amaitzen, gora jotzeko errekurtsoa jar daiteke, Osasuneko kontseilariari zuzendua, hilabeteko epean, hura argitaratu edo jakinarazi eta biharamunetik hasita, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1 c) artikuluan xedatutakoarekin, eta aintzat hartuz Barneko, Funtzio Publikoko eta Justiziako kontseilariaren urtarrilaren 12ko 7/2026 Foru Aginduaren bidez eskuordetzan emandako eskumenak.
Iruñean, 2026ko ekainaren 26an.–Osasunbidea-Nafarroako Osasun Zerbitzuko zuzendari kudeatzailea. Zuzendari kudeatzailea ez dagoenez, Osasunbidea-Nafarroako Osasun Zerbitzuko Eriari Osasun Laguntza emateko zuzendaria, Nancy Nelly Gonzalo Herrera (irailaren 3ko 171/2015 Foru Dekretua).
Iragarkiaren kodea: F2609334
