1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1453E/2026 EBAZPENA, ekainaren 24koa, Osasunbidea-Nafarroako Osasun Zerbitzuko zuzendari kudeatzaileak emana, kargutik kentzen duena Luis Miranda Orella jauna, Nafarroako Ospitale Unibertsitarioko Erradiologiako Laguntza Unitateko burua, berak eskatu baitu.
Osasunbidea-Nafarroako Osasun Zerbitzuko zuzendari kudeatzaileak maiatzaren 24an emandako 1383E/2024 Ebazpenaren bidez, Luis Miranda Orella jauna izendatu zen Nafarroako Ospitale Unibertsitarioko Erradiologiako Laguntza Zerbitzuko buru, 6 urterako, 2024ko uztailaren 1etik aurrerako ondorioekin.
Luis Miranda Orella jaunak jakinarazi du uko eginen diola aipatu izendapenari, Nafarroako Ospitale Unibertsitarioko Erradiologiako Arlo Klinikoko zuzendari izateko proposatu baitute.
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBAZTEN DUT:
1. Kargutik kentzea, berak hala eskatuta, Luis Miranda Orella jauna, Nafarroako Ospitale Unibertsitarioko Erradiologiako Laguntza Zerbitzuko burua. Kargu-uzteak 2026ko ekainaren 30ean izanen ditu ondorioak.
2. Ebazpen hau Luis Miranda Orella jaunari jakinaraztea, eta igortzea, behar diren ondorioak izan ditzan Osasunbidea-Nafarroako Osasun Zerbitzuko Nafarroako Ospitale Unibertsitarioko Profesionalen Zuzendaritzara, Langileriaren Prozesu eta Ebaluazio Zerbitzura eta Ordainsari eta Prestazioen Zerbitzura.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2026ko ekainaren 24an.–Zuzendari kudeatzailea ez dagoenez, Osasunbidea-Nafarroako Osasun Zerbitzuko Eriari Osasun Laguntza emateko zuzendaria, Nancy Nelly Gonzalo Herrera (irailaren 3ko 171/2015 Foru Dekretua).
Iragarkiaren kodea: F2609326
