1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
106/2026 EBAZPENA, maiatzaren 27koa, Ekonomia Sozialeko eta Laneko zuzendari nagusiak emana, erabakitzen duena Nafarroako gizarte ekintza eta esku-hartzearen sektoreko hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.
Aztertu da Nafarroako gizarte ekintza eta esku-hartzearen sektoreko hitzarmen kolektiboko soldatak 2026. urterako berrikusteari buruzko akordioaren testua (hitzarmenaren kode zenbakia: 31101815012021), erregistro honetan 2026ko maiatzaren 6an sartu dena, enpresaren eta sindikatuen ordezkariek 2026ko apirilaren 27an sinatu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola amaiera ematen administrazio bideari, eta, haren aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.
Iruñean, 2026ko maiatzaren 27an.–Ekonomia Sozialeko eta Laneko zuzendari nagusia, Iñaki Mendióroz Casallo.
NAFARROAKO GIZARTE ESKU-HARTZEAREN SEKTOREKO II. HITZARMENAREN BATZORDE PARITARIOA
ACTA DE REUNIÓN / BILERA-AKTA
N.º de Acta: Akta-zk.: | Fecha: Data: | Lugar: Lekua: | Hora de inicio: Hasiera ordua: | Hora de finalización: Amaiera ordua: |
II / 3 | 2026-4-27 | Lan Auzitegia | 11:30 | 11:45 |
Acta / Akta: | Alvaro Garcia Merino |
Asistentes (nombre completo y organización): Parte-hartzaileak (Izen-abizenak eta erakundea): | –ANEIS (Esku-hartze Sozialeko Entitateen Nafarroako Elkartea): Alvaro Garcia Merino, Ioseba Guillermo, Mentxu Autor Tejada, Javier Esteban Lopez, Itxaso Troyas. –LAB: Maitane Erro Cinca, Sara Legarda Egea, Aitor Baztarrika Irigoyen, Iñaki Antolin –CCOO: Tania Alice Buckingham Villegas, Melquiades Luengo |
Orden del día: Gai-zerrenda: | 1. 2026KO SOLDATA-TAULAK ONESTEA (AURRERAERAGINA) |
TEMAS TRATADOS / CONCLUSIONES: / LANDUTAKO GAIAK / ONDORIAK:
AURRERAERAGINA DUTEN 2026KO SOLDATA-TAULAK ONESTEA
II. hitzarmen sektorialaren bigarren xedapen gehigarriaren 1. atalean jasotako aurreikuspenarekin bat etorriz, AHO BATEZ erabaki da 2026ko soldata-taulak (AURRERAERAGINA) honela eguneratzea, eta lan-agintaritzari helaraztea, erregistra dezan eta dagokion aldizkari ofizialean argitara dezan.
| 2026ko
TAULA |
Oinarrizko soldata (urteko gordina) (12 paga + aparteko 2 paga) | 1. TALDEA | 29.808,39 |
2. TALDEA | 27.992,68 |
3. TALDEA | 25.306,09 |
4. TALDEA | 23.121,83 |
Antzinatasuna (hilabeteko) (2010-01-01etik aurrera sortua) (12 paga+ aparteko 2 paga) | 44,00 |
Gaueko lanaren plusa (urteko gordina) (12 paga + aparteko 2 paga) | 2.200,68 |
Txanda-plusa (urteko gordina) (12 paga + aparteko 2 paga) | 2.200,68 |
Larunbat, igande eta/edo jaiegunetako plusa (benetako ordu bakoitzeko) | 3,67 |
Jaiegun bereziengatiko plusa (benetako ordu bakoitzeko) | 5,99 |
ERANTZUKIZUNEKO ETA LANPOSTUKO OSAGARRI FUNTZIONALAK |
Arloko zuzendaritzaren osagarria (urteko gordina) (12 paga + aparteko 2 paga) | 13.448,62 |
Zerbitzuko zuzendaritzaren osagarria (urteko gordina) (12 paga + aparteko 2 paga) | 12.016,62 |
1. koordinazio-osagarria (urteko gordina) (12 paga + aparteko 2 paga) | 7.836,93 |
2. koordinazio-osagarria (urteko gordina) (12 paga + aparteko 2 paga) | 5.501,71 |
Arduradunaren osagarria (urteko gordina) (12 paga + aparteko 2 paga) | 3.667,81 |
Psikologo-terapeutaren osagarria (urteko gordina) (12 paga + aparteko 2 paga) | 2.040,00 |
Adingabeen egoitza-zentroetan familian esku hartzeko osagarria (urteko gordina) (12 paga + aparteko 2 paga) | 1.530,00 |
Irakaskuntzaren osagarria (1. xedapen gehigarria) (urteko gordina) (12 paga+ aparteko 2 paga) | 2.529,60 |
AHO BATEZ erabaki da NEREA ARTAZKOTZ DOMINGUEZi (LAB) baimena ematea akordio hau lan-agintaritza eskudunaren aurrean erregistra dezan, ondoren Nafarroako Aldizkari Ofizialean argitaratzeko.
Iragarkiaren kodea: F2607845
