1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1332/2026 EBAZPENA, 2026ko ekainaren 15ekoa, Nafarroako Unibertsitate Publikoko Ikerketako errektoreordeak emana. Haren bidez, ikertzaileak lan araubidean kontratatzeko hautaketa-prozesurako deia egiten da, honako ikerketa-proiektu hau garatzeko: "101104957 - LIFE22-IPC-ES-LIFE PYRENEES4CLIMA".
2026ko ekainaren 12an, Ikerketa Zerbitzuak ikertzaileak kontratatzeko hautaketa-prozesu baterako deia egiteko eskatu zuen, jarduera zientifiko-teknikoen kontratu bidez "101104957 - LIFE22-IPC-ES-LIFE PYRENEES4CLIMA" ikerketa-proiektua garatzeko proiektuko lankide gisa. Ikerketa-proiektuaren ikertzaile arduraduna Rosa María Canals Tresserras da, unibertsitateko katedraduna, Agronomia, Bioteknologia eta Elikadura Sailari atxikia.
Aintzat harturik Giza Baliabideen Zerbitzuko zuzendariaren txosten-proposamena.
Nafarroako Unibertsitate Publikoko errektoreak errektoretza-taldearen egitura orokorra onetsi eta haren funtzioak zehazteko 2023ko ekainaren 20an eman zuen 1306/2023 Ebazpenaren bidez eskuordetu dizkidan eskumenak erabiliz,
EBAZTEN DUT:
Lehenbizikoa.–Onestea ikertzaileak lan araubidean kontratatzeko hautaketa-prozesurako deialdia, baita deialdiaren oinarriak ere, ikerketa-proiektu hau garatzeko: "101104957 - LIFE22-IPC-ES-LIFE PYRENEES4CLIMA".
Bigarrena.–Ebazpen hau Hautaketa Batzordeko kideei eta Ikerketa Zerbitzuari aditzera ematea.
Hirugarrena.–Agindua ematea ebazpen hau Unibertsitatearen iragarki ohol elektroniko ofizialean eta Nafarroako Aldizkari Ofizialean argitaratu dadin.
Iruñean, 2026ko ekainaren 15ean.–Martín Larraza Quintana, Ikerketako errektoreordea.
I. ERANSKINA. HAUTAKETA-PROZESURAKO DEIALDIAREN OINARRIAK, IKERTZAILEAK LAN ARAUBIDEAN KONTRATATZEKO IKERKETA-PROIEKTU HAU GARATZEKO: "101104957 - LIFE22-IPC-ES-LIFE PYRENEES4CLIMA"
Hauek dira deialdia arautuko duten,
1.–Datu orokorrak.
–Deialdiaren xedea: deialdi honen xedea ikertzaileak hautatzea da, ondoren lan araubidean kontratatzeko ikerketa-proiektu hau garatzeko: "101104957 - LIFE22-IPC-ES-LIFE PYRENEES4CLIMA".
–Maila profesionala: proiektuko lankidea, batez ere ikerketa-lanetan aritzeko.
–Eginkizunak: 4.2.1 egitekoa.–Abeltzaintzako ekoizpen-sistemak hobetzea: kudeaketa-jardunbide onenak definitzea eta etekinak kuantifikatzea. Iratiko biosfera-erreserbako mendiko larreei lotutako abeltzaintza estentsiboko ekoizpen ereduen jasangarritasun ekonomiko, sozial eta ingurumenekoaren mugaz gaindiko azterketa konparatiboa: plangintza (informazioa bildu eta galdetegiak prestatzea), landa-lana (galdetegiak), emaitzen zenbakizko tratamendua eta txostenak eta artikuluak egitea.
9. lantaldea. Komunikazioa eta barreiadura.
Proiektuaren zeregin transbertsalak, proiektuaren komunikazioarekin eta dibulgazioarekin, trebakuntzarekin eta networkingarekin lotuak.
–Kontratu mota: kontratazioa jarduera zientifiko-teknikoen kontratuaren modalitatearen bidez eginen da, bat etorriz Zientziari, Teknologiari eta Berrikuntzari buruzko 2011ko ekainaren 1eko 14/2011 Legearen 23 bis artikuluan ezarritakoarekin.
–Iraupena: mugagabea, "101104957 - LIFE22-IPC-ES-LIFE PYRENEES4CLIMA" ikerketa-proiektuari lotua.
–Lanaldi-mota: partziala.
–Ordainsariak: Nafarroako Unibertsitate Publikoko Ikertzaileak Kontratatzeko Arautegiak -2017ko maiatzaren 3an Gobernu Kontseiluaren erabaki batez onetsitakoak- bere eranskinean ezarritakoak, 2026. urtera egokituak.
Diru gehigarriak ordaintzeko aukera egonen da proiektuan ezarritako helburuak betez gero. Diru gehigarri horiek ordaintzeko, proiektuaren arduradunak ordainketa justifikatzen duen azken txosten bat egin beharko du, eta aurrekontuan diru kopuru nahikoa izan beharko da.
–Finantzaketa: Europar Batasuna.
–Argitaratzeko tokiak: deialdia Nafarroako Aldizkari Ofizialean argitaratzeaz gainera, deialdiarekin lotutako egintza eta ebazpen guztiak Nafarroako Unibertsitate Publikoaren iragarki ohol elektroniko ofizialean argitaratuko dira, deialdiari dagokion atalean.
2.–Parte hartzeko baldintzak.
2.1. Hautaketa-prozesuan onartuak izateko, izangaiek baldintza hauek bete beharko dituzte:
a) Espainiako herritartasuna izatea edo Europar Batasuneko estaturen batekoa, edo, Europar Batasunak izenpetu eta Espainiar Estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
Halaber, Espainiako, Europar Batasuneko estatuetako eta aipatu nazioarteko itunak aplikatzen diren eremuko estatuetako herritartasuna dutenen ezkontideek parte hartzeko aukera izanen dute, betiere zuzenbidearen arabera bananduak ez badaude; herritartasuna duenaren ondorengoek eta haren ezkontidearen ondorengoek ere parte hartzeko aukera izanen dute, betiere gurasoak zuzenbidearen arabera bananduak ez badituzte, 21 urtetik beherakoak badira edo, adin horretatik gorakoak izanda ere, gurasoen kontura bizi badira.
Aurreko ataletan sartzen ez diren eta Europar Batasunekoak ez diren izangaiek ere zilegi izanen dute lehiaketan parte hartzea, baldin eta Espainian legezko egoeran badaude eta Espainian bizitzeko eta lan merkatuan mugarik gabe lan egiteko baimena ematen dien dokumenturik badute.
b) 16 urte baino gehiago izatea, eta administrazio publikoko langileentzat ezarritako nahitaezko erretirorako adina betea ez izatea.
c) Ekonomia Zientzietako Masterreko titulazio akademiko ofiziala edo antzekoa izatea.
Atzerrian lortutako tituluen kasuan, baliokidetasun ziurtagiria edo, bestela, homologazioaren egiaztagiria eduki beharko da.
d) Deialdiko xede diren lanpostuen eginkizunak betetzea galarazten duen gaixotasunik edo muga fisikorik edo psikikorik ez izatea.
e) Diziplinako espediente baten ondorioz edozein administrazio publikotako zerbitzutik baztertua ez izatea, eta ez egotea epai irmo baten bidez ezgaitua eginkizun publikoak betetzeko.
2.2. Eskaerak aurkezteko epea bukatzen den egunean bete behar dira deialdi honetan parte hartzeko ezarritako baldintzak, bai eta kontratuak indarrean dirauen bitartean ere.
3.–Eskaerak.
Parte hartzeko eskaerak aurkezteko epea hamar egun baliodunekoa izanen da, deialdia Nafarroako Aldizkari Ofizialean argitaratu eta biharamunetik kontatzen hasita.
Hautaketa-prozesu honetarako inskripzioa telematikoki egin beharko da, Nafarroako Unibertsitate Publikoaren egoitza elektronikoaren bidez, helbide honetan:
https://sedeelectronica.unavarra.es/oficina/tramites/acceso.do?id=8734
Lehenik, "Hasi tramitea" botoia sakatu behar da.
"Erantsitako dokumentazioa" eremuan, dokumentu hauek erantsi beharko dira lanpostu kategoria bakoitzerako:
–Nortasun Agiri Nazionalaren, AIZaren edo pasaportearen fotokopia.
–Deialdian eskatzen den tituluaren fotokopia.
–Espediente akademikoaren fotokopia, batez besteko nota zehaztuta.
–Curriculum vitaea, norberak egoki jotzen dituen merezimenduen egiaztagiriekin batera.
4.–Onartuen eta baztertuen behin-behineko zerrenda.
4.1. Bigarren oinarrian aipatzen diren eskaerak eta dokumentazioa aurkezteko epea amaituta, Unibertsitatearen iragarki ohol elektroniko ofizialean argitaratuko da izangai onartuen eta baztertuen behin-behineko zerrenda, eta, baztertuak izan direnen kasuan, baztertuak izatearen arrazoia ere adieraziko da. Izangai bazterturik ez bada, zuzenean onetsiko da behin betiko zerrenda.
4.2. Ebazpen honen 2.1 oinarriak aipatzen dituen dokumentuak ez aurkezteagatik behin-behinean baztertzea galarazi gabe, baztertzeko arrazoiak izanen dira eskaera epez kanpo aurkeztea edo lehiaketaren bidez lortu nahi den lanpostua betetzeko bete behar diren baldintzak ez betetzea, eta, gainera, ezin izanen dira zuzendu.
4.3. Behin-behinean baztertutako izangaiek 5 egun balioduneko epea dute, behin-behineko zerrenda argitaratu eta biharamunetik kontatzen hasita, lehiaketatik baztertua izatea eragin duten akatsak zuzentzeko, halakorik bada, eta erreklamazioak egiteko. Zuzenketak egiteko, eskabide orokor bat aurkeztu beharko da erregistro telematikoaren bidez.
Epe horretan ez badute zuzentzen lehiaketatik behin-behinean baztertua izatea eragin duen akatsa, hautaketa-prozesutik behin betiko baztertuak geldituko dira.
5.–Onartuen eta baztertuen behin betiko zerrenda.
5.1. Laugarren oinarrian adierazitako epea igarota, Unibertsitatearen iragarki ohol elektroniko ofizialean emanen da argitara onartuen eta baztertuen behin betiko zerrenda.
5.2. Izangaiak hautaketa-prozesuan onartuen zerrendan egoteak edota hautaketa-prozesua gainditu dutenen zerrendan egoteak ez du ekarriko inoiz ere Unibertsitateak aitortzea betetzen dituztela deialdiko oinarrietan eskatu diren baldintza orokorrak edo bereziak. Kontratatzeko deitzen dituzten izangaiek ziurtatu eta egiaztatu beharko dituzte horiek, jatorrizko dokumentuak aurkeztu beharko baitituzte kontratua sinatzen dutenean.
5.3. Parte hartzeko eskaerarekin batera aurkeztutako dokumentazioarekin alderaturik jatorrizko dokumentazioa zehaztugabea, okerra edo faltsua bada, kontratua sinatzeko ezintasuna eta kontratazio zerrendatik baztertzea ekarriko du horrek, interesdunak berak sinatuko duen erantzukizunpeko adierazpenarekin bat etorriz.
5.4. Onartutako eta baztertutako izangaien zerrendak argitaratuta, interesdunei jakinarazpena egin zaiela ulertuko da, Administrazio Publikoen Administrazio Prozedura Erkideari buruzko 2015eko urriaren 1eko 397/2015 Legearen 45. artikuluak xedatzen duenarekin bat etorriz.
6.–Balorazio prozesua.
Izangaien merezimenduak baloratuko dira, aurkeztutako dokumentazioarekin bat etorriz eta II. eranskineko baremoaren arabera.
Eskaerak aurkezteko epea amaitzen den unean izangaiak dituen merezimenduak baizik ez dira baloratuko, eta ez dira baloratuko epe hori igaro eta gero lortu edo egin direnak. Bestetik, elkarrizketa pertsonalari dagokionez, deialdi honetako elkarrizketan lortutako puntuazioa izanen da baloratzekoa.
Adierazten diren merezimendu guztiak zuzenbidean baliozkoa den edozein baliabideren bidez frogatu behar dira.
Hautaketa Batzordeak inola ere ez du onartuko izangaiek alegatu ez duten edo agirien bidez frogatu ez duten merezimendurik, eta ezin izanen du atal bakoitzean adierazitako gehieneko puntuazioa baino handiagorik eman.
Hautaketa Batzordeko kide bakoitzak baloratuko ditu izangaien merezimenduak. Azken puntuazioa izangai bakoitzari emandako puntuazioen batezbestekoa izanen da.
7.–Emaitzak argitaratzea eta alegazioak.
7.1. Balorazio prozesua bukatuta, argitara emanen da izangai guztiek baremoaren atal bakoitzean lortutako puntuazioa, baita azken puntuazioa ere. Zehazki, Nafarroako Unibertsitate Publikoaren iragarki ohol elektroniko ofizialean argitaratuko da, deialdiari dagokion atalean. Argitalpen hori izanen da interesdunentzako jakinarazpena ondorio guztietarako.
7.2. Interesdunek aukera izanen dute puntuazioen aurkako alegazioa jartzeko, Baremazio Batzordeari zuzendua; horretarako, 5 egun balioduneko epea izanen dute, puntuazioak argitaratu eta biharamunetik kontatzen hasita.
Alegazio idazkian, haien oinarri diren arrazoiak eman behar dira aditzera. Ez da onartuko merezimenduak berriz ere baloratzeko besterik eskatzen ez duen alegazio generikorik.
Alegazioak ebatzita, edo epea alegaziorik aurkeztu gabe igarota, Batzordeak behin betiko emaitzak emanen ditu argitara.
8.–Hautaketa-prozesuaren ebazpena.
8.1. Behin betiko puntuazioak argitaratu eta gero, Hautaketa Batzordeak Ikerketako errektoreordeari bidaliko dio hautaketa-prozesua gainditu duten izangaien zerrenda, lortutako puntuazioekin.
8.2. Ikerketako errektoreordeak ebazpena emanen du hautaketa-prozesua gainditu duten izangaien zerrenda onesteko, eta Nafarroako Unibertsitate Publikoaren iragarki ohol elektroniko ofizialean argitaratuko da.
8.3. Deialdi honetan sortzen den kontratazio zerrendak 3 urteko indarraldia izanen du, argitaratu eta biharamunetik kontatzen hasita.
Indarrean dagoen bitartean, kategoria bera eta ia eginkizun berak dituzten langileak kontratatzeko premia sortzen denean ere erabiltzen ahalko da kontratazio zerrenda hori, proiektu, kontratu, hitzarmen edo katedra baterako edo institutuko edo ikerketa-taldeko funtsetarako izan, betiere zerrendaren ordena errespetatuz.
8.4. Deialdi honen ondoriozko kontratazio zerrendan egonik kontratu bat onartzen duten izangaiei ez zaie beste inongo lanpostutarako kontraturik eskainiko, salbu eta kontratua bukatzeko 15 egun edo gutxiago gelditzen badira.
9.–Hautaketa-batzordea.
Batzordeburua: Beatriz Soret Lafraya doktorea, unibertsitateko irakasle titularra, Agronomia, Bioteknologia eta Elikadura Sailari atxikia, Ikerketako errektoreordeak delegatuta.
Idazkaria: Rosa María Canals Tresserras doktorea, unibertsitateko katedraduna, Agronomia, Bioteknologia eta Elikadura Sailari atxikia.
Batzordekidea: Leticia San Emeterio Garciandia doktorea, irakasle laguntzaile doktorea, Agronomia, Bioteknologia eta Elikadura Sailari atxikia.
Ordezko hautaketa-batzordea.
Batzordeburua: Juan Blanco Vaca doktorea, unibertsitateko irakasle titularra, Zientzien Sailari atxikia.
Idazkaria: Inazio Irigoien Iriarte doktorea, unibertsitateko irakasle titularra, Agronomia, Bioteknologia eta Elikadura Sailari atxikia.
Batzordekidea: Juan Bosco Imbert Rodríguez doktorea, unibertsitateko irakasle titularra, Zientzien Sailari atxikia.
Hautaketa Batzordearen jarduerak, une oro, Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legeak eta Sektore Publikoaren Araubide Juridikoaren 2015eko urriaren 1eko 40/2015 Legeak ezartzen dutenaren arabera gauzatuko dira. Jakinarazpenak egiteko eta bestelako gorabeheretarako, Hautaketa Batzordearen egoitza Nafarroako Unibertsitate Publikoko Administrazioko eta Kudeaketako eraikina izanen da.
10.–Datu pertsonalen babesa.
Nafarroako Unibertsitate Publikoak langileen kudeaketaren arloan antolatutako prozesuetan parte hartzeak interesdunen datuak tratatzea ekarriko du berekin. Datu horien tratamenduaren arduraduna Nafarroako Unibertsitate Publikoa da.
Datuen tratamendua aplikatzekoa zaion araudiari jarraikiz eginen da, hots, Datuak Babesteko 2016/679 EB Erregelamendu Orokorrari eta Datu Pertsonalak Babesteko 2018ko abenduaren 5eko 3/2018 Lege Organikoari jarraikiz. Tratamenduaren deskribapena Tratamendu Jardueren Erregistroan dago kontsultatzeko, hemen: https://www.unavarra.es/eu/sites/portal-transparencia/home.html.
Datuen tratamenduaren eraginpeko interesdunak batez ere hautaketa-prozesuetako izangaiak eta NUPeko langileak izanen dira. Datu pertsonal hauek tratatuko dira: izena, deiturak, NANa, datu akademikoak eta profesionalak eta, beharrezkoa denean, bankuko datuak eta Gizarte Segurantzakoak, edo ondoren deskribatzen den xedea betetzeko beharrezkoak direnak.
Datuen tratamendua justifikatzen duen xedea honako hauek tramitatzea da: hautaketa-prozedurak, mugikortasunekoak, egoera administratiboak, ziurtagiriak edo Giza Baliabideen arloan NUPen eskumenekoak diren beste batzuk.
Xede horrek interes publikoa edo botere publikoa legitimatzen du, Datuak Babesteko Erregelamendu Orokorraren 6.1.e) artikuluak ezartzen duen bezala. Hauek dira oinarri juridikoak, langileei buruzko beste arau batzuen artean: Enplegatu Publikoaren Oinarrizko Estatutuaren Legearen Testu Bategina onesten duen 5/2015 Legegintzako Errege Dekretua, 2015eko urriaren 30ekoa, eta Nafarroako Administrazio Publikoen zerbitzura dauden Langileen Estatutuaren Testu Bategina onesten duen 251/1993 Legegintzako Foru Dekretua, 1993ko abuztuaren 30ekoa.
Datuak tratatzeko jarduerei dagokienez, interesdunek eskubidea dute datuak eskuratzeko, zuzentzeko, ezabatzeko, mugatzeko, haiei kontra egiteko eta transferitzeko. Horretarako, mezu bat bidali behar dute delegado.protecciondatos@unavarra.es helbidera, Datu Pertsonalak Babesteko Lege Organikoaren 11. artikulutik 18. artikulura bitartekoei jarraikiz. Desadostasunen bat izanez gero, Datuak Babesteko Espainiar Agentziara jo dezakete, https://www.aepd.es/ domeinuaren bidez.
11.–Errekurtsoak.
Ebazpen honek administrazio bidea agortzen du, Unibertsitate Sistemari buruzko Lege Organikoaren 38.4 artikuluak xedatzen duenaren arabera, eta haren kontra zilegi da aukerako berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa, Iruñeko Auzialdiko Auzitegiko maila bereko atalari zuzendua, hilabeteko epean lehenbiziko kasuan, eta bi hilabeteko epean bigarrenean, biak ere ebazpena jakinarazi edo argitaratu eta biharamunetik kontatzen hasita.
II. ERANSKINA. IKERTZAILEAK HAUTATZEKO BAREMOA
1. ATALA: Prestakuntza akademikoa | Puntu | 12 |
–Ikasketa-espedientea. Izangaiak deialdian parte hartzeko aurkeztutako ikasketen (gradua eta masterra) espediente akademikoa baloratuko da, gehienez 4 punturekin. –Beste titulu ofizial batzuk: graduko, masterreko edo doktoretzako beste titulu ofizial batzuk ere baloratuko dira, gehienez 5 punturekin. 2 puntu emanen dira gradu eta master bakoitzeko, eta 3 puntu doktoretza bakoitzeko. –Prestakuntza atzerrian: Atzerrian egindako prestakuntzako egonaldiak baloratuko dira, gehienez 3 punturekin. 1 puntu egonaldian egindako 4 hilabeteko. |
2. ATALA: Esperientzia profesionala izatea ingurumen ekonomian eta datuen analisi aurreratuan | Puntu | 30 |
–Laneko kontratuak. Gaiarekin loturiko lan-kontratuak baloratuko dira: 8 puntu gehienez. 1 puntu kontrataturik egondako 3 hilabeteko. –Ikerketa-proiektuak: gehienez ere 8 puntu emanen dira gaiarekin lotuta egin diren eta lehiaketa bidez eman diren ikerketa-proiektuetan parte hartzeagatik. 1 puntu parte hartutako 3 hilabeteko. –Komunikazioa eta dibulgazio zientifikoa. Gehienez ere 8 puntu emanen dira gaiarekin lotutako komunikazio eta dibulgazio zientifiko-teknikoko jarduerak antolatu eta/edo horietan parte hartzeagatik. Ekitaldiaren ezaugarrien eta egindako parte-hartze motaren arabera baloratuko da. –Prestakuntza-ikastaroak: lan-lerroetarako interesgarriak diren gaietan egindako prestakuntza ikastaro bakoitzeko 1 puntu emanen da, eta 6 puntu gehienez. Ikastaroak 6 ordukoak izan beharko dira gutxienez puntuak emateko. |
3. ATALA: Bestelako ezagupenak | Puntu | 3 |
–Ingelesa, frantsesa eta euskara jakitea: gehienez ere 3 puntu emanen dira hizkuntza horietako batean B2 maila edo altuagoa izateagatik (edo maila baliokidea CRUEren arabera). |
Hautaketa-prozesua gainditzeko eskatzen den gutxieneko puntuazioa 25 puntu da.
Hautaketa-prozesuaren azken emaitzan gerta daitezkeen berdinketak 2. atalean puntuazio handiena atera dutenen alde ebatziko dira. Puntuazioan berdinketarik badago, epaimahaiak banakako elkarrizketa bat izanen du izangaiekin.
Iragarkiaren kodea: F2608727
