2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAGOA
Ordenantza fiskala, ordaindu beharreko tasak arautzen dituena honako arlo hauetan baimenak emateko: ingurumena babesteko jarduera sailkatuak kontrolatzea, hirigintzako txostenak egitea eta hirigintzako espedienteak izapidetzea. Hasierako onespena
Udalbatzak, 2026ko ekainaren 1ean egin osoko bilkuran, eta erregelamenduzko quoruma zuela, honako erabaki hau hartu zuen:
ERABAKIA:
1. Hasierako onespena ematea ordenantza fiskalari, zeinak ordaindu beharreko tasak arautzen baititu honako arlo hauetan baimenak emateko: ingurumena babesteko jarduera sailkatuak kontrolatzea, hirigintzako txostenak egitea eta hirigintzako espedienteak izapidetzea.
2. Hasierako onespenaren erabakia argitaraturik Nafarroako Aldizkari Ofizialean eta Udalaren iragarki-taulan eta egoitza elektronikoan, espedientea jendaurrean edukitzea hogeita hamar egun balioduneko epean, iragarki hau aldizkari horretan argitaratzen denetik hasita.
3. Hasierako onespenaren erabaki hau behin betikoa bilakatuko da, baldin eta erreklamazio, kexa edo oharrik aurkezten ez bada. Kasu horretan, ondorio juridikoak sortzeko, inguruabar hori Nafarroako Aldizkari Ofizialean argitaratu beharko da, behin betiko testuarekin batera. Udalaren web-orrian ere argitaratu beharko da.
Argitara ematen da, orok jakin dezan.
Larragoan, 2026ko ekainaren 2an.–Alkatea, Oscar Urra Atorrasagasti.
Iragarkiaren kodea: L2608014
