116. ALDIZKARIA - 2026ko ekainaren 16a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA. Energia elektrikoa baterietan biltegiratzeko "BESS CALTAN" instalazioa, Cascanteko udal mugartean. Espedientearen kodea: 0167-ALM.

Energia elektrikoa garraiatu, banatu, merkaturatu eta haren horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan xedatutakoa betez, jendaurrean jartzen da espediente hau:

Deskribapena: energia elektrikoa baterietan biltegiratzeko "stand-alone" sistemako instalazioa, "BESS CALTAN" izenekoa, 5 MW-ekoa, eta hari lotutako transformazio- eta ebakuazio-azpiegiturak, Cascanteko udal mugartean.

Xedea: proiektua jendaurrean jartzea, aurretiazko administrazio baimena eta eraikitzeko administrazio baimena lortzeko.

Sustatzailea: ENERGIA IOTA STORAGE SL.

Organo eskuduna: Enpresen Sustapenerako eta Azpiegituretako Zuzendaritza Nagusia.

Ingurumen Ebaluazioari buruzko abenduaren 9ko 21/2013 Legearen 45. artikuluan ezarritakoaren arabera, sustatzaileak ingurumen inpaktuaren ebaluazio sinplifikatua eskatu du proiekturako.

Biltegiratzeko instalazioaren ebakuazio-linea 66/30 kV-eko "Promotores Tudela" izeneko TAE azpiestazio biltzaileraino iristen da. Azpiestazio biltzaile hori eta hartatik 66 kV-eko Tutera azpiestazioraino doan ebakuazio linea SAT11639 espedientean izapidetzen ari dira, eta ingurumen inpaktuaren adierazpena dute, aldekoa, Ingurumeneko zuzendari nagusiaren maiatzaren 14ko 377E/2026 Ebazpenaren bidez emana. Espediente horretan, halaber, honako eguzki instalazio fotovoltaiko hauek izapidetzen ari dira: Collado (5496-CE), Valoria (5480-CE), Estremar (5481-CE), Baster (5624-CE) eta Tablar (5623-CE).

Informazioa jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-0167-alm

Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industriako eta Enpresen Trantsizio Ekologiko eta Digitalerako Departamentuko Industria Antolamenduaren, Azpiegitura Energetikoen eta Meatzeen Zerbitzua), espediente-kodea adierazita.

Iruñean, 2026ko maiatzaren 28an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2607787