Iragarkia

116. ALDIZKARIA - 2026ko ekainaren 16a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1898/2026 EBAZPENA, ekainaren 3koa, Funtzio Publikoko zuzendari nagusiak emana, zeinaren bidez Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen baitira, nekazaritzako ingeniari teknikoen lanpostuan aritzeko, eta plaza esleitzen baitzaie.

Funtzio Publikoko zuzendari nagusiaren urtarrilaren 16ko 103/2025 Ebazpenaren bidez, deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko nekazaritzako ingeniari teknikoen hogeita sei plaza oposizio bidez betetzeko. Ebazpena 2025eko 30. Nafarroako Aldizkari Ofizialean argitaratu zen, otsailaren 13koan.

Funtzio Publikoko zuzendari nagusiaren apirilaren 10eko 1059/2025 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori 2025eko 90. Nafarroako Aldizkari Ofizialean argitaratu zen, maiatzaren 8koan.

Funtzio Publikoko zuzendari nagusiaren ekainaren 16ko 1725/2025 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori 2025eko 130. Nafarroako Aldizkari Ofizialean argitaratu zen, uztailaren 1ekoan.

Hautaprobak bukatu ondoren, Funtzio Publikoko zuzendari nagusiaren martxoaren 23ko 958/2026 Ebazpenaren bidez, plaza hutsak aukeratzeko deia egin zen, eta 10 egun balioduneko epea ireki zen plazak aukeratzeko eta deialdiaren 8. oinarrian ezarritako baldintzak frogatzeko.

Azkenik, kalifikazio epaimahaiak izendapen proposamena egin zuen, hautapen prozesua gainditu zuten izangaietatik deialdian eskainitako plazetan sartzen ahal zirenak izenda zitezen, deialdian eskatutako betebeharrak betez gero. Proposamen hori 2026ko 90. Nafarroako Aldizkari Ofizialean argitaratu zen, maiatzaren 11koan.

Eskatutako dokumentazioa behar zen epean aurkezturik eta betebeharrak betetzen dituztela egiaztaturik, bidezkoa da izendapena egitea eta plaza hutsa esleitzea.

Horrenbestez, eta otsailaren 21eko 30/2005 Foru Dekretuak ematen dizkidan eskudantziak erabiliz,

EBATZI DUT:

1. Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, nekazaritzako ingeniari teknikoen lanpostuan aritzeko, ondoko izangai hauek, haiek baitira, plazetarako baldintzak betetzeaz gainera, oposizioa gainditu eta bete beharreko plaza kopuruan sartzen diren izangaiak:

–Desgaitasuna dutenentzako erreserba txanda:

OLANO OCHOTORENA, MIKEL

–Igoera txanda:

ARANGOA LEGARRA, EDURNE

LOPEZ GOIKOETXEA, ESTIBALIZ

MERINO LEGAZ, SARA

–Txanda irekia:

ARPON SAINZ, ADA

LIZOAIN MENDOZA, JOSUNE

IGLESIAS SUBERVIOLA, MARIA CRISTINA

TIRAPU IGUELZ, ROSARIO

ELIA HURTADO, SANDRA

MARIN EDERRA, DIANA

EKISOAIN GORRIZ, AMAIA

HERNANDEZ URRUTIA, MARTA

OLANO ZABALETA, JULEN

DIEZ BUENO, NURIA

PAGOLA BEASOAIN DE PAULORENA, JOAQUIN

OSACAR ARDANAZ, FRANCISCO JAVIER

JURIKO MORENO, KRISTINA

IRIGUIBEL LARREA, BERNARDO IÑIGO

OSES MARTINEZ, RUBEN

SARASA PAISAN, EVA

GONZÁLEZ LACALLE, MARIA BELEN

IRAIZOZ RONCAL, LEYRE

LIZARRAGA AGREDA, IÑIGO

ANDUEZA TOLLAR, JOSU

INDURAIN GOÑI, JAVIER

TEJADA GIL, JORGE

2. Plaza hutsak esleitzea bat etorriz I. eranskinean xedatuta dagoenarekin.

3. Xedatzea ezen izendatu diren izangaiek plazaren jabetza hartu beharko dutela dagokien departamentuko idazkaritza tekniko nagusian, hau da, Landa Garapeneko eta Ingurumeneko Departamentuan, Industriako eta Enpresen Trantsizio Ekologiko eta Digitalerako Departamentuan edo Ekonomia eta Ogasun Departamentuan, hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinarazpenaren ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean plazaz jabetzen ez direnek, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko dituzte.

4. Ebazpen hau igortzea Landa Garapeneko eta Ingurumeneko Departamentuko, Industriako eta Enpresen Trantsizio Ekologiko eta Digitalerako Departamentuko eta Ekonomia eta Ogasun Departamentuko idazkaritza tekniko nagusietara, eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura, Langileriaren Gastuaren Kontrolaren eta Nominen Zerbitzura eta Egiturako, Plantillako eta Langileen Aldi Baterako Kontratazioetako Zerbitzura, eta interesdunei jakinaraztea, eta adieraztea ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

5. Nafarroako Aldizkari Ofizialean argitara dadila agintzea, kontuan izanik argitalpen horrek jakinarazpenaren ondorio berberak izanen dituela, hala ezartzen baitu 45. artikuluan Administrazio Publikoen Administrazio Prozedura Erkideari buruzko urriaren 1eko 39/2015 Legeak.

Iruñean, 2026ko ekainaren 3an.–Funtzio Publikoko zuzendari nagusia, Gloria Arancón Largo.

I. ERANSKINA.–ESLEITUTAKO PLAZAK

Bat etorriz Nafarroako Foru Komunitateko Administrazioaren eta haren erakunde autonomoen plantilla organikoa aldatzen duen apirilaren 16ko 35/2025 Foru Dekretuaren artikulu bakarreko 3. apartatuan xedatutakoarekin, foru dekretu horren bidez aldatzen diren plazei hizkuntza-eskakizuna esleitu izanak ez die eraginen foru dekretu horrek indarra hartzen duenerako jadanik deialdia onetsia duten sarrerako hautapen prozesuen deialdiei.

Iragarkiaren kodea: F2608184