Iragarkia

113. ALDIZKARIA - 2026ko ekainaren 11

1. NAFARROAKO FORU KOMUNITATEA

1.7. BESTELAKOAK

320/2026 EBAZPENA, maiatzaren 21ekoa, Nekazaritza eta Abeltzaintzako zuzendari nagusiak emana, onesten dituena Urbasa eta Andia jabari publikoko mendietan erabilera erkideko larreak erabiltzen dituzten abeltzainei onartutako azalerak, hain zuzen ere, erabiltzaileek 2026ko eskaera bakarrean (NPE) aitor ditzaketenak.

Uztailaren 1eko 267/1996 Foru Dekretuaren bidez, Urbasa eta Andia mendietako Natura Baliabideak Antolatzeko Plana onetsi zen, eta otsailaren 27ko 3/1997 Foru Legearen bidez, Urbasa eta Andia mendietako Parke Naturalaren deklarazioa egin zen. Gero, Natura Baliabideak Antolatzeko Plana aldatu zen irailaren 7ko 198/2011 Foru Dekretuaren bidez.

Abenduaren 4ko 340/2001 Foru Dekretuaren bidez, Urbasako Parke Naturala Erabili eta Kudeatzeko Plan Zuzentzailea (EKPZ) onetsi zen. Plan horren 4.1 artikuluaren arabera, eskubide tradizionalen erabilera, besteak beste larratzekoa, Ingurumen Zuzendaritza Nagusiak ezarri prozedurari jarraikiz eginen da.

Bestalde, Ingurumenaren eta Uraren zuzendari nagusiaren abuztuaren 12ko 1259/2011 Ebazpenaren bidez, Urbasa eta Andia mendietako larre eta baso baliabideak antolatzeko proiektua onetsi zen.

Landa Garapeneko eta Ingurumeneko kontseilariaren urriaren 13ko 22/2025 Foru Aginduaren bidez berezitasunak ezartzen dira, zuzeneko ordainketen bidezko esku-hartzeen kudeaketan, Nafarroako Foru Komunitateko 2023-2027 aldirako Nekazaritza Politika Erkidearen Plan Estrategikoaren esparruan. Eranskinaren III. kapituluko 12. artikuluan adierazten da zer prozedura erabiliko den Urbasa eta Andia jabari publikoko mendietako larre azalerak onartzeko, NPEren eskaera bakarreko laguntzak eskatzearen ondorioetarako.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak eman dizkidaten eskudantziak,

EBAZTEN DUT:

1. Urbasa eta Andia jabari publikoko mendietako erabilera erkideko larreen onuradunei/erabiltzaileei onartutako larre azalerak onestea, ebazpen honen I. eranskinean ageri den bezala.

2. 10 egun naturaleko epea ezartzea, ebazpen honen I. eranskinean ageri den bezala onartu diren azaleretarako eskaera berriak, aldaketak, eskualdaketak edo ukoak aurkezteko. Aldaketa eskaerak ebazpen honen II. eranskinean dagoen ereduari jarraikiz eginen dira.

3. Ebazpen hau jakinaraztea, behar diren ondorioak izan ditzan, Ingurumeneko Zuzendaritza Nagusiko Baso Plangintzarako Atalari, Ingurumena Zaintzeko Atalari eta Basoen eta Ehiza Kudeaketaren Zerbitzuari, baita onuradunei ere.

4. Ebazpen hau Nafarroako Aldizkari Ofizialean argitaratzea.

5. Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko maiatzaren 21ean.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA.–URBASA ETA ANDIA JABARI PUBLIKOKO MENDIETAN ERABILERA ERKIDEKO LARREEN AZALERAK BEHIN-BEHINEAN ONARTZEN ZAIZKIEN PERTSONEN ZERRENDA, 2026KO KANPAINARAKO

II. ERANSKINA.–ESKAERA, "URBASA ETA ANDIA JABARI PUBLIKOKO MENDIETAKO AZALERAK, NPEN AITOR DAITEZKEENAK", ONARTZEKO

JAKINARAZLEA:

........................................................................................................................ jaunak/andreak, adin nagusikoak, nafar foru auzotasuna duenak (NAN zk.: …..................), bere izenean / honen ordezkaritzan: ………………………..……………………................... (IFZa: ………….............……) (marratu ez dagokiona), eta bere egoitza/ordezkatuaren egoitza (marratu ez dagokiona) …………………………............ (Nafarroa), kalea, .......................................................... zk., ….............. posta kodea, .............................. telefonoa, ......................... helbide elektronikoa, helbidean duenak .........................................................................,

JAKINARAZTEN DUT:

Nire asmoa dela aurtengo kanpainan nire jabetzako abereak, beheko zerrendan ageri direnak, Urbasa-Andian sartzea, eta sei hiletik gorako zezenik ez sartzeko konpromisoa hartzen dudala.

Jarraian jasotako taulan azaltzen dizuet nire egoera (*1):

(*1) Adierazi X batez  zure egoera zehazten duen laukia.

Halaber, jakinarazten dut Urbasa eta Andia mendietan gehienez larre azalera garbiko zenbat hektarea onartzea eskatzen dudan. Horrenbestez,

ESKATZEN DUT:

1.–Urbasa-Andia jabari publikoko mendietako erabilera erkideko bazka-azalera onar dakidala, eta adierazten dut mendira sartuko naizela abere kopuru honekin:

(*) Taula honetan ez dago jasota sei hilabetetik gorako zezenik, hori ezin baita mendietara igo, Landa Garapeneko eta Ingurumeneko kontseilariaren abuztuaren 12ko 140/2021 Foru Aginduari jarraituz, zeinak osasun programa bat ezartzen duen Urbasa eta Andia mendietako larreak erabiltzen dituzten abeltegietarako.

2.–Urbasa-Andia jabari publikoko mendietan, gehienez, ............................. hektareako bazka-azalera garbia onartzea eskatzen dut.

Udalerria: ....................................... Kontzejua: ................................ (Nafarroa).

2026ko ....................................aren .......(e)an.

(Sinadura)

Iragarkiaren kodea: F2607712