1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
96/2026 EBAZPENA, maiatzaren 14koa, Ekonomia Sozialeko eta Laneko zuzendari nagusiak emana, erabakitzen duena Nafarroako ile-apaindegien sektoreko hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.
Aztertu da Nafarroako ile-apaindegien sektoreko hitzarmen kolektiboko soldatak 2025-2026 urteetarako berrikusteari buruzko akordioa (hitzarmenaren kode zenbakia: 31005805011985), erregistro honetan 2026ko apirilaren 29an sartu dena, enpresaren eta sindikatuen ordezkariek 2026ko apirilaren 27an sinatu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola amaiera ematen administrazio-bideari, eta, haren aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.
Iruñean, 2026ko maiatzaren 14an.–Ekonomia Sozialeko eta Laneko zuzendari nagusia, Iñaki Mendióroz Casallo.
NAFARROAKO ILE-APAINDEGIEN SEKTOREKO HITZARMEN KOLEKTIBOKO BATZORDE PARITARIOAREN BILERAREN AKTA
Iruñean bildu da, 2026ko apirilaren 27an, Nafarroako ile-apaindegien sektoreko hitzarmen kolektiboko batzorde paritarioa, hitzarmena sinatu duten enpresaren eta langileen ordezkariek osatua.
BERTARATUAK:
–Enpresaren izenean:
Angel M.ª Miguel jauna.
Marco Pérez jauna.
M.ª Victoria Larraya andrea.
–UGTren izenean:
Amaia Villanueva andrea.
Sera Alonso andrea.
David Untoria jauna.
Bilkura 10:00etan hasi da, gai-zerrendan puntu bakarra dagoela: akatsak zuzentzea aurrez argitaratu ziren hitzarmen kolektiboko soldata tauletan.
Bi alderdiek adierazi dute akats materialak zeudela hitzarmen kolektiboko 2025. eta 2026. urteetarako soldata tauletan, alegia, 2026ko 71. Nafarroako Aldizkari Ofizialean, apirilaren 14koan, argitaratu zirenetan.
Akats horiek aztertuta, batzorde paritarioak egiaztatu du akats horiek ez direla adostutako baldintzen aldaketa baten ondoriozkoak, baizik eta zenbatekoak transkribatzean/kalkulatzean izandako gorabeheren ondoriozkoak, eta akatsak zuzendu dituzte.
Hitzarmenean 2025. urterako igoera ezarri zen, Nafarroako 2024 KPIa adinakoa.
KPIa %2,7 izanen zen. Argitaratutako taulan, %3 aplikatu zen, oker aplikatu ere. Zuzendu egin dira, halaber, 2026ko taulak.
Horrenbestez, alderdiek aho batez adostu dute zuzendutako soldata taulak onestea, zeinak akta honi gehituko zaizkio, eranskin gisa; taula horiek osorik ordeztuko dituzte 2026ko 71. Nafarroako Aldizkari Ofizialean, apirilaren 14koan, argitaratutakoak.
Berariaz adierazi da jarduketa hau akatsak zuzentzeko dela, ez beste ezertarako, eta hitzarmen kolektiboko eduki arautzailea bere horretan geldituko dela.
ERABAKIAK:
1. Onestea hitzarmeneko soldata tauletan atzemandako akatsen zuzenketa.
2. Zuzendutako soldata taula berriak onestea; lehenago argitaratutako taulak ordeztuko dituzte.
3. Erabaki hau eta haren eranskinak lan arloko agintaritza eskudunari igortzea, erregistratu eta argitaratu ditzan.
Eta ez dagoenez aztertu beharreko gai gehiagorik, bilkura amaitutzat eman da, adierazitako lekuan eta egunean; eta bertaratuek sinatu egin dute, ados daudela adierazteko.
UGTren izenean | Enpresaren izenean |
I. ERANSKINA.–2025EKO SOLDATA TAULAK
| OINARRIZKO
SOLDATA | GARRAIO
GASTUETARAKO PLUSA | GUZTIRA | ORDU BATEN
BALIOA |
4. lanbide taldea | 1.168,22 | 65,54 | 1.233,75 | 9,89 |
3. lanbide taldea | 1.282,87 | 65,54 | 1.348,41 | 10,82 |
2. lanbide taldea | 1.411,91 | 65,54 | 1.477,44 | 11,86 |
1. lanbide taldea | 1.496,58 | 65,54 | 1.562,12 | 12,54 |
0. lanbide taldea | 1.564,78 | 65,54 | 1.630,32 | 13,09 |
10. artikuluko manikura plusa 33,37 eurora eguneratzen da. |
II. ERANSKINA.–2026KO SOLDATA TAULAK
| OINARRIZKO
SOLDATA | GARRAIO
GASTUETARAKO PLUSA | GUZTIRA | ORDU BATEN
BALIOA |
4. lanbide taldea | 1.201,51 | 67,47 | 1.268,98 | 10,17 |
3. lanbide taldea | 1.319,44 | 67,47 | 1.386,91 | 11,13 |
2. lanbide taldea | 1.452,15 | 67,47 | 1.519,62 | 12,20 |
1. lanbide taldea | 1.539,24 | 67,47 | 1.606,71 | 12,90 |
0. lanbide taldea | 1.609,38 | 67,47 | 1.676,85 | 13,47 |
10. artikuluko manikura plusa 34,22 eurora eguneratzen da. |
Iragarkiaren kodea: F2607232
