Iragarkia

96. ALDIZKARIA - 2025eko maiatzaren 16a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1117/2025 EBAZPENA, apirilaren 16koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen dituena eta beste zenbait izangairen kontratazioa bidezkoa dela ezartzen duena, zerbitzu orokorretako lanpostuan aritzeko, eta plaza esleitzen diena.

Funtzio Publikoko zuzendari nagusiaren irailaren 27ko 2475/2022 Ebazpenaren bidez, zenbait sarrera-prozeduraren deialdiak onetsi ziren Nafarroako Foru Komunitateko Administrazioaren eta haren erakunde autonomoen zerbitzuko D mailako lanpostu batzuetan, II. eranskinean zerrendatzen direnetan, gehieneko plaza kopuru bat salbuespenez merezimendu-lehiaketa bidez betetzeko, hori guztia enplegu publikoan behin-behinekotasuna murrizteko egonkortze-prozesuen esparruan. Ebazpen hori 2022ko 201. Nafarroako Aldizkari Ofizialean argitaratu zen, urriaren 10ekoan.

Funtzio Publikoko zuzendari nagusiaren urtarrilaren 9ko 152/2023 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori deialdiaren web-fitxan argitaratu zen, 2023ko urtarrilaren 23an.

Funtzio Publikoko zuzendari nagusiaren martxoaren 8ko 972/2023 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori deialdiaren web-fitxan argitaratu zen, 2023ko martxoaren 16an.

Merezimendu-lehiaketaren baremazioa bukaturik, kalifikazio epaimahaiak izendapen eta kontratazio proposamena aurkeztu zuen, bete beharreko plazetan sartzen ahal ziren izangaien alde, eta Funtzio Publikoko zuzendari nagusiaren uztailaren 4ko 2624/2024 Ebazpenaren bidez eta urtarrilaren 10eko 58/2024 Ebazpenaren bidez haien izendapenak eta kontratazioak egin ziren.

Azkeneko izendapena edo kontratazioa egin ondoren, hamalau izangaik uko egin diote erreferentziako hautapen prozesuari, eta bat ezin izan da izendatu.

Horretarako ezarritako epearen barnean eskatuta, hogei izangairi borondatezko eszedentzia eman zitzaien, lanpostuaz jabetu ziren egunetik aurrerako ondorioekin, administrazio honetan beste lanpostu batean zerbitzu ematen ari zirelako.

Era berean, 5 plaza esleitu gabe gelditu ziren plazak aukeratzeko aurreko ekitaldian.

Zerrendan haien ondotik agertzen diren izangaietatik bat erreferentziako hautapen prozesutik kanpo geratu da 2.1.b) oinarriko baldintza ez betetzeagatik, hogeita lau hautapen prozesutik kanpo geratu dira langile finko bihurtu direlako, eta hamalauk erreferentziako hautapen prozesuari uko egin diote.

Azkenik, plaza hutsak aukeratzeko ekitaldira joateko deitutako zazpi izangai ezin dira izendatu, eta zazpik uko egin diote hautapen prozesuari.

Hori dela eta, deialdiaren oinarrietan ezarritakoarekin bat etorriz, 2025eko apirilaren 2an izendapen edo kontratazio proposamen osagarria argitaratu zen deialdiaren web-fitxan, non gaindituen zerrendan haien atze-atzean agertzen ziren izangaiak sartu baitziren.

Adierazi beharra dago ezen María Izaskun Villafranca Belzunegui andreak, Francisco Javier Unzu Roncal jaunak, Ainhoa Urtasun Urra andreak, María Asunción Zazpe Ostiz andreak, María Teresa Ajona Iturralde andreak eta María Elena Leceaga Berango andreak uko egin diotela erreferentziako hautapen prozesuari, eta José Ignacio López Arribas jauna ezin dela izendatu.

Gainerako izangaiek behar zen epean aurkeztu dute eskatutako dokumentazioa, eta eskatutako betebeharrak betetzen dituztela egiaztaturik, bidezkoa da izendapena egitea eta dagozkien plaza hutsak esleitzea.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Honako izangai hauek Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, zerbitzu orokorretako lanpostuan aritzeko:

ESTEBAN ITURBIDE, MARIA BELEN *

AYLAGAS MATA, MARIA YOLANDA *

ARMENDARIZ TABAR, ALBERTO

OLORITZ URRITZA, KEPA MIREN

LANAS GOÑI, MARIA PILAR

GURBINDO SEMINARIO, OLGA

MÉNDEZ VILLANUEVA, MARÍA BEGOÑA

SANDOVAL INCHAURRANDIETA, ARANZAZU

GARCIA ZABALA, FERNANDO

URABAYEN AVELLANEDA, LAURA

BUENO URRICELQUI, GORKA

OSTIZ ARAÑA, MARIA CRISTINA

SALINAS IBAÑEZ, MARIA ANGELES

MORENO TOMAS, EMILIA MARIA

FERNANDEZ RASTROLLO, ANDRES BLAS

LARRAMENDI IZCO, JUAN LUIS

MUGUETA GOÑI, YOLANDA

ZABALZA GONZALEZ, NADIA

ANSO ARROBARREN, RAUL

VICENTE FERNANDEZ, IZASKUN

GAINZA ERRO, MARIA PIA

ORQUIN BALDA, MERCEDES

2. Honako izangai hauek kontratatzea lan araubide finkoan eta lanaldi partzialean:

CORNAGO CIAURRIZ, MARIA PILAR

ABAURREA ARROYO, JOSUNE *

3. Plaza hutsak esleitzea I. eranskinean xedatutakoarekin bat.

4. Izendatutako izangaiek 2025eko apirilaren 28an hartu beharko dute lanpostuaren jabetza, bakoitzari dagokionaren arabera, toki hauetan: Pertsonen Autonomiarako eta Garapenerako Nafarroako Agentziako Langileria Atalean, Hezkuntza Departamentuko Langileen Araubide Juridikoaren Zerbitzuan, Nafarroako Ospitale Unibertsitarioko Langileriaren eta Lan Harremanen Zerbitzuan edo Tuterako Osasun Barrutiko Langileriaren Kudeaketarako Atalean (Tarazonako errepideko 4. km-a, 31500 Tutera).

Lan araubide finkoan lanaldi partzialean arituko diren izangaiek 2025eko apirilaren 28an sinatu beharko dute dagokien kontratua, bakoitzari dagokionaren arabera, Barneko Departamentuko Idazkaritza Nagusi Teknikoan edo Nafarroako Ospitale Unibertsitarioko Langileriaren eta Lan Harremanen Zerbitzuan, Funtzio Publikoko Zuzendaritza Nagusiko Barne Igoeraren eta Aldi Baterako Kontratuen Atalean. Kontratua prest dagoenean jakinaraziko zaie, sinatzeko, eta telematikoki egiten ahalko dute, giza baliabideen dokumentuak sinatzeko plataformaren bidez edo aurrez aurre.

Lanpostuaren jabetza hartzen ez dutenek edo, kasua bada, lan kontratu finkoa sinatzen ez dutenek, salbu behar bezala justifikatutako ezinbesteko kasuetan, Nafarroako Foru Komunitateko Administrazioko eta haren erakunde autonomoetako funtzionario edo langile lan kontratudun finko izateko eskubide guztiak galduko dituzte.

5. Ebazpen hau igortzea Barneko, Funtzio Publikoko eta Justiziako Departamentuko Idazkaritza Tekniko Nagusira, Hezkuntza Departamentuko Langileen Araubide Juridikoaren Zerbitzura, Aldi Baterako Langileak Kudeatzeko Zerbitzura eta Nominen eta Gizarte Aseguruen Zerbitzura, Pertsonen Autonomiarako eta Garapenerako Nafarroako Agentziako Langileria Atalera, Osasunbidea-Nafarroako Osasun Zerbitzuko Langileriaren Prozesu eta Ebaluazio Zerbitzura, Nafarroako Ospitale Unibertsitarioko Langileriaren eta Lan Harremanen Zerbitzura, Tuterako Osasun Barrutiko Langileriaren Kudeaketarako Atalera, Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzara, eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura, Langileriaren Gastuaren Kontrolaren eta Nominen Zerbitzura eta Egiturako, Plantillako eta Langileen Aldi Baterako Kontratazioetako Zerbitzura, eta interesdunei jakinaraztea, adierazita ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

6. Nafarroako Aldizkari Ofizialean argitara dadila agintzea.

Iruñean, 2025eko apirilaren 16an.–Funtzio Publikoko zuzendari nagusia, Rashid Mohamed Vázquez.

I. ERANSKINA.–ESLEITUTAKO PLAZAK

Iragarkiaren kodea: F2505999