1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
43/2025 FORU AGINDUA, apirilaren 16koa, Ekonomia eta Ogasuneko kontseilariak emana, kargutik kentzen duena José Miguel Laguna Viñas jauna, Nafarroako Foru Auzitegi Ekonomiko-Administratiboko idazkaria, berak hala eskatuta, eta egindako zerbitzuak eskertzen dizkiona.
Tributuei buruzko abenduaren 14ko 13/2000 Foru Lege Orokorra, egintzak administrazio bidean berrikusteari dagokionez, garatzeko Erregelamenduak (urriaren 17ko 85/2018 Foru Dekretuaren bidez onetsiak), 19.4 artikuluan, xedatzen du ezen Nafarroako Foru Auzitegi Ekonomiko-Administratiboko kideak Ogasunaren arloan eskumena duen departamentuko titularrak izendatuko dituela, auzitegiko buruak proposaturik, ogasuneko teknikarien kidegoko funtzionarioen artean eta, ondorio guztietarako, Foru Komunitateko Administrazioko atalburutzen pareko izanen direla.
Horrenbestez,
AGINTZEN DUT:
1. Kargutik kentzea José Miguel Laguna Viñas jauna, Nafarroako Foru Auzitegi Ekonomiko-Administratiboko kidea, berak hala eskatuta, eta egindako zerbitzuak eskertzea.
Kargu-uzteak 2025eko apirilaren 21etik aurrera izanen ditu ondorioak, eta egun hori izanen da interesdunaren azken laneguna lanpostu horretan.
2. Foru agindu hau jakinaraztea José Miguel Laguna Viñas jaunari, Nafarroako Foru Auzitegi Ekonomiko-Administratiboari, Nafarroako Foru Ogasuneko zuzendari kudeatzaileari eta Administrazio Atalari, Funtzio Publikoko Zuzendaritza Nagusiari eta departamentuko Idazkaritza Tekniko Nagusiari, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2025eko apirilaren 16an.–Ekonomia eta Ogasuneko kontseilaria, José Luis Arasti Pérez.
Iragarkiaren kodea: F2505930
