2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ETXALEKUKO KONTZEJUA
NA-10.246 ehiza barrutia berritzea. Jendaurrean jartzea
Etxalekuko, Latasako, Erasoko eta Urritzako kontzejuek honako erabaki hauek onetsi zituzten, kontzeju bakoitzean eginiko batzarretan:
1. Landa Garapeneko eta Ingurumeneko Departamentuari eskatzea NA-10.246 ehiza barrutia berritzea. Etxalekuko Kontzejua da barrutiaren titularra, eta honako mugarte hauetako lurrak barne hartzen ditu: Urritzako, Latasako, Erasoko, Oskozko eta Etxalekuko kontzejuak.
2. Lurren lagapena isilbidez lortuko da (ehiza barrutia eratzeko proiektuaren iragarkia argitaratuz Nafarroako Aldizkari Ofizialean eta toki-erakundeak erabili ohi dituen hedabideetan).
3. Etxalekuko Kontzejua izendatzea barrutiaren titular, hartan partaide diren toki-erakundeen ordezkari gisa (IFK: P3141800G; egoitza: Beheitikoa kalea 37, 31869 Etxaleku; telefonoa: 948503364; jakinarazpenetarako helbide elektronikoa: udala@imotz.eus).
4. Ehiza barrutiari 10 ehiza denboraldiko iraupena ematea (gehienez 10 denboraldi); azkena 2034-35 denboraldia izanen da.
5. Ehiza barrutiaren kudeaketa eta aprobetxamendua zuzenean Imozko tokiko ehiztari elkarteari adjudikatzea. Horretarako, behar den kontratua formalizatuko da idatziz, bat etorriz baldintza-agiriarekin eta baldintza izanik Ehiza Antolatzeko Plana onestea.
6. Baldintza-agiria onestea Imozko NA-10.246 ehiza barruti publikoaren aprobetxamendua tokiko ehiztari elkarteari adjudikatzeko.
Aditzera ematen da ezen, hamabost egun baliodunean, iragarki hau Nafarroako Aldizkari Ofizialean argitaratzen denetik hasita, espedientea jendaurrean egonen dela udal bulegoetan, barrutian sartu beharreko lurren jabeek aukera izan dezaten espresuki uko egiteko beren lurrak proiektatutako barruti horretan sartzeari; hori guztia, bete beharrez Nafarroako Ehizari eta Arrantzari buruzko abenduaren 22ko 17/2005 Foru Legea.
Etxalekun, 2025eko apirilaren 24an.–Alkatea, Josune Baleztena Aldareguia.
Iragarkiaren kodea: L2506126