91. ALDIZKARIA - 2025eko maiatzaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko bederatzi lanpostu oposizio bidez betetzeko. Izendapen proposamena.

Nafarroako Foru Komunitateko Administrazioaren eta haren erakunde autonomoen zerbitzuko ogasuneko teknikari izateko bederatzi lanpostu oposizio bidez betetzeko deialdiaren 9. oinarrian xedatutakoa betez (Funtzio Publikoko zuzendari nagusiaren urtarrilaren 29ko 350/2024 Ebazpenaren bidez onetsi zen deialdia, eta 2024ko 37. Nafarroako Aldizkari Ofizialean argitaratu, otsailaren 20koan), oposizioko kalifikazio-epaimahaiak izangai hauen aldeko izendapen proposamena aurkeztu du: Xabier Esparza Adot jauna, María Cristina Fernández Pou andrea, Carlos Javier Jericó Ochoa jauna, Beatriz Larrión Zabaleta andrea eta Félix Yerro Yerro jauna, Nafarroako Ogasuneko kudeatzaile eta ikertzaile laguntzaileen lanpostuen titular direnendako berariazko igoera txandakoak; eta Carmen María Andueza García andrea eta Leyre García Villoslada Soto andrea, txanda irekikoak, haiek baitira, deitutako lanpostuetarako baldintzak betetzeaz gainera, hautapen prozesua gainditu duten izangaietatik bete beharreko lanpostuetan sartzen ahal direnak.

Deialdiaren 9.2 oinarrian ezarritakoa betez, proposaturiko izangaiek 30 egun naturaleko epea izanen dute, proposamen hau Nafarroako Aldizkari Ofizialean argitaratu eta biharamunetik hasita, oinarri horretan eskatzen diren agiriak aurkezteko Nafarroako Foru Komunitateko Administrazioaren Erregistro Orokor Elektronikoaren bidez.

Iruñean, 2025eko apirilaren 14an.–Langileriaren Prozedurak Kudeatzeko Zerbitzuko zuzendaria, Virginia Marín Fernández.

Iragarkiaren kodea: F2505844