2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
ELORTZIBAR
Udaltzainburua kargutik kentzea eta berria izendatzea
Ikusirik Noain Elortzibarko Udalak 2019ko ekitaldirako duen plantilla organikoan (2025eko 32. Nafarroako Aldizkari Ofizialean, otsailaren 17an, argitaratua), 4.0 Udaltzaingoaren buruaren plaza hartzen dela izendapen libreko behin-behineko langile gisa.
Ikusirik 2025eko apirilaren 14an (sarrera-erregistroko zenbakia: 2025-E-RC-1204) Juan Tomás Zubasti Madozek Udaleko Udaltzaingoko buruaren 4.0 lanpostuari uko egiteko idazkia aurkeztu duela, eta ondorioak izanen dituela data horretan.
Ikusirik ezen, Nafarroako Poliziei buruzko martxoaren 19ko 23/2018 Foru Legearen 29. artikuluak dioenez, Polizia Kidegoko burua izendapen libreko behin-behineko langilea izanen dela, eta haren izendapena eta kargutik kentzea Nafarroako Aldizkari Ofizialean eman beharko direla argitara.
Ikusirik abuztuaren 30eko 251/1993 Legegintzako Foru Dekretuaren 24.1.e) artikulua (lege horren bidez onesten da Nafarroako Administrazio Publikoen Zerbitzuko Langileen Estatutuaren testu bategina),
EBAZTEN DUT:
Lehenbizikoa.–Onartzea Juan Tomás Zubasti Madozek aurkeztutako ukoa eta bukatutzat jotzea Elortzibarreko Udaleko Udaltzaingoko burua izateko egindako izendapen libreko kontratua, 2025eko apirilaren 14an aurkezturiko ukoa dela eta, zeinak egun horretan berean izanen baititu ondorioak.
Bigarrena.–Izendatzea Javier Hurtado Barace, izendapen libreko kontratu baten bidez, Noain Elortzibarko Udaleko Udaltzaingoaren buru, ondorioetarako data izanik 2025eko apirilaren 15a.
Hirugarrena.–Agintzea Nafarroako Aldizkari Ofizialean argitaratzeko Udaltzaingoaren buruaren kargu-uztea eta izendapena, jarraikiz Nafarroako Poliziei buruzko martxoaren 19ko 23/2018 Foru Legearen 29. artikuluan ezarritakoari.
Laugarrena.–Honako ebazpen hau jakinaraztea interesdunari, Udal Kontu-hartzailetzari eta lan aholkularitzari, behar diren ondorioetarako.
Ebazpen honen aurka, hautara, errekurtso hauetako bat aurkezten ahal da:
a) Administrazioarekiko auzi-errekurtsoa, zeina zuzendu behar baitzaio Nafarroan administrazioarekiko auzietan eskumena duen organoari, bi hilabeteko epean, ebazpen hau jakinarazi eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpena jakinarazten denetik hasita.
c) Berraztertzeko errekurtsoa, egintza eman duen organoari zuzendua, hilabeteko epean, ebazpen hau jakinarazi eta biharamunetik hasita.
Noain Elortzibarren, 2025eko apirilaren 15ean.–Alkate udalburua, Luis Maya Armendáriz.
Iragarkiaren kodea: L2505822