2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
URROZ
Karga-tasak, indizeak, koefizienteak eta zerga-tasak 2025erako
Urrozko Udalaren Kudeaketa Batzordeak, 2025eko urtarrilaren 17an egin ohiko bilkuran, hasiera batez onetsi zituen 2025etik aurrera indarrean izanen diren karga-tasak, indizeak eta koefizienteak.
Jendaurrean egon dira 30 egun baliodunean, aitzinetik 2025eko 33. Nafarroako Aldizkari Ofizialean argitaratuta, otsailaren 18an, eta epe horretan inork ez du erreklamaziorik edo alegaziorik aurkeztu; beraz, behin betiko onetsitzat jo dira 2025erako karga-tasak, indizeak, koefizienteak eta zerga-tasak.
Jendaurrean egoteko epea iraganik inork alegaziorik aurkeztu gabe, behin betiko onetsi dira karga-tasak, indizeak, koefizienteak eta zerga-tasak, eta osorik argitaratzeko agindu da, behar diren ondorioak egon daitezen. Hori dena, jarraikiz Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuari, maiatzaren 31ko 15/2002 Foru Legeak aldatu baitzuen.
Urrozen, 2025eko apirilaren 8an.–Kudeaketa Batzordeko burua, Josu Zozaya Ubiria.
ZERGAK
1.–Kontribuzioa: %0,25.
2.–Eraikuntzen, instalazioen eta obren gaineko zerga: %4.
3.–Hiri-lurren balio-gehikuntzaren gaineko zergari dagokionez, 2/1995 Foru Legearen 175. artikuluan ezarritako gehieneko portzentajeak aplikatzea. Karga-tasa: %12.
4.–Ekonomia-jardueren gaineko zerga: 1 indizea.
Iragarkiaren kodea: L2505377