Iragarkia

81. ALDIZKARIA - 2025eko apirilaren 25a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

972/2025 EBAZPENA, apirilaren 2koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen dituena eta beste zenbait izangairen kontratazioa bidezkoa dela ezartzen duena, zerbitzu orokorretako langileen lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren azaroaren 9ko 2943/2022 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko zerbitzu orokorretako langileen 106 lanpostu, gehienez ere, oposizio-lehiaketa bidez betetzeko sarrera-prozeduraren deialdia onetsi zen, enplegu publikoan behin-behinekotasuna murrizteko egonkortze-prozesuen esparruan. Deialdi hori 2022ko 236. Nafarroako Aldizkari Ofizialean argitaratu zen, azaroaren 28koan.

Funtzio Publikoko zuzendari nagusiaren otsailaren 14ko 658/2023 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori deialdiaren web-fitxan argitaratu zen, 2023ko otsailaren 20an.

Ekainaren 5eko 1921/2023 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori deialdiaren web-fitxan argitaratu zen, 2023ko ekainaren 9an.

Merezimendu-lehiaketa bukaturik, kalifikazio epaimahaiak izendapen eta kontratazio proposamena aurkeztu zuen, bete beharreko lanpostuetan sartzen ahal ziren izangaien aldekoa, eta, Funtzio Publikoko zuzendari nagusiaren irailaren 12ko 3360/2024 eta urtarrilaren 28ko 205/2025 ebazpenen bidez, izangai horiek izendatu eta kontratatu ziren.

Txanda irekiko sei izangaik uko egin zioten aipatutako hautapen prozesuari, izangai bat ezin izan zen izendatu, beste bat ez zen lanpostuaz jabetu eta sei hautapen prozesutik kanpo gelditu ziren langile finko bihurtu zirelako.

Halaber, horretarako ezarritako epearen barnean, hamabost izangairi borondatezko eszedentzia eman zitzaien, lanpostuaz jabetu ziren egunetik aurrerako ondorioekin, beste lanpostu batean zerbitzu ematen ari zirelako, administrazio honetan edo beste batean.

Azkenik, bi izangaik uko egin diote hautapen prozesuari.

Hori dela eta, deialdiaren oinarrietan ezarritakoarekin bat etorriz, 2025eko otsailaren 28an, izendapen edo kontratazio proposamen osagarria argitaratu zen deialdiaren web-fitxan, non gaindituen zerrendan haien atze-atzean agertzen ziren izangaiak sartu baitziren.

Adierazi beharra dago Alberto Armendáriz Tabar jaunak eta Francisco Javier Sueiro Tejada jaunak uko egin diotela aipatutako hautapen prozesuari, Miren Gurutze Jimeno López andrea, José Ignacio López Aribas jauna eta María Ángeles Salinas Ibáñez andrea ezin direla izendatu ez dutelako aurkeztu deialdiaren 10.2 oinarrian eskatutako dokumentazioa, eta bi lanpostu ezin izan zirela esleitu ez zegoelako hautatua izateko baldintzak betetzen zituen izangairik.

Gainerako izangaiek behar zen epean aurkeztu dutenez eskatutako dokumentazioa, eta eskatutako betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Honako izangai hauek Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, zerbitzu orokorretako langileen lanpostuetan aritzeko:

OSES IRIARTE, ION

GUINEA URRA, MARIA ARANTZAZU

DOMINGUEZ CASTILLO, ROBERTO

USOZ SARIO, MARIA CRISTINA

UBEDA ROMERO, SANDRA

SAENZ MORE, ANABELLE MARIE

AZCONA LEGARRA, UNAI

FERNANDEZ ZAPATA, MARIA DEL PUY

MARTÍNEZ LEÓN, JAVIER

ZAZPE OSTIZ, MARIA ASUNCION

MERINO NAVARRO, SARA

MARSAL ESNAOLA, SARA

RODRIGUEZ RONCAL, MARIA ANGELES

SENOSIAIN IMIZCOZ, MIGUEL

DELGADO MARTÍNEZ, DAVID

IZCUE MARISCAL, GUILLERMO

BERGERA APESTEGUI, MARIA NIEVES

MARCOS RUIZ, CAROLINA

BARRENA ARANGUREN, JAVIER

VERANO DIAZ, MARIA LUISA

USOZ RIPA, BLANCA ESTHER

LASA ARMENDARIZ, JOSE MIGUEL

2. Lanpostu hutsak esleitzea I. eranskinean xedatutakoarekin bat.

3. Izendatutako izangaiek 2025eko apirilaren 28an hartu beharko dute lanpostuaren jabetza, bakoitzari dagokionaren arabera, Pertsonen Autonomiarako eta Garapenerako Nafarroako Agentziako Langileria Atalean, Hezkuntza Departamentuko Langileen Araubide Juridikoaren Zerbitzuan edo Nafarroako Ospitale Unibertsitarioko Langileriaren eta Lan Harremanen Zerbitzuan.

Lanpostuaren jabetza hartzen ez dutenek, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko dituzte.

4. Ebazpen hau igortzea, behar diren ondorioak izan ditzan, Hezkuntza Departamentuko Langileen Araubide Juridikoaren Zerbitzuari, Aldi Baterako Langileak Kudeatzeko Zerbitzuari eta Nominen eta Gizarte Aseguruen Zerbitzuari, Pertsonen Autonomiarako eta Garapenerako Nafarroako Agentziako Langileria Atalari, Osasunbidea-Nafarroako Osasun Zerbitzuko Langileriaren Prozesu eta Ebaluazio Zerbitzuari, Nafarroako Ospitale Unibertsitarioko Langileriaren eta Lan Harremanen Zerbitzuari, Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzari, eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzuari, Langileriaren Gastuaren Kontrolaren eta Nominen Zerbitzuari eta Egiturako, Plantillako eta Langileen Aldi Baterako Kontratazioetako Zerbitzuari, eta interesdunei jakinaraztea, adierazita ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

5. Nafarroako Aldizkari Ofizialean argitara dadila agintzea.

Iruñean, 2025eko apirilaren 2an.–Funtzio Publikoko zuzendari nagusia, Rashid Mohamed Vázquez.

I. ERANSKINA.–ESLEITUTAKO LANPOSTUAK

Iragarkiaren kodea: F2505128