80. ALDIZKARIA - 2025eko apirilaren 24a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

BURLATAKO ETA ATARRABIAKO HILARIÓN ESLAVA MUSIKA ESKOLAREN PARTZUERGOA

Deialdia, oposizio bidez betetzeko Administrazio Arloko arduradunaren lanpostu bat, B mailakoa eta euskarako C1 mailako nahitaezko hizkuntza-eskakizunarekin

Burutzaren 2025eko apirilaren 3ko ebazpen baten bidez, onetsi da deialdia oposizio bidez betetzeko Administrazio Arloko arduradunaren lanpostu bat, B mailakoa eta euskarako C1 mailako nahitaezko hizkuntza-eskakizunarekin, Hilarión Eslava Musika Partzuergorako.

Deialdia eginen da aplikatu beharreko araudian xedatuari eta oinarri hauetan ezartzen denari jarraikiz.

Burlatan, 2025eko apirilaren 3an.–Partzuergoko burua, Berta Arizkun González.

OINARRIAK

1.–Arau orokorrak.

1.1. Deialdiaren xedea da oposizio bidez betetzea Administrazio Arloko arduradunaren lanpostu bat, B mailakoa eta euskarako C1 mailako nahitaezko hizkuntza-eskakizunarekin, Burlatako eta Atarrabiako Hilarión Eslava Musika Eskolako Partzuergoaren zerbitzura; plantilla organikoan 2.4 zenbakia du.

1.2. Izendapenak Burlatako eta Atarrabiako Hilarión Eslava Musika Eskolako Partzuergoko lan-kontratudun finko bilakatuko du izendatua, eta Gizarte Segurantzaren Araubide Orokorrean kidetuko da eta, kasua bada, hartan alta emanen, lanpostuaren jabetza hartzen duenetik aitzina.

1.3. Plazak izanen ditu B mailako ordainsariak, Nafarroako administrazio publikoen zerbitzuko langileei dagozkienak. Plantilla organikoan ezarrita dauden osagarriak ere izanen ditu.

1.4. Lanaldi osoa bete beharko da, eta zerbitzuaren beharren arabera banatuko da.

1.5. Beren mailako eta kategoriako eginkizunak beteko dituzte, honako hauek barne:

–Jendeari arreta ematea, aurrez aurre, telefono bidez eta/edo bide telematikoz.

–Partzuergoaren bilkuretara joatea eta oharrak hartzea aktak idazteko.

–Berrikustea, ordenatzea eta zuzentzea matrikulei, ikasleen espedienteei, bekei, dirulaguntzei, estatistikei eta abarri buruzko dokumentazioa; eta, beharrezkoa denean, dokumentazio hori izapidetzea.

–Ebaluazio notak prestatzea eta noten buletinak, matrikulak, eskola asegurua eta datu eta dokumentazio akademikoari buruzko guztia bidaltzea.

–Aurrekontua prestatu, gauzatu eta likidatzea.

–Diru-sarrerak kobratzea eta ordainketak gauzatzea.

–Kontabilitate-erregistroak programa informatikoan.

–Ekimena eta erantzukizuna eskatzen duen edozein kontabilitate-eginkizun, titulazioaren eta lanbide-kategoriaren arabera.

–Langileak kudeatzea.

–Ordezkapenetarako langileak kontratatzeko kudeaketa administratiboa.

–Nominak berrikustea eta ordaintzea.

–Derrigorrezko diru-bilketarako eginkizunak administrazioaren aurrean.

–Artxibo eginkizunak: esleitzen zaizkion dokumentuak, gauzak eta materiala ordenatzea, banatzea eta zaintzea.

–Bere maila eta kategoriaren barneko bertze edozein eginkizun.

–Indarrean dagoen legediak ezartzen duen bertze edozein.

–Bere maila eta kategoriaren barneko bertze edozein eginkizun.

1.6. Halaber, deialdi honen xedea da zerrenda bat egitea, hautapen-prozesuan plazarik eskuratzen ez dutenekin, jarraikiz aldi baterako kontratatzeko deialdiaren 7.2 oinarriari.

2.–Betebehar orokorrak.

2.1. Oposizio-lehiaketa honetan onartuak izateko, izangaiek baldintza hauek bete beharko dituzte, eskabideak aurkezteko epea bukatzen den egunean:

a) Espainiako nazionalitatea izatea, edo Europar Batasuneko estaturen batekoa, edo langileen joan-etorri askea aplikatzen den estatu batekoa, Europar Batasunak izenpetu eta Espainiako Estatuak berretsitako nazioarteko tratatuen arabera.

Parte har dezakete, era berean, espainiarren eta Europar Batasuneko bertze estatuetako herritarren ezkontideek, edo aipatutako nazioarteko tratatuen aplikazio-eremuan sartutako estatuetako herritarren ezkontideek, zuzenbidez bananduta ez badaude; halaber, haien ondorengoek eta ezkontidearenek, zuzenbidez bananduta ez badaude, 21 urtetik beherakoak badira edo, hortik gorakoak izanez gero, haien kontura bizi badira.

b) Hamasei urte beteak izatea eta ez gainditzea erretiroa nahitaez hartzeko gehieneko adina.

c) Behar den gaitasun fisiko eta psikikoa izatea, bete behar diren eginkizunetan aritzeko.

d) Eskaerak aurkezteko epea bururatzen den egunean unibertsitateko diplomadunaren titulua, ingeniari teknikoarena, arkitekto teknikoarena, hirugarren mailako Lanbide Heziketakoa edo baliokidea izatea edo eskuratzeko baldintzetan egotea.

e) C1 Euskara titulua edo baliokidea izatea, Europako Esparru Bateratuaren arabera.

f) Eginkizun publikoak betetzeko desgaitua edo gabetua ez izatea, eta inongo administrazio publikoren zerbitzutik baztertu gabea izatea.

2.2. Lanpostua eskuratzen duen izangaiak arestiko baldintzak frogatu beharko ditu deialdi honen bederatzigarren oinarriak xedatzen duen moduan eta epean. Hori guztia bete beharko da, gainera, eskabideak aurkezteko epea burutzen den egunean eta oposizio-prozedura osoan, izendapen eguna arte bete ere.

3.–Eskabideak, tasak eta dokumentazioa.

3.1. Deialdian parte hartzeko eskabideak hogeita hamar egun naturaleko epean aurkeztu beharko dira, deialdi hau Nafarroako Aldizkari Ofizialean argitaratu eta biharamunetik zenbatzen hasita, Erregistro Telematikoaren bidez (https://sedeelectronica.burlada.es), NAN-e bidez edo ziurtagiri digitalaren bidez (CLAVE), Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluan, 3. apartatuan, ezarritakoaren arabera.

Eskabideak deialdi honen I. eranskinean argitaratutako ereduari lotu behar zaizkio. Haietan izangaiek adierazi beharko dute eskatutako baldintza guztiak betetzen dituztela eskabideak aurkezteko epea bukatzen den egunean.

3.2. Desgaitasuna izanik, izangaiek egokitzapenen bat eskatzen badute probak egiteko denboretan eta baliabideetan, hala adierazi beharko dute eskabidean, eta, horretarako prestatutako tokian, adierazi beharko dute zer egokitzapen behar duten, edo nola doitu behar diren denbora eta/edo baliabideak. Horretarako, izangaiak egokitzat jotzen duen dokumentazioa aurkeztuko du, eskabidea aurkeztearekin batera, 3.3 d) apartatuan ezarritakoari jarraikiz.

3.3. Eskabideari agiri hauek erantsi beharko zaizkio:

a) Deialdi honetako bigarren oinarriko 2.1 apartatuaren d) eta e) letretan eskatzen diren titulazioak.

b) Azterketarako eskubideak izateko, Udalaren Diruzaintzan 7,20 euro ordaindu izanaren frogagiria. Azterketa eskubideen tasa ordaintzen ez bada, izangaia baztertu eginen da.

c) Zenbateko hori ordaintzeko, diru-sarrera edo banku-transferentzia egin beharko da honako kontu hauetako batean:

LA CAIXA: ES30 2100 4105 1922 0004 4759.

NAFARROAKO RURAL KUTXA: ES64 3008 0061 5207 0236 6329.

Ordainagirian datu hauek adierazi beharko dira nahitaez:

–Izangaiaren izen-deiturak.

–Kontzeptua: Azterketa, Administrazio Arloko arduraduna.

d) Desgaitasun aitortua duten izangaiek aurkeztu beharko dute hura frogatzeko agiria, organo eskudunak emana, parte hartzeko eskabidearekin batera. Halaber, azterketak egiteko egokitzapenak eskatzen ahalko dituzte, denboraren nahiz baliabideen aldetik. Kasu horretan eskabidean bertan adierazi beharko dute, eta, horrez gainera, aparteko orri batean azaldu beharko dute zer desgaitasun duten eta zer egokitzapen eskatzen dituzten.

Deialditik kanpo geldituko dira 3.3 apartatuaren a) eta b) letretan adierazitako dokumentuak aurkezten ez duten izangaiak. Aski izanen da dokumentazioaren kopia arruntak aurkeztea, baina aurkeztutako datuak edo agiriak ez-zuzenak edo faltsuak badira, eskatuko dira behar diren erantzukizun penal, zibil edo administratiboak.

3.4. Eskabideak aurkezteko epea ezin izanen da luzatu.

3.5. Noiznahi zuzentzen ahalko dira eskabideetan atzematen diren akats materialak edo egitezkoak, ofizioz nahiz interesdunak eskaturik.

4.–Izangaien onarpena eta erreklamazioak.

4.1. Eskabideak aurkezteko epea bukatutakoan, Partzuergoko buruak ebazpena emanen du onartuen eta baztertuen behin-behineko zerrenda onesteko, eta Nafarroako Aldizkari Ofizialean, eta Partzuergoko iragarki-taulan eta web-orrian argitaratzeko aginduko du. Izangai bazterturik ez bada, alkateak zuzenean onesten ahalko du izangai onartuen behin betiko zerrenda, eta Nafarroako Aldizkari Ofizialean argitaratuko da.

4.2. Behin-behineko zerrenda Nafarroako Aldizkari Ofizialean argitaratu eta hurrengo hamar egun balioduneko epean, izangai baztertuek –halakorik bada– erreklamazioak egin ditzakete eta beren eskabideetan egindako akatsak zuzendu, horrelakorik egin badute, idazkia aurkeztuz Burlatako Udalaren erregistro orokorrean.

4.3. Erreklamazioetarako epea amaitutakoan eta halakorik egon bada haiei erantzun ondoren, Partzuergoko buruak ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean argitaratzeko aginduko du. Izangai onartu eta baztertuen behin betiko zerrenda onesten duen ebazpenean berean zehaztuko da probak non, noiz eta zer ordutan hasiko diren.

4.4. Onartuen zerrendan agertzeak ez du erran nahi bertan ageri direnei aitortzen zaienik betetzen dituztela ebazpen honen bidez iragartzen den prozeduran eskatutako baldintzak. Hautapen-prozesua gainditu ondoren, izangaiek aurkeztu beharreko dokumentazioa aztertzen denean, egiaztatzen baldin bada ez dutela baldintzaren bat betetzen, interesdunek galduko dituzte prozedura honetan parte hartzeagatik izan ditzaketen eskubide guztiak, galarazi gabe faltsukeria dela-eta dagozkien erantzukizun penal, zibil edo administratiboak.

5.–Kalifikazio-epaimahaia.

5.1. Hauek izanen dira kalifikazio-epaimahaiko kideak:

Epaimahaiburua: Berta Arizkun González, Burlatako eta Atarrabiako Hilarión Eslava Musika Eskolako Partzuergoko burua.

Ordezkoa: Mikel Oteiza Iza, Burlatako eta Atarrabiako Hilarión Eslava Musika Eskolako Partzuergoko buruordea.

Lehen epaimahaikidea: Aitor Garralda Iriarte, Atarrabiako Udaleko kontu-hartzailea.

Lehen epaimahaikidearen ordezkoa: María Concepción Esain Nicuesa, Burlatako eta Atarrabiako Hilarión Eslava Musika Eskolako Partzuergoko administraria.

Bigarren epaimahaikidea: Burlatako eta Atarrabiako Hilarión Eslava Musika Eskolako Partzuergoko langileen ordezkari bat.

Bigarren epaimahaikideren ordezkoa: hark eskuordetutako bat.

Hirugarren epaimahaikidea: Adriana Perú Beramendi, Burlatako Udaleko Kiroletako kudeatzailea.

Hirugarren epaimahaikidearen ordezkoa: Burlatako eta Atarrabiako Hilarión Eslava Musika Eskolako zuzendaria.

Epaimahaikide-idazkaria: Burlatako Udaleko giza baliabideetako teknikaria.

Epaimahaikide idazkariaren ordezkoa: Atarrabiako Udaleko giza baliabideetako teknikaria.

5.2. Epaimahaia eratu beharko da hautaprobak hasi baino lehen, eta, haren eraketak eta jardunak balioa izan dezaten, gutxienez kide guztien gehiengo osoak beharko du elkartu.

5.3. Epaimahaiak gehiengoz ebatziko ditu deialdiko oinarrien interpretazioari eta aplikazioari buruz sortzen diren gorabehera guztiak.

5.4. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.

6.–Oposizioa nola eginen den.

6.1. Nafarroako Administrazio Publikoetan sartzeko Erregelamenduan xedaturikoarekin bat, oposizioa 2025eko ekainetik aurrera hasiko da.

6.2. Oposizioaldia (100 puntu gehienez).

–Lehen ariketa: proba teorikoa. Test motako zenbait galderari edo zenbait galdera laburri erantzun beharko zaie, idatziz, II. eranskineko gaiei buruz. Proba honek gehienez ere 50 puntu izanen ditu. Bazterturik geldituko dira gutxienez 25 puntu lortzen ez dituzten izangaiak.

–Bigarren ariketa: proba praktikoa. Kasu praktiko bat edo gehiago ebatzi beharko dira, II. eranskinean adierazitako gairen bati buruz. Ariketa honek gehienez ere 50 puntu izanen ditu. Bazterturik geldituko dira gutxienez 25 puntu lortzen ez dituzten izangaiak.

Izangai onartuen eta baztertuen behin betiko zerrenda onesten duen Partzuergoko burutzaren ebazpenean, non adieraziko den non, noiz eta zein egunetan hasiko diren probak, zehaztuko da zein motatako probak eginen diren. Era berean, proba bakoitza hasi baino lehen, epaimahaiak ezarriko du ariketak egiteko zenbat denbora egonen den, baita penalizazioak ere, baldin badira. Ariketak egin ahalko dira egun berean edo egun desberdinetan.

6.3. Bigarren ariketan gutun-azal itxien sistemaren bidez eginen dira, izangaien anonimotasuna bermatzeko, gutun-azal itxien sistema aplikatzerik ez bada, behar diren neurriak hartuko dira izangaien anonimotasuna bermatu beharrez.

6.4. Ariketa bakoitzeko behin-behineko emaitzak argitaratuko dira Burlatako Udalaren web-orrian, eta 3 egun balioduneko epea emanen da erreklamazioak aurkezteko.

Partzuergoaren iragarki-taulan eta Burlatako Udalaren egoitza elektronikoan emanen da argitara probak zein egun, ordu eta tokitan eginen diren, gutxienez ere berrogeita zortzi ordu lehenago; hogeita lau ordu lehenago, hasitako proba baten jarraipena baldin bada.

6.5. Ariketak egiteko dei bakarra izanen da. Haietara, izangai guztiek nortasun agiri nazionala edo legez baliokidea den agiriren bat aldean dutela azaldu beharko dute, eta eskatuz gero erakutsi; hori egin ezean, kanporatu eta baztertuak izanen dira.

Iruzurrezko jarduketaren bat egiteak izangaien berehalako kanporatzea ekarriko du, bidezko jarduketa penalak deusetan galarazi gabe.

7.–Probak gainditu dituztenen zerrenda eta epaimahaiaren proposamena.

7.1. Izangaien kalifikazioa bukatuta, epaimahaiak Burlatako Udalaren egoitza elektronikoan eta Partzuergoaren iragarki-taulan emanen da argitara probak gainditu dituztenen zerrenda, guztira lortutako puntuazioaren araberako ordenan, eta puntuaziorik altuena lortzen duen izangaiaren aldeko izendapen proposamena igorriko du.

Berdinketarik gertatuz gero, ebatziko da oposizioaldiko lehen ariketan puntuazio handiagoa lortu dutenen alde. Berdinketak badirau, bigarren ariketan lortutako puntuazioa hartuko da kontuan. Azkenik, berdinketak jarraitzen badu, zozketa publikoa eginen da.

7.2. Kalifikazio-epaimahaiak, aurkeztutako erreklamazioak ebatzi ondoren, parte-hartzaileen behin betiko puntuazioak argitaratuko ditu Burlatako Udalaren egoitza elektronikoan eta Partzuergoaren iragarki-taulan, eta izangaien zerrenda Partzuergoko buruari igorriko dio, lortutako puntuazioaren arabera ordenaturik eta espediente osoarekin batera, hark behar den ebazpena eman dezan eta, gero, Nafarroako Aldizkari Ofizialean argitara dadin.

Gainditu duten gainerako izangaiak zerrenda batean sartuko dira, lortutako puntuazioaren arabera ordenatuta. Zerrenda hori erabiliko da kontratazioak egiteko, Partzuergoan, Burlatako Udalean, Atarrabiako Udalean eta aipatu edozein toki-entitaterekin lotutako nortasun juridikodun erakundeetan sortzen diren premiei erantzuteko, jarraikiz xedatuta dagoenari deialdi honen 1.6 oinarrian.

8.–Agiriak aurkeztea.

8.1. Izendapen proposamena Nafarroako Aldizkari Ofizialean argitara eman eta hogeita hamar egun naturaleko epearen barnean, proposatutako izangaiak honako agiri hauek aurkeztu beharko ditu Partzuergoaren udal erregistro orokorrean:

a) Nortasun agiri nazionalaren (NAN) fotokopia konpultsatua, edo izangaiaren nazionalitatea eta nortasuna frogatzen dituen bertze agiri baliokideren batena.

b) Deialdiko lanpostua betetzeko eskatzen diren tituluen fotokopia konpultsatua.

c) Osasun ziurtagiri ofiziala, erakusten duena interesdunak ez duela akats fisikorik nahiz psikikorik edo eritasunik, eragozten dionik karguaren eginkizunak betetzea.

Desgaitasunen bat alegatu duten izangaiek, gainera, aurkeztu beharko dute desgaitasuna deialdiko lanpostuarekin bateragarria dela dioen frogagiria, balorazio eta orientazio talde eskudunek emana.

d) Zinpeko deklarazioa edo deklarazio solemnea, adierazten duena ez dagoela desgaitua edo gabetua eginkizun publikoetan aritzeko eta ez dela kendua izan administrazio publikoren baten zerbitzutik.

e) Zina edo hitzematea, adierazten duena Nafarroako Foru Araubidea errespetatuko duela, Konstituzioari eta legeei men eginen diela, eta karguari dagozkion eginkizunak zuzen beteko dituela.

Baldin eta izangaia Nafarroako bertze Administrazio Publikoren bateko langile finkoa bada (ez deialdi hau egin duenekoa, baizik eta bertze batekoa), goikoez gain, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria (sarrera, antzinatasuna, maila, egoera administratiboa eta abarri buruzkoa) aurkeztu beharko du.

8.2. Epe horretan, behar bezala frogaturiko ezinbertzeko kasuetan salbu, interesdunak agiri horiek ekartzen ez baditu, ezin izanen da izendatu, eta haren jarduketa guztiak indarrik gabe geldituko dira, deusetan galarazi gabe eskabidean egindako faltsukeriagatik izan dezakeen erantzukizuna.

8.3. Aurreko apartatuan azaldutakoa gertatzen bada, 7.2 oinarrian azaltzen den izangai zerrendan ondo-ondotik heldu diren izangaiak hartu eta haiekin betetzeko da lanpostua.

9.–Izendapena eta lanpostuaz jabetzea.

9.1. Alkatetzak, ebazpen baten bidez, Partzuergoko Administrazio Arloko arduradun izendatuko du aurreko oinarrian ezarritakoa betetzen duen izangaia.

9.2. Izendapena Nafarroako Aldizkari Ofizialean argitaratuko da.

9.3. Izangai izendatuak hilabeteko epea izanen du lanpostuaz jabetzeko, izendapena jakinarazten denetik hasita. Epe horretan lanpostuaz jabetzen ez bada, ezinbertzeko arrazoiak salbu, galduko ditu Partzuergoaren zerbitzuko lan-kontratudun finkoa izateko eskubide guztiak. Halakorik gertatzen bada, 8. oinarrian xedaturikoari jarraikiko zaio.

10.–Aldi baterako kontratatzeko izangaien zerrendak kudeatzeko arauak.

10.1. Izangaien zerrenda bat prestatuko da, aldi baterako kontrataziorako, probak gainditu bai baina plazarik lortu ez duten izangaiekin. Hori dena, jarraikiz Nafarroako Administrazio Publikoetan sartzeko Erregelamenduaren 42. artikuluari, eta deialdi honen 1.6 oinarriari.

Lortutako azken puntuazioaren arabera ezarriko da zein den ordena aldi baterako kontrataziorako izangaien zerrendan.

Kontratazio zerrendek bortz urte iraunen dute, salbu eta epe laburragoan agortzen badira edo bertze deialdi bat egiten bada.

Izangaiei dei egiten zaienean, Administrazio Arloko arduradunaren lanpostua aldi baterako betetzeko, kontuan hartuko da ezarrita dagoena Nafarroako Administrazio Publikoen zerbitzuko Langileen Estatutuaren testu bateginean, zazpigarren xedapen gehigarrian. Xedapen horren arabera, aldi baterako kontrataziorako izangaien zerrendetan, hiru plazatik lehena gordeko da %33ko desgaitasuna edo handiagoa dutenek betetzeko, baldin eta zerrenda horretan badaude eta dagozkien hautaprobak gainditu badituzte, eta frogatzen badute desgaitasuna bateragarria dela dagozkien zeregin eta eginkizunak betetzearekin.

10.2. Deitzea.

Zerbitzuaren beharren arabera kontratatuko dira probak gainditu dituzten izangaiak, oro har, aurretiaz banakako deiak eginik.

Izangaiek harremanetarako zenbait telefono eta helbide elektroniko eman beharko dituzte, azkar lokalizatu ahal izateko, eta eguneraturik eduki beharko dituzte.

Deia dagokion zerrendan dauden ordenaren arabera eginen da, arau honek ezartzen duenari jarraiki: Burlatako Udalaren, erakunde autonomoen, sozietate publikoen eta Udalaren mendeko bertze erakunde ororen zerbitzura aritzeko langileak aldi baterako kontratatzeko erregelamendua (2021eko 170. Nafarroako Aldizkari Ofiziala, uztailaren 22koa; aldaketa argitaratu zen 2023ko 16. Nafarroako Aldizkari Ofizialean, urtarrilaren 24an).

Halaber, aldi baterako kontratazioetarako izangaien ondoko zerrenda hauek eratuko dira hautapen-prozesuan parte hartu eta lanposturik eskuratzen ez dutenekin:

1) Probak gainditu baina lanposturik eskuratu ez dutenen zerrenda.

2) Gainditu ez duten izangaien zerrenda, bigarren proban lortutako puntuazioaren araberako hurrenkeran.

3) Gainditu ez duten izangaien zerrenda, lehenengo proban 15 puntu baino gehiago lortu dutenekin.

10.3. Partzuergoko burutzaren ebazpen baten bidez, onetsiko da aurreko apartatuetako batean dauden izangaien aldi baterako kontratatzeko zerrenda.

11.–Datuen babesa.

Hilarión Eslava Partzuergoa da datuen tratamenduaren arduraduna, datu pertsonalak erabiltzen direnean enplegu deialdiak kudeatzeko, dituen botere publikoak baliatuz.

Datuak laga dakizkieke bertze toki-erakunde, sozietate publiko eta partzuergo batzuei edo bertze edozein organismo publikori, deialdiko lanpostuaren antzeko lanpostuetarako aldi baterako kontratazioak egiteko, beharren arabera, bat etorriz Datuak Babesteko Erregelamendu Orokorraren 6.e) artikuluan ezarritakoarekin:

"Datuen tratamendua beharrezkoa da, eginkizun bat betetzeko interes publikoaren izenean, edo tratamenduaren arduradunari esleitutako botere publikoen izenean".

Aipatutako helburua betetzeko behar den denboran edukiko dira datuak, eta gordeko dira Udalak haien tratamenduaren ondoriozko erantzukizuna izan dezakeen bitartean. Bertzalde, Artxiboei eta Dokumentuei buruzko apirilaren 4ko 12/2007 Foru Legean ezarritako kontserbazio arauak bete beharko dira.

Interesdunek eskubidea dute beren datu pertsonalak ikusteko, zuzenak ez badira zuzentzeko, datuak ezabatzeko eskatzeko, haien tratamenduaren aurka egiteko eta gainerako eskubideez baliatzeko; horretarako helbide honetara jo beharko dute: Burlatako Udala. Larrañetako plaza, 31600 Burlata (Nafarroa). Telefonoa: 948 23 84 00. Helbide elektronikoa: dpd@burlada.es.

Halaber, interesdunek erreklamazioa aurkez dezakete Datuak Babesteko Espainiako Bulegoan, eskaera-idazki bat bidaliz haren helbidera (Jorge Juan kalea 6, 28001, Madril), edo egoitza-elektroniko honetara: www.agpd.es.

Gure webgunean kontsulta dezakezu datuen babesari buruzko informazio gehigarri eta zehatza, pribatutasun-politikaren atalean.

12.–Errekurtsoak.

Deialdi honen, deialdiaren oinarrien eta aplikatzeko egintzen aurka, honako errekurtso hauetako bat aurkezten ahalko da, hautara:

a) Berraztertzeko errekurtsoa, egintza gauzatu duen organoari zuzendua, hilabeteko epean, ebazpen hau jakinarazi edo argitaratu eta biharamunetik aitzina.

b) Administrazioarekiko auzi-errekurtsoa, zeina zuzendu behar baitzaio Nafarroako Administrazioarekiko Auzien Epaitegiari, bi hilabeteko epean, errekurtsoaren xedeko egintza edo erabakia jakinarazi edo argitaratu eta biharamunetik hasita.

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurtsoaren xedeko egintza edo erabakia argitaratu edo jakinarazten denetik hasita.

Kalifikazio-epaimahaiaren egintzen aurka, gora jotzeko errekurtsoa aurkez daiteke, Partzuergoko buruari zuzendua, hilabeteko epean, errekurritutako egintza edo erabakia jakinarazten denetik hasita.

Burlatan, 2025eko apirilaren 3an.–Partzuergoko burua, Berta Arizkun González.

I. ERANSKINA.–Eskabidea (PDFa).

II. ERANSKINA.–GAI-ZERRENDA

1.–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa.

2.–40/2015 Legea, urriaren 1ekoa, Sektore Publikoaren Araubide Juridikoari buruzkoa: Atariko titulua, Kapituluak: I.a, II.a, IV.a, V.a eta VI.a.

3.–6/1990 Foru Legea, uztailaren 2koa, Nafarroako Toki Administrazioari buruzkoa. I. titulua, I. kapitulua (1., 2., 3. eta 4. atalak), II. eta III. kapitulua; II. titulua; III. titulua; V. titulua, I. eta II. kapituluak; VI. titulua; VII. titulua, I. kapitulua eta II. kapitulua (1. atala); IX. titulua.

4.–7/1985 Legea, apirilaren 2koa, Toki Araubidearen Oinarriak arautzen dituena. II. titulua, I. kapitulua, II. kapitulua, III. kapitulua; V. titulua.

5.–2/1995 Foru Legea, martxoaren 10ekoa, Nafarroako Toki Ogasunei buruzkoa.

6.–234/2015 Foru Dekretua, irailaren 23koa, aurrekontuen egiturari buruzkoa.

7.–272/1998 Foru Dekretua, irailaren 21ekoa, Nafarroako Toki Administraziorako Kontabilitate Instrukzio Orokorra onesten duena.

8.–270/1998 Foru Dekretua, irailaren 21ekoa, aurrekontuei eta gastu publikoari buruzkoa.

9.–2/2018 Foru Legea, apirilaren 13koa, Kontratu Publikoei buruzkoa. Atariko titulua; I. tituluko III. kapitulua; I. tituluko V. kapituluko 1., 3., 6. eta 7. atalak; I. tituluko VII. kapituluko 2. atala; II. tituluko 131. eta 132. artikuluak eta I., II. eta V. kapituluak.

10.–2/2012 Lege Organikoa, Aurrekontu Egonkortasunari eta Finantza Iraunkortasunari buruzkoa.

11.–635/2014 Errege Dekretua, uztailaren 25ekoa, garatzen duena Administrazio Publikoen hornitzaileei ordaintzeko batez bertzeko aldia kalkulatzeko metodologia. Nafarroako Toki Entitateen aurrekontu egonkortasun eta finantza iraunkortasun gida (2024ko urrian eguneratutako bertsioa).

12.–27/2013 Legea, abenduaren 27koa, Toki Administrazioaren Arrazionalizazio eta Iraunkortasunari buruzkoa.

13.–2/2015 Legegintzako Errege Dekretua, urriaren 23koa, onesten duena Langileen Estatutuari buruzko Legearen testu bategina: Kontratuaren osagaiak eta eraginkortasuna; lan-kontratuaren modalitateak; lan-kontratuaren iraupena; lan-baldintzen funtsezko aldaketak; kontratuaren arrazoi objektiboengatiko amaiera; ordezkaritza kolektiboko eskubideak: ordezkaritza organoak; biltzeko eskubidea; III. titulua, I. kapitulua: Negoziazio kolektiboa eta hitzarmenak.

14.–251/1993 Legegintzako Foru Dekretua, abuztuaren 30ekoa, zeinaren bidez onesten baita Nafarroako Administrazio Publikoen Zerbitzuko Langileen Estatutuaren testu bategina.

15.–11/2009 Foru Dekretua, otsailaren 9koa, Nafarroako Administrazio Publikoetako funtzionarioen opor, lizentzia eta baimenen erregelamendua onesten duena.

16.–113/1985 Foru Dekretua, ekainaren 5ekoa, Nafarroako Administrazio Publikoetan sartzeko Erregelamendua onesten duena.

17.–27/2011 Foru Dekretua, apirilaren 4koa, Nafarroako administrazio publikoetako langile funtzionarioen lanaldiaren murrizketa arautzen duena.

18.–11/2005 Foru Legea, azaroaren 9koa, Dirulaguntzei buruzkoa.

19.–Kapitalizazio eta eguneratze bakuna eta konposatua. Deskontua eta arrazionala, bakuna eta konposatua. Mugaeguna, arrunta eta batez bertzekoa. Errentak. Maileguak amortizatzeko sistemak: diru-itzultze bakarra, amortizazio bakarra aldian aldiko interesen ordainketarekin, sistema frantsesa, amortizazio kuota iraunkorra.

20.–Kontabilitate analitikoa. Kontzeptuak eta sailkapenak. Zuzeneko eta zeharkako kostuak. Kostu-ereduak eta -metodoak: kostu osoa ("full costing") eta kostu partzialak edo zuzenekoak ("direct costing"). Produkzio baliokidea. Baterako produkzioa. Kostuak, departamentuen arabera. Kostuak, jardueren arabera. Kostu estandarra, desbideratzeen analisia eta aurrekontu malgua.

21.–Toki-erakundeen urteko kontu eta egoeren analisia eta interpretazioa Nafarroan. Zorpetzeari eta zor publikoari buruzko eta aurrekontuetako orekari buruzko aurrekontu-adierazleen analisia eta interpretazioa Nafarroako araudiaren arabera.

22.–5/2018 Foru Legea, maiatzaren 17koa, Gardentasunari, Informazio Publikoa Eskuratzeari eta Gobernu Onari buruzkoa.

23.–3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa.

24.–Hilarión Eslava Musika Eskolaren Partzuergoaren Estatutuak (2011ko 19. Nafarroako Aldizkari Ofiziala, urtarrilaren 28koa eta 2011ko 26. Nafarroako Aldizkari Ofiziala, otsailaren 8koa).

25.–Nafarroako musika eskolen kudeaketa programak. https://search.app/yTv381Y7fQbgF9Ne7.

26.–Informatika-kontzeptuak: Word-eko testu tratamenduak, Excel kalkulu-orria, Internet eta posta elektronikoa.

Iragarkiaren kodea: L2505152