Iragarkia

77. ALDIZKARIA - 2025eko apirilaren 22a

1. NAFARROAKO FORU KOMUNITATEA

1.7. BESTELAKOAK

33/2025 EBAZPENA, martxoaren 26koa, Energia, Enpresa I+G+b eta Ekintzailetzako zuzendari nagusiak emana, zeinaren bidez aldez aurreko administrazio baimena eta eraikitzeko administrazio baimena ematen baitira Murillo el Cuendeko udal-mugartean 5 MW-ko potentzia instalatuko "Helios Caparroso" eguzki instalazio fotovoltaikoa eta haren ebakuazio azpiegiturak egiteko proiekturako, eta proiektuaren onura publikoa zehazki deklaratzen baita. Espedientearen kodea: 5581-CE.

1. Aldez aurreko administrazio baimena eta eraikitzeko administrazio baimena eman eta onura publikoa zehazki deklaratzeko eskaera.

2024ko ekainaren 10ean, Sektore Elektrikoari buruzko abenduaren 26ko 24/2013 Legearen 53. eta 55. artikuluetan ezarritakoa eta abenduaren 1eko 1955/2000 Errege Dekretuaren 122., 130., eta 143. artikuluetan (errege dekretuak energia elektrikoaren instalazioak baimentzeko prozedurak eta energia elektrikoaren garraio-, banaketa-, merkaturatze- eta horniketa- jarduerak arautzen ditu) ezarritakoaren arabera, Sociedad de Explotación Fotovoltaica Dublín, SLk aldez aurreko administrazio baimena eta eraikitzeko administrazio baimena emateko eta onura publikoa zehazki deklaratzeko eskaera aurkeztu zuen, "Helios Caparroso" eguzki instalazio fotovoltaikorako (1 MW-eko potentzia instalatukoa) eta haren ebakuazio azpiegituretarako, Murillo el Cuende udal mugartean.

Aurkeztutako dokumentazio teknikoaren arabera, honako hauek dira eguzki instalazio fotovoltaikoaren osagaiak:

• 2.240 modulu fotovoltaiko, unitateko 540 W-ko potentziakoak, guztira puntako 1,2096 MWp-ko potentzia izateko, 2,73 hektarea inguruko gainazal okupatuarekin.
• 250 kW-ko potentzia izendatuko 4 inbertsore fotovoltaiko (instalazioaren potentzia, guztira, 1 MWn); bakoitza 222,5 kW-ra mugatuko da, sarbidea eta konexioa egiteko baimenetan emandako 890 kW-ko jasotze-ahalmena betetzeko.
• 1 transformazio zentro, 1.000 kVA-koak, energia 13,2 Kv-ra eraldatzeko.
• 13,2 kV-ko lurpeko linea ebaketa zentroraino, eta, ondoren, "Caparroso" MBAko "Caparroso-Santacara" lineako 10. euskarriraino. Linea hori i-DE Redes Eléctricas Inteligentes SAUren jabetzakoa da, eta konexio puntua dago bertan.

Erakunde sustatzaileak, 2024ko ekainaren 10ean egindako eskaerarekin batera, ingurumen ukipenen ebaluazioa eta lurzoru urbanizaezinean jarduerak egiteko baimena eskatu zituen proiekturako.

2. Proiektua eta ukitutako ondasun eta eskubideen zerrenda jendaurrean jartzeko izapidea, eta ukitutako administrazio publikoei kontsultak egitea.

Abenduaren 1eko 1955/2000 Errege Dekretuaren 125. eta 144. artikuluekin bat etorriz, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zituen 30 egunez proiektua eta proiektuak ukitutako ondasunen eta eskubideen zerrenda, argitara emanez 2024ko 165. Nafarroako Aldizkari Ofizialean,abuztuaren 13koan, Diario de Noticias egunkarian, 2024ko abuztuaren 14koan, eta Nafarroako Gobernu Irekiaren webgunean. Era berean, iragarkia Murillo el Cuendeko Udalera bidali zen, epe berean ediktu taulan jendaurrean jar zezan.

Ez da alegaziorik jaso.

Jendaurreko informazioaren tramitearekin batera, eta abenduaren 1eko 1955/2000 Errege Dekretuaren 127., 131. eta 146. artikuluetan ezarritakoari jarraikiz, kontsulta egin zitzaien ukitutako administrazio publikoei, txostenak egin zitzaten. Taulan ageri diren organismoei kontsulta egin zitzaien, eta bertan adierazitako txostenak jaso ziren:

Bat etorriz ezarrita dagoenarekin abenduaren 1eko 1955/2000 Errege Dekretuaren 127., 131. eta 147. artikuluetan, Industria Antolamenduaren, Azpiegitura Energetikoen eta Meatzeen Zerbitzuak Sociedad de Explotación Fotovoltaica Dublín, SLri igorri zizkion kontsultak egiteko izapidean jasotako txostenak, eta entitate sustatzaileak ere horiei erantzuteko agiria bidali zuen. Edukia eta analisia laburbilduta ageri dira ebazpen honen I. eranskinean.

3. Ingurumen ukipenen gaineko txostena eta lurzoru urbanizaezinean jarduerak egiteko baimena.

Bat etorriz ezarrita dagoenarekin Ingurumenean eragina duten jarduerak arautzen dituen abenduaren 16ko 17/2020 Foru Legearen 34. artikuluan eta uztailaren 26ko 1/2017 Legegintzako Foru Dekretuaren 118.1.c) artikuluan (Lurraldearen Antolamenduari eta Hirigintzari buruzko Foru Legearen testu bategina onesten du), Industria Antolamenduaren, Azpiegitura Energetikoen eta Meatzeen Zerbitzuak ingurumen ukipenen ebaluazioa eta lurzoru urbanizaezinean jarduerak egiteko baimenen eskaerak egin zizkien, hurrenez hurren, Biodibertsitatearen eta Arrantza Kudeaketaren Zerbitzuko Ingurumen Ebaluaziorako Atalari eta Biodibertsitatearen eta Arrantza Kudeaketaren Zerbitzuko Ingurumen Ebaluaziorako Atalari, zegozkien izapideetarako.

Biodibertsitatearen eta Arrantza Kudeaketaren Zerbitzuko zuzendariaren uztailaren 16ko 231E/2024 Ebazpenaren bidez, proiektuaren aldeko ingurumen ukipenen txostena eman zen. Proiektuak, hain zuzen, ebazpen horretan adierazitako baldintza osagarriak bete beharko ditu.

Lurralde Antolamenduko zuzendari nagusiaren otsailaren 8ko 31E/2025 Ebazpenaren bidez, lurzoru urbanizaezinean jarduerak egiteko baimena eman zaio proiektuari. Proiektuak, hain zuzen, baimen horretan ezarritako determinazioak bete beharko ditu.

4. Aldez aurreko administrazio-baimena eta eraikitzeko administrazio baimena emateko eta proiektuaren onura publikoa zehazki deklaratzeko proposamena.

Abenduaren 1eko 1955/2000 Errege Dekretuaren 121. artikuluari jarraikiz, espedientean jaso dira Sociedad de Explotación Fotovoltaica Dublín SLren gaitasun teknikoa, ekonomikoa eta legala egiaztatzen duten agiriak.

Abenduaren 26ko 24/2013 Legearen 53. artikuluan xedatutakoari jarraikiz, espedientean jaso dira "Helios Caparroso" eguzki instalazio fotovoltaikoa banaketa sarean sartzeko eta bertara konektatzeko baimenak –emandako 890 kW-ko jasotze-ahalmenarekin eta 1 MW-eko instalazioaren potentziarekin–. I-DE Redes Eléctricas Inteligentes SAUk Sociedad de Explotación Fotovoltaica Dublín SLri eman dizkio.

Hori horrela, aurkeztutako dokumentazioa ikusita, eta Sektore Elektrikoari buruzko abenduaren 26ko 24/2013 Legean xedatuta dagoenari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala bete dela, eta, hortaz, proposatzen du aldez aurreko administrazio baimena eta eraikitzeko administrazio baimena ematea Sociedad de Explotación Fotovoltaica Dublín SLri Murillo el Cuendeko udal-mugartean ezarri nahi den 1 MW-eko potentzia instalatuko "Helios Caparroso" eguzki instalazio fotovoltaikoa eta haren ebakuazio azpiegiturak egiteko proiekturako, bai eta haren onura publikoa zehazki deklaratzea ere.

Adierazitakoarekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, honako hau

EBAZTEN DUT:

1. Sociedad de Explotación Fotovoltaica Dublín, SLri aldez aurreko administrazio baimena eta eraikitzeko administrazio baimena ematea Murillo el Cuendeko udal-mugartean 1 MW-eko potentzia instalatuko "Helios Caparroso" eguzki instalazio fotovoltaikoa eta haren ebakuazio azpiegiturak egiteko proiekturako. Horretarako, aurkeztutako exekuzio proiektuak onetsi dira eta hogeita hamasei hilabeteko epea emanen zaio aurrera eramateko.

2. Aldez aurreko administrazio baimena eta eraikitzeko administrazio baimena emanda ere, instalazioaren eskatzaileak lortu beharko ditu instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, aplikatzekoak diren beste xedapen batzuekin bat.

3. Orobat, kontuan hartu beharko da tokiko partaidetzarako eskaintzaren gainean xedatuta dagoena 4/2022 Foru Legearen 36. artikuluan (4/2022 Foru Legea, martxoaren 22koa, Klima-aldaketari eta Energia-trantsizioari buruzkoa). Izan ere, partaidetza nahitaezkoa da sorkuntza berriztagarrirako proiektua lurzoru publikoan dagoenean.

4. Instalazioak onetsitako proiektuei jarraikiz gauzatu beharko dira, eta bat etorri beharko dute honako hauetan xedatutakoarekin: Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretua eta haren jarraibide tekniko osagarriak JTO-GTE 01etik 23ra; Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretua eta haren jarraibide tekniko osagarriak JTO-GTL 01etik 09ra; eta Behe tentsioko erregelamendu elektroteknikoa onesten duen abuztuaren 2ko 842/2002 Errege Dekretua.

5. Behin proiektua gauzatuta, eskatzaileak instalazioa ustiatzeko baimena eskatu beharko du. Horretarako, zerbitzua abian jartzeko aktaren eskaera aurkeztuko du. Eskaera horrekin batera aurkeztu beharko du obra bukaerako ziurtagiria, teknikari fakultatibo eskudun batek izenpetua, hala xedatuta baitago abenduaren 1eko 1955/2000 Errege Dekretuaren 132. artikuluan.

6. Instalazio horren onura publikoa zehazki deklaratzea, Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin bat; hori horrela, enpresa eskatzailea, Sociedad de Explotación Fotovoltaica Dublín SL, onuraduna izanen da desjabetze espedientean. Ebazpen honen II. eranskinean azaltzen da ukitutako ondasun eta eskubideen zerrenda; ez du aldaketarik izan 2024ko 165. Nafarroako Aldizkari Ofizialean,abuztuaren 13koan, jendaurrean jarritakoaren aldean.

7. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzuari, Ingurumen Ebaluaziorako Atalari, Paisaiaren eta Landa-lurzoruaren Atalari, Baso Plangintzaren Atalari, Ustiapen Atalari eta Ondare Historikoaren Zerbitzuko Ondare Arkitektonikoaren Atalari eta Erregistroaren, Ondasun Higigarrien eta Arkeologiaren Atalari, behar diren ondorioak izan ditzan.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau jakinaraztea Sociedad de Explotación Fotovoltaica Dublín Slri, i-DE Redes Eléctricas Inteligentes SAUri eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio bidea akitzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente kodea adierazi beharko da.

10. Ebazpen hau Murillo el Cuendeko Udalari jakinaraztea, eta ohartaraztea ebazpen honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, ebazpen hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuari aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2025eko martxoaren 26an.–Energiako, Enpresa I+G+Bko eta Ekintzailetzako zuzendari nagusia, Garbiñe Basterra Oloriz.

I. ERANSKINA.–JASOTAKO TXOSTENAK

Jasotako txostenen laburpena eta analisia azalduko dira jarraian.

1. txostena.–Ondare Arkitektonikoaren Atala.

2024ko abuztuaren 27an, Ondare Historikoaren Zerbitzuko Ondare Arkitektonikoaren Atalak txosten bat aurkeztu zuen, eta adierazi zuen proiektuak ez daukala ukipenik bere eskumenen esparruan; hala, horren jakintzat eman da entitate sustatzailea.

2. txostena.–Ustiapen Atala.

2024ko abuztuaren 26an, Kontserbazio Zerbitzuko Ustiapen Atalak txosten bat aurkeztu zuen, non adierazten den sustatzaileak ez duela atal horren baimenik behar "Helios Caparroso" eguzki instalazio fotovoltaikoa eraikitzeko, ez eta sortzen den energia kanporatzeko ere. Sustatzaileak txosten hori hartu izanaren agiria aurkeztu du.

3. txostena.–I-DE Redes Eléctricas Inteligentes SAU.

2022ko abuztuaren 29an i-DE Redes Eléctricas Inteligentes SAUk txostena aurkeztu zuen, "Helios Caparroso eguzki instalazio fotovoltaikoa" izeneko dokumentuan zehaztutako lanak egiteko baimena emateko, baldin eta dokumentu horretan ezarritako distantziak errespetatzen direla baieztatzen duen azterketa topografiko bat aurkezten den.

Erantzuna:

Entitate sustatzaileak konpromisoa hartzen du instalazioa eraiki aurretik azterketa topografiko bat aurkezteko, ezarritako distantziak betetzen direla baieztatzeko.

II. ERANSKINA.–"HELIOS CAPARROSO" EGUZKI INSTALAZIO FOTOVOLTAIKOAK ETA HORREN EBAKUAZIO AZPIEGITUREK UKITUTAKO ONDASUN ETA ESKUBIDEEN ZERRENDA

Iragarkiaren kodea: F2504676