2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARANGUREN
Deialdia, dirulaguntzak emateko, D ereduko ikasleak udako euskarazko kanpaldietara joan daitezen 2025ean. Laburpena
Dirulaguntzen Datu Base Nazionala (identifikazioa): 824175.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/824175).
Arangurengo Udaleko Gobernu Batzarrak, 2025eko martxoaren 20an egindako bilkuran, deialdi bat onetsi zuen, dirulaguntzak emateko, D ereduko ikasleak udako euskarazko kanpaldietara joan daitezen 2025ean.
Interesdunek 2025eko irailean aurkezten ahal dituzte eskabideak, horretarako onetsitako oinarriei jarraikiz.
Mutiloan, 2025eko martxoaren 20an.–Alkatea, Manuel Romero Pardo.
Iragarkiaren kodea: L2505025
