Iragarkia

70. ALDIZKARIA - 2025eko apirilaren 8a

1. NAFARROAKO FORU KOMUNITATEA

1.7. BESTELAKOAK

156/2025 EBAZPENA, martxoaren 26koa, Hezkuntza eta Lanbide Heziketako zuzendari nagusiak emana, zeinaren bidez deialdia egiten baita ingeleseko, frantseseko eta alemaneko atal elebidunen programan sartzeko edo programa horretatik ateratzeko, 2025-2026 ikasturtean ikastetxe berriak sartzeko.

Apirilaren 26ko 43/2023 Foru Dekretuak, Nafarroako Foru Komunitateko Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxeetan atzerriko hizkuntzetan ikasteko programen oinarrizko alderdiak arautzen duenak, bere 3. artikuluan, halakotzat hartzen diren programak definitzen ditu, eta horien artean atal elebidunak aurkitzen dira.

Eleaniztasunaren eta Arte Ikasketen Zerbitzuko zuzendariak txosten bat aurkeztu du, non proposatzen baita deialdia egitea 2025-2026 ikasturtean atal elebidunen programan sartzeko eta programa horretatik ateratzeko.

Hezkuntza Departamentuak, institutuetan atzerriko hizkuntzen ikaskuntza sustatu eta hobetzeko asmoz, Bigarren Hezkuntzako programa eleaniztunak eskaintzen ditu zenbait ikastetxetan, Haur Hezkuntzan eta Lehen Hezkuntzan atzerriko hizkuntzetan ikasteko dauden programen jarraipen gisa. Dena dela, egokia iruditzen zaio atal elebidunak ere mantentzea, Bigarren Hezkuntzako eskaintza zabalagoa izan dadin.

Atal elebiduna eskaini dezakete, orobat, programa eleaniztunik izan gabe ere, ikasleentzako hizkuntza arloko eskaintza zabaldu nahi duten ikastetxeek.

Atal elebidunen programan, hizkuntzaz kanpoko arlo baten edo gehiagoren curriculumeko eduki batzuk atzerriko hizkuntza batean ikasten dira, partez edo osorik. Curriculumeko hizkuntzen tratamendu integratua (HTI) eta curriculumeko edukien eta hizkuntzen arteko integrazioa dira ikaskuntza horren oinarri metodologikoak.

Hezkuntza Departamentuaren egitura organikoa ezarri zuen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. 2025-2026 ikasturtean ingeleseko, frantseseko eta alemaneko atal elebidunen programan sartzea edo programa horretatik ateratzea eskatzeko prozeduraren deialdia egitea, ebazpen honen 1. eranskinean ezarritako prozedurari jarraikiz.

2. Ebazpen hau eta haren eranskinak Nafarroako Aldizkari Ofizialean argitaratzea.

3. Ebazpen hau eta eranskinak igortzea Eleaniztasunaren eta Arte Ikasketen Zerbitzura, Hezkuntzako Ikuskapen Zerbitzura, Atzerriko Hizkuntzen Programen Atalera, Ikasketak Antolatzeko Atalera eta Kudeaketa Juridiko-Administratiboaren Atalera, behar diren ondorioak izan ditzaten.

Iruñean, 2025eko martxoaren 26an.–Hezkuntzako eta Lanbide Heziketako zuzendari nagusia, Gil Sevillano González.

1. ERANSKINA.–DEIALDIA, 2025-2026 IKASTURTEAN NAFARROAKO FORU KOMUNITATEKO DERRIGORREZKO BIGARREN HEZKUNTZAKO INSTITUTU PUBLIKOETAN ETA ITUNDUETAN INGELESEKO, FRANTSESEKO ETA ALEMANEKO ATAL ELEBIDUNEN PROGRAMAN SARTZEKO EDO PROGRAMA HORRETATIK ATERATZEKO

Lehen oinarria.–Xedeko ikastetxeak eta baldintzak.

1. Derrigorrezko Bigarren Hezkuntza ematen duten Nafarroako Gobernuko Hezkuntza Departamentuaren sare publikoko eta itunduko ikastetxe guztiek eskatzen ahalko dute atal elebidunen programa emateko baimena, deialdi honetan parte hartzea eskatzen badute eta eskatzen diren baldintzak betetzen badituzte.

2. Atal elebidunen programa eman nahi duten ikastetxeek baldintza hauek bete beharko dituzte:

2.1. Sare publikoko ikastetxeetan:

–Honako hauek gehiengo osoz onespena ematea programari:

• Programa ezarri eta lehen urtean atal elebidunean inplikatutako departamentu didaktikoak (4. eranskina).
• Klaustroa (5. eranskina).
• Eskola Kontseilua (6. eranskina).

–Ikastetxean atal elebidunetako irakasgai ez-linguistikoak ematen dituzten behin betiko plantillako irakasleek berariaz hitz ematea programan parte hartuko dutela. Irakasle horiek hizkuntza-eskakizunei buruzko araudi indardunean ezarritako hizkuntza-egiaztapena eduki beharko dute.

2.2. Sare itunduko ikastetxeetan:

–Ikastetxeko plantillaren arabera, irakasgai ez-linguistikoak ematen dituen irakasle batek, gutxienez, edukitzea hizkuntza-eskakizunei buruzko araudi indardunean ezarritako hizkuntza-egiaztapena.

3. Atal elebidunen proiektu bat egitea (3. eranskina), atal horiek irakasteko aurreikusitako programazioa jasoko duena. Proiektuan, honako atal hauek garatuko dira:

A) Ezarpenaren lehenbiziko ikasturtea:

–Zer irakasgai emanen den/diren dagokion atzerriko hizkuntzan, eta zer neurritan, lehenbiziko ikasturtean.

–Atzerriko hizkuntzako berariazko edukien proposamena, hizkuntza horretan emanen diren irakasgaiekin loturik.

–Atal elebidunean irakatsiko duten irakasleen zerrenda, eta Atzerriko Hizkuntza ez beste irakasgaietako irakasleen hizkuntza-egiaztapena.

–Koordinatzailearen izena eta helbide elektronikoa.

B) Atal elebiduna etapako hurrengo ikasturteetan ezartzeko aurreikuspena:

–Aurreikuspenen arabera, zer irakasgai emanen d(ir)en atzerriko hizkuntzan.

–Aurreikuspenen arabera, zer-nolako plantilla beharko den programa emateko.

Bigarren oinarria.–Irakasleak.

Atzerriko hizkuntzetan ikasteko programak irakasten dituzten irakasleek programaren helburu den atzerriko hizkuntzaren titulazioa dutela egiaztatu beharko dute, Nafarroako Foru Komunitateko Administrazioan atzerriko hizkuntzaren eskakizuna duten lanpostuetan sartu eta haiek hornitzeko araudiaren arabera.

Hirugarren oinarria.–Eskaerak aurkezteko epea eta dokumentazioa.

1. Baimena lortzeko eskaera (2. eranskina), ikastetxeko zuzendaritzak egina, eta hurrengo atalean aipatzen diren agiri guztiak Hezkuntza Departamentuaren Erregistroan, urriaren 1eko 39/2015 Legean ezarritako tokietan edo ekainaren 23ko 70/2008 Foru Dekretuak arautzen duen Nafarroako Foru Komunitateko Administrazioaren Erregistro Orokor Elektronikoaren bidez aurkeztu beharko dira 2025eko apirilaren 16a baino lehen.

2. Eskaerei dokumentazio hau erantsi beharko zaie:

a) Atal elebidunen proiektua, lehenengo oinarriko 3. puntuan aipatu dena (3. eranskina).

b) Parte hartuko duten irakasleen datuak eta konpromisoa (7. eranskina).

Ikastetxe publikoen kasuan, programaren ezarpena onartzeko aktak erantsiko dira, lehenengo oinarriko 2. puntuan aipatzen direnak.

Laugarren oinarria.–Hautapen Batzordea eta deialdiaren ebazpena.

1. Baimenak emateko, kide hauek izanen dituen hautapen batzorde bat eratuko du Hezkuntza Departamentuak:

–Batzordeburua: Eleaniztasunaren eta Arte Ikasketen Zerbitzuko zuzendaria, edo hark eskuordetzen duen pertsona.

–Batzordekideak: Atzerriko Hizkuntzen Programen Ataleko burua edo hark eskuordetzen duen pertsona, eta Hezkuntza Departamentuko atal bereko bi teknikari.

2. Baimena emateko, honako alderdi hauek hartuko dira kontuan:

a) Proiektuaren koherentzia eta justifikazioa.

b) Programak duen bideragarritasuna, irakasleen aldetik eta deialdi honetan ezarritako baldintzak betetzearen aldetik.

3. Atal elebidun bat ezartzeko baimena emateko ezinbestekoa izanen da ikastetxeek bermatu ahal izatea programak jarraitutasuna izanen duela etapa osoan, ahal dela ikastetxean behin betiko destinoa duten irakasleekin (sare publikoaren kasuan) edo ikastetxeko irakasleekin (itunpeko sarearen kasuan).

4. Hezkuntzako eta Lanbide Heziketako zuzendari nagusiak ebatziko du deialdi hau, eta dagokion ebazpena emanen du.

Bosgarren oinarria.–Laguntza neurriak.

Hezkuntza Departamentuak ikastetxeei aholkuak emanen dizkie programaren ezarpenari eta garapenari buruz.

Seigarren oinarria.–Programan izandako parte-hartzea bukatzea.

1. Atal elebidunen programan izan duten parte-hartzea bukatu nahi duten ikastetxe baimenduek idatziz jakinarazi beharko diote Eleaniztasunaren eta Arte Ikasketen Zerbitzuari 2025eko apirilaren 16a baino lehen.

Edozein kasutan ere, ikastetxeak bermatuko du programan hasitako ikasleek bertan jarraitzea etapa bukatu arte.

2. Eleaniztasunaren eta Arte Ikasketen Zerbitzuak bertan behera utz dezake ikastetxe batek atal elebidunen programan duen parte-hartzea, haren funtzionamendua ikusita, Hezkuntzako Ikuskapen Zerbitzuaren txostena baloratu ondoren.

2. ERANSKINA.–..............EKO ATAL ELEBIDUNA BAIMENTZEKO ESKAERA

Ikastetxearen datuak:

Izena: ....................................................................................................................... Kodea: ...................

Helbidea: .................................................................................................. P. kd.: ....................................

Herria: .................................................................................................... Telefonoa: .........................

Helbide elektronikoa: ............................................................................................................................

Eskaerarekin batera aurkezten diren agiriak:

ESKAERA:

....................................................................................................................................... jaunak/andreak, ikastetxeko zuzendaria den aldetik, ESKATZEN DU, atal elebidunen programa arautzen duen deialdian xedatutakoarekin bat, baimena eman diezaiotela bere ikastetxean horrelako atal bat ezartzeko.

........................................(e)n, 20......(e)ko .....................................aren ........(e)(a)n.

Ikastetxeko zuzendaria (sinadura eta zigilua)

Sinatua: ........................................................................

ELEANIZTASUNAREN ETA ARTE IKASKETEN ZERBITZUKO ZUZENDARIA.

3. ERANSKINA.–ESKAERA-PROIEKTUA

Ikastetxearen datuak:

Ikastetxearen izena: ................................................................................................. Kodea: ...................

Helbidea: .................................................................................................. P. kd.: ....................................

Herria: .................................................................................................... Telefonoa: .........................

Helbide elektronikoa: .........................................................................................................................

...........................................................................(e)ko atal elebidunaren proiektua.

1. Helburu orokorrak.

Proiektuak ikastetxean ezarri nahi den atal elebidunaren helburuak jasoko ditu. Helburuen artean, eskatutako atal elebiduneko hizkuntzaren alderdi linguistiko eta kulturalak aipatuko dira.

2. Atala ezartzeko ikasturtea.

Atal elebidunaren proiektuan proposamen arrazoitu bat jasoko da, azalduko duena arlo bakoitzaren irakaskuntzari heltzeko modua, honako hauek zehaztuz: dagokion atzerriko hizkuntza zer neurri eta modutan erabiliko den, irakaslana zuzenduko duten irizpide metodologikoak eta ebaluaziorako irizpideak.

3. Proiektuaren bideragarritasunaren justifikazioa.

Proiektuaren bideragarritasuna honela justifikatuko da:

a) Eskaera egin duen ikastetxean proiektua abian jartzea ahalbidetzen duten zergatiak edo inguruabarrak azalduko dira.

b) Ikastetxean atala garatzen parte hartuko duten irakasleen zerrenda: irakasle bakoitza etapa osoan zehar zer arlo eta mailatan arituko den lanean.

c) Etapa osorako egin asmo diren ekintzen egutegia eta haiek burutzeko konpromisoa.

4. Prestakuntza.

Hezkuntza komunitateko kideen prestakuntza beharrak detektatu ondoren, ikastetxeak egindako prestakuntza proposamenak jasoko dira proiektuan.

5. Hezkuntza komunitatearen inplikazio maila.

Atal elebidunaren proiektuaren garapenean hezkuntza komunitateak zer inplikazio maila duen azaldu beharko du proiektuak: inplikatutako departamentuak, irakasleen klaustroa eta Eskola Kontseilua.

–Antolaketari buruzko datuak. Atal elebiduna zer ikasturtetan ezarriko den.

–Atala etapan ezartzeko aurreikuspena.

–Koordinatzailea.

–Prestakuntza beharrak.

4. ERANSKINA.–ATALEAN INPLIKATUTAKO DEPARTAMENTU DIDAKTIKOETAKO IRAKASLEEK PROGRAMARI ONESPENA EMATEKO AKTA

Nik, ......................................................................................................................... jaunak/andreak, ........................................... ikastetxeko ................................................. departamentuko buruak,

ADITZERA EMATEN DUT:

1. Departamentu honetako kideek badakitela zein diren ..........................................ko atal elebidunen programaren edukia eta ezaugarriak.

2. Departamentu honek, 20.....(e)ko ..........................aren ......................(e)an egindako bilkuran,

 Programa ezartzeko eskaerari babesa eman dio.

 Programa ezartzeko eskaerari ez dio babesik eman.

Bozketaren emaitza:

Eta hala ager dadin, behean adierazten den tokian eta egunean sinatzen dut.

.............................................(e)n, 20......(e)ko .....................................aren ........(e)(a)n.

5. ERANSKINA.–KLAUSTROAK PROIEKTUARI EMANDAKO ONESPENAREN AKTA

Nik, ........................................................................................................................... jaunak/andreak, ...................................................... ikastetxeko idazkaria naizen aldetik,

ADITZERA EMATEN DUT:

1. Ikastetxeko klaustroak badakiela zein diren atal elebidunen programaren ezaugarriak eta edukia.

2. Klaustroak, 20...........(e)ko ........................ aren ....................................(e)an eginiko bilkuran,

 Babesa eman dio .......................................eko atal elebidunaren programa ezartzeko eskaerari.

 Ez dio babesik eman .................................eko atal elebidunaren programa ezartzeko eskaerari.

Bozketaren emaitza:

Eta hala ager dadin, behean adierazten den tokian eta egunean sinatzen dut.

.............................................(e)n, 20......(e)ko ................................aren ........(e)(a)n.

6. ERANSKINA.–ESKOLA KONTSEILUAK PROIEKTUARI EMANDAKO ONESPENAREN AKTA

Nik, ................................................................................................................................ jaunak/andreak, .............................................. ikastetxeko Eskola Kontseiluko idazkaria naizen aldetik,

ADITZERA EMATEN DUT:

3. Ikastetxeko Eskola Kontseiluak badakiela zein diren atal elebidunen programaren edukia eta ezaugarriak.

4. Eskola Kontseiluak, 20..........(e)ko ........................aren ..........................(e)an egindako bilkuran,

 Babesa eman dio .......................................eko atal elebidunaren programa ezartzeko eskaerari.

 Ez dio babesik eman ..................................eko atal elebidunaren programa ezartzeko eskaerari.

Bozketaren emaitza:

Eta hala ager dadin, behean adierazten den tokian eta egunean sinatzen dut.

.............................................(e)n, 20......(e)ko .....................................aren ........(e)(a)n.

7. ERANSKINA.–DATUEN FITXA ETA IRAKASLEEN KONPROMISOA

Ikastetxearen datuak:

Izena: ................................................................................................................................................

Herria: ...............................................................................................................................................

Irakaslearen datuak:

Izen-deiturak: ....................................................................................................................................

Zenbateko antzinatasuna duen ikastetxean (oraingo ikasturtea barne): ..........................................

Diploma/Lizentzia/Gradua: ...............................................................................................................

Beste titulu batzuk: ................................................................................................................................

Kidegoa: ........................................................... Espezialitatea: .........................................................

Hizkuntza gaitasuna ingelesez/frantsesez/alemanez:

Hizkuntza: ...........................................................................................................................................

Maila: ................................................................................................................................................

Ziurtagiria: ........................................................................................................................................

Honako honetarako konpromisoa adierazten dut:

–Atalean jarraituko dudala proiektuan zehaztu bezala.

–Atal elebidunen programa gauzatzeko antolatzen diren prestakuntza eta koordinazio bileretan parte hartuko dudala.

.........................................(e)n, 20......(e)ko .....................................aren ........(e)(a)n.

Sinatua: ........................................................................

Iragarkiaren kodea: F2504544