Iragarkia

68. ALDIZKARIA - 2025eko apirilaren 4a

1. NAFARROAKO FORU KOMUNITATEA

1.7. BESTELAKOAK

66E/2025 EBAZPENA, martxoaren 17koa, Telekomunikazioetako eta Digitalizazioko zuzendari nagusiak emana, zeinaren bidez onesten baita Ikai Tecnologías Avanzadas SLk aurkeztutako Azpiegituren Lurralde Plana.

Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzeko maiatzaren 6ko 10/2002 Foru Legearen arabera, operadoreek Nafarroako Gobernuko departamentu eskudunari komunikatu beharko diote planaren edukiaren edozein aldaketa, planean beharrezko diren eguneraketak eginez.

Telekomunikazioetako eta Digitalizazioko zuzendari nagusiak irailaren 28an emandako 789E/2023 Ebazpenaren bidez, hasiera eman zitzaion Ikai Tecnologías Avanzadas SLren Nafarroako Foru Komunitateko Azpiegituren Lurralde Planaren izapidetzeari, eta agindua eman zen eskatutako kokalekuak Nafarroako Gobernuaren Gobernu Irekiaren Atarian argitaratzeko, interesdunek bidezko alegazioak aurkez zitzaten.

Gobernu Irekiaren Atarian jendaurrean egon den aldian, Berriobeitiko Udalak eta Uharte Arakilgo Udalak alegazioak aurkeztu dizkie WKI 110 - Berriobeiti estazioari.

Telekomunikazioetako eta Digitalizazioko zuzendari nagusiak emandako abenduaren 19ko 917E/2024 Ebazpenaren bidez, Berriobeitiko Udalak aurkeztutako alegazioak baiestea ebatzi zen, eta WKI 100 - Berriobeiti deskribapen fitxa aldatzea erabaki zen, gune kalteberei buruzko erreferentziak gehitzeko, eta Uharte Arakilgo Udalak aurkeztutako alegazioak ezestea.

Orobat, ebazpen horietan errekerimendua egin zitzaien Biodibertsitatearen Zerbitzuari, Lurralde eta Paisaia Zerbitzuari, NOPLOIko Elikagaien Segurtasunaren eta Ingurumen Osasunaren Zerbitzuari eta Ondare Historikoaren Zerbitzuari, txostena egin zezaten azpiegituren lurralde planari buruz, nork bere eskumenen esparruan. Aipatu unitateek eta Telekomunikazioen, Azpiegituren eta Zibersegurtasunaren Zerbitzuak aipatu txostenak egin dituzte dagozkien determinazioekin, eta ebazpen honen II. eranskinean bildu dira.

2015eko ekainaren 24ko Erabakiaren bidez, 10/2002 Foru Legean arautzen diren Nafarroako Foru Komunitateko azpiegituren lurralde planei dagokienez, Nafarroako Gobernuak erabaki du telekomunikazioen arloan eskumenak dituen departamentuak izapidetu eta ebatziko dituela plan horiek.

Horrenbestez, indarra duen legerian ezarritakoarekin bat, eta Unibertsitateko, Berrikuntzako eta Eraldaketa Digitaleko Departamentuaren egitura organikoa ezartzen duen azaroaren 15eko 252/2023 Foru Dekretuaren lehenengo xedapen gehigarriaren bidez eman dizkidaten eskudantziak erabiliz,

EBAZTEN DUT:

1. Ikai Tecnologías Avanzadas SLk aurkeztu duen Nafarroako Foru Komunitateko Azpiegituren Lurralde Plana onestea, barne direla ebazpen honen I. eranskinean agertzen diren kokalekuak eta II. eranskinean agertzen diren ukitutako instalazioek bete beharreko determinazioak.

2. Ebazpen hau igortzea Biodibertsitatearen eta Arrantza Kudeaketaren Zerbitzura, Lurralde eta Paisaia Zerbitzura, NOPLOIko Elikagaien Segurtasunaren eta Ingurumen Osasunaren Zerbitzura, Ondare Historikoaren Zerbitzura eta Telekomunikazioen, Azpiegituren eta Zibersegurtasunaren Zerbitzura.

3. Ebazpen hau eta dagozkion eranskinak Ikai Tecnologías Avanzadas SLri jakinaraztea, eta aditzera ematea haren aurka gora jotzeko errekurtsoa jartzen ahal dela, Unibertsitateko, Berrikuntzako eta Eraldaketa Digitaleko kontseilariari zuzendua, jakinarazi eta biharamunetik hilabeteko epean, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126. artikuluan eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin.

4. Ebazpen hau eta dagozkion eranskinak Nafarroako Aldizkari Ofizialean argitaratzea, orok jakin dezan.

Iruñean, 2025eko martxoaren 17an.–Telekomunikazioetako eta Digitalizazioko zuzendari nagusia, Jose Antonio Vizcay Urrutia.

I. ERANSKINA.–AZPIEGITUREN LURRALDE PLAN HONETAN SARTUTAKO ESTAZIOAK

II. ERANSKINA.–DETERMINAZIO OROKORRAK

–Elikagaien Segurtasunaren eta Ingurumen Osasunaren Zerbitzuak emandako txostenean ezarritakoa betez:

Irekitzeko lizentziaren fasean, eta oinarrizko estazioak martxan jarri baino lehen, teknikari eskudun baten ziurtagiria aurkeztuko da dagokion udalean. Ziurtagiri horretan justifikatuko da estazioak proiektu teknikoarekin eta aurkeztutako eranskinekin bat egin direla, eta emisio irrati-elektrikoetako esposizio mailen neurketa errealen emaitzak emanen dira. Neurketak erradiazio handiena den iristeko moduko tokian eginen dira, barne direla bereziki aintzat hartu beharreko erabilera eremuak, baldin badaude, urtarrilaren 11ko CTE23/2002 Aginduan eta geroko aldaketetan ezarritako prozedurari jarraikiz eta maiatzaren 6ko 10/2002 Foru Legean ezarritakoarekin bat. Hori dena I. eranskinean aipatzen diren kokalekuentzat.

–Biodibertsitatearen eta Arrantza Kudeaketaren Zerbitzuak emandako txostenean ezarritakoa betez:

Lurralde Plana onartzeko eskaerari dagokionez, 25 kokalekuri eragiten die, eta horietatik 24 lurzoru urbanizaezinean daude. Jakinarazten da kokaleku guztietan telekomunikazioko transmisoreak daudela, hainbat altueratan, lehendik zeuden azpiegituren gainean (dorreak, zutoinak edo mastak), eta azpiegitura horiek hornidura elektrikoa dutela eta horietarako sarbidea eginik dagoela.

Egiaztatu denez, horietako 22 proiektu mota horretarako ingurumen arloko esku-hartzeari buruzko Nafarroako lehen araudia argitaratu aurretik egin ziren. Beste biek azpiegitura berriagoak dituzte, eta aldeko ingurumen txostena dute edo ez dute ingurumen eragin adierazgarririk. Hiri lurzoruan dagoen kokaleku bakarra –Iruñean dagoena– ez da ingurumen ebaluazioaren xede, ez baitago kasu hori jasota Ingurumenean Eragina duten Jarduerak arautzen dituen abenduaren 16ko 17/2020 Foru Legearen eranskinetan.

Aurrekoa ikusita, jakinarazten da Ikai Tecnologías Avanzadas SLk sustatutako Telekomunikazio Azpiegituren Lurralde Planak (instalazio horiek guztiak lehendik dauden beste batzuen gainean daude) ez diola eragin berririk ekarriko ingurune naturalari, eta, beraz, ez dela ingurumen arloko esku-hartzerik eginen Ingurumenean Eragina duten Jarduerak arautzen dituen abenduaren 16ko 17/2020 Foru Legearen eta Ingurumen Ebaluazioari buruzko abenduaren 9ko 21/2013 Legearen arabera.

–Ondare Historikoaren Zerbitzuak emandako txostenean ezarritakoa betez:

Aurkeztutako dokumentazioa ikusirik, jakinarazten dut Ondare Arkitektonikoaren Atalarekin ados dagoela, unitate honen eskumenekoa den guztian.

–Telekomunikazioen, Azpiegituren eta Zibersegurtasunaren Zerbitzuak emandako txostenean ezarritakoa betez:

Aurkeztutako dokumentazioa ikusita, I. eranskineko kokalekuen aldeko txostena ematen da, Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzeko maiatzaren 6ko 10/2002 Foru Legean jasotako eskakizunak betetzen direlako zerbitzu horren (telekomunikazioak) eskumeneko arloari dagokionez.

Berariazko determinazioak.

–Elikagaien Segurtasunaren eta Ingurumen Osasunaren Zerbitzuak emandako txostenean ezarritakoa betez:

Aurkeztutako eskaeran teorikoki kalkulatutako esposizio mailak telekomunikazioen arloan indarrean dagoen legerian ezarritakoak baino txikiagoak dira.

–Biodibertsitatearen eta Arrantza Kudeaketaren Zerbitzuak emandako txostenean ezarritakoa betez:

Jarraian, lurzoru urbanizaezinean dauden 22 kokalekuak deskribatzen dira:

• Uharte Arakil. UTM ETRS89 erreferentzia sistemaren arabera adierazitako x,y koordenatuen puntua: 584433,4756061. Oinarrizko estazioak zazpi transmisore ditu, Artxuetan 40 metroko garaierako sareta dorre batera finkatuta. Dorre hori lehen ingurumen araudia egin aurretik egin zen (4/2005 Foru Legea).
• Baztan/Arraioz 615717,4777992. Oinarrizko estazioak 3 transmisore ditu, 20 m-ko altuerako sareta dorre batera finkatuta, ingurumen araudiaren aurretik instalatuta.
• Ezporogi 628912,4715001. Oinarrizko estazioak 4 transmisore ditu, 25 m-ko altuerako sareta dorre batera finkatuta, ingurumen araudiaren aurretik instalatuta.
• Larraun 585581,4759745. Oinarrizko estazioak 7 transmisore ditu, 15 m-ko altuerako sareta dorre batera finkatuta, ingurumen araudiaren aurretik instalatuta.
• Bidaurreta 595137,4735114. Oinarrizko estazioak 3 transmisore ditu, 15 m-ko altuerako sareta dorre batera finkatuta, ingurumen araudiaren aurretik instalatuta.
• Belate 610944,4767243. Oinarrizko estazioak 6 transmisore ditu, 15 m-ko altuerako sareta dorre batera finkatuta, ingurumen araudiaren aurretik instalatuta.
• Odieta 611725,4754258. Oinarrizko estazioak 3 transmisore ditu, 15 m-ko altuerako sareta dorre batera finkatuta, ingurumen araudiaren aurretik instalatuta.
• Galar 607519,4731421. Oinarrizko estazioak 3 transmisore ditu, 35 m-ko altuerako sareta dorre batera finkatuta, ingurumen araudiaren aurretik instalatuta.
• Baztan/Amaiur 626240,4784412 (Gorramendi). Oinarrizko estazioak 4 transmisore ditu, 40 m-ko altuerako sareta dorre batera finkatuta, ingurumen araudiaren aurretik instalatuta.
• Gesalatz/Genbe 588835,4736984. Oinarrizko estazioak 2 transmisore ditu, 15 m-ko altuerako sareta dorre batera finkatuta, ingurumen araudiaren aurretik instalatuta.
• San Martin Unx 616066,4711412. Oinarrizko estazioak 9 transmisore ditu, 30 m-ko altuerako sareta dorre batera finkatuta, ingurumen araudiaren aurretik instalatuta.
• Elo 620315,4728146 (Higa). Oinarrizko estazioak 9 transmisore ditu, 30 eta 45 m-ko altuerako bi sareta dorretara finkatuta, ingurumen araudiaren aurretik instalatuta.
• Gesalatz/Izurtzu 592528,4737392. Oinarrizko estazioak 2 transmisore ditu, dagoen 10 m-ko altuerako sareta dorre batera finkatuta, ingurumen araudiaren aurrekoa.
• Araitz 582196,4763378. Araitz udal mugartean dagoen eta Intzako herriari estaldura emanen dion oinarrizko estazioak 2 transmisore ditu, 7 m-ko altuerako masta batera finkatuta, ingurumen araudiaren aurretik instalatuta.
• Lapoblación 545587,4718212. Oinarrizko estazioak 2 transmisore ditu, 15 m-ko altuerako sareta dorre batera finkatuta, ingurumen araudia egin aurretik eginikoa.
• Ultzama 605777,4758916. Oinarrizko estazioak 3 transmisore ditu, 40 m-ko altuerako sareta dorre batera finkatuta, ingurumen araudiaren aurretik instalatuta.
• Esa 647924,4722941 (Arangoiti). Oinarrizko estazioak 5 transmisore ditu, 40 m-ko altuerako sareta dorre batera finkatuta, ingurumen araudiaren aurrekoa.
• Lapoblación/Meano 543855,4716947, oinarrizko estazioak 3 transmisore ditu, dagoen 15 m-ko altuerako sareta dorre batera finkatuta, ingurumen araudiaren aurrekoa.
• Deikaztelu 578281,4720094 (Montejurra). Oinarrizko estazioak 11 transmisore ditu, 30 m-ko altuerako sareta dorre batera finkatuta, ingurumen araudiaren aurrekoa.
• Funes 598141,4684559. Oinarrizko estazioak 5 transmisore ditu, 30 m-ko altuerako sareta dorre batera finkatuta, ingurumen araudia egin aurretik eginikoa.
• Berriobeiti 609306,4745367 (Ezkaba). Oinarrizko estazioak 12 transmisore ditu, 30 m-ko altuerako sareta dorre batera finkatuta, ingurumen araudia egin aurretik eginikoa.
• Uxue 622323,4707661. Oinarrizko estazioak 3 transmisore ditu, 25 m-ko altuerako sareta dorre batera finkatuta, ingurumen araudiaren aurrekoa.
• Lurzoru urbanizaezinean dauden bi kokalekuak, euskarri azpiegitura berriagoak dituztenak, honako hauek dira:
  • Deierri 584467,4732359. Deierriko udal mugarteko 4. poligonoko 195. lurzatian egonen da (Hiriberri Deierri). Oinarrizko estazioak 2 transmisore ditu, 30 m-ko altuerako sareta dorre batera finkatuta. Dorre hori 2006aren eta 2008aren artean egin zen, eta ingurumen ukipenetarako baimena eman zitzaion, Ingurumenaren Kalitatearen Zerbitzuko zuzendariak abuztuaren 24an emandako 0671/2009 Ebazpenaren bidez.
  • Basaburua 595527,4764826. Basaburuko (Beruete) udal mugarteko 11. poligonoko 364. lurzatian dago. Beruete herriari estaldura emanen dion oinarrizko estazioak 3 transmisore ditu, lehendik dagoen 5 metroko zutoin batera finkatuta, zeina 7 metroko eraikin baten gainean ainguratuta dagoen eta soken bidez lotzen den. Ez dakarkio eragin nabarmenik ingurumenari, baina sokak txoriak salbatzeko tresnekin seinaleztatzea baloratu beharko litzateke. Instalazioak Ingurumen Kalitatearen Zerbitzuko zuzendariaren aldeko txostena dauka, 2009ko irailaren 9koa.

–Lurralde eta Paisaia Zerbitzuak emandako txostenean ezarritakoa betez:

Azpiegiturei buruzko lurralde planean aurreikusitako instalazioek (kodea: WKI 104, Iruña), dagokion udaleko hirigintza plangintzak hiri lurzoru gisa sailkatutako lurzoruan kokatzen diren kokalekuetan, ez dute lurzoru urbanizaezinean baimentzen ahal diren jardueren baimenik beharko, hargatik eragotzi gabe beste organo edo administrazio batzuen lizentzia, baimena edo txostena behar izatea.

Azpiegiturei buruzko lurralde planean aurreikusitako instalazioak, WKI 100 Elo, WKI 102 Galar, WKI 106 Bidaurreta WKI 107 Gesalatz/Izurtzu, WKI 109 Deierri, WKI 110 Berriobeiti, WKI 203 Lapoblación, WKI 301 Esa, WKI 403 Funes, WKI 405 Uxue, WKI 406 San Martin Unx, WKI 407 Ezporogi, WKI 501 Odieta, WKI 510 Baztan, WKI 515 Baztan/Arraioz, WKI 516 Baztan/Amaiur, WKI 522 Araitz eta WKI 840 Uharte Arakil kokalekuetan daudenak, baimenduta daude dagoeneko, eta ez da beharrezkoa izanen lurzoru urbanizagarrian baimendu beharreko jardueretarako baimen berririk izatea, hargatik eragotzi gabe beste organo edo administrazio batzuen lizentzia, baimena edo txostena behar izatea.

WKI 108 Gesalatz/Genbe, WKI 200 Deikaztelu, WKI 204 Lapoblación/Meano, WKI 503 Larraun, WKI 508 Ultzama, WKI 509 Basaburua kokalekuetan aurreikusitako instalazioek ez dute behar lurzoru urbanizaezinean baimendu beharreko jardueren baimenik, hargatik eragotzi gabe beste organo edo administrazio batzuen lizentzia, baimena edo txostena behar izatea, eta, betiere, instalazio edo eraikin horien ezarpenaren legezkotasuna egiaztatzen bada. Ezin bada legezkotasuna egiaztatu, legeztatzeko eskatu beharko da, uztailaren 26ko 1/2017 Legegintzako Foru Dekretuaren bidez onetsitako Lurraldearen Antolamenduari eta Hirigintzari buruzko Foru Legearen testu bateginaren 117. artikuluan ezarritako prozedura betez.

Iragarkiaren kodea: F2504187