Iragarkia

67. ALDIZKARIA - 2025eko apirilaren 3a

1. NAFARROAKO FORU KOMUNITATEA

1.7. BESTELAKOAK

165E/2025 EBAZPENA, martxoaren 6koa, Ingurumeneko zuzendari nagusiak emana, "Cabanillasen (1050-5-CE) eta Tuteran (1051-2-CE), Eólica Cabanillas SLUk sustatuta, 14 MW-ko potentziako "Serralta" eta 15 MW-ko potentziako "San Gregorio" haize-parkeak berrindartzeko" proiektuen aldeko ingurumen-inpaktuaren adierazpena egiten duena.

"Cabanillasen (1050-5-CE) eta Tuteran (1051-2-CE), Eólica Cabanillas SLUk sustatuta, 14 MW-ko potentziako "Serralta" eta 15 MW-ko potentziako "San Gregorio" haize-parkeak berrindartzeko" proiektuen aldeko ingurumen-inpaktuaren adierazpenaren ebazpena.

Proiektuaren ezaugarriak direla-eta, Ingurumen-ebaluazioari buruzko abenduaren 9ko 21/2013 Legearen I. eranskinaren barnean sartzen da. Aipatu arauak 7.1 artikuluan ezartzen du I. eranskinean sartutako proiektuei ingurumen-inpaktuaren ebaluazio arrunta eginen zaiela.

1. Ingurumen-inpaktuaren ebaluazio arruntaren prozeduraren garapena eta ingurumen-inpaktuaren adierazpena egiteko eskaera.

1.1. Jendaurreko informazioa eta ukituriko administrazio publikoei eta interesdunei kontsulta egitea.

Nafarroako haize parkeetarako baimena arautzen duen maiatzaren 8ko 56/2019 Foru Dekretuaren 7. eta 8. artikuluetan eta Ingurumen Ebaluazioari buruzko abenduaren 9ko 21/2013 Legearen 36. eta 37. artikuluetan xedatutakoarekin bat, Industriaren Antolamenduaren, Azpiegitura Energetikoen eta Meatzeen Zerbitzuak jendaurrean jarri zituen "Serralta haize-parkea berrindartzea" eta "San Gregorio haize-parkea berrindartzea" proiektuak eta ingurumen-inpaktuaren azterketa, 2024ko otsailaren 8ko Nafarroako Aldizkari Ofizialean (29. zk.) argitaratuta, eta txostena eskatu zitzaien eragindako administrazio publikoei eta interesdunei.

Ebazpen honen I. eranskinean labur aipatzen da zer administrazio publikori eta zer entitateri egin zitzaien kontsulta, eta zer alegazio jaso ziren.

1.2. Ingurumen-inpaktuaren ebaluazio arrunta hasteko eskaera.

Eólica Cabanillas SLUk, 2024ko uztailaren 19an, "Serralta haize-parkea berrindartzea" eta "San Gregorio haize-parkea berrindartzea" proiektu tekniko administratiboak aurkeztu zizkion Industriako eta Trantsizio Ekologiko eta Digitalerako Departamentuari, bi proiektu horien ingurumen-inpaktuaren azterketarekin batera (aurrerantzean, IIA), ingurumen-inpaktuaren ebaluazio arruntaren prozedura hasteko eskatuz. 2024ko abuztuaren 1ean organo substantiboak dokumentazio guztia helarazi zion ingurumen-organoari.

Orain arte bildutako informazioarekin ingurumen-inpaktuaren adierazpen hau egin da.

2. Proiektuaren laburpena.

–Serralta haize-parkea berrindartzea.

Serralta haize-parkea 1998an paratu zen abian. 600 kW-ko 25 haize-sorgailu ezarri ziren; haize-sorgailuak 45 edo 55 metrokoak ziren, sorgailuaren arabera, eta 44 metroko errotorea zuten. Potentzia 15 MW-koa zen guztira. 2001ean, 1.500 kW-eko haize-sorgailu bat jarri eta instalazioa handitu egin zen, 16,5 MW-ko potentzia instalatura pasatuz. Azkenik, 2021ean 600 kW-ko 5 haize-sorgailu eta 2001ean instalatutako 1.500 kW-ko haize-sorgailua desegin ziren, eta Nordex N155 haize-sorgailu berria instalatu zen Serralta parkean, 4.500 kW-koa, berrindartutako egungo haize-parkearen parte izanen dena.

Harrezkero, hasieran instalatutako haize-sorgailuak 25 urtez ustiatu dira eta laster haize-sorgailuen bizitza baliagarria bukatuko da. Horregatik, haize-parkea berrindartu nahi dute haize-sorgailu zaharrak kendu eta efizientzia handiagoko berriak jarrita.

"Serralta haize-parkea berrindartzean" 18,5 MW-ko guztizko potentzia instalatua izanen du, 16,5 MW-ko sarbide-gaitasunarekin funtzionamenduan mugatua, eta 7 MW-ko 2 haize-sorgailu izanen ditu, 4,5 MW-ko potentzia unitariokoak, 2021ean instalatutakoari gehituko zaizkionak.

Berrindartze-jardueren barruan, 20 ECO-44 unitate desinstalatuko dira, 600 kW-eko potentzia unitarioa eta 44 m-ko diametroa duen errotorea dutenak.

Haize-sorgailu berriak 120 metroko altuera edukiko dute abatzeraino, eta errotorearen diametroa 163 metrokoa izanen da.

Azken proiektua eta IIA finkatua aurkeztu ondoren, "Serralta" haize-parkerako hautatutako alternatibak, hura berrindartzeko, 3 haize-sorgailu ditu, honako kokapen honetan (lehendik dagoen 1):

Haize-parkea berrindartzeko proiektuko jarduketetan egungo parkean dauden zangak eta bideak erabiliko dira, teknikoki bideragarria izanez gero.

Dauden bideak zabaltzeko eta berriak egiteko honako zabalera hauek ezartzen dira: 6 metro eremu zuzenetan.

Sartzeko bidea N-126 Tutera-Tauste errepidetik dagoena izanen da, Cabanillas II haize-parkeko haize-sorgailuetara doan pista batetik, eta hortik Serraltako haize-parkera arte.

–San Gregorio haize-parkea berrindartzea.

San Gregorio haize-parkea 1998an paratu zen abian. 600 kW-ko 25 haize-sorgailu ezarri ziren; haize-sorgailuak 45 edo 55 metrokoak ziren, sorgailuaren arabera, eta 44 metroko errotorea zuten. Potentzia 15 MW-koa zen guztira.

Harrezkero, haize-sorgailuak 25 urtez ustiatu dira eta laster haize-sorgailuen bizitza baliagarria bukatuko da. Horregatik, haize-parkea berrindartu nahi dute haize-sorgailu zaharrak kendu eta efizientzia handiagoko berriak jarrita.

Berrindartu ondoren San Gregorio haize-parkeak 15 MW-ko potentzia edukiko du; 5 MW-ko 3 haize-sorgailu egonen dira.

Berrindartze-jardueren barruan, 25 unitate desinstalatuko dira, 600 kW-eko potentzia unitarioa eta 44 m-ko diametroa duen errotorea dutenak, martxan jartzearen hasieran instalatuak.

Haize-sorgailu berriak 120 metroko altuera edukiko dute abatzeraino, eta errotorearen diametroa 155 metrokoa izanen da.

Azken proiektua eta IIA finkatua aurkeztu ondoren, "San Gregorio" haize-parkerako hautatutako alternatibak, hura berrindartzeko, 3 haize-sorgailu ditu, honako kokapen honetan:

Haize-parkea berrindartzeko proiektuko jarduketetan egungo parkean dauden zangak eta bideak erabiliko dira, teknikoki bideragarria izanez gero.

Dauden bideak zabaltzeko eta berriak egiteko honako zabalera hauek ezartzen dira: 6 metro eremu zuzenetan.

Sartzeko bidea N-126 Tutera-Tauste errepidetik dagoena izanen da, Cabanillas II haize-parkeko haize-sorgailuetara doan pista batetik, eta hortik Serralta eta San Gregorio haize-parkera arte, behar berrietara egokitutako egungo bideetatik.

–Haize-parkeetako baterako ebakuazio-azpiegitura, 66 kV-ekoa, eta neurtzeko dorrea.

Haize-sorgailuak ordeztu ondoren sortutako energia ebakuatzeko, neurri handi batean lehendik dauden azpiegiturak erabiliko dira, Serraltako azpiestazioa birmoldatuko baita, eta haize-sorgailu berri guztien energia ebakuatuko da. Azpiestazio horretatik egungo ebakuazio-linearen bidez hustuko da energia, eta linea horren zati bat lurperatu eginen da.

Hasierako dokumentuan agertzen ez bada ere, administrazio publikoei kontsultak egiteko fasean ingurumen-organoak linea horren ebaluazioa sartzeko eskatu zuen, nahiz eta funtzionamenduan egon, hegaztiak goi tentsioko linea elektrikoak jo eta elektrokutatzetik babesteko neurriei buruz indarrean dagoen araudira egokitzeko eta linea horiek lurperatzea aztertzeko, beste helburu batzuen artean.

Eginen diren eraikuntza berrien barruan, neurketa meteorologikorako dorre autosostengatu iraunkor bat instalatuko da, 118 m-ko altuerakoa, San Gregorioko haize-parkean, zimentazioan ainguratua, gutxi gorabehera 10,4x10,4x0,5 m-ko neurrikoa, X koordenatuetan: 619.309-Y: 4.657.805 (ETRS89, Huso 30N).

3. Ingurumen inpaktuaren azterketaren deskribapena eta analisia.

a) Aukeren azterketa.

Proiektuaren ingurumen-inpaktuaren azterketak bi baldintza ezartzen ditu aukeren artean hautatzeko: konexio-puntuaren kokapena eta dauden azpiegiturak erabiltzea, batez ere bideak eta energia kanporatzeko azpiegitura. Horren arabera, 0 aukera alde batera utzi da, badaudelako ingurumen-eragin onargarriko aukera bideragarriak.

Gaur egungo teknologietan eta egungo ebakuazio-azpiegiturak teknologia horietara egokitzeko aukeretan oinarrituta, hainbat aukera aztertu dira.

Laburbilduz, 3-3,5 MW-ko 11 haize-sorgailu dituen lehen aukera bat proposatzen da, gaur egun Serraltan dagoen 4,5 MW-ko haize-sorgailuaz gain. Beste aukera bat proposatzen da: 5 MW-ko 3 haize-sorgailu San Gregorion, eta 7 MW-ko 2 haize-sorgailu eta 4,5 MW-ko haize-sorgailu bat Serraltan, aireko ebakuazioarekin, Serraltako egungo ebakuazioaren trazadura aprobetxatuz. Hirugarren aukera ere bigarren aukeraren antzekoa da, haize-sorgailuei dagokienez, baina ebakuazio-linearen zati bat lurperatuta.

Zero aukera alde batera utzita, sustatzaileak aurkeztu dituen haize-sorgailuen teknologien eta haien afekzioen aukerak aztertu dira eta erabaki da hoberena 3. aukera dela (potentzia aldakorreko eta partzialki lurperatutako ebakuazioko 6 haize-sorgailu). Horixe da ebazpen honen proiektuaren laburpenaren atalean zehazten den haize-parkearen konfigurazioa.

b) Proiektuaren eragin nagusien analisia.

IIAn detektatutako eragin nagusiak eraikuntza fasekoak dira, eta aireak, lurzoruak eta hidrologiak jasanen dituzte. Nolanahi ere, eraikuntza fasean eraginik handienak animaliek, nahasmendu akustikoak eta paisaiak jasanen dituzte, lanek luze joko dutelako.

–Argi-kutsadura. Argi-kutsadurari dagokionez, sustatzailearen arabera, haize-sorgailuak sistema dual baten bidez balizatuko dira: egunez eta ilunabarrean argiaren batez besteko intentsitatea A izanen da eta gauez C; gainera, dorrean E motako intentsitate baxuko argiak paratuko dira.

–Lurzorua. Parkeko eraikuntza elementuek 95.875 m²-ko lurzorua okupatzea aurreikusten da, aldi baterako okupazioak barne. Okupazioaz gain, honako eragin hauek detektatu dira eraikuntza fasean, neurriak aplikatu aurretik: higadura-arriskua lur mugimenduen ondorioz, eta lurzoruak trinkotzea eta haien kalitatea aldatzea makinen joan-etorrien eta balizko isurketen ondorioz. IIAren arabera, obraren ingurumen-zuzendaritzaren zaintzapean zenbait prebentzio-neurri eta neurri zuzentzaile ezarriz gero, higaduraren eta lurren trinkotzearen hondar eragina ez da izanen handia, eta bateragarria izanen da lurzoruaren galerarako eta gertatzen ahal diren isurketetarako.

Eraikuntza-fasean, nabarmentzekoa da eremu bat sortu dela forma poligonaleko metaketa-eremu gisa, 100x100 m inguruko azalerarekin. Hain zuzen ere, haize-parkeko sarbide nagusiaren ondoko laborantza-sailak okupatuko dira aldi batez eta honetarako erabiliko dira: haize-sorgailuen elementu handiak, obra zibileko materiala eta material elektrikoa edukitzeko, obra zibileko makinak aparkatzeko eta langileak egoteko (obra-etxolak).

–Hidrologia. Eragin handiena ur-ibilguen inguruko makinek eta noizean behin istripuak direla-eta geratzen diren isuriek eraginen dute. Hala ere, alde horretan ez dago ur-laster iraunkorrik, eta bigarren mailakoak obra-eremutik urrun daude, eta ez diote eragiten jabari publiko hidraulikoari. Prebentzio-neurriak eta neurri zuzentzaileak aplikatu ondoko hondar eragina txikitzat jotzen da.

–Europar Batasunaren intereseko habitatak, flora eta landaredia. Proiektuaren arabera, haize-sorgailuak gaur egun lehorreko laborantza-sailak dauden eremu batean eraikiko dira. Haize-sorgailu guztiak interes komunitarioko habitatetik (IKH) gertu daude, eta zuzeneko okupazio handiak ez du eraginik sortzen. Habitat horien artean, "Larre xerofitiko mediterraneoak, landare bizikor eta urtekoak" lehentasunezko habitata dago.

Zuzeneko okupazioari dagokionez, neurketa-estazioak 152 m²-ri eragiten die, sustatzailearen kartografiaren arabera, "4090+1430+6220*" kodea duten habitatei, eta "92D0+1430+6220*" habitaten kasuan, 549 m²-ri eragiten die SG-01 haize-sorgailuaren muntaketa-plataformak, eta 471 m²-ri neurketa-estazioaren muntaketa-plataformak; guztira, 1.020 m². Prebentzio-neurriak eta neurri zuzentzaileak ezarri ondoren, aztertu diren parametro guztien arabera landaretzak eta Batasunaren intereseko habitatek ez dute eraginik jasanen edo eragin txikia jasanen dute.

–Fauna. IIAn egungo haize-parkeetan 2017-2023 aldian izan diren heriotzak aztertu dira: urtean hildako hegaztiak eta urtean hildako kiropteroak. Lehendik dauden haize-parkeak izanik eta horiek berrindartzean, sustatzaileak aurkeztutako IIAk hainbat afekzioren ebaluazioa azpimarratzen du, hala nola hesi-efektua, habitaten afekzioa edo galera edo hilkortasuna, eta sustatzailearen iritziz oraingo haize-sorgailuen ordez 6 haize-sorgailu jartzeak dakarren onura (horietako bat dagoeneko existitzen da). Esaterako, gaur egun ekortze-azaleren arteko distantziak 25 - 75 metro artekoak dira; proiektuaren arabera, 280 - 340 metro artekoak izanen dira. Lurzoru libretik dagoen distantzia ere nahiko aldatuko da: gaur egun 29 metro, proiektua bukatu ondoren 40 metro inguru.

Eraikuntza fasean, obra zibilaren ondorioz habitatak suntsitu, aldatu eta banatzeagatik faunari eragin diezaioketen kalteak detektatu dira. Eta horrez gain, harrapatzeek eragindako heriotzak eta portaera jarraibideak eta parametro demografikoak aldatzea, gizakien presentziak eta ibilgailuen eta makinen joan-etorriek ukitutako zaratagatik eta eragozpenengatik.

Ustiapen-fasean, eragin nagusia da fauna hegalariak haize-sorgailuekin eta aireko ebakuazio-linearekin talka egitearen eta/edo elektrokuzioaren ondorioz hiltzeko arriskua da. Hala ere, partzialki lurperatzea proiektatu da, inpaktua murrizteko.

Analisi orokorrean zenbait espezie hautatu eta sailkatu dira (xede-espezieak), eta non bizi diren eta lanek nola eragiten ahal dieten aztertu zen. 34 xede-espezietako 8.834 ale ikusi ziren haize-sorgailuen gainetik edo inguruetan hegaka. Kopuruei dagokienez, eta intzidentzia-datuak aztertuta, ikusi ziren xede-espezieetako aleen ia %75 sai arreak izan ziren. Horrez gainera, espezie hauetako ale asko ikusi ziren: Aquila chrysaetos, Circus aeruginosus, Falco peregrinus, Milvus milvus, Neophron percnopterus y Pterocles alchata.

Aurkeztutako IIAk helburu diren espezieen arrisku indize bat kalkulatzen du, hegaztien igarotze altuera eta hegaldi mota aztertu ondoren, eta arriskua altu, ertain edo baxu gisa katalogatzen du. Espezie hauek katalogatu dira arrisku handiko espezie gisa: Buteo buteo, Ciconia ciconia, Circaetus gallicus, Gyps fulvus, Hieraaetus pennatus, Milvus migrans, Neophron percnopterus, Pernis aviporus eta Phalacrocorax carbo. Beste 7 espezie arrisku ertainekotzat eta beste 1 arrisku txikikotzat sailkatzen dira.

Martxan dauden haize parkeen ingurumen jarraipenean lortutako hilkortasun datuak islatzen ditu IIAk. Parke horiek aurreikusitako proiektutik 20 km-ko erradioan daude. 2013-22 aldian 1.374 hegazti hil dira aztertutako 8 haize-parkeetan. 2013 eta 2022 arteko aldian ikusi diren hiru hegaztitik bat sai arrea izan da: 501 ikustaldi.

IIAk neurri zuzentzaile gisa proposatzen du proiektua osatzen duten 6 haize-sorgailuak goiz detektatzeko eta gelditzeko sistema bat instalatzea.

Saguzarrak direla eta, haize-parkea egonen den eremuan ez da aurkitu haien aterperik; nolanahi ere, 2 km-ko ingurunean aldi baterako aterpe izan daitezkeen eremuak daude. Oro har, giza eraikinak dira (baserriak, batez ere), eta, kasu batzuetan, uraskak eta ur-puntuak izaten dituzte; beraz, handitu egiten da haien ahalmena.

Egin den jarraipenean 9 espezietako 881 saguzar ikusi dira. Hauexek dira gehien ikusi diren espezieak: pipistrelo arrunta (Pipistrellus pipistrellus) (%35), Kuhl pipistreloa (Pipistrellus kuhli) (%26) eta pipistrelo mediterranearra (Pipistrellus pygmaeus) (%20). IIAn honako neurri zuzentzaile hau proposatzen da: haize-sorgailuak gelditzea saguzarrak gehien ibiltzen diren ordu-tarteetan, heriotzek atalase batzuk gaindituz gero, haizearen abiadura 6 km/h-ra iristen ez denean, eguzki-sarreratik egunsentira arte, abuztuaren 15etik irailaren 30era bitartean. Ingurumen Ebaluaziorako Atalak positibotzat jotzen du proposamen hori, baina kiropteroen jarduera handieneko aldi osoan eraginkorra izan dadin, epea luzatu egin behar da.

Prebentzio-neurriak eta neurri zuzentzaileak aplikatu ondoren, haize-sorgailuekin barotrauma/talka egitearen ondoriozko hegazti-faunaren eta kiropteroen hilkortasunak eragindako hondar-inpaktua bateragarritzat jotzen da aurkeztutako ingurumen-inpaktuaren azterketan.

–Naturagune babestuak eta Natura 2000 Sareko eremu babestuak. 92/43/EEE Zuzentarauaren 6. artikulua honen bitartez egokitu zen Espainiako ordenamendu juridikora: Natura Ondareari eta Biodibertsitateari buruzko abenduaren 13ko 42/2007 Legearen 46. artikulua. Artikulu hori, era berean, Ingurumen Ebaluazioari buruzko abenduaren 9ko 21/2013 Legearen 35.1 artikuluan garatzen da, planak, programak eta proiektuak Natura 2000 Sareko espazioen espezie, habitat eta kontserbazio helburuetan izanen dituzten ondorioen ebaluazio egokia egiteko beharrezkoak diren neurriak hartzeari dagokionez.

Ebaluatutako proiektua Nafarroako Naturagune Babestuen Sarearen eta Natura 2000 Sareko eremu babestuen mugetatik kanpo dago.

Jendaurrean jarritako IIAren apartatu batean Natura 2000 Sarearen gaineko eragina aztertzen da. Natura 2000 Sareko gune babestu hurbilenak Errege Bardeetako KBE (Serralta S10N haize-sorgailutik 720 metro jada martxan) eta Ebro Ibaiko KBE (San Gregorio parketik mendebalderago dagoen haize-sorgailutik 1.300 metrora) dira.

Natur Gune Babestu hurbilenak hauek dira: Errege Bardeako parke naturala (720 metro), Rincón del Bu natura-erreserba (7,4 km), eta Sotos de Traslapuente (3,6 km) eta Soto de los Tetones (4,3 km) lekune naturalak.

Azterlanean legez babestuta dauden eremu horietako espezie eta habitat nagusiak zehazten dira. Hala ere, sustatzailearen ustez, inbentarioa eginda eta faunaren azterketaren emaitzak ikusirik, eta haize-sorgailuen kopurua murriztuta eta ebakuazio-lerroa partzialki lurperatuta, haize-parkearen eragina ez da handia izanen, ez natura-guneen sarean, ez haien arteko lurralde-loturetan.

–Kultur ondarea. IIA bateratuaren VIII. eranskinean aztertzen da nolako eragina edukiko duen haize-parkeak ondare historikoa eta kulturalean, ondare arkeologikoan eta ondare etnografikoan. Bertan Vianako Printzea Erakundea-Kulturako zuzendari nagusiak maiatzaren 30eko 125/2023 Ebazpenaren bidez presako esku-hartze arkeologikoa egiteko emandako baimenaren ondoren egindako txostena aurkezten da. Txosten horren arabera, parkeak ez du izanen eragin arkeologikorik, eta ez da aplikatu behar inolako neurri zuzentzailerik.

–Proiektuaren kalteberatasunaren ondoriozko ingurumen-ondorioen analisia. IIAren 9. kapituluan eta beraren eranskinean proiektuaren kalteberatasunaren analisia egiten da. Bertan zehazten denaren arabera, proiektuaren kalteberatasunaren ondorioz ez dago arriskurik ezbehar larririk gertatzeko, ez eta hondamendirik gertatzeko ere, eta gertatuz gero, haien ondoriozko kalteak ez lirateke handiak izanen.

–Ondorio sinergikoak eta metagarriak. Ondorio sinergikoak eta metagarriak direla eta, IIAren eranskin batean eraikuntza faseko eta jardun faseko zenbait faktore aztertu dira. Helburua izan da zehaztea ondorio sinergiko eta metagarririk izanen den ala ez beste haize-parke batzuekin eta dagoeneko ari diren edo baimenduta dauden azpiegitura nagusiekin batera. Izan litezkeen eraginak zenbait distantzia aintzat hartuta aztertu dira, faktoreka xehatuta. Faunaren gaineko ondorioak aztertzeko, kontuan hartu dira proiekturik 10 km-ko itzulinguruan dauden proiektuak eta azpiegiturak. Heriotzei buruzko azterketa egiteko, 20 km-ko itzulingurua hartu da kontuan. Ondorioztatu da badaudela zenbait eragin sinergiko edota metagarri, baina bateragarritzat jo dira. Eragin bateragarri horiek hauetan izanen dira batik bat: landaretzan (galdu eta aldatu), eraikuntza-fasean; faunan, eraikuntza-fasean eta jardun-fasean; paisaian, jardun-fasean.

–Egungo haize-parkea eraisteko plana. IIAren VI. eranskinean egungo haize-parkea eraisteko plana zehazten da. Proiektu horren arabera, haize-sorgailuak desmuntatuko dira, San Gregorioko azpiestazioa desmuntatuko da, zimenduak eta plataformak lehengoratuko dira, bideak lehengoratuko dira eta kableak kenduko dira, desegindako materialak kenduko dira eta egungo hustuketa-linea elektrikoa partzialki deseginen da. Gainera, egungo neurketa-estazioa kenduko da. Lan horiek egin ondoren ingurumena lehengoratzeko plana aplikatzea aurreikusten da, eraitsitako elementuak egon diren eremuak lehengo erabilerara itzul daitezen eta lehen bezala uzteko eta landaretza hazteko lanak egiteko.

Aurrekontuaren atalean, zimenduak desegiteko aukera gisa agertzen da leherketa kontrolatua, behar diren baimenak kudeatuta.

–Energia ateratzeko linea.

Ingurumen Ebaluaziorako Atalak egindako txostena aintzat edukita, IIA bateratuan energia ateratzeko linea aztertu da, aurrekoan, izapidetzearen hasieran aurkeztuan, ageri ez zena. Informazio hori ingurumen-inpaktuaren azterketan zehar azaldu da.

Goi-tentsioko linea elektrikoetan hegazti-fauna talketatik eta elektrokuziotik babesteko neurriak ezartzen dituen abuztuaren 29ko 1432/2008 Errege Dekretuak eragindako zonetan oinarrituta, azterketak proposatu du aldatutako Serralta SET 17. euskarriraino lurperatzea eta San Gregorioko egungo aireko linea eta egungo Serralta SETaren eta 17. euskarriaren arteko zatia desegitea. Era berean, 23. eta 33. euskarrien artean, Ebro ibaiaren inguruan eta antzeko izena duen KBEaren inguruan, gidariak balizatzea proposatzen da, abuztuaren 29ko 1432/2008 Errege Dekretuaren babes-eremuko zati horiek barne. Errege-dekretu horrek abifauna babesteko neurriak ezartzen ditu, goi-tentsioko linea elektrikoekin talka egin ez dezan eta elektrokutatu ez dadin.

4. Proposamena.

Espedientearen azterketa teknikoa egin ondoren, Biodibertsitatearen eta Arrantza Kudeaketaren Zerbitzuak ondorioztatu du ingurumen-inpaktuaren ebaluazio-prozedura behar bezala gauzatu dela, eta uste du "Serralta haize-parkea berrindartzea" proiektua eta "San Gregorio haize-parkea berrindartzea" proiektua ingurumenari dagokionez bideragarria dela baldintza jakin batzuekin, eta, beraz, aldeko ingurumen-inpaktuaren adierazpena egitea proposatu du, baldin eta betetzen badira "Serralta berrindartzea" eta "San Gregorio berrindartzea" haize-parkeen ingurumen-inpaktuaren azterketan ezarritako prebentzio-, zuzenketa- eta konpentsazio-neurriak eta gainerako baldintzak, bai eta ingurumen-inpaktuaren adierazpen honetan jasotako alderdiak ere.

Adierazitakoarekin bat, eta dagozkidan eskumenak erabiliz (honako hauek ematen dizkidatenak: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak, Nafarroako Foru Komunitateko Administrazioaren departamentuen egitura ezartzen duen Nafarroako Foru Komunitateko lehendakariaren abuztuaren 17ko 10/2023 Foru Dekretuak eta Landa Garapeneko eta Ingurumeneko Departamentuaren oinarrizko egitura ezartzen duen abuztuaren 30eko 74/2023 Foru Dekretuak), honako hau,

EBAZTEN DUT:

1. "Cabanillasen (1050-5-CE) eta Tuteran (1051-2-CE), Eólica Cabanillas SLUk sustatuta, 14 MW-ko potentziako "Serralta" eta 15 MW-ko potentziako "San Gregorio" haize-parkeak berrindartzeko" proiektuen aldeko ingurumen-inpaktuaren adierazpenaren formulazioa.

2. Jarduera egiteko, jarraitu beharko zaie idazpuruan azaltzen den espedienteari atxikitako dokumentazio teknikoan jasotako baldintzei, eta baldintza hauei ere bai:

i) Lurzorua, lurpea eta geodibertsitatea.

–Exekuzio proiektuan, malda txikieneko eta lur mugimendu txikieneko eremuetan diseinatu behar dira haize-sorgailuen, muntaketa plataformen eta bideen maniobra eremuen kokapenak.

–Debeku da lurrak isurtzea haize-sorgailu berrien kokalekuaren ipar/ipar-mendebaldeko hegaletan, gehienak Tuterako udal mugapean. Obrak hasi aurretik balizak jarriko dira alde horietan.

ii) Europar Batasunaren intereseko flora, landaretza eta habitatak:

–Lanak hasi baino lehen landaretza naturala dagoen eremuak balizatuko dira. Eremu horiek zaindu egin beharko dira, batez ere eraitsiko diren haize-sorgailuak dauden tokiak. Hori, bereziki, landaretza naturaleko guneetatik hurbil dauden haize-sorgailuak desegiten diren eremuetan eginen da.

–Bideen eta zangen diseinuan eta eraikuntzan lehentasuna emanen zaio lehendik dauden azpiegituren bidezko trazadurari. Lehentasunez, zangak bide edo alorretan eginen dira, eta ez landaretza naturalean zehar. Lehentasunez, materialak pilatzeko eremuak eta makineria parkeak nekazaritza eremuetan, landaretzarik ez dagoen eremuetan edo parkeak edo bideek eragina izanen duten eremuetan kokatuko dira, inguruan dauden landaretza naturalari edo habitat naturalei kalte gehiago ez egiteko.

–Lanak kontu handiarekin eginen dira, inolaz ere ez ukitzeko haize-parkearen iparreko mendi-hegalak, Batasunaren intereseko habitatak baitaude bertan. Horregatik, landaretza naturaleko eremu horiek lanak hasi baino lehen balizatu beharko dira (lanek kalterik ez egiteko behar bezain lehenago).

iii) Fauna.

–Berrindartutako Serralta eta San Gregorio haize-parkeetako haize-sorgailuetan hegaztiak detektatzeko sistema automatikoa jarri beharko da. Sistema horiek gauza izan behar dute talkak saihesteko, haize-sorgailuak berehala geldituta edo hegaztiak uxatuta. Gailu eraginkorrenak 3Dko zaintza-sistemak dira; hau da, ikusmen estereoskopikoa lortzen duten bereizmen handiko kamerak edo radar bidezko detekzio gailuak, hegaztien desplazamendu bektoreak aztertzen dituztenak, haien ibilbideak aurreikusten dituztenak eta, talka egiteko probabilitatea antzemanez gero, denbora nahikoarekin geldialdi indibidualizatuko seinaleak bidaltzen dituztenak talka egiteko probabilitatea saihesteko edo murrizteko. Sistema horiek haize-parkearen ingurumen jarraipenari buruzko informazio ugari ematen dute.

–Abuztutik urrira bitartean (biak barne), iluntzetik egunsentira arte, haizearen abiadura 6 m/s izan arte atzeratuko da haize-sorgailuen abioa, horiek baitira kiropteroen jarduera handieneko egunak eta orduak. Neurri hori berrikusten ahalko da nacelleren altuerako jarduera aztertzen bada zehatz-mehatz jakiteko zenbat hegaldi eta noiz gertatzen diren (egunak, orduak, haizea…). Horretarako, Biodibertsitatearen eta Arrantza Kudeaketaren Zerbitzuaren aldeko txostena beharko da.

–Ingurumen-inpaktuaren adierazpen hau ematen denetik berrindartzeko lanak hasi arte Serralta eta San Gregorioko haize-parkeetako haize-sorgailuek eragiten dituzten heriotzak hobeki kontrolatu beharko dira, eta horretarako egungo sistemaren ordez txosten honen II. eranskineko 2. apartatuan zehazten den metodologia erabili beharko da.

–Inguruko hegazti espezieak ugaltzeko aldi kritikotik kanpo egin beharko dira lanak. Hain zuzen ere, arreta berezia jarriko da martxoaren 15etik uztailaren 31ra bitartean. Aldi horretan, transektuak eginen dira aldizka lanen eraginpeko eremuetan espezie katalogatuak edo mirotz zuriaren edo mirotz urdinaren habiarik ba ote den detektatzeko. Habiaren bat detektatuz gero, abisua eman beharko zaie berehala Nafarroako Gobernuaren Basozainei.

iv) Energia ateratzeko linea:

–Bi haize-parkeen energia eramateko aireko linea elektrikoa osorik lurperatu beharko da, eta berrindartze-proiektuen zati berriak zein 22. euskarrira arte lehendik zeuden aireko zatiak sartu beharko dira. Zati horiek erabat deseginen dira. Airetiko irteera 22. euskarrian egiten ahalko da. Hartutako irtenbidea behin betiko gauzatze proiektuan sartuko da eta lehentasuneko aukera gisa gaur egun dauden pisten trazadura hartuko du.

–Desegitean, kableak, euskarria eta materialak egungo lineatik erabat kendu beharko dira.

–Gaur egun energia ateratzeko erabiltzen den aireko linean, eta parke eolikoen eta ebakuazio-lineen balio-bizitza osoan, abuztuaren 29ko 1432/2008 Errege Dekretuan ezarritakoa beteko da (dekretu horren bidez hegaztiak goi-tentsioko linea elektrikoak jo eta elektrokutatzetik babesteko neurriak ezarri ziren). Gaur egun isolatuta dauden 23. zenbakitik 33.era bitarteko euskarri guztietan material akastunak detektatuz gero, jarraipena eta mantentze-lanak egin beharko dira.

–Hegaztiak elektrokutatuta ez hiltzeko, honako lotura lotura-euskarria hau berritu eta isolatu eginen da:

–Nolanahi ere, tentsiodun elementuen arteko lotura zubiak isolatu eginen dira, baita ebakigailuak, autobalbulak eta konexio botilak ere, halakorik bada. Isolatzeko erabiliko den materialak egokia izan beharko du goi-tentsioko lanetarako eta abifauna babesteko. Debekaturik dago silikonazko zinta edo antzekoak erabiltzea, eta elementu bakoitzerako aurrez formatutako pieza espezifikoak erabiliko dira.

–Hariteriako tentsio izendaturako homologatutako materialak erabili behar dira.

–Lurpera doazen harien euskarrietan, erabat isolatuko dira lineako eroaleen, autobalbula tximistorratzen, etengailuen (halakorik bada) eta loturako botilen arteko lotune zubiak. Gainera, tentsioan dauden elementu guztiak isolatuko dira. Isolatzeko erabilitako materiala egokia izanen da goi-tentsioko lanetarako eta hegaztiak babesteko.

–Hegaztien talkak saihesteko, 23. euskarriaren eta 34. euskarriaren arteko bao guztiak balizatu behar dira. Hegaztiak babesteko balizak paratuko dira: 5x35 cm-ko neoprenozko bi zerrenda, 15 metrotik 15 metrora, kable guztietan, halako moduz non alboetatik ikusteko distantzia 5 metroa den.

v) Ingurumen arloko integrazioa.

–Obrak ingurumenean integratzeko neurri hauek lehenetsiko dira:

• Obrak hasi aurretik, zehaztu eginen dira lan eremuak, makinak pasatzeko eremuak eta materialak biltzekoak. Landaredi naturala ahalik eta gutxien erasateko, lan eremua ahal den txikiena izanen da eta erasan ezin diren eremuak balizatuko dira.
• Lur naturala edo soroak dituen jardute eremuetan dagoen landare lurraren geruzak aurretiaz kendu eta pilatu beharko dira, bukaeran obrak lehengoratzeko erabili ahal izateko.
• Haize-sorgailuaren plataformarako, bideetarako eta abarrerako lur erauzketetan eta lubetetan, gehienez 2H:1V-ko maldak izanen dira onargarriak, landareztatzearen emaitza onartzeko modukoa izan dadin.
• Obrak bukatutakoan, sustatzaileak behin-behineko instalazioak desmuntatu eta kenduko ditu, eta obra-hondarrak garbituko ditu okupatu den eremu osoan. Obrek eragindako gainazal guztiak, aldi batez ukitutakoak barne, lur geruza batez estaliko dira, zeina lehenago kendu eta behar bezala pilatuko baita. Obrak bukatu baino sei hilabete lehenago, eremu horiek tokiaren bereizgarri diren larre hazi autoktonoen nahasketa batez ereinen dira, lurrak landatzeko erabili ezean, eta jarraipena eginen da beharrezko neurriak hartzeko, bideragarria dela ziurtatzeko.

–Jarraipena:

• Berrindartutako Serralta eta San Gregorioko haize-parkeak eraikitzeko administrazio-baimenaren eskaerarekin batera aurkeztu beharko den jarraipen eta zaintza planean jaso beharko da obra faserako eta funtzionamendu faserako jarraipen eta zaintza plan bat, Ingurumen Ebaluaziorako Atalak onartua nahitaez, barne hartuta egin beharreko jarduketen metodologiarako proposamena eta, berariaz, ingurumen-inpaktuaren adierazpen honen II. eranskinean bildutako jarraibideak.
• Jarraipena egiten den bitartean ikusten bada arazoak sortzen dituzten haize-sorgailuak daudela, babestutako hegaztiak edo kiropteroak talken ondorioz hiltzen direlako (ingurumen-inpaktuaren adierazpen honen III. eranskinean ezartzen den bezala), eranskin horretan zehazten den jarduketa-protokoloa aplikatuko da.
• Jarraipenaren barruan, eta datuak Ingurumen Ebaluaziorako Atalera (Ingurumen Jarraipenaren Bulegoa) bidaltzean, adieraziko da zer jardunalditan eta/edo alditan gelditu diren haize-sorgailuak abuztutik urrira bitartean, 6 m/s-tik beherako haizeak direla eta.

–Lehengoratzeko plana:

• Azkenik, ingurua lehengoratzeko plana aurkeztu behar da. Bertan proiektua inguruan integratzeko neurriak ezarri behar dira, bai eraikuntza-fasean, bai jarduera bukatutakoan; horrez gainera, zehaztu behar da zer eginen den eraitsiko diren azpiegituren ingurua lehengoratzeko, zenbait alderdi garrantzitsu ongi xehatuta, esaterako zer espezie erabiliko den eta bideragarritasuna ziurtatzeko zer mantentze-lan egin behar diren.
• Gainera, zehatz-mehatz adierazi behar da zer bide lehengoratu edo naturalizatuko den. Erabilerarik gabe uzten diren guztiak lehengoratu beharko dira.
• Landare-lurrez estalita geratzen diren plataforma eta azpiegitura guztietan landare-lurren gutxieneko lodiera lurren suspertze funtzionalerako behar den bestekoa izan behar da, eta ezponda makurrak egin behar dira, inguruan ongi integratzeko.

vi) Beste gai batzuk:

–Aire Segurtasunaren Estatuko Agentziari (AESA) egindako eskaeraren barruan, berrindartutako haize-parkeetako haize-sorgailuak balizatzea onartzeko, bereziki nabarmenduko da Cabanillas II haize-parkearen hurbiltasuna, eta eskatuko da ezinbesteko gutxieneko balizamendua ezartzea, batez ere gauez, kontuan izanik hurbiltasun hori eta seinaleztapen bakarra izateko aukera.

–Obrak hasi baino astebete lehenago, gutxienez, abisua eman beharko zaio Ingurumen Jarraipenaren Bulegoari (seguimiento.ambiental@navarra.es).

–Oro har, ebazpen honetan eskatutako neurri guztiak sustatzaileak aurkeztu beharreko exekuzio proiektuan sartuko dira, Nafarroako parke eolikoetarako baimena arautzen duen maiatzaren 8ko 56/2019 Foru Dekretuaren 14. artikulua betez. Dokumentazio horrek Ingurumen Zuzendaritza Nagusiaren oniritzia izan beharko du, aipatutako 56/2019 Foru Dekretuaren 15. artikuluaren esparruan.

–Txosten honek ez du sustatzailea salbuesten indarreko legediaren arabera beharrezkoak diren beste baimen batzuk eskuratzetik. Ondare arkeologikoaren gaineko ukipenei dagokienez, Vianako Printzea Erakundea-Kultura Zuzendaritza Nagusiko Erregistroaren, Ondasun Higigarrien eta Arkeologiaren Atalak egindako aldeko txostena lortu beharko da administrazio-baimena eskuratu aurretik.

Sustatzaileak zerbaiten berri eman behar badio Ingurumena Zaintzeko Taldeari (obren hasiera eta abar), mezu elektronikoa bidali behar dio Tuterako barrutiari (gmatudela@navarra.es) edo 948847033 / 609904957 telefonora deitu.

3. Ebazpen hau Nafarroako Aldizkari Ofizialean argitaratzea, Ingurumen Ebaluazioari buruzko abenduaren 9ko 21/2013 Legearen 41.3 artikuluan ezarritakoari jarraikiz.

4. Ebazpen hau Industria Antolamenduaren, Azpiegitura Energetikoen eta Meatzeen Zerbitzura, Basozainak/Ingurumen Zaintzara (Tuterako Koordinazio Unitatea) eta sustatzaileari igortzea, behar diren ondorioak izan ditzan.

Iruñean, 2025eko martxoaren 6an.–Ingurumeneko zuzendari nagusia, Ana Bretaña de la Torre.

I. ERANSKINA.–ADMINISTRAZIO PUBLIKOENTZAT ETA PERTSONA INTERESDUNENTZAT IREKITAKO KONTSULTA-IZAPIDEAREN EMAITZA

Maiatzaren 8ko 56/2019 Foru Dekretuaren 8. artikuluan xedatzen dena aplikatuz, organo substantiboak kontsulta egin zien erakunde hauei, eta taula hauetan adierazten diren txostenak et alegazioak jaso ziren:

Cabanillasko Udala.

Bi berrindartzeei buruzko txostena aurkeztu du, eta adierazi du ez dagoela hirigintza arloko eragozpenik eta Udalak hirigintza bateragarritasunari buruzko aldeko txostena eman du.

Herri Lanen eta Azpiegituren Zuzendaritza Nagusia.

Bi berrindartzeei buruzko txostena aurkeztu du, eta Ustiapen Atalak, aipatu zuzendaritzaren barruan, adierazi du ez dela baimenik behar aurkeztutako agirietan antzemandako ukipen bakarrari buruz. Afekzio hori honela deskribatzen da: NA-126 errepideko 6+660 kilometro-puntuan biribilgune itxia erabiltzea.

Ondare Arkitektonikoaren Atala.

Ondare Arkitektonikoaren Atalak bi espedienteetarako txostena egin zuen, eta adierazi ez dela ukipenik atzeman atalaren eskumeneko gaiari dagokionez.

Erregistroaren, Ondasun Higigarrien eta Arkeologiaren Atala.

Erregistroaren, Ondasun Higigarrien eta Arkeologiaren Atalak txosten bat egin du, San Gregorioko parkea berrindartzeko espedienterako bakarrik. Txostenean adierazi du obrek ez dutela eraginik izanen katalogatutako aztarnategi arkeologikoetan. Beraz, katalogatutako ondare arkeologikoari dagokionez, ez dago eragozpenik proiektua izapidetzeko, Nafarroako Kultura Ondareari buruzko 14/2005 Foru Legeak 32. artikuluan lurralde antolamenduko eta hirigintza-planeamenduko tresnei buruz ezartzen duenari jarraikiz.

Horren arabera, lanak egitean aztarna arkeologikoren bat agertzen bada, legeak agintzen du horren berri eman behar zaiola berehala Erregistroaren, Ondasun Higigarrien eta Arkeologiaren Atalari (helbide elektronikoa: arqueologia@navarra.es), hala jasota baitago ondare historikoaren arloan indarra duen legerian (Nafarroako Kultur Ondareari buruzko azaroaren 22ko 14/2005 Foru Legearen 59. artikuluan eta Espainiako Ondare Historikoari buruzko ekainaren 25eko 16/1985 Legearen 42.3 eta 44. artikuluetan).

Ingurumen Ebaluazioaren Atala.

Berrindartutako Serralta eta San Gregorioko parkeetan planteatutako jarduerak azaldu ditu.

Hegazti-faunaren intzidentziari buruzko alderdiak jasotzea eskatzen da, eta IIAn ebakuazio-lerroari buruzko alderdiak sartzea.

Haize-sorgailuei dagokienez, beharrezkotzat jotzen da detekzio- eta gelditze-sistemak sartzea.

Gainera, esan du ezen, kiropteroak zaintzeko, aztertu behar dela haize-sorgailuak abian jartzeko haizearen gutxieneko abiadura 6 m/s-ra mugatzea, eguzkia sartzen denetik egunsentira arte, animalia horiek aktiboen aritzen diren egunetan eta orduetan.

Lurralde eta Paisaia Zerbitzua.

Berrindartzeko bi proiektuan planteatzen diren jarduketak azaldu ditu, bai eta sektoreko araudia eta inguruabar nagusiak ere.

Alderdirik aipagarrienak hauek dira: 5. LAParekiko ("Ebroko ardatza eta inguruan dauden figura guztiak") kokapenak dituen ondorioak, eta Nafarroako Horizonte 2030 Energia Planari dagokionez, lehendik dauden parke gisa eta berriro indartzeko aukerarekin duen garrantzia, baita aplikatu beharreko Lurralde-antolamenduko planaren aurreikuspenekin duen bateragarritasuna ere. Halaber, 3 metroko zortasun-eremua errespetatzea ezarri da, bide publikoen eta ibilbide interesgarrien kanpoaldetik neurtuta.

Ondorio gisa adierazten du "txosten sektorialik ezean, proiektua, lurzoruaren okupazioari dagokionez, bateragarria dela lurzoru urbanizaezineko babes-kategoriekin".

Ohartarazten da, azkenik, "proiektuak paisaian izanen duen eraginari buruzko azterketa bat egin beharko duela, eta, bertan, paisaian izanen dituen eraginak zuzentzeko eta konpentsatzeko neurriak proposatu beharko dira, PN9an islatzen den bezala".

Ebroko Konfederazio Hidrografikoa.

Bi instalazioetarako txostena aurkeztu du, Ebroko Konfederazio Hidrografikoarekin egin beharreko etorkizuneko ekintza eta tramitazioetarako sustatzaileak kontuan hartu beharreko gogoeta tekniko batzuekin batera.

Red Eléctrica de España, SAU.

Serraltako haize-parkea berrindartzeko espedienteari buruzko txostena eman du, eta adierazi du, aurkeztutako dokumentazioaren arabera, ez duela aurkakotasunik Berrindartuko den Serralta haize-parkeko haize-sorgailuetako bakar bat ere instalatzearen inguruan, Sare Elektrikoaren jabetzako instalazioetan eraginik ez dagoelako.

Halaber, gogorarazi du instalazioaren sarbideak eta konexioak egiteko prozedurak bukatu behar direla.

i-DE Redes Eléctricas Inteligentes SAU.

Adierazi du, aurkeztutako agirien arabera, ez duela inolako eraginik bere jabetzako sare elektrikoetan eta baimena eman duela Serralta eta San Gregorioko haize-parkeak berrindartzeko dokumentuetan zehaztutako lanak egiteko.

Aire Segurtasunaren Estatuko Agentzia (AESA).

Esan du ez daukala eskumenik Nafarroako Gobernuak bere eskumeneko esparruan ematen dituen baimenei buruz ebazpenik emateko. AESAk zortasun aeronautikoetan oztopoak baimentzeko eskumena baizik ez dauka.

Gainera, ofizioaren datan ez da egon hasita inolako prozedurarik zortasunak baimentzeko berrindartzeko proiektuen ondorioz.

Angel Bernardo Galindo Serrano. Lehen alegazioa.

Alegatzaileak hau adierazi du bi espedienteetarako:

1. Bateraezintasun urbanistikoa.

Erantzuna: alegazioan ingurumen-inpaktuaren ebaluazioa gainditu da.

2. Fauna.

Erantzuna: balizko hilkortasunari dagokionez kontuan hartzen da eta neurri berriak ezartzen dira IIAn.

3. "Haize-parke estrategikoa" U.G.P.S. Cabanillas II parkea. Inpaktu larria.

Erantzuna: hegazti-faunaren hilkortasunari buruzko alderdiak kontuan hartu eta baloratzen dira, eta "Serralta" eta "San Gregorio" berrindartzeko espedienteen IIA egiterakoan kontuan hartzen dira.

4. Natura 2000 Sareko eremuak. Estepako hegaztiak.

Erantzuna: partzialki kontuan hartzen da IIAn neurri berriak ezarriz.

5. Inpaktu metagarria edo ondorio sinergikoak putreengan.

Alegazioaren izenburua gorabehera, bertan hesi-efektuari, metatze-efektuen ondoriozko habitat-galerari eta bide berriak sortzeari, hormigoitutako eremuak lehengoratzeari, sufre-hexazaluroa erabiltzeari eta birpotentziatutako haize-sorgailuen ezbehar-tasari buruzko IIAko puntuak garatzen eta eztabaidatzen dira.

Erantzuna: aipatutako puntuetako alegazioak eta ingurumen-inpaktuaren ebaluazioaren xedea kontuan hartu dira IIA egiterakoan.

6. Zarata.

Erantzuna: horiek aintzat hartu dira ingurumen eraginaren adierazpena egitean.

7. Begi-inpaktua. Hirigintza Legearen eta Udal Plan Orokorraren ez-betetzeak aipatu ditu.

Erantzuna: alegazioan ingurumen-inpaktuaren ebaluazioa gainditu da.

8. Landare estalkia. Hainbat atal ezarri dira, batez ere lehengoratze egokiari, proiektuen kalteak minimizatzeari eta egin beharreko jarduketen mantentze eta bideragarritasunari buruzkoak.

Erantzuna: horiek aintzat hartu dira ingurumen eraginaren adierazpena egitean.

9. Duela hogeita zortzi urtetik okupatuta dauden eta inoiz desafektatu ez diren ondasunak.

Erantzuna: alegazioan ingurumen-inpaktuaren ebaluazioa gainditu da.

10. Aurreikusitako jarduerak ez du enplegurik sortzen. Aitzitik, dagoeneko ezarrita dauden jarduera ekonomikoak suntsitzen laguntzen du.

Erantzuna: alegazioan ingurumen-inpaktuaren ebaluazioa gainditu da.

11. Konparazio-terminoak. Alegazioa 1997. urteko egoerari eta garai horretako ingurumen-izapideari buruzkoa da.

Erantzuna: alegazioan egungo ingurumen-inpaktuaren ebaluazioa eta IIA gainditu dira.

12. Ura.

Erantzuna: horiek aintzat hartu dira ingurumen eraginaren adierazpena egitean.

13. Bestelako gaiak.

Erantzuna: alegazioan ingurumen-inpaktuaren ebaluazioa gainditu da.

14. Onura publikorik eza. Lehentasunezko interesa zehaztea.

Erantzuna: alegazioan ingurumen-inpaktuaren ebaluazioa gainditu da.

Angel Bernardo Galindo Serrano. Bigarren alegazioa.

Alegatzaileak honako hauek adierazi ditu:

1. Cabanillasko Udalak emandako txostena kontuan ez hartzeko eskaera.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

Ongaitz-Zangozako Ekologistak Martxan.

Alegatzaileak, sarrerako idazki baten ondoren, honako hau adierazten du bi espedienteetarako:

1. Lehendik dauden haize-parkeak berrindartzeko beharra, ebakuazio-lerro berriak ekarriko dituzten parke berriak planteatu aurretik. Era berean, beste haize-sorgailu eredu batzuk erabiltzea potentzia handitzeko, eta beste aukera batzuk erabiltzea, hala nola eguzki-instalazioekin hibridatzea.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2. Ebakuazio-linea erabat lurperatzeko eskaera.

Erantzuna: hori aintzat hartu eta partzialki hartu da kontuan ingurumen eraginaren adierazpena egitean.

Erriberako Ekologistak Martxan.

Alegatzaileak, sarrerako idazki baten ondoren, honako hau adierazten du bi espedienteetarako:

1. Lehendik dauden haize-parkeak berrindartzeko beharra, ebakuazio-lerro berriak ekarriko dituzten parke berriak planteatu aurretik. Era berean, beste haize-sorgailu eredu batzuk erabiltzea potentzia handitzeko, eta beste aukera batzuk erabiltzea, hala nola eguzki-instalazioekin hibridatzea.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2. Ebakuazio-linea erabat lurperatzeko eskaera.

Erantzuna: hori aintzat hartu eta partzialki hartu da kontuan ingurumen eraginaren adierazpena egitean.

II. ERANSKINA.–HAIZE-PARKEAK USTIATZEKO FASEAN HEGAZTIAK ETA KIROPTEROAK INGURUMENEAN ZAINTZEKO PLANA

Parke eolikoak ustiatzeko fasean, inguruko abifaunaren eta kiropteroen segimendua egin beharko da, dokumentu honetan adierazitako jarraibideak kontuan hartuta.

Gutxieneko neurrien dokumentu bat da, non parke guztiek bete beharreko jarraibide komunak ezartzen diren, horien guztien emaitzak konparagarriak izan daitezen.

1. Espazioaren erabilera.

1.1. Abifauna.

Parkea martxan jarri eta 3 urtera, abifaunak espazioa nola erabiltzen duen aztertuko da urteko ziklo oso batean, martxan jarri aurreko metodologia berarekin, aurreko eta ondorengo egoerak alderatzeko. Emaitzaren arabera, Landa Garapeneko eta Ingurumeneko Departamentuaren orientaziopean neurri berriak egokitzea edo aplikatzea baloratuko da.

Ustiapen fasean potentzialki kaltetutzat jotzen diren espezie katalogatuen urteko erroldak, edo kontuan hartu beharreko beste batzuenak, parkearen funtzionamenduaren lehenbiziko bost urteetan eginak, proiektua abian jarri aurretiko eta ondorengo populazioak alderatzeko.

1.2. Kiropteroak.

Parkea martxan jarri eta hiru urtera, aldez aurreko ingurumen eraginaren azterketan egindako laginketa bera eginen da, eta bi lanen emaitzak alderatuko dira.

Segimendu osagarri gisa, laginketa bat eginen da ultrasoinuen grabagailuekin, gondolatik, mikrofonoa gondolaren atzealdean eta behealdean jarrita. Uztailaren 1etik urriaren 30era bitartean eginen da etengabe, gutxienez 5 haize-sorgailutik 1ean; saguzarrentzat egokienak diren eremuetan daudenak aukeratuko dira (zuhaitzetatik, hezeguneetatik, harkaitzetatik, heskaietatik edo ganadua duten eremuetatik hurbil daudenak). AESAren araudia betetzeko argiztapena duen haize-sorgailuren bat sartu beharko da. Lan hau parkea martxan jarri eta hurrengo 5 urteetan eginen da, eta gutxienez elkarren segidako bi urtetan.

Parkean eta altuera berean (gondoletan edo dorre meteorologikoetan) jasotako parametro klimatikoekin (haizearen intentsitatea, tenperatura, prezipitazioa) lotutako hegaldiak aztertuko dira. Urtean behin txosten bat aurkeztuko da lortutako emaitzekin, arriskuen azterketarekin eta, behar izanez gero, gomendatutako zuzenketa neurriekin.

Koloniak berraztertzea: parkearen inguruko 5 km-ko erradioan haize-sorgailuak egoteagatik kalteberatasun handia duten saguzar espezieen koloniak ezagutzen badira, kolonia horien errolda eginen da funtzionamenduaren lehenbiziko hiru urteetan. Errolda koloniaren presentzia ezagutzen den estazioetan eginen da. Talde honetan Pipistrellus, Hypsugo, Eptesicus, Nyctalus, Vespertilio, Miniopterus eta Tadarida generoetako espezieak daude. Begiratuko da ea koloniaren tamainak behera egiten duen parkea instalatu aurreko egoerarekin alderatuta, baita parke barruan espezie horietako aleak hilda dauden ere.

2. Hegaztien eta kiropteroen hilkortasunaren kontrola.

2.1. Haize-sorgailuak.

–Parke eolikoa martxan jarri ondoko lehen hiru urteetan, instalazioko haize-sorgailu guztietan izandako gorabeheren segimendua eginen da. Segimendu fase horretan, eta hilabete arteko zifra konparagarriak edukitzeko, astero berrikusiko dira haize-sorgailuak.

Funtzionamenduaren laugarren urtetik aurrera, lortutako datuen arabera, eta Landa Garapeneko eta Ingurumeneko Departamentuak baimena eman ondoren, ahalegina murrizten ahalko da, baina inoiz ez da izanen instalatutako haize-sorgailuen %40 baino gutxiago, eta hilean behin berrikusiko dira.

Haize-sorgailu bakoitzaren prospekzio eremua zirkularra izanen da. Eremu horren diametroa errotorearen diametroa baino %10 handiagoa izan behar da, gutxienez. Azalera hori lurraren eta landaretzaren ezaugarrietara egokitu beharko da, bilaketa gehiegi zailtzen dutenean. Horretarako, haize-sorgailu bakoitzaren laginketarako azalera erreala definitu eta kartografiatu beharko da prospekzio eremuaren barruan.

Laginketak oinez eginen dira. Haize-sorgailuaren berrikuspen azalera estaltzen duten trantsektu paraleloen bidez eginen dira. Trantsektuak elkarrengandik gehienez 15 metro bereizita egonen dira. Haize-sorgailu bakoitzaren laginketan emandako denbora ez da 40 minututik beherakoa izanen.

Haize-sorgailuen azterketak hegazti eta kiropteroen gorpuzkiak detektatzeko trebatuta dauden miaketa txakurrekin batera eginen dira.

Laginketetatik kanpo hautemandako gorabeherak bereizita erregistratu eta kontuan hartu beharko dira.

Hautemandako gorpuzki bakoitzerako, bai laginketetan, bai haietatik kanpo, fitxa bat bete beharko da, eta gutxienez honako datu hauek erregistratuko dira:

–Parke eolikoa.

–Ustez zer haize-sorgailutan gertatu den gorabehera.

–Zer egunetan aurkitu den.

–Espeziea.

–Adina eta sexua, zehazten ahal badira.

–GPS bidez lortutako UTM koordenatuak.

–Gorpuzkien kokapena, hurbilen dauden haize-sorgailuekiko (distantzia eta orientazioa).

–Zaurien deskribapena.

–Gorpuzki mota (adibidez, gorpu osoa, hegalak, lumak, etab.).

–Gorpuzkiaren egoera: berria, partzialki usteldurik, janda, hezurrak…

–Gorpuzkia laginketetan ala haietatik kanpo aurkitu den.

–Nork aurkitu duen gorpuzkia.

2.2. Linea elektrikoak.

Lehenengo bi urteetan, gutxienez hiru hilean behin, linea elektrikoetan talka egin duten edo elektrokutatu diren hegaztien gorpuzkiak bilatuko dira. Hirugarren urtetik aurrera, aldizkakotasuna eraginaren ezaugarrietara egokitzen ahalko da, segimendua egiteko ahalegina handituta edo murriztuta.

Prospekzioak sigi-saga ibiliz eginen dira, abiadura konstantean, linea elektrikoaren trazaduran zehar eta alde bakoitzean 25 m hartuta. Luzera handiko linea elektrikoen kasuan, gorabeheren bilaketa 5 km-ko sekzioetan egin daiteke. Sekzio horiek sistematikoki aztertuko dira trazadura osatu arte.

2.3. Dorre meteorologikoak.

Bilaketa metodoa haize-sorgailuetakoa bera da, baina bilaketa-eremua dorre meteorologikoaren kable tenkatzaileek hartzen duten azalera izanen da. Haize-sorgailuetan egiten den maiztasun berarekin egiten ahal dira prospekzioak.

3. Gorpuzkiak desagertzeko tasaren eta bilaketaren eraginkortasunaren azterketa.

Gorpuzkien desagertze tasa eta bilaketaren eraginkortasuna aztertuko dira, SEO/BirdLife-ren "Haize parkeek hegazti eta saguzarretan duten eragina ebaluatzeko jarraibideak" dokumentuan (3.0 bertsioa edo ondorengoak) ezarritako jarraibideen arabera.

4. Gorabeheren jakinarazpena.

Katalogatutako espezieak: berehala bidali behar da mezu elektronikoa Ingurumen Ebaluaziorako Ataleko Ingurumen Jarraipenaren Bulegora (seguimiento.ambiental@navarra.es), gorabeheraren fitxa erantsita.

Gorabeherak hilean behin jakinaraztea: Ingurumen Ebaluaziorako Atalak Accesseko datu base bat emanen du, eta bertan gorabehera guztiak sartu beharko dira (espezie sentikorrak barne). Datu base hori hilero bidali beharko da posta elektronikoz Ingurumen Jarraipenaren Bulegora (seguimiento.ambiental@navarra.es), argazkirik gabe, aiseago erabiltzeko.

III. ERANSKINA.–ARAZOAK SORTZEN DITUZTEN HAIZE-SORGAILUEKIN JARDUTEKO PROTOKOLOA

Segimenduak erakusten badu Haize-sorgailuren batek hegaztien edo kiropteroen heriotza eragiten duela talken ondorioz, sustatzaileak jarduteko protokolo honen arabera jardunen du.

1. Espezie mehatxatuen estatu mailako eta erkidego mailako katalogoan "galzoriko espezie" edo "espezie ahul" gisa sailkatuta dagoen espezieren batekin talka eragiten duten haize-sorgailuak.

1.1. Haize-sorgailu batekin aurreko 5 urteetan ez badu talka egin arriskuan dagoen ezein espeziek: talka detektatu bezain laster sustatzaileak haize-sorgailuaren funtzionamendua kautelaz geldiaraziko du, eta horren berri emanen die organo substantiboari eta Landa Garapeneko eta Ingurumeneko Departamentuari (seguimiento.ambiental@navarra.es), ingurumen-organoa denez gero. Sustatzaileak ahalik eta lasterren aztertuko ditu kausak; talka arriskua berraztertuko du, eta ingurumen-organoari neurri aringarri batzuk proposatuko dizkio, haize-sorgailuaren diseinuaz edo funtzionamenduaz gain, baita konpentsazio neurri batzuk ere, arriskuan dagoen espeziearen populazioari eragindako galeragatik. Hori guztia egin ondoren eta ingurumen-organoak ezartzen dituen neurri gehigarriak aplikatu ondoren (ezarriz gero) sustatzaileak berriz ere abian jartzen ahalko du haize-sorgailua, horrek ontzat emanez gero. Halaber, haize-sorgailuak eragindako hilkortasunaren segimendua areagotuko du sustatzaileak, baita neurri aringarri eta konpentsatzaile gehigarrien ezarpen eta eraginkortasunaren segimendua ere.

1.2. Aurreko 5 urteetan haize-sorgailu berean beste talka bat izan bada espezie mehatxatu batekin: talka detektatu bezain laster, sustatzaileak haize-sorgailuaren kautelazko geldialdia eginen du, eta horren berri emanen die organo substantiboari eta Landa Garapeneko eta Ingurumeneko Departamentuari (seguimiento.ambiental@navarra.es). Sustatzaileak haize-sorgailuaren ingurunean erasandako espezieen populazioaren azterketa xehatua eginen du (kontuan hartu beharreko gutxieneko distantziak, 1. taularen arabera) urteko ziklo batean, espeziaren migrazio igarobideak barne. Talka arriskuaren azterketa berrikusiko du, eta beste ebaluazio bat eginen du espeziearen gainean dituen ondorioei buruz (iraungitze faktorea tokiko eskalan, hustubide efektua…). Prebentzio neurri gehigarri batzuk proposatuko dizkie biodibertsitatearen arloko organo substantiboari eta organo eskudunari, istripu berrien arriskua saihesteko (hala nola migrazio igarobideetan funtzionatzeari uztea, espeziea dagoen garaietan eta jarduera ordutegietan edo bestelako arrisku egoeretan funtzionamendua etetea, edo haize-sorgailua eraistea) eta mehatxatutako espeziearen populazioari eragindako kalte berriagatik konpentsazio neurriak ordaintzeko. Sustatzaileak ekintza horiek egin ondoren baino ez du berrabiarazten ahalko haize-sorgailuaren funtzionamendua, eta organo substantiboak biodibertsitatearen arloan eskumena duen organo autonomikoak proposatuta espresuki jakinarazten dizkion baldintza eta neurri gehigarriekin. Halaber, haize-sorgailuak eragindako hilkortasunaren segimendua areagotuko du sustatzaileak, baita neurri aringarri eta konpentsatzaile gehigarrien ezarpen eta eraginkortasunaren segimendua ere.

1.3. Aurreko 5 urteetan haize-sorgailu beraren eta arriskuan dagoen espezie baten arteko bi talka edo gehiago badaude: talka hauteman bezain laster, sustatzaileak horren berri emanen die organo substantiboari eta Landa Garapeneko eta Ingurumeneko Departamentuari (seguimiento.ambiental@navarra.es), eta mehatxatutako espeziearen populazioari egindako kalte berria konpentsatzeko neurriak proposatuko dizkie. Haize-sorgailuaren funtzionamendua behin betiko geldituko du, eta lehenbailehen desegin beharko du, salbu eta organo substantiboak, biodibertsitatearen arloan eskumena duen organoak proposatuta, salbuespenez eta espresuki baimena ematen badu funtzionatzen jarraitzeko, istripu berririk gertatu ezin diren baldintza berrietan.

2. Arriskuan ez dauden Babes Bereziko Erregimeneko Basaespezieen Zerrendako (nazionala edo Nafarroakoa) espezieekin talka eragiten duten haize-sorgailuak:

2.1. Urte batean haize-sorgailu batek 2. taulan adierazitako heriotza-atalaseren bat gainditzen badu, arriskutsutzat joko da. Sustatzaileak kautelaz geldituko du funtzionamendua, eta horren berri eta urteko heriotza-tasaren analisiaren emaitza emanen die organo substantiboari eta Landa Garapeneko eta Ingurumeneko Departamentuari (seguimiento.ambiental@navarra.es). Une horretatik aurrera, haize-sorgailu arriskutsua geldirik edukita, sustatzaileak haize-sorgailuaren talka-arriskua aztertuko du, eta organo substantiboari eta biodibertsitatearen arloko organo eskudunari istripu gehiagoren arriskua nabarmen murrizten edo baztertzen duten neurri aringarri gehigarriak proposatuko dizkie. Aurreko jarduketa guztiak egin ondoren ingurumen-organoak espresuki horretarako baimena emanez gero soilik jartzen ahalko du haize-sorgailua berriz. Era berean, martxan jarri ondoren, sustatzaileak segimendua eginen dio ezarritako neurri arintzaile gehigarrien eraginkortasunari. Halaber, sustatzaileak urtebeteko hurrengo bost aldietan areagotu eginen du haize-sorgailu arriskutsu horiek eragindako hilkortasunaren segimendua, baita ezarritako neurri arintzaile gehigarrien ezarpen eta eraginkortasunaren segimendua ere.

2.2. Aurreko apartatuan adierazitako haize-sorgailu arriskutsu baten segimendu bereziko bost urteko aldian horrela jarraitzen duela egiaztatzen bada, eta Babes Bereziko Erregimenean dauden Basaespezieen Zerrendan (estatu mailakoan edo foru komunitatekoan) sartutako mehatxatu gabeko espezieen talka eragiten jarraitzen badu, eta aurreko apartatuan adierazitako atalaseak gainditzen baditu berriz urteren batean, neurri aringarri gehigarriak hartu arren, haize-sorgailua behin betiko gelditu, eta deseginen da, salbu eta organo substantiboak (biodibertsitate organoak proposatuta) salbuespenez eta espresuki baimena ematen badu beste istripurik gertatzeko aukerarik ez dagoen baldintza berri batzuetan funtziona dezan.

Iragarkiaren kodea: F2503619