65. ALDIZKARIA - 2025eko apirilaren 1a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

32/2025 FORU AGINDUA, martxoaren 24koa, Hezkuntzako kontseilariak emana, apirilaren 11ko 40/2024 Foru Agindua aldatzen duena. Horren bidez, ikasleak Nafarroako Foru Komunitateko ikastetxe publiko eta pribatu itunduetan onartzeko prozesua arautu eta garatzen da, funts publikoen bidezko irakaskuntzak egiteko, presentziazko modalitatean, Lanbide Heziketako Sistemaren D eta E graduei eta Arte Plastikoetako eta Diseinuko lanbide ikasketei dagozkienak, eta orobat, ikastetxe publikoetan, ikastetxe eta entitate pribatuetan, Nafarroako Foru Komunitatean baimenduetan, presentziazko modalitatean, Hezkuntza Departamentuak kudeatzen duen Lanbide Heziketako Sistemako A, B, eta C graduei dagozkien irakaskuntzak egiteko.

ATARIKOA

Apirilaren 11ko 40/2024 Foru Aginduaren bidez, ikasleak Nafarroako Foru Komunitateko ikastetxe publiko eta pribatu itunduetan onartzeko prozesua arautu eta garatu da, funts publikoen bidezko irakaskuntzak egiteko, presentziazko modalitatean, Lanbide Heziketako Sistemako D eta E graduei eta Arte Plastikoetako eta Diseinuko lanbide ikasketei dagozkienak, eta orobat, ikastetxe publikoetan, ikastetxe eta entitate pribatuetan, Nafarroako Foru Komunitatean baimenduetan, presentziazko modalitatean, Hezkuntza Departamentuak kudeatzen duen Lanbide Heziketako Sistemako A, B, eta C graduei dagozkien irakaskuntzak egiteko.

Maiatzaren 21eko 500/2024 Errege Dekretuak, goi mailako Lanbide Heziketako tituluak ezartzen dituzten eta horien gutxieneko irakaskuntzak finkatzen dituzten zenbait errege dekretu aldatzen dituenak, bosgarren xedapen gehigarrian ezartzen du indarrik gabe geratzen dela goi mailako heziketa zikloetan sartzeko lehentasunei buruzko edozein aipamen, aipatutako errege dekretuan aldatutako errege dekretuetan jasotako batxilergoko modalitateei eta ikasgaiei dagokienez. Batxilergoko modalitatearen eta ikasgaien arabera goi mailako zikloetara sartzeko lehentasunak ezabatzearen ondorioz, eta horiek betetze aldera, beharrezkotzat jotzen da ikastetxe publikoetan eta itunpeko ikastetxe pribatuetan ikasleak onartzeko araudia eguneratzea. Horrek anbiguotasunak saihestuko ditu aplikazioari dagokionez, eta 2025-2026 ikasturteetan eta hurrengoetan ikasleak onartzeko prozesuan parte hartzen duten ikasleen artean nahasketak saihestuko ditu.

Alde horretatik, beharrezkotzat jotzen da, alde batetik, sartzeko betekizuna osatzen duten ikasketa edo proben modalitateei buruzko edozein erreferentzia kentzea onarpen irizpideetatik, eta, bestetik, onarpen prozesua konfiguratzea onarpen prozesu arruntaren egungo bigarren fasea ezabatuta, prozesu hori sarbide lehentasunak zeuden onarpen prozesu baterako sortu baitzen.

Horregatik guztiagatik, apirilaren 11ko 40/2024 Foru Agindua aldatu behar da, zeinaren bidez ikasleak Nafarroako Foru Komunitateko ikastetxe publiko eta pribatu itunduetan onartzeko prozesua arautu eta garatzen baita, funts publikoen bidezko irakaskuntzak egiteko, presentziazko modalitatean, Lanbide Heziketako Sistemaren D eta E graduei eta Arte Plastikoetako eta Diseinuko lanbide ikasketei dagozkienak, eta orobat, ikastetxe publikoetan, ikastetxe eta entitate pribatuetan, Nafarroako Foru Komunitatean baimenduetan, presentziazko modalitatean, Hezkuntza Departamentuak kudeatzen duen Lanbide Heziketako Sistemako A, B, eta C graduei dagozkien irakaskuntzak egiteko, alde batetik, onarpen irizpideak maiatzaren 21eko 500/2024 Errege Dekretuak sartutako aldaketetara egokitzeko, eta, bestetik, onarpen prozesuaren garapena egokitzeko, goi mailako zikloetara sartzeko lehentasunik ez dagoelako.

Nafarroako Eskola Kontseiluak nahitaez eman beharreko txostena eman ondoren, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41.1 g) artikuluak ematen dizkidan eskumenak baliatuz,

AGINTZEN DUT:

Artikulu bakarra.–Apirilaren 11ko 40/2024 Foru Agindua aldatzea, Hezkuntzako kontseilariak emana. Haren bidez, ikasleak Nafarroako Foru Komunitateko ikastetxe publiko eta pribatu itunduetan onartzeko prozesua arautu eta garatzen da, funts publikoen bidezko irakaskuntzak egiteko, presentziazko modalitatean, Lanbide Heziketako Sistemaren D eta E graduei eta Arte Plastikoetako eta Diseinuko lanbide ikasketei dagozkienak, eta orobat, ikastetxe publikoetan, ikastetxe eta entitate pribatuetan, Nafarroako Foru Komunitatean baimenduetan, presentziazko modalitatean, Hezkuntza Departamentuak kudeatzen duen Lanbide Heziketako Sistemako A, B, eta C graduei dagozkien irakaskuntzak egiteko.

Apirilaren 11ko 40/2024 Foru Aginduan honako aldaketa hauek egizten dira:

Bat.–Aldatu egiten da 4. artikuluaren 1. apartatua, eta hauxe da testu berria:

"1. Foru agindu honen xede den Lanbide Heziketaren Sistemako A, B eta C graduetako eskaintzetako ikasleen onarpen prozesua arautzeko, Lanbide Heziketako Sistemaren antolamendua garatzen duen uztailaren 18ko 659/2023 Errege Dekretuan eta martxoaren 31ko 3/2022 Lege Organikoan, Lanbide Heziketaren Antolamenduari eta Integrazioari buruzkoa garatzeko araudian xedatutakoari jarraituko zaio, baita foru agindu honetan xedatutakoari ere."

Bi.–Aldatu egiten da 4. artikuluaren 3. apartatua, eta hauxe da testu berria:

"3. Lanbide Heziketako Sistemako D eta E graduetako eskaintzetan eta Arte Plastikoetako eta Diseinuko lanbide ikasketetako heziketa zikloetan ikasleak onartzeko prozesua arautuko da, alde batetik, apirilaren 28ko 33/2021 Foru Dekretuaren arabera, hark arautzen baitu ikasleen onarpena Nafarroako Foru Komunitateko ikastetxe publikoetan eta itunpeko ikastetxe pribatuetan; eta bestetik, Lanbide Heziketako Sistemaren antolamendua garatzen duen uztailaren 18ko 659/2023 Errege Dekretuan eta martxoaren 31ko 3/2022 Lege Organikoan, Lanbide Heziketaren Antolamenduari eta Integrazioari buruzkoa garatzeko araudian, xedatutakoari jarraituko zaio, baita foru agindu honetan xedatutakoari ere.

Hiru.–Aldatu egiten da 7. artikuluaren 7. apartatua, eta hauxe da testu berria:

"7. Erdi eta goi mailako zikloetako lehen kurtsoan onartzeko prozesu arruntean, lanpostuak fase bakar batean esleitzen dira, foru agindu honen III. tituluko I. kapituluko 1. atalean ezarritakoari jarraikiz: Lanpostuak modu bereizian esleitzen dira foru agindu honetako III. tituluko III., IV., V. eta VI. kapituluetako 1. atalean, lehenengo kurtsorako, ezarritako irizpideak aplikatuz sortzen diren sarbide talde bakoitzerako, eta talde bakoitzak bere ikaspostu kupoa izanen du, zeina norgehiagoka dagoenean aplikatuko den; bigarren kurtsoan, foru agindu honetako III. tituluko VIII. kapituluko 1. atalean ezarritako irizpideak aplikatuko dira."

Lau.–Aldatu egiten da 7. artikuluaren 8. apartatua, eta hauxe da testu berria:

"8. Ikastetxeetako zuzendaritzek ikasketa eta prestakuntza horietako onarpen proiektuak antolatu eta kudeatzeko eskumena duen zerbitzuari eskatzen ahalko diote ikaspostu gehiago onartzea, onarpen prozesu arruntean sarbide talde jakin bati esleitutako kupoari dagokiona baino. Eskaera hori egiten ahalko da, soilik, helburu den sarbide taldeari dagozkion zikloetan, onarpen prozesu arruntean, azken bi onarpen prozesuetan, matrikularik ez egiteagatik onartutako eta baztertutako ikasleen portzentajea %50etik gorakoa izan bada, eskaera dagokion sarbide taldearen kupoaren gainean. Aldaketa horrek ez dio eragiten gainerako taldeei esleitutako kupoak duen ikaspostu kopuruari, eta beraz, oro har ezarririkoa izanen da."

Bost.–Aldatu egiten da 8. artikuluaren 2. apartatua, eta hauxe da testu berria:

"2. Lanbide Heziketako Sistemako D graduetan matrikulatutako ikasleek, oinarrizko mailako heziketa zikloetan, ikastetxe publiko edo funts publikoekin finantzatutako pribatu itundu edo erakunde hitzartu batean matrikulatuta badaude, bermatuta izanen dute ikastetxe publiko, pribatu itundu edo erakunde hitzartu horretan bertan jarraitzeko aukera, apirilaren 28ko 33/2021 Foru Dekretuaren 3.2.k) artikuluan ezarritako moduan.

Sei.–Aldatu egiten da 9. artikuluaren 2.d) apartatua, eta hauxe da testu berria:

"d) Martxoaren 31ko 3/2022 Lege Organikoaren 25.2 artikuluan ezarritakoa garatzeko, oinarrizko mailako, erdi mailako, goi mailako heziketa zikloetan eta espezializazio ikastaroetan, lehenengo kurtsoko onarpen prozesu arruntean, ekintza positibo gisa ezartzen da ikaspostuak erreserbatzea gutxiegi ageri den sexuko pertsonentzat. Halaber, ikaspostu erreserba hori bera ezartzen da Arte Plastikoetako eta Diseinuko lanbide ikasketetako heziketa zikloetan, lehen kurtsoko onarpen prozesu arruntean. Gutxiegi ageri den sexuko pertsonentzako ikaspostu horien kopurua zehazteari dagokionez, foru agindu honen 15. artikuluan xedatutakoa beteko da.

Ziklo bakoitzean gutxiegi ageri den sexua ezartzeko proportzioa, onarpen prozesu bakoitzerako, foru agindu honen 4.5 artikuluan aipatzen den urteko ebazpenean zehaztuko da."

Zazpi.–Aldatu egiten da 12. artikuluaren 3.c) apartatuko bigarren gidoia, eta hauxe da testu berria:

"–Erdi mailako eta goi mailako zikloei dagozkien D graduetan eta Arte Plastikoetako eta Diseinuko lanbide ikasketen zikloetan, pertsona batek baino gehiagok frogatzen badute desgaitasunen bat dutela, sarbide talde berean edo sarbide talde desberdinetan, lehentasunen zerrendan lehena dagoen pertsonari esleituko zaio erreserbatutako ikaspostua, foru agindu honetan maila eta ikasketa bakoitzeko ikasturtea hasi aurretiko eskabide aldirako edo ikaspostu hutsak esleitzeko prozeduran ezarritako lehentasunen irizpideak aplikatuz, baldin eta pertsona horrek ikasposturik lortu ez badu, ikaspostu orokorretan duen kokapenaren ondorioz, lehentasunik ez zuelako."

Zortzi.–Aldatu egiten da 14. artikuluaren 4.b) apartatua, eta hauxe da testu berria:

"b) Erdi eta goi mailako zikloei dagozkien D graduetan eta Arte Plastikoetako eta Diseinuko lanbide ikasketetako zikloetan, pertsona batek baino gehiagok frogatzen badute hezkuntza laguntzaren berariazko premiak dituztela, sarbide talde berean edo sarbide talde desberdinetan, lehentasunen zerrendan lehena dagoen pertsonari esleituko zaio erreserbatutako ikaspostua, foru agindu honetan maila eta ikasketa bakoitzeko ikasturtea hasi aurretiko eskabide aldirako edo ikaspostu hutsak esleitzeko prozeduran ezarritako lehentasunen irizpideak aplikatuz, baldin eta pertsona horrek ikasposturik lortu ez badu, ikaspostu orokorretan duen kokapenaren ondorioz, lehentasunik ez zuelako."

Bederatzi.–Aldatu egiten da 15. artikuluaren 3. apartatua, eta hauxe da testu berria:

"3. Lanbide Heziketako eta Arte Plastikoetako eta Diseinuko heziketa ziklo bakoitzean eta espezializazio ikastaro bakoitzean, gutxiegi ageri den sexutzat hartuko da aurreko hiru ikasturteetan matrikulatutako ikasleen batez besteko portzentajean %40ra iritsi ez den sexua, dagokion heziketa zikloan edo espezializazio ikastaroan eskainitako taldeen multzo osoa kontuan hartuta.

Foru agindu honen 9.2.d) artikuluan ezarritako ikaspostuen erreserba honela zehazten da:

a) Lanbide Heziketako oinarrizko mailako heziketa zikloetan:

–Gutxiegi ageri den sexuaren portzentajea %10ekoa edo txikiagoa: 3 ikaspostu erreserbatuak.

–Gutxiegi ageri den sexuaren portzentajea %10 baino handiagoa eta %25ekoa edo txikiagoa: 2 ikaspostu erreserbatuak.

–Gutxiegi ageri den sexuaren portzentajea %25etik gorakoa eta %40koa edo txikiagoa: Ikaspostu bat erreserbatua.

b) Lanbide Heziketako erdi eta goi mailako heziketa zikloetan:

–Gutxiegi ageri den sexuaren portzentajea %10ekoa edo txikiagoa: 6 ikaspostu erreserbatuak.

–Gutxiegi ageri den sexuaren portzentajea %10 baino handiagoa eta %25ekoa edo txikiagoa: 4 ikaspostu erreserbatuak.

–Gutxiegi ageri den sexuaren portzentajea %25etik gorakoa eta %40koa edo txikiagoa: 2 ikaspostu erreserbatuak.

Onarpen prozesu arruntean, ikaspostuak bereizita esleitzen dira sarbide talde bakoitzerako, eta, beraz, ikaspostu erreserbatu horiek esleitzen zaizkie, Lanbide Heziketako erdi mailako zikloen kasuan, foru agindu honen 51.1.a) artikuluan ezarritako 1. sarbide taldean dauden ikasleei, eta, Lanbide Heziketako goi mailako zikloen kasuan, foru agindu honen 67.1.a) artikuluan ezarritako 1. sarbide taldean dauden ikasleei, ikaspostu erreserbatuen %50 1A sarbide taldeko ikasleentzat eta %50 1B sarbide taldeko ikasleentzat izanik.

c) Arte Plastikoetako eta Diseinuko lanbide ikasketen erdi mailako heziketa zikloetan:

–Gutxiegi ageri den sexuaren portzentajea %20koa edo txikiagoa: 4 ikaspostu erreserbatuak.

–Gutxiegi ageri den sexuaren portzentajea %20tik gorakoa eta %40koa edo txikiagoa: 2 ikaspostu erreserbatuak.

Onarpen prozesu arruntean, ikaspostuak bereizita esleitzen dira sarbide talde bakoitzerako, eta, beraz, ikaspostu horiek esleitzen zaizkie, Arte Plastikoetako eta Diseinuko erdi mailako zikloen kasuan, foru agindu honen 59.1.a) artikuluan ezarritako 1. sarbide taldean dauden ikasleei, eta, Arte Plastikoetako eta Diseinuko goi mailako zikloen kasuan, foru agindu honen 75.1.a) artikuluan ezarritako 1. sarbide taldean dauden ikasleei, erreserbatutako plazen %50 1A sarbide taldeko ikasleentzat eta %50 1B sarbide taldeko ikasleentzat izanik.

d) Lanbide Heziketako espezializazio ikastaroetan:

–Gutxiegi ageri den sexuaren portzentajea %20koa edo txikiagoa: 4 ikaspostu erreserbatuak.

–Gutxiegi ageri den sexuaren portzentajea %20tik gorakoa eta %40koa edo txikiagoa: 2 ikaspostu erreserbatuak.

Lanbide Heziketako Sistemako D edo E gradu batean edo Arte Plastikoetako eta Diseinuko zikloetan izena ematen duen ikasleak, dagokion heziketa zikloan gutxiegi ageri den sexukoa bada, ikaspostu erreserba honetan parte hartuko du, baldintza hauei jarraikiz:

a) Ziklo edo espezializazio ikastaro batean izena eman eta ziklo edo ikastaro horretan gutxiegi ageri den sexukoa den ikasleak aukera izanen du, halaber, erreserbarik gabeko ikaspostu orokorrak eskuratzeko.

b) Ikaspostu erreserba honetara aurkezten badira pertsona gehiago, gutxiegi ageri den sexuko pertsonentzat erreserbatutako ikaspostuak baino:

–Oinarrizko mailako zikloei dagozkien D graduetan eta E graduetan, lehentasun zerrendan lehen postuan edo lehen postuetan daudenei esleituko zaie erreserbatutako ikaspostua, ikasposturik lortu ez badute ikaspostu orokorren eskaintzan, horien lehentasunen zerrendan zuten kokapenaren ondorioz.

–Erdi mailako zikloetako D graduetan, ikaspostua erreserbatuko zaio foru agindu honen 51.1.a) artikuluan ezarritako 1. sarbide taldeko lehentasun zerrendako lehen postuan edo lehen postuetan dagoenari, Lanbide Heziketako zikloen kasuan, eta foru agindu honen 59.1.a) artikuluan ezarritako 1. sarbide taldekoari, Arte Plastikoetako eta Diseinuko zikloen kasuan, baldin eta ikaspostua lortu ez badu ikaspostu orokorrei dagokien lehentasun zerrendan egoteagatik.

–Goi mailako zikloetako D graduetan, ikaspostua erreserbatuko zaio foru agindu honen 67.1.a) artikuluan ezarritako 1. sarbide taldeko lehentasun zerrendako lehen postuan edo lehen postuetan dagoenari, Lanbide Heziketako zikloen kasuan, eta foru agindu honen 75.1.a) artikuluan ezarritako 1. sarbide taldekoari, Arte Plastikoetako eta Diseinuko zikloen kasuan, baldin eta ikaspostua lortu ez badu ikaspostu orokorrei dagokien lehentasun zerrendan egoteagatik.

c) Erreserbatutako ikaspostua kasuan kasuko zikloko/kurtsoko eta unitateko ikaspostuen guztirako kopurutik kenduko da, oinarrizko mailako zikloei dagozkien D graduetan eta E graduetan. Erdi eta goi mailako zikloei dagozkien D graduen eta Arte Plastikoetako eta Diseinuko lanbide ikasketen zikloen kasuan, ikaspostu erreserba kenduko da ikaspostu hori eskuratu duten pertsonen sarbide taldeari dagokion zikloko eta unitateko ikaspostuen guztirako kopurutik. Erreserba hori eskatzen duen izangairik ez badago, erreserbatutako ikaspostua erreserbarik gabeko ikaspostu orokorrei gehituko zaie."

Hamar.–Aldatu egiten da 28. artikuluaren 4. apartatua, eta hauxe da testu berria:

"4. D graduetako onarpen prozesu arruntean, erdi eta goi mailako zikloetan, eta Arte Plastikoetako eta Diseinuko lanbide ikasketetako erdi eta goi mailako zikloetan, onartutako pertsonen behin betiko zerrendak argitaratuko dira, hurrenez hurren. Behin betiko zerrenda horietako bakoitzak bere matrikulazio epea izanen du.

Behin betiko zerrenda horietan aplikatuko dira, lehenengo kurtsorako, foru agindu honetako III. tituluko III., IV., V. eta VI. kapituluetako 1. atalean ezarritako erreserba kupoak eta lehentasun irizpideak; bigarren kurtsorako, berriz, foru agindu honetako III. tituluko VIII. kapituluko 1. atalean ezarritako lehentasun irizpideak aplikatuko dira.

Hamaika.–Ezabatu egiten da 28. artikuluaren 5. apartatua.

Hamabi.–Aldatu egiten dira 32. artikuluaren c) eta d) apartatuak, eta hauxe da testu berria:

"c) Erdi mailako eta goi mailako zikloei dagozkien Lanbide Heziketako Sistemako D graduen eta Arte Plastikoetako eta Diseinuko erdi eta goi mailako zikloen onarpen prozesu arruntean, sarbide talde bakoitzerako behin betiko itxaron zerrendak indarra eta ondorioak ditu onarpen prozesu arruntean argitaratzen diren hurrengo onartutakoen zerrendetan.

d) Onarpen prozesu arruntean onartutako pertsonen behin betiko azken zerrendarekin amaitzen da prozesu hori. Onartutakoen behin betiko azken zerrendari dagokion itxaron zerrendak epe arruntetik kanpoko onarpen prozesurako bakarrik izango ditu ondorioak, hurrengo artikuluan ezarritakoaren arabera."

Hamahiru.–Aldatu egiten da 36. artikuluaren 3.c) apartatua, eta hauxe da testu berria:

"c) Izena emateko eskaera telematikoki aurkeztuko da, foru agindu honen xede diren irakaskuntza eta prestakuntzetan eskumena duen zuzendaritza nagusiak horretarako prestatzen duen webgunetik edo, bestela, presentziazko moduan zentroko idazkaritzan, foru agindu honen 35.3 artikuluan aipatzen den urteko ebazpenean xedatutakoari jarraituz."

Hamalau.–Aldatu egiten da 36. artikuluaren 3.f) apartatua, eta hauxe da testu berria:

"f) Lanbide Heziketako Sistemaren D graduei eta Arte Plastikoetako eta Diseinuko heziketa zikloei dagokien IHEPko inskripzio eskaeran, aukerak adierazi beharko dira ondoren ezarritakoari jarraituz:

–Onarpen prozesu arruntean izena emanda dauden pertsonak, onarpen prozesu arruntean adierazitako lehen aukera gisa markatutakoa ez den beste aukera batean matrikulatuta dauden eta "aukera hobetzea" prozedura hautatu dutenak: aurkezten duten IHEPko eskaeran ezin izango dute aukera gehigarririk adierazi. IHEPn parte hartuko duen inskripzio eskaera onarpen prozesu arruntean adierazitako aukerek osatuko dute; aukera horiek lehenespenekoak dira matrikulatuta dagoen aukeraren aldean, onarpen prozesu arruntean adierazitako lehentasun hurrenkeran.

Egoera horretan dauden pertsonak, hau da, onarpen prozesu arruntean izena eman zuten pertsonak, lehen aukera gisa markatutakoa ez den beste aukera batean ikaspostua lortu zutenak eta "aukera hobetzea" prozedura aukeratu zutenak: IHEPn eskaerarik aurkezten ez badute, ez dute parte hartuko ikaspostu hutsak esleitzeko prozeduran.

–Onarpen prozesu arruntean izena eman zuten eta parte hartu zuten arren, ikasposturik lortu ez duten pertsonak: gehienez sei aukera adierazten ahalko dituzte, eta lehentasun hurrenkeran jaso beharko dira. Aukera horiek lehentasun hurrenkeran kokatuko dira, onarpen epe arruntean adierazitako aukeren ondoren. Beraz, IHEPn parte hartuko duen inskripzio eskaera onarpen prozesu arruntaren eskaeran adierazitako aukerek osatuko dute, prozesu horretan adierazitako lehentasun hurrenkeran eta, jarraian, IHEPko eskaeran adierazitako aukerek, adierazitako lehentasun hurrenkeran. Era beran, IHEPko eskaeran aukera gehigarririk ez adierazi ahalko dute; kasu horretan, IHEPn parte hartuko duen inskripzio eskaera prozesu arrunteko eskaeran adierazitako aukerek bakarrik osatuko dute.

Egoera horretan dauden pertsonak, hau da, onarpen prozesu arruntean izena eman zuten eta parte hartu zuten arren, ikaspostua lortu ez zuten pertsonak: IHEPn eskaerarik aurkezten ez badute, ez dute parte hartuko ikaspostu hutsak esleitzeko prozeduran.

–Onarpen prozesu arruntean inskribatuta ez dauden pertsonak: gutxienez, aukera bat adierazi beharko dute, eta, nahi izanez gero, gehienez ere 5 aukera gehigarri adierazi ahal izango dituzte; guztiak lehentasun hurrenkeran adierazi beharko dira. IHEPn parte hartuko duen inskripzio eskaera IHEPko eskaeran adierazitako aukerek osatuko dute, adierazitako lehentasun hurrenkeran.

–Onarpen prozesu arruntean izena eman eta parte hartu ondoren ikaspostua lortu zuten baina zehaztutako epeetan matrikulatu ez ziren pertsonak, eta, ondorioz, onarpen prozesu arruntetik baztertu direnak: gutxienez, aukera bat adierazi beharko dute, eta, nahi izanez gero, gehienez ere 5 aukera gehigarri adierazi ahal izango dituzte; guztiak lehentasun hurrenkeran adierazi beharko dira. IHEPn parte hartuko duen inskripzio eskaera IHEPko eskaeran adierazitako aukerek osatuko dute, adierazitako lehentasun hurrenkeran.

–Onarpen prozesu arruntean inskribatuta dauden eta inskripzio eskaera bertan behera utzi zuten edo lortutako plazari uko egin zioten pertsonak: gutxienez, aukera bat adierazi beharko dute, eta, nahi izanez gero, gehienez ere 5 aukera gehigarri adierazi ahal izango dituzte; guztiak lehentasun hurrenkeran adierazi beharko dira. IHEPn parte hartuko duen inskripzio eskaera IHEPko eskaeran adierazitako aukerek osatuko dute, adierazitako lehentasun hurrenkeran.

–Onarpen prozesu arruntetik baztertutako pertsonak, foru agindu honen 24. artikuluan xedatutakoa aplikatzearen ondorioz: gutxienez, aukera bat adierazi beharko dute, eta, nahi izanez gero, gehienez ere 5 aukera gehigarri adierazi ahal izango dituzte; guztiak lehentasun hurrenkeran adierazi beharko dira. IHEPn parte hartuko duen inskripzio eskaera IHEPko eskaeran adierazitako aukerek osatuko dute, adierazitako lehentasun hurrenkeran.

Aurreko kasuetan aipatu daitezkeen aukeretako bakoitzak elementu hauek izan behar ditu:

–Heziketa zikloa.

–Zikloaren eskaintzaren ezaugarriak: besteak beste, hizkuntza eta txanda.

–Ikastetxea.

–Kurtsoa: lehen kurtsoa edo bigarren kurtsoa."

Hamabost.–Aldatu egiten da 36. artikuluaren 12.c) apartatua, eta hauxe da testu berria:

"c) Ikaspostu hutsak esleitzeko prozeduran onartutako pertsonen behin betiko azken zerrendarekin amaitzen da prozesu hori. IHEPn onartutakoen behin betiko azken zerrendari dagokion itxaron zerrendak epe arruntetik kanpoko onarpen prozesurako bakarrik izango ditu ondorioak, hurrengo artikuluan ezarritakoaren arabera."

Hamasei.–Bigarren paragrafo bat gehitu egiten da 40. artikuluaren 4.c) apartatuan, eta hauxe da testu berria:

"Halaber, agiri berean gurasoek edo legezko tutoreek adierazi beharko dute ikastetxeari eskatzen eta baimentzen dioten proposatutako ikaslearen onarpen prozesu arruntean inskripzio eskaera modu eskuordetuan aurkeztea edo baieztatzen duten beraiek aurkeztuko dutela inskripzio eskaera onarpen prozesu arruntean."

Hamazazpi.–Aldatu egiten da 40. artikuluaren 5. apartatua, eta hauxe da testu berria:

"5. Hezkuntza Departamentuaren esku-hartzea: ikastetxeko zuzendariak oinarrizko zikloetan izena emateko azken proposamena bidaliko dio, foru agindu honen 4.5 artikuluan aipatzen den urteko ebazpenean ezartzen den ereduan agertzen den informazioaren arabera, ikastetxeko ikuskatzaileari, proposatutako ikasleak foru agindu honen 39.2 artikuluan adierazitako sartzeko baldintzak betetzen dituen egiaztatu ahal izan dezan eta proposamena artikulu honetan xedatutakoaren arabera egin den egiaztatu ahal izan dezan. Izena emateko azken proposamena aztertu ondoren, eta proposatutako ikasleek sarbide-baldintzak betetzen dituztela eta artikulu honetan ezarritako prozedura betetzen dutela egiaztatu ondoren, ikuskatzaileak izena emateko azken proposamen hori onartzen duela jakinaraziko dio ikastetxeko zuzendariari, eta Izena emateko Azken Proposamena beteta eta sinatuta bidaliko dio, edo, baldintzaren bat betetzen ez bada, proposamena ez duela onartzen jakinaraziko dio, bai ikasleak sartzeko baldintzei buruzkoa, bai artikulu honetan ezarritako prozedurari buruzkoa. "

Hemezortzi.–Aldatu egiten da 44. artikuluaren 1.b) apartatua, eta hauxe da testu berria:

"b) Asistentziaren portzentajea kalkulatzeko azken eguna kasuan kasuko ikasturteko maiatzeko azken eskola asteko egun bat izanen da."

Hemeretzi.–Aldatu egiten da 45. artikuluaren 5. apartatua, eta hauxe da testu berria:

"5. Artikulu honen 2., 3. eta 4. apartatuetan aipatzen diren sarbide notek ez diete erreferentzia egiten DBHko kurtsoko azken kalifikazioari, Lanbide Heziketa Bereziko zikloko azken kalifikazioari ezta oinarrizko mailako zikloko lehen kurtsoko azken kalifikazioari ere. Maiatzeko azken astean oinarrizko mailako zikloetako onarpen prozesu arruntean izena eman duen ikaslearen irakasleek ematen duten kalifikazioari egiten diote erreferentzia, eta aipatutako zikloetako onarpen prozesu arruntean parte hartzeko dira soilik.

a) Derrigorrezko Bigarren Hezkuntza egiten ari diren ikasleen kasuan, oinarrizko mailako zikloetara sartzeko nota lortzeko, irakasgai edo arlo bakoitzaz arduratzen diren irakasleek maiatzeko azken astean zehazten dituzten kalifikazioak hartuko dira kontuan, aipatutako datara arteko kurtsoko ebaluazio prozesuaren balorazioaren ondorio gisa. Nafarroako Foru Komunitatean Derrigorrezko Bigarren Hezkuntzako ikasketak egiten ari diren ikasleen ebaluazioa, maila gainditzea eta titulazioa arautzen dituen ekainaren 12ko 53/2023 Foru Aginduaren 4.5 artikuluan ezarritakoarekin bat, kalifikazio horiek eta oinarrizko mailako zikloetara sartzeko notaren kalkulua ebaluazio saio espezifiko batean egingo eta zehaztuko dira, eta saio horrek oinarrizko mailako zikloetan izena eman duten ikasleei soilik eragingo die.

b) Lanbide Heziketa Bereziko ziklo bat egiten ari diren ikasleen kasuan, oinarrizko mailako zikloetara sartzeko nota lortzeko, LH Bereziko zikloa antolatzen den lanbide modulu, arlo edo prestakuntza bakoitzaz arduratzen diren irakasleek zikloaren egindako kurtsoetan, maiatzeko azken astean, zehazten dituzten kalifikazioak hartuko dira kontuan, aipatutako datara arteko zikloko ebaluazio prozesuaren balorazioaren ondorio gisa. Kalifikazioak eta oinarrizko mailako zikloetara sartzeko notaren kalkulua ebaluazio saio espezifiko batean egingo eta zehaztuko dira, eta saio horrek oinarrizko mailako zikloetan izena eman duten ikasleei soilik eragingo die.

c) Oinarrizko mailako ziklo baten lehen kurtsoa egiten ari diren ikasleen kasuan, oinarrizko mailako zikloetara sartzeko nota lortzeko, arlo ez-profesional bakoitzaz eta modulu profesionalez arduratzen diren irakasleek maiatzeko azken astean zehazten dituzten kalifikazioak hartuko dira kontuan, aipatutako datara arteko kurtsoko ebaluazio prozesuaren balorazioaren ondorio gisa.

Aurreko hiru egoeretan, oinarrizko mailako zikloetara sartzeko notaren ziurtagiria emango da, eta inskripzio eskaera egiten duen ikasturtean ikaslea matrikulatuta dagoen ikastetxeko idazkariak emango du ziurtagiri hori."

Hogei.–Aldatu egiten da 50. artikuluaren 2. apartatua, eta hauxe da testu berria:

"2. Sarbidea lortzen bada arestiko apartatu horretako c), d) eta e) letren babesean, horretaz gain, eskatuko da hamazazpi urte beteak izatea, gutxienez, proba egiten den urtean, edo sarbideko ikastaroa amaitzeko edo Lanbide Ziurtagiria lortzeko. c) eta d) letren kasuetan, gainera, erdi mailako heziketa zikloetan sartzeko beste baldintzarik ez betetzea eskatuko da."

Hogeita bat.–Bigarren paragrafo bat gehitu egiten da 50. artikuluaren 4. apartatuan, eta hauxe da testu berria:

"Sartzeko baldintzaren bat betetzen duen eta, gainera, inskribatzen ari den erdi mailako zikloetako batean jasotako ziurtagiri profesionala duen eskatzailea sartzeko bi baldintza eta betekizun horiek beteta inskribatzen ahalko da: ziurtagiri profesionalaren bidez, ziurtagiria jasota dagoen erdi mailako zikloari dagokion aukeran, eta, gainerako aukeretan, dagokion baldintza akademikoaren bidez."

Hogeita bi.–Aldatu egiten da 51. artikuluaren 1. apartatuko lehenengo paragrafoa, eta hauxe da testu berria:

"1. Onarpen prozesu arruntean, foru agindu honen 50. artikuluan adierazitako sarbide baldintzak betetzen dituzten ikasleak lau sarbide taldetan bilduko dira, uztailaren 18ko 659/2023 Errege Dekretuaren 111. artikuluan ezarritakoarekin bat etorriz, dagokien ikaspostu erreserbatuen kuotarekin, irizpide hauei jarraikiz:"

Hogeita hiru.–Aldatu egiten da 51. artikuluaren 3.d) apartatua, eta hauxe da testu berria:

"d) 4. sarbide taldean parte hartuko dute soil-soilik, zehaztutako aukeran, aukerako erdi mailako heziketa zikloan jasotako Lanbide Ziurtagiri bat duten pertsonek."

Hogeita lau.–Aldatu egiten da 51. artikuluaren 4. apartatuko lehenengo paragrafoa, eta hauxe da testu berria:

"4. Onarpen prozesu arruntean, erdi mailako heziketa zikloetan sartzeko eskatzen duten ikasleen hurrenkeraren zerrenda ezartzeko, lehentasun irizpide hauek hartuko dira kontuan, hiru sarrera taldeetako bakoitzerako:"

Hogeita bost.–Aldatu egiten da 51. artikuluaren 6. apartatua, eta hauxe da testu berria:

"6. Ikaspostuak esleitzeko, sarbide talde bakar batean batuko dira ikaspostu hutsak esleitzeko prozeduran, baldin eta esleitu ez badira eta matrikulaziorik izan ez badute artikulu honen 1. apartatuan ezarritako 1., 2. eta 3. sarbide taldeei dagozkien onarpen prozesu arrunteko behin betiko zerrendetan.

4. sarbide taldeari dagozkion onarpen prozesu arrunteko behin betiko zerrendetan esleitu ez diren eta matrikulaziorik izan ez duten ikaspostuak ez dira batuko 1., 2. eta 3. sarbide taldeetako ikaspostuekin osatutako sarbide talde bakarrari."

Hogeita sei.–Ezabatu egiten dira 51. artikuluaren 7. eta 8. apartatuak.

Hogeita zazpi.–Aldatu egiten da 53. artikuluaren 5.d) apartatua, eta hauxe da testu berria:

"d) Atzerriko hezkuntza sistemetatik etorri eta erdi mailako zikloetako onarpen prozesu arruntean izena emateko eskaera aurkezten duten pertsona eskatzaileek Derrigorrezko Bigarren Hezkuntzako Graduatu tituluari dagozkion ikasketen homologaziorako behin betiko egiaztagiria aurkeztu behar dute, onarpen prozesu bakoitzerako ezarritako egunetan. Halakorik ez bada, baldintzapeko bolantea aurkezten ahalko dute; kasu horretan, onarpen prozesu arruntean parte hartzeko, "lau" kalifikazioa emanen zaie erdi mailako zikloetara sartzeko nota gisa. Foru agindu honen 4.5 artikuluan aipatzen den urteko ebazpenean erdi mailako zikloetan sartzeko notari buruzko jarraibideak zehaztuko dira, Derrigorrezko Bigarren Hezkuntzako Graduatu tituluari dagozkion ikasketen homologaziorako behin betiko egiaztagiria aurkezten duten eskatzaileentzat."

Hogeita zortzi.–Aldatu egiten da 55. artikuluaren 1.c) apartatua, eta hauxe da testu berria:

"c) Hirugarrena: Derrigorrezko Bigarren Hezkuntzako Graduatu titulua edo oinarrizko teknikari titulua edo baliokidea lortu dutenak aurreko bi ataletan aipatutako hiru ikasturte horiek baino lehenagoko beste ikasturteren batean; eta, orobat, goi mailako zikloetan sartzeko proba bat edo goi mailako zikloetan sartzeko ikastaro bat gainditu dutenak; eta, halaber, erdi mailako heziketa zikloaren aukeran sartuta dagoen Lanbide Ziurtagiri bat dutenak."

Hogeita bederatzi.–Aldatu egiten da 55. artikuluaren 2. apartatua, eta hauxe da testu berria:

"2. Honen aurreko apartatuan ezarritako irizpideak aplikatuta sortzen den talde bakoitza irizpide hauei jarraikiz ordenatuko da, aukera bakoitzerako:

a) Lehenengoa: onarpen prozesu arruntean aukera hori eskatu duten ikasleak.

b) Bigarrena: onarpen prozesu arruntean aukera hori eskatu ez duten ikasleak."

Hogeita hamar.–Aldatu egiten dira 57. artikuluaren 2.a) eta 2.b) apartatuak, eta hauxe da testu berria:

"a) Aurreko apartatuan adierazitako lehenengo irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan.

b) Aurreko apartatuan adierazitako bigarren irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan."

Hogeita hamaika.–Aldatu egiten da 59. artikuluaren 1. apartatuko lehenengo paragrafoa, eta hauxe da testu berria:

"1. Arte Plastikoetako eta Diseinuko erdi mailako zikloetako onarpen prozesu arruntean, maiatzaren 4ko 596/2007 Errege Dekretuaren 18. artikuluan ezarritakoa garatuz, foru agindu honen 58. artikuluan adierazitako sarbide baldintzak betetzen dituzten ikasleak hiru sarbide taldetan bildu behar dira, dagokien ikaspostua erreserbako kuotarekin, irizpide hauei jarraikiz:"

Hogeita hamabi.–Aldatu egiten da 59. artikuluaren 4. apartatuko lehenengo paragrafoa, eta hauxe da testu berria:

"4. Sarbide talde bakoitzarentzat, lehentasun irizpide hauei jarraikiz ezarriko da lehentasunen zerrenda onarpen prozesu arruntean, Arte Plastikoetako eta Diseinuko lanbide ikasketetako erdi mailako heziketa zikloetan sartzeko eskatzen duten ikasleentzat, baldin eta sartzeko baldintzak betetzen badituzte, barne dela erdi mailako gaitasun artistikoko proba bat gainditzea, edo frogatzea proba horretatik salbuetsita daudela, hiru sarbide taldeetako bakoitzerako:"

Hogeita hamahiru.–Aldatu egiten da 59. artikuluaren 6. apartatua, eta hauxe da testu berria:

"6. Ikaspostuak esleitzeko, sarbide talde bakar batean batuko dira ikaspostu hutsak esleitzeko prozeduran, baldin eta esleitu ez badira eta matrikulaziorik izan ez badute artikulu honen 1. apartatuan ezarritako 1., 2. eta 3. sarbide taldeei dagozkien onarpen prozesu arrunteko behin betiko zerrendetan."

Hogeita hamalau.–Ezabatu egiten dira 59. artikuluaren 7. eta 8. apartatuak.

Hogeita hamabost.–Aldatu egiten da 63. artikuluaren 2. apartatua, eta hauxe da testu berria:

"2. Honen aurreko apartatuan ezarritako irizpideak aplikatuta sortzen den talde bakoitza irizpide hauei jarraikiz ordenatuko da, aukera bakoitzerako:

a) Lehenengoa: onarpen prozesu arruntean aukera hori eskatu duten ikasleak.

b) Bigarrena: onarpen prozesu arruntean aukera hori eskatu ez duten ikasleak."

Hogeita hamasei.–Aldatu egiten dira 65. artikuluaren 2.a) eta 2.b) apartatuak, eta hauxe da testu berria:

"a) Aurreko apartatuan adierazitako lehenengo irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan.

b) Aurreko apartatuan adierazitako bigarren irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan."

Hogeita hamazazpi.–Aldatu egiten da 66. artikuluaren 2. apartatua, eta hauxe da testu berria:

"2. Sarbidea lortzen bada arestiko apartatu horretako c), d) eta e) letren babesean, horretaz gain, eskatuko da hemeretzi urte beteak izatea, gutxienez, proba egiten den urtean, edo sarbideko ikastaroa amaitzeko edo Lanbide Ziurtagiria lortzeko. C) eta d) letren kasuetan, gainera, goi mailako heziketa zikloetan sartzeko beste baldintzarik ez betetzea eskatuko da."

Hogeita hamazortzi.–Bigarren paragrafo bat gehitu egiten da 66. artikuluaren 4. apartatuan, eta hauxe da testu berria:

"Sartzeko baldintzaren bat betetzen duen eta, gainera, inskribatzen ari den goi mailako zikloetako batean jasotako ziurtagiri profesionala duen eskatzailea sartzeko bi baldintza eta betekizun horiek beteta inskribatzen ahalko da: ziurtagiri profesionalaren bidez, ziurtagiria jasota dagoen goi mailako zikloari dagokion aukeran, eta, gainerako aukeretan, dagokion baldintza akademikoaren bidez."

Hogeita hemeretzi.–Aldatu egiten da 67. artikuluaren 1. apartatuko lehenengo paragrafoa, eta hauxe da testu berria:

"1. Onarpen prozesu arruntean, foru agindu honen 66. artikuluan adierazitako sarbide baldintzak betetzen dituzten ikasleak lau sarbide taldetan bilduko dira, uztailaren 18ko 659/2023 Errege Dekretuaren 115. artikuluan ezarritakoarekin bat etorriz, dagokien ikaspostu erreserbatuen kuotarekin, irizpide hauei jarraikiz:"

Berrogei.–Aldatu egiten da 67. artikuluaren 3.d) apartatua, eta hauxe da testu berria:

"d) 4. sarbide taldean parte hartuko dute soil-soilik, zehaztutako aukeran, aukerako goi mailako heziketa zikloan jasotako Lanbide Ziurtagiri bat duten pertsonek."

Berrogeita bat.–Aldatu egiten da 67. artikuluaren 4. apartatua, eta hauxe da testu berria:

"4. Onarpen prozesu arruntean, goi mailako heziketa zikloetan sartzea eskatzen duten ikasleentzako lehentasunen zerrenda lau sarbide taldeetako bakoitzerako ezarriko da, artikulu honetako hurrengo apartatuetan ezarritako lehentasun irizpideen arabera."

Berrogeita bi.–Ezabatu egiten da 67. artikuluaren 5.c) apartatua.

Berrogeita hiru.–Ezabatu egiten dira 67. artikuluaren 6.c) 6.d) apartatuak.

Berrogeita lau.–Aldatu egiten da 67. artikuluaren 7. apartatua, eta hauxe da testu berria:

"7. 2. sarbide taldea:

a) Lehenengoa: Nafarroan goi mailako zikloetan sartzeko proba bat gainditu dutenak edo goi mailako zikloetan sartzeko kurtso bat egin dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute.

b) Bigarrena: beste autonomia erkidego batean goi mailako zikloetan sartzeko proba bat gainditu dutenak edo goi mailako zikloetan sartzeko kurtso bat egin dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute.

c) Hirugarrena: 25 urtetik gorakoentzako unibertsitateko goi mailako sarrera proba gainditu dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute."

Berrogeita bost.–Aldatu egiten da 67. artikuluaren 12. apartatua, eta hauxe da testu berria:

"12. Ikaspostuak esleitzeko, sarbide talde bakar batean batuko dira ikaspostu hutsak esleitzeko prozeduran, baldin eta esleitu ez badira eta matrikulaziorik izan ez badute artikulu honen 1. apartatuan ezarritako 1., 2. eta 3. sarbide taldeei dagozkien onarpen prozesu arrunteko behin betiko zerrendetan.

4. sarbide taldeari dagozkion onarpen prozesu arrunteko behin betiko zerrendetan esleitu ez diren eta matrikulaziorik izan ez duten ikaspostuak ez dira batuko 1., 2. eta 3. sarbide taldeetako ikaspostuekin osatutako sarbide talde bakarrari.

Berrogeita sei.–Ezabatu egiten dira 67. artikuluaren 13., 14. eta 15. apartatuak.

Berrogeita zazpi.–Aldatu egiten dira 71. artikuluaren 1.a) eta 1.b) apartatuak, eta hauxe da testu berria:

"a) Lehenengoa: teknikari titulua edo baliokidea, edo Batxilergo titulua edo baliokidea, izena emateko eskaeraren helburu den ikasturtearen aurreko 3 ikasturteetan lortu dutenak eta goi mailako zikloetan sartzeko proba bat gainditu dutenak edo sartzeko kurtso bat egin dutenak. Sarbideko azpitalde hau ondoko irizpideen arabera antolatuko da:

a1) Lehenik, titulua inskripzio eskaeraren helburu den ikasturtearen aurreko ikasturtean lortu dutenak jarriko dira. Azpitalde honetan kokatuko dira, halaber, Lanbide Heziketako Teknikari titulua izanik, izena emateko eskaeraren helburu den ikasturtearen aurreko ikasturtean erdi mailako espezializazio ikastaro bat gainditu dutenak eta Nafarroan goi mailako zikloetan sartzeko proba bat gainditu dutenak edo sartzeko kurtso bat egin dutenak.

a2) Bigarrenik, azken aipatu ikasturte horren aurreko bi ikasturteetan titulazioa lortu dutenak jarriko dira. Azpitalde honetan kokatuko dira, halaber, beste autonomia erkidego batean goi mailako zikloetan sartzeko proba bat gainditu dutenak edo sartzeko kurtso bat egin dutenak.

b) Bigarrena: teknikari titulua edo baliokidea, edo Batxilergo titulua edo baliokidea, apartatu honetako a) letran aipatutako hiru ikasturteak baino lehenagoko beste ikasturte batzuetan lortu dutenak eta aukerako goi mailako heziketa zikloan jasotako Lanbide Ziurtagiri bat dutenak."

Berrogeita zortzi.–Aldatu egiten da 71. artikuluaren 2. apartatua, eta hauxe da testu berria:

"2. Honen aurreko apartatuan ezarritako irizpideak aplikatuta sortzen den talde bakoitza irizpide hauei jarraikiz ordenatuko da, aukera bakoitzerako:

a) Lehenengoa: onarpen prozesu arruntean aukera hori eskatu duten ikasleak.

b) Bigarrena: onarpen prozesu arruntean aukera hori eskatu ez duten ikasleak."

Berrogeita bederatzi.–Aldatu egiten dira 73. artikuluaren 2.a) eta 2.b) apartatuak, eta hauxe da testu berria:

"a) Aurreko apartatuan adierazitako lehenengo irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan.

b) Aurreko apartatuan adierazitako bigarren irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan."

Berrogeita hamar.–Aldatu egiten da 75. artikuluaren 1. apartatuko lehenengo paragrafoa, eta hauxe da testu berria:

"1. Arte Plastikoetako eta Diseinuko goi mailako zikloetako onarpen prozesu arruntean, maiatzaren 4ko 596/2007 Errege Dekretuaren 18. artikuluan ezarritakoa garatuz, foru agindu honen 74. artikuluan adierazitako sarbide baldintzak betetzen dituzten ikasleak hiru sarbide taldetan bildu behar dira, dagokien ikaspostua erreserbako kuotarekin, irizpide hauei jarraikiz:"

Berrogeita hamaika.–Aldatu egiten da 75. artikuluaren 4. apartatua, eta hauxe da testu berria:

"4. Onarpen prozesu arruntean, Arte Plastikoetako eta Diseinuko lanbide ikasketetako goi mailako heziketa zikloetan sartzeko eskatzen duten ikasleen hurrenkeraren zerrenda ezartzeko, ikasleek sarbide baldintzak betetzen dituztenean, barne dela goi mailako Arte Gaitasunaren Proba bat gainditu izana frogatzea, edo hartatik salbuetsita egotea, artikulu honen hurrengo apartatuetan ezarritako lehentasun irizpide hauek hartuko dira kontuan, hiru sarbide taldeetako bakoitzerako:"

Berrogeita hamabi.–Ezabatu egiten da 75. artikuluaren 5.c) apartatua.

Berrogeita hamahiru.–Ezabatu egiten da 75. artikuluaren 6.c) apartatua.

Berrogeita hamalau.–Aldatu egiten da 75. artikuluaren 7. apartatua, eta hauxe da testu berria:

"7. 2. sarbide taldea:

a) Lehenengoa: Nafarroan goi mailako zikloetan sartzeko proba gainditu dutenak eta goi mailako Arte Gaitasunaren Proba bat gainditu izana edo hartatik salbuetsita daudela frogatzen dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute.

b) Bigarrena: beste autonomia erkidego batean goi mailako zikloetan sartzeko proba gainditu dutenak eta goi mailako Arte Gaitasunaren Proba bat gainditu izana edo hartatik salbuetsita daudela frogatzen dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute.

c) Hirugarrena: 25 urtetik gorakoentzako unibertsitateko sarrera proba gainditu dutenak eta goi mailako Arte Gaitasunaren Proba bat gainditu izana edo hartatik salbuetsita daudela frogatzen dutenak, baldin eta goi mailako zikloetan sartzeko baldintza den titulazio edo ikasketa akademikorik ez badute edo goi mailako zikloetan sartzeko baldintza baliokidetzat jotzen den baldintzarik ez badute."

Berrogeita hamabost.–Aldatu egiten da 75. artikuluaren 11. apartatua, eta hauxe da testu berria:

"11. Ikaspostuak esleitzeko, sarbide talde bakar batean batuko dira ikaspostu hutsak esleitzeko prozeduran, baldin eta esleitu ez badira eta matrikulaziorik izan ez badute artikulu honen 1. apartatuan ezarritako 1., 2. eta 3. sarbide taldeei dagozkien onarpen prozesu arrunteko behin betiko zerrendetan."

Berrogeita hamasei.–Ezabatu egiten dira 75. artikuluaren 12., 13. eta 14. apartatuak.

Berrogeita hamazazpi.–Aldatu egiten da 76. artikuluaren 1. apartatua, eta hauxe da testu berria:

"1. Arte Plastikoetako eta Diseinuko goi mailako heziketa zikloetan sartzeko baldintza gisa erabiltzen den titulua, ziurtagiria edo irakaskuntza adierazi beharko da izena emateko eskabidean."

Berrogeita hemezortzi.–Aldatu egiten dira 79. artikuluaren 1.a) eta 1.b) apartatuak, eta hauxe da testu berria:

"a) Lehenengoa: Teknikari titulua edo baliokidea, edo Batxilergo titulua edo baliokidea, izena emateko eskaeraren helburu den ikasturtearen aurreko 3 ikasturteetan lortu dutenak eta goi mailako zikloetan sartzeko proba bat gainditu dutenak. Sarbideko azpitalde hau ondoko irizpideen arabera antolatuko da:

a1) Lehenik, titulua inskripzio eskaeraren helburu den ikasturtearen aurreko ikasturtean lortu dutenak eta Nafarroan goi mailako zikloetan sartzeko proba gainditu dutenak jarriko dira.

a2) Bigarrenik, azken aipatu ikasturte horren aurreko bi ikasturteetan titulazioa lortu dutenak jarriko dira. Azpitalde honetan kokatuko dira, halaber, beste autonomia erkidego batean goi mailako zikloetan sartzeko proba bat gainditu dutenak.

b) Bigarrena: Teknikari titulua edo baliokidea, edo Batxilergo titulua edo baliokidea, apartatu honetako a) letran aipatutako hiru ikasturteak baino lehenagoko beste ikasturte batzuetan lortu dutenak."

Berrogeita hemeretzi.–Aldatu egiten da 79. artikuluaren 2. apartatua, eta hauxe da testu berria:

"2. Honen aurreko apartatuan ezarritako irizpideak aplikatuta sortzen den talde bakoitza irizpide hauei jarraikiz ordenatuko da, aukera bakoitzerako:

a) Lehenengoa: onarpen prozesu arruntean aukera hori eskatu duten ikasleak.

b) Bigarrena: onarpen prozesu arruntean aukera hori eskatu ez duten ikasleak."

Hirurogei.–Aldatu egiten dira 81. artikuluaren 2.a) eta 2.b) apartatuak, eta hauxe da testu berria:

"a) Aurreko apartatuan adierazitako lehenengo irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan.

b) Aurreko apartatuan adierazitako bigarren irizpidea aplikatzearen ondorioz sortutako taldea: ikaspostua esleitzeko, dagokion aukerarako, ikaspostu hutsak esleitzeko prozeduraren azken zerrendako itxaron zerrendako lehentasunen hurrenkera hartuko da kontuan."

Hirurogeita bat.–Aldatu egiten da 93. artikuluaren 1. apartatua, eta hauxe da testu berria:

"1. Onarpen prozesu arruntean, lehentasunen zerrenda ezartzeko Lanbide Heziketako eta Arte Plastikoetako eta Diseinuko zikloetako bigarren kurtsoan sartzeko eskatzen duten ikasleen artean, artikulu honetako hurrengo apartatuetan ezartzen diren irizpideak kontuan hartuko dira."

Hirurogeita bi.–Aldatu egiten da 93. artikuluaren 2. apartatuko lehenengo paragrafoa, eta hauxe da testu berria:

"2. Onarpen prozesu arruntean, lehentasunen zerrenda ezartzeko Lanbide Heziketako eta Arte Plastikoetako eta Diseinuko zikloetako bigarren kurtsoan sartzeko eskatzen duten ikasleen artean, ondoko lehentasun irizpideak kontuan hartuko dira:"

Hirurogeita hiru.–Aldatu egiten da 93. artikuluaren 4. apartatua, eta hauxe da testu berria:

"4. Erdi eta goi mailako zikloetako bigarren kurtsoan onarpen prozesu arruntaren behin betiko zerrendetan ikaspostua esleitu eta matrikula egin ez den kasuetan, ikaspostu hutsak esleitzeko prozeduran esleituko dira."

Hirurogeita lau.–Ezabatu egiten da 93. artikuluaren 5. apartatua.

Hirurogeita bost.–Aldatu egiten da 97. artikuluaren 2. apartatua, eta hauxe da testu berria:

"2. Honen aurreko apartatuan ezarritako irizpideak aplikatuta sortzen den talde bakoitza irizpide hauei jarraikiz ordenatuko da, aukera bakoitzerako:

a) Lehenengoa: onarpen prozesu arruntean aukera hori eskatu duten ikasleak.

b) Bigarrena: onarpen prozesu arruntean aukera hori eskatu ez duten ikasleak."

Hirurogeita sei.–Xedapen iragankor bakarra ezabatu egiten da.

Hirurogeita zazpi.–Azken xedapenetan bigarrena aldatu egiten da, eta hauxe da testu berria:

"Foru agindu hau Nafarroako Aldizkari Ofizialean argitaratu eta hurrengo egunean jarriko da indarrean, eta aplikatu beharrekoa izanen da, Lanbide Heziketako Sistemako A, B eta C graduetako eskaintzetako onarpenari dagokionez, C, B eta A graduetako alderdi espezifikoen oinarrizko erregulazioa onartu eta ondorengo urte naturalean egiten diren onarpenetatik aurrera; eta, Lanbide Heziketako Sistemaren D eta E graduetako eta Arte Plastikoetako eta Diseinuko zikloetako onarpenari dagokionez, 2024-2025 ikasturteko (barne) onarpen prozesutik aurrera."

Hirurogeita zortzi.–3. eranskina ezabatu egiten da.

Azken xedapen bakarra.–Indarra hartzea. Aplikazioa.

Foru agindu hau Nafarroako Aldizkari Ofizialean argitaratu eta hurrengo egunean jarriko da indarrean, eta aplikatu beharrekoa izanen da, Lanbide Heziketako Sistemaren D eta E graduetako eta Arte Plastikoetako eta Diseinuko zikloetako onarpenari dagokionez, 2025-2026 ikasturteko (barne) onarpen prozesutik aurrera.

Iruñean, 2025eko martxoaren 24an.–Hezkuntzako kontseilaria, Carlos Gimeno Gurpegui.

Iragarkiaren kodea: F2504497