62. ALDIZKARIA - 2025eko martxoaren 27a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

33/2025 EBAZPENA, otsailaren 11koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, aldatzen duena Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpena, zeinaren bidez onesten baitira Bigarren Hezkuntzako irakasleen kidegora, Hizkuntza Eskola Ofizialetako irakasleen kidegora eta Lanbide Heziketako sektore berezietako irakasle espezialisten kidegora sartu eta igotzeko hautapen prozedurak, Nafarroako Foru Komunitateko Administrazioaren kudeaketa esparru barruan, eta aipatu irakaskuntza kidegoetan espezialitate berriak eskuratzeko prozedura.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpenaren bidez, onetsi ziren Bigarren Hezkuntzako irakasleen kidegora, Hizkuntza Eskola Ofizialetako irakasleen kidegora eta Lanbide Heziketako sektore berezietako irakasle espezialisten kidegora sartu eta igotzeko hautapen prozedurak, Nafarroako Foru Komunitateko Administrazioaren kudeaketa esparru barruan, eta aipatu irakaskuntza kidegoetan espezialitate berriak eskuratzeko prozedura.

VII. eranskinak arautzen ditu bigarren probarako jarraibideak: programazio didaktikoa eta unitate didaktikoa. Eranskin horren atalen batek idazketa anbiguoa duenez hezkuntza sistemako Lanbide Heziketaren espezialitateetan programazio didaktikoa egiteko erreferentziazko araudiari dagokionez, eta ez dugunez nahi horrek nahasterik eragitea ez izangaiei ez ebaluazio epaimahaietako kideei, egokitzat jo dugu aldaketa batzuk egitea deialdiaren zazpigarren oinarrian, probak baloratzeko irizpideak arautzen dituen V. eranskinean eta bigarren probarako jarraibideak (programazio didaktikoa eta unitate didaktikoa) arautzen dituen VII. eranskinean.

Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,

EBAZTEN DUT:

1. Aldatzea Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpena, zeinaren bidez onesten baitira Bigarren Hezkuntzako irakasleen kidegora, Hizkuntza Eskola Ofizialetako irakasleen kidegora eta Lanbide Heziketako sektore berezietako irakasle espezialisten kidegora sartu eta igotzeko hautapen prozedurak, Nafarroako Foru Komunitateko Administrazioaren kudeaketa esparru barruan, eta aipatu irakaskuntza kidegoetan espezialitate berriak eskuratzeko prozedura. Hauek dira aldaketak:

a) Zazpigarren oinarrian, "1.2.3 Bigarren proba" atalaren barnean, "A zatia. Programazio didaktiko bat aurkeztea eta defendatzea" izeneko azpiatalaren bigarren paragrafoa honela geldituko da idatzirik:

"Programazio didaktiko hori prestatzean, deialdiaren VII. eranskinean adierazten diren alderdiak jaso beharko dira".

b) V. eranskinean (Probak baloratzeko irizpideak), "Bigarren proba. A zatia. Programazio didaktikoa aurkeztea eta defendatzea" ataleko "Antolaketa" azpiatalaren lehenengo puntua honela geldituko da idatzirik:

"Programazioaren aurkezpena, justifikazioa eta curriculumaren araberako testuingurua ematea, VII. eranskinean ezarritako baldintzen arabera".

c) V. eranskinean (Probak baloratzeko irizpideak), "Bigarren proba. A zatia. Programazio didaktikoa aurkeztea eta defendatzea" ataleko "Eduki teknikoa" azpiatalaren lehenengo puntua honela geldituko da idatzirik:

"Programazioak zehazten ditu araudian ezarrita dauden curriculumeko elementuak, VII. eranskinean ezarritako baldintzen arabera, eta programazioari dagokion hezkuntza etapako mailarekin bat etorriz".

d) VII. eranskinean (Bigarren probarako jarraibideak: programazio didaktikoa eta unitate didaktikoa), 2. atalaren izena honela geldituko da idatzirik:

"Lanbide Heziketako programazio didaktikoa egiteko araudia".

e) VII. eranskinean (Bigarren probarako jarraibideak: programazio didaktikoa eta unitate didaktikoa), 4. atalaren (Programazio didaktikoa) lehenengo paragrafoa honela geldituko da idatzirik:

"4.1. Kidego eta espezialitate guztietarako programazio didaktikoak Nafarroako Foru Komunitateko ikastetxe publiko bat hartu beharko du testuinguru gisa, 2024-2025 ikasturtean, eta parte hartzen den espezialitatearekin lotutako arlo, irakasgai, modulu edo eremu baten curriculumari buruzkoa izanen da, deialdi hau Nafarroako Aldizkari Ofizialean argitaratzeko datan indarrean dagoen curriculuma kontuan hartuta, hezkuntza sistemako Lanbide Heziketako irakaskuntzekin lotutako programazio didaktikoetarako jasoak dauden salbuespenekin".

f) VII. eranskinean (Bigarren probarako jarraibideak: programazio didaktikoa eta unitate didaktikoa), 4. atalaren (Programazio didaktikoa) zazpigarren paragrafoa honela geldituko da idatzirik:

"Hezkuntza sistemako Lanbide Heziketako irakaskuntzekin lotutako programazio didaktikoen kasuan:

–Programazio didaktikoak lehen ikasmailan kokatzen badira, deialdi hau Nafarroako Aldizkari Ofizialean argitaratzen den egunean indarrean dauden curriculumak aipatu ahal izanen dituzte, bai eta martxoaren 31ko 3/2022 Lege Organikora egokitutako curriculum berriak ere.

–Programazio didaktikoak bigarren ikasmailan kokatzen badira, deialdi hau Nafarroako Aldizkari Ofizialean argitaratzen den egunean indarrean dauden curriculumak soilik aipatu beharko dituzte".

2. Ebazpen hau Nafarroako Aldizkari Ofizialean argitara dadila agintzea.

3. Ebazpen honen kontra gora jotzeko errekurtsoa jartzen ahal da, Barneko, Funtzio Publikoko eta Justiziako Departamentuko kontseilariari zuzendua, hilabeteko epean, argitaratu eta biharamunetik hasita.

4. Ebazpen hau Hezkuntza Departamentuko Idazkaritza Tekniko Nagusira, Irakasleak Hautatzeko eta Lanpostuak Betetzeko Zerbitzuko Hautatze Prozeduren Atalera eta Kudeaketa Juridiko-administratiboaren Atalera igortzea, behar diren ondorioak izan ditzaten.

Iruñean, 2025eko otsailaren 11n.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.

Iragarkiaren kodea: F2502125