Iragarkia

62. ALDIZKARIA - 2025eko martxoaren 27a

1. NAFARROAKO FORU KOMUNITATEA

1.7. BESTELAKOAK

45/2025 EBAZPENA, martxoaren 14koa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, zeinaren bidez aurretiazko administrazio baimena eta eraikitzeko administrazio baimena ematen baitira "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko, 1202 eta 1205 euskarrien artean, Tuterako udal mugartean, eta proiektu horrek onura publikoa duela zehazki deklaratzen baita.

Industria Antolamenduaren, Azpiegitura Energetikoen eta Meatzeen Zerbitzuko zuzendariaren maiatzaren 19ko 135/2022 Ebazpenaren bidez, aurretiazko administrazio baimena eta eraikitzeko administrazio baimena eman zen "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko, 1202 eta 1205 euskarrien artean, Tuterako udal mugartean.

Geroago, 1205 euskarria ordezkatzeari dagokionez, 2024ko abuztuaren 10ean Aragoiko Estatuko Errepideen Demarkazioaren aurkako txostena jaso ondoren, i-DE, Redes Eléctricas Inteligentes SAUk aurretiko administrazio baimena, eraikitzeko administrazio baimena eta onura publikoko deklarazioa eskatu ditu "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko Tuterako udal mugartean, 1202 eta 1205 euskarrien artean. Saihesbide horrek aurrekoa ordeztu eta deuseztatu egiten du, eta 1205 euskarria beste toki batean kokatzen da AP-68 autobidetik urrunduta, linearen jatorrizko trazadura aldatu gabe.

Proiektu berrian jarduketa hauek jasotzen dira:

–Hormigoi bibratuzko 4 euskarri desinstalatzea.

–Saretazko 3 euskarri desinstalatzea.

–47-AL1/8ST1A (lehengo LA-56) lineako 414 metro txatar bihurtzea.

–1202 zk.ko euskarriaren XS ebakigailuak (NA 10259) SLB ebakigailu joko berri batekin ordezkatzea.

–Lehendik dagoen trazaren azpian saretazko 3 euskarri instalatzea.

–47-AL1/8ST1A (lehengo LA-56) eroalea tenkatzea 1202 eta 1204 zenbakidun euskarrien artean.

–47-AL1/8ST1A (lehengo LA-56) eroale berria jartzea 1204 eta 1206 zenbakidun euskarrien artean, 212 m-ko luzerakoa.

Bat etorrita Sektore Elektrikoari buruzko abenduaren 26ko 24/2013 Legearen 53. eta 55. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritakoarekin (haren bidez, energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dira), 30 egun baliodunez jendaurrean jarri ziren bai proiektua eta bai ukitutako ondasun eta eskubideen zerrenda. Horretarako, iragarkia paratu zen Nafarroako Aldizkari Ofizialean (5. zenbakian, 2025eko urtarrilaren 9koan) eta Diario de Navarra egunkarian (2025eko urtarrilaren 10ean) eta, orobat, dokumentazioa Nafarroako Gobernu Irekiaren webgunean argitaratu zen.

Ez da alegaziorik jaso horren inguruan.

Aldi berean, abenduaren 1eko 1955/2000 Errege Dekretuaren 127., 131. eta 146. artikuluetan xedatutakoa aplikatuz, Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien Tuterako Udalari eta Aragoiko Estatuko Errepideen Demarkazioari. Azken horrek AP-68 autobidearen Ustiapen Ikuskaritzaren txostena igorri zuen, 2025eko otsailaren 7koa, non adierazten baitzen, aurkeztutako proiektu berria zela-eta, euskarri guztiak eraikuntzako muga lerroaren atzean daudenez eta errepideei buruz indarrean dagoen araudia betetzen dutenez, AP-68ari soilik dagokionez, ez zuela eragozpenik aipatutako goi tentsioko aireko lineak instalatzeko, eta zenbait baldintza ezartzen zituen proiektua gauzatzeko. Txosten hori sustatzaileari bidali zitzaion, eta espedientean ados zegoela jaso zen.

Aurkeztutako dokumentazioa ikusita, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatzen du prozedura behar bezala gauzatu dela, eta proposatzen du i-DE, Redes Eléctricas Inteligentes SAUri aurretiazko administrazio baimena eta eraikitzeko administrazio baimena ematea "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko, 1202 eta 1205 euskarrien artean, Tuterako udal mugartean, eta proiektu horrek onura publikoa duela zehazki deklaratzea. Ebazpen honetako eranskinean ageri da ukitutako ondasun eta eskubideen zerrenda, eta horietara soilik mugatu beharko da proiektua.

Adierazitakoarekin bat, Energia, Enpresa I+G+b eta Ekintzailetzako zuzendari nagusiak otsailaren 1ean emandako 10/2024 Ebazpenaren bidez (2024ko 35. Nafarroako Aldizkari Ofiziala, otsailaren 16koa) eskuordetuak ditudan eskumenak erabiliz,

EBAZTEN DUT:

1. i-DE, Redes Eléctricas Inteligentes SAUri aurretiazko administrazio baimena eta eraikitzeko administrazio baimena ematea "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko, 1202 eta 1205 euskarrien artean, Tuterako udal mugartean, instalazioa egiteko aurkeztutako proiektua –Mario Martínez Ruiz de la Torre industria ingeniariak 2024ko apirilean sinatua– onartuta, eta obrak egiteko hogeita hamasei hilabeteko epea emanez.

2. Ondoriorik gabe uztea Industria Antolamenduaren, Azpiegitura Energetikoen eta Meatzeen Zerbitzuko zuzendariaren maiatzaren 19ko 135/2022 Ebazpena, zeinaren bidez aurretiazko administrazio baimena eta eraikitzeko administrazio baimena eman zen "Tutera-Murchante" izeneko zirkuitu sinpleko 13,2 kV-ko aireko linearen saihesbidearen proiektu berria gauzatzeko, 1202 eta 1205 euskarrien artean, Tuterako udal mugartean.

3. Aurretiazko administrazio baimena eta eraikitzeko administrazio baimena emanda ere, instalazioaren eskatzaileak lortu beharko ditu instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, aplikatzekoak diren beste xedapen batzuekin bat.

4. Instalazioak aurkeztutako proiektuaren arabera egin beharko dira, eta arau hauetan xedatutakoa bete beharko dute: otsailaren 15eko 223/2008 Errege Dekretua, goi tentsioko linea elektrikoen baldintza teknikoei eta segurtasun bermeei buruzko erregelamendua onartzen duena; abuztuaren 29ko 1432/2008 Errege Dekretua, goi tentsioko linea elektrikoetan hegazti fauna talken eta elektrokuzioen aurka babesteko neurriak ezartzen dituena, eta maiatzaren 9ko 337/2014 Errege Dekretua, goi tentsioko instalazio elektrikoen baldintza teknikoei eta segurtasun bermeei buruzko erregelamendua onartzen duena.

5. Behin proiektua gauzatuta, eskatzaileak instalazioa ustiatzeko baimena eskatu beharko du. Horretarako, zerbitzua abian jartzeko aktaren eskaera aurkeztuko du. Eskaera horrekin batera aurkeztu beharko du obra bukaerako ziurtagiria, teknikari fakultatibo eskudun batek izenpetua, hala xedatuta baitago abenduaren 1eko 1955/2000 Errege Dekretuaren 132. artikuluan.

6. Instalazio horren onura publikoa zehazki deklaratzea, Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin bat; hori horrela, i-DE, Redes Eléctricas Inteligentes SAU entitatea onuraduna izanen da desjabetze espedientean. Ebazpen honen III. eranskinean azaltzen da ukitutako ondasun eta eskubideen zerrenda, zeinak ez du aldaketarik izan 2025eko 5. Nafarroako Aldizkari Ofizialean, urtarrilaren 9koan, jendaurrean jarritakoaren aldean.

7. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau jakinaraztea i-DE, Redes Eléctricas Inteligentes SAUri eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio bidea bukatzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente zenbakia adierazi beharko da.

10. Ebazpen hau Tuterako Udalari jakinaraztea, eta aditzera ematea honen kontra administrazioarekiko auzi errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2025eko martxoaren 14an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

ERANSKINA..–TUTERAKO UDAL MUGARTEAN, 1202 ETA 1205 EUSKARRIEN ARTEAN, ZIRKUITU SINPLEKO 13,2 KV-KO AIREKO LINEAREN SAIHESBIDEA EGITEKO "TUTERA-MURCHANTE" IZENEKO PROIEKTUAK UKITUKO DITUEN ONDASUNEN ETA ESKUBIDEEN ZERRENDA

Iragarkiaren kodea: F2504126