Iragarkia

60. ALDIZKARIA - 2025eko martxoaren 25a

1. NAFARROAKO FORU KOMUNITATEA

1.7. BESTELAKOAK

470/2025 Ebazpena, 2025eko martxoaren 11koa, Nafarroako Unibertsitate Publikoko errektoreak emana. Haren bidez, agintzen da argitara dadila erabaki hau: "Erabakia, Nafarroako Unibertsitate Publikoko teknikarien eta kudeaketako eta administrazioko eta zerbitzuetako langileen plantilla organikoa aldatzen duena".

2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, agintzen dut argitara dadila Gobernu Kontseiluak 2025eko martxoaren 11n hartutako erabakia, Nafarroako Unibertsitate Publikoko teknikarien eta kudeaketako eta administrazioko eta zerbitzuetako langileen plantilla organikoa aldatzen duena.

"NAFARROAKO UNIBERTSITATE PUBLIKOKO GOBERNU KONTSEILUAREN ERABAKIA, NAFARROAKO UNIBERTSITATE PUBLIKOKO TEKNIKARIEN ETA KUDEAKETAKO ETA ADMINISTRAZIOKO ETA ZERBITZUETAKO LANGILEEN PLANTILLA ORGANIKOA ALDATZEN DUENA

1993ko abuztuaren 30eko 251/1993 Legegintzako Foru Dekretuak plantilla organikoa onetsi egin behar dela ezartzen du. Foru dekretu horren bidez onetsi zen Nafarroako Administrazio Publikoen Zerbitzuko Langileen Estatutuaren Testu Bategina, Nafarroako Unibertsitate Publikoko teknikariei eta kudeaketako eta administrazioko eta zerbitzuetako langileei aplikatu beharrekoa Unibertsitatearen Estatutuen 106. artikuluaren arabera. Plantilla horretan, lanpostuak zerrendatu behar dira, behar bezala sailkaturik, eta adierazi behar da bakoitza zein mailari dagoen atxikia, eta, bidezkoa denean, zein diren lanpostuan aritzeko egiaztatu behar diren betebehar espezifikoak, bai eta izendapen librearen bidez bete daitezkeen lanpostuak eta ezarritako ordainsari osagarriak erregelamenduaren arabera esleituak dauzkatenak ere.

Gobernu Kontseiluak 2009ko urriaren 6an hartu zuen erabaki baten bidez -zeina 2009ko urriaren 30ean errektoreak emandako 1600/2009 Ebazpenaren bidez argitaratu baitzen-, onetsi egin zen Nafarroako Unibertsitate Publikoko Administrazioko eta Zerbitzuetako langileen plantilla organikoa. Plantilla hori askotan aldatu da, urtero argitaratzen da, eta urte bakoitzeko abenduaren 31n dagoen egoera eta egitura organikoa islatzen ditu. Hain zuzen, 2024ko apirilaren 11n argitaratu zen azkenekoa, Nafarroako Aldizkari Ofizialaren 73. zenbakian, errektoreak 2024ko otsailaren 29an emandako 537/2024 Ebazpenaren bidez.

Egiaztatu denez, zenbait aldaketa egin beharra dago plantilla organiko hori benetan dauden premietara egokitzeko.

Proposamena Negoziazio Mahaian aurkeztuta, eta Nafarroako Unibertsitate Publikoan ordezkaritza duten sindikatuei entzun ondoren, hau da kudeatzaileak, 2025eko martxoaren 11n egindako bileran, Gobernu Kontseiluari proposatu dion,

ERABAKIA:

Lehenbizikoa.–Nafarroako Unibertsitate Publikoko teknikarien eta kudeaketako eta administrazioko eta zerbitzuetako langileen plantilla organikoaren aldaketak onestea. Eranskin gisa gehitu den memorian daude aldaketa horiek.

Bigarrena.–Erabaki hau Nafarroako Unibertsitate Publikoaren iragarki ohol elektroniko ofizialean eta Nafarroako Aldizkari Ofizialean argitaratzea.

Hirugarrena.–Erabaki honek Nafarroako Unibertsitate Publikoaren iragarki ohol elektroniko ofizialean argitaratzen den egunean hartuko du indarra.

Laugarrena.–Erabaki honen aurka zilegi da aukerako berraztertzeko errekurtsoa aurkeztea Gobernu Kontseiluari zuzendua, hilabeteko epean, edo administrazioarekiko auzi-errekurtsoa Nafarroako maila bereko epaitegietan, bi hilabeteko epean, biak ere erabakia argitaratu eta biharamunetik kontatzen hasita.

Iruñean, 2025ko martxoaren 11n. Ramón Gonzalo García, Errektorea.

ERANSKINA.–MEMORIA: NAFARROAKO UNIBERTSITATE PUBLIKOKO TEKNIKARIEN ETA KUDEAKETAKO ETA ADMINISTRAZIOKO ETA ZERBITZUETAKO LANGILEEN PLANTILLA ORGANIKOAREN ALDAKETAK. 2025. URTEKO EKITALDIA

A.–Lanpostuen aldaketa

A.1. Funtzionario lanpostuak sortzea.

Honako lanpostu hau sortu da:

KUDEATZAILETZA / IKERKETA-ZERBITZUA / EUROPAKO ETA NAZIOARTEKO PROIEKTUEN ATALA.

–OLko kudeaketaria.

• Lanpostuaren zk.: 912.
• Maila: B.
• Bateraezintasunaren osagarria: %35.
• Lanpostuaren osagarria: %6,88.
• Hizkuntza-eskakizuna: ingeleseko C1 maila.
• Lanaldia: goizez.
• Herria edo hiria: Iruñea.

Justifikazioa:

–Beharrezkoa da OLko kudeaketariaren lanpostu bat sortzea, B mailakoa, unitateak gaur egun dituen benetako beharrei erantzuteko, eta, aldi berean, A mailako OLko teknikariaren 897 lanpostua amortizatzea, urtarrileko bileran sortua, dauden beharrei erantzuten ez dielako.

A.2. Funtzionario lanpostuak amortizatzea.

Honako lanpostu hau amortizatu da:

KUDEATZAILETZA / IKERKETA-ZERBITZUA / EUROPAKO ETA NAZIOARTEKO PROIEKTUEN ATALA.

–OLko teknikaria

• Lanpostuaren zk.: 897.

Justifikazioa:

–Urtarrileko bileran sortutako lanpostua amortizatu behar da, eta orain sortuko den B mailako OLko kudeaketariaren lanpostuarekin ordezkatu, hobeki egokitzen baita gaur egungo beharretara.

A.3. Funtzionario lanpostuak aldatzea.

A.3.1. Lanaldia aldatzea:

Lanpostu hauen lanaldia aldatu da:

Justifikazioa:

–Beharrezkoa da lanpostu horien lanaldiak zuzentzea, edo akatsak zuzentzea, edo arduradunen arabera beharrezkoak diren lanaldi berriak ezartzea edo benetan egiten ari zen lanaldia definitzea.

A.3.2. Sartzeko betekizunak aldatzea:

Lanpostu hauek betetzeko eskatzen den taldekatze-mailaren betekizuna aldatzen da:

Justifikazioa: C eta B mailetako langileei aukera eman behar zaie lanpostu horiek betetzeko, plantillaren egungo osaerarako egokiagotzat jotzen baita, eta, horrela, unitate horien konfigurazioa egokituko da, bat etor dadin Unibertsitatearen egitura pixkanaka teknifikatzeko helburuarekin.

Iragarkiaren kodea: F2503773