1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
13709E/2024 EBAZPENA, abenduaren 11koa, Barneko zuzendari nagusiak emana, zeinaren bidez Nafarroako Suhiltzaileen Zerbitzuko Uretako Erreskate Taldeari funtzionalki atxikitzen baitzaizkio Asier Nagore Vizcay jauna, Javier Ballano Biurrun jauna, David Larrayoz Valencia jauna, Unai Alvira Ayesteran jauna eta David Echeverría Vilchez jauna.
Lehendakaritzako, Funtzio Publikoko, Barneko eta Justiziako kontseilariak uztailaren 31n eman 102/2018 Foru Aginduaren bidez, Uretako Erreskate Taldea Nafarroako Suhiltzaileen Zerbitzuaren egituran txertatu zen funtzionalki, eta Erreskate Teknikorako Taldea sortu zen.
Era berean, Nafarroako Su-itzaltze eta Salbamendu Zerbitzurako Partzuergoaren Zuzendaritza Kontseiluaren apirilaren 2ko 10/2002 Erabakiaren bidez (2002ko 67. Nafarroako Aldizkari Ofizialean argitaratu zen, ekainaren 3koan), plantilla organikoa aldatu zen eta erabaki zen lanpostuko osagarria handitzea Nafarroako Suhiltzaile Zerbitzuko langileen artean funtzionalki Uretako Erreskate Taldeari atxikita daudenei, haien mailari dagokion hasierako soldataren %10. Osagarri hori jasotzeari utziko zaio aipatutako taldeari atxikita egotetik gelditzen den unetik aurrera.
Bestalde, Barneko zuzendari nagusiak urriaren 17an eman 170/2023 Ebazpenaren bidez hautaketa-prozedura bat onetsi zen Nafarroako Suhiltzaileen Zerbitzuko langileak Uretako Erreskate Taldean sartzeko.
Barneko zuzendari nagusiaren abenduaren 1eko 224/2023 Ebazpenaren bidez, onartutako eta baztertutako izangaien behin betiko zerrenda onetsi zen Nafarroako Suhiltzaileen Zerbitzuko langileak hautatu eta Uretako Erreskate Taldean sartzeko prozeduran.
Hautaketa-prozedura amaituta, epaimahaiak, prozeduraren oinarrietan jasotakoa betez, gainditu duten pertsonen zerrenda onetsi du, hautaketa-prozeduran guztira lortutako puntuazioaren arabera, eta atxikitze proposamena egin du honako hauen alde: Asier Nagore Vizcay jauna, Javier Ballano Biurrun jauna, David Larráyoz Valencia jauna, Unai Alvira Ayestaran jauna eta David Echeverria Vilchez jauna, 2025eko urtarrilaren 1etik aurrerako ondorioekin.
Horrenbestez, eta erabiliz Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren bidez esleituak ditudan ahalmenak,
EBAZTEN DUT:
1. Nafarroako Suhiltzaileen Zerbitzuko langileak hautatu eta Uretako Erreskate Taldean sartzeko prozedura amaitzea.
2. Honako hauek atxikitzea funtzionalki Nafarroako Suhiltzaileen Zerbitzuko Uretako Erreskate Taldeari, 2025eko urtarrilaren 1etik aurrerako ondorioekin: Asier Nagore Vizcay jauna, Javier Ballano Biurrun jauna, David Larráyoz Valencia jauna, Unai Alvira Ayestaran jauna eta David Echeverría Vilches jauna.
3. Uretako Erreskate Taldeari funtzionalki atxikitako langileek, ebazpen-zatiaren 2. paragrafoan aipatutakoek, beren jatorrizko lanpostuari dagozkion ordainsariak jasoko dituzte, gehi haien mailari dagokion hasierako soldataren %10eko igoera. Osagarri hori jasotzeari utziko diote Uretako Erreskate Taldeari atxikita egotetik gelditzen direnean.
4. Ebazpen hau Nafarroako Aldizkari Ofizialean argitara dadila agintzea.
5. Ebazpen hau igortzea, behar diren ondorioak izan ditzan, Barne Zuzendaritza Nagusiko Nafarroako Suhiltzaileen Zerbitzura, Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura eta Langileriaren Gastuaren Kontrolaren eta Nominen Zerbitzura, eta interesdunei jakinaraztea. Ebazpenak ez du administrazio bidea amaitzen, eta haren aurka gora jotzeko errekurtsoa jar daiteke, Barneko, Funtzio Publikoko eta Justiziako kontseilariari zuzendua, hilabeteko epean, argitaratu eta biharamunetik hasita, bat etorriz Nafarroako Foru Komunitateko Administrazioari eta sektore publiko instituzionalari buruzko martxoaren 11ko 11/2019 Foru Legearen 126. artikuluarekin eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 122. artikuluarekin.
Iruñean, 2024ko abenduaren 11n.–Barneko zuzendari nagusia, Salvador Díez Zapata.
Iragarkiaren kodea: F2418119
