2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, peñei dirulaguntzak emateko, 2025eko sanferminetan parte har dezaten. Laburpena
Dirulaguntzen Datu Base Nazionala (identifikazioa): 819583.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/819583).
Kulturako, Jaietako, Hezkuntzako eta Kiroleko zinegotzi ordezkariaren 2025eko martxoaren 6ko ebazpen baten bidez onetsia.
Onuradunak:
Onuradun izaten ahalko dira dirulaguntza jasotzeko baldintzak betetzen dituzten pertsonak edo entitateak, jarraian azaltzen diren inguruabarretan badaude, eta Dirulaguntzen ordenantza orokorraren 10. artikuluan ezarritako debekuetako bat ere ez badute.
Helburua:
Iruñeko peñek sanferminetan (uztailaren 6tik 14ra) hiriko jai-giroa biziagotzeko jarduerak antola ditzaten sustatzea.
Oinarri arautzaileak:
Deialdi honen xedea da dirulaguntzak emateko prozedura aurrera eramatea, banakako ebaluazioaren araubidean, zehaztutako jarduketak egin daitezen, Dirulaguntzei buruzko ordenantza orokorrean xedatutakoari jarraikiz.
Zenbatekoa:
81.750 euro.
Eskabideak aurkezteko epea:
Hilabete, deialdiaren iragarkia Nafarroako Aldizkari Ofizialean argitaratu eta biharamunetik hasita. Eskabideak aurkezteko epea luzaezina izanen da.
Iruñean, 2025eko martxoaren 11n.–Kulturako, Jaietako, Hezkuntzako eta Kiroleko zinegotzi ordezkaria, Maider Beloki Unzu.
Iragarkiaren kodea: L2503758
