Iragarkia

54. ALDIZKARIA - 2025eko martxoaren 18a

1. NAFARROAKO FORU KOMUNITATEA

1.7. BESTELAKOAK

47/2025 EBAZPENA, martxoaren 3koa, Toki Administrazioaren eta Despopulazioaren zuzendari nagusiak emana, "Corellako (Nafarroa) uraren goi horniduraren adarra zati batean berritzea" izeneko proiektuak ukitutako ondasun eta eskubideak okupatu aurreko aktak egiteko egunak finkatzen dituena.

Toki Administrazioaren eta Despopulazioaren zuzendari nagusiaren urriaren 8ko 514/2024 Ebazpenaren bidez, Moncayoko Ur Mankomunitateak eskatutako lankidetza araubidea onartu zen, desjabetze espedientean hura onuradun izendatu zen eta jendaurrean jarri ziren, hamabost egunez, "Corellako (Nafarroa) uraren goi horniduraren adarra zati batean berritzea" izeneko proiektua eta hark ukitutako ondasun eta eskubideen zerrenda.

Jendaurreko aldia bukatuta, Toki Administrazioaren eta Despopulazioaren zuzendari nagusiak urtarrilaren 22an emandako 5/2025 Ebazpenaren bidez, behin betiko onetsi zen aipatutako proiektua, baita ukitutako ondasun eta eskubideen zerrenda ere, eta ebatzi zen aurkeztutako alegazioen gainean, ebazpen horren azalpen zatian adierazi bezala.

Nafarroako Gobernuak 2025eko otsailaren 26an hartutako Erabakiaren bidez, deklaratu zuen presakoa zela proiektu horrek ukitutako ondasun eta eskubideen okupazioa, nahitaezko desjabetzearen ondorioetarako.

Horrenbestez, Nahitaezko Desjabetzeari buruzko Legearen 52. artikuluan xedatutakoari jarraikiz, eta Lurralde Kohesiorako Departamentuaren egitura organikoa ezartzen duen azaroaren 15eko 249/2023 Foru Dekretuak esleitu dizkidan eskudantziak erabiliz,

EBAZTEN DUT:

1. Dei egitea "Corellako (Nafarroa) uraren goi horniduraren adarra zati batean berritzea" izeneko proiektuak ukitutako ondasun eta eskubideen titularrei, desjabetzearen onuradunari (Moncayoko Ur Mankomunitatea) eta Cintruenigoko eta Tuterako udaletako alkate-udalburuei ager daitezen 2025eko apirilaren 8an eta 9an Cintruenigoko udaletxean eta 2025eko apirilaren 10ean Tuterako udaletxean, ukitutako ondasunak eta eskubideak okupatu aurreko aktak egitera, eta bidezkoa bada, baita behin betiko okupaziokoak ere.

2. Ukitutakoek berek agertu beharko dute ekitaldi horretara, edo haien izenean aritzeko behar bezala baimenduta dauden ordezkariek, titulartasuna frogatzen duten agiriak aldean dituztela. Halaber, nahi izanez gero, peritua eta/edo notarioa eraman dezakete, nork bere kontura.

3. Alexia Mauleón Goñi andrea, Pedro Gracia Araiz jauna eta Aimar Serrano Arana jauna izendatzea administrazio jardulearen ordezkari, haietako edozeinek sina ditzan okupazioaren aurreko, adostasuneko, okupazioko eta ordainketako aktak eta bidezkoak diren gainerako agiriak.

4. M.ª Carmen Uriz Lusarreta andrea, Itziar Calvo Oteiza andrea eta Jasone Goikoetxea Iriberri andrea administrazio onuradunaren peritu izendatzea, hiruetako edozein funtzio tekniko horretan aritzeko.

5. Ebazpen hau eta dagokion eranskina Nafarroako Aldizkari Ofizialean eta Estatuko Aldizkari Ofizialean argitaratzea, bai eta Cintruenigoko eta Tuterako udaletako eta Moncayoko Uren Mankomunitateko iragarki-tauletan ere. Orobat, iragarki bat argitaratuko da Foru Komunitateko bi egunkaritan.

6. Ukitutako titularrei jakinaraztea, banakako zitazio zedula baten bidez.

7. Ebazpen hau igortzea Nafarroako Gobernuko Landa Garapeneko eta Ingurumeneko Departamentuko Herri-lurren Atalari.

Iruñean, 2025eko martxoaren 3an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.

ERANSKINA

Aktak egiteko tokia: Cintruenigoko udaletxea (Nafarroa).

Eguna: 2025eko apirilaren 8a.

Aktak egiteko tokia: Cintruenigoko udaletxea (Nafarroa).

Eguna: 2025eko apirilaren 9a.

Aktak egiteko tokia: Tuterako udaletxea (Nafarroa).

Eguna: 2025eko apirilaren 10a.

Iragarkiaren kodea: F2503455