1. NAFARROAKO FORU KOMUNITATEA
1.7. BESTELAKOAK
79E/2025 EBAZPENA, otsailaren 9koa, Ingurumeneko zuzendari nagusiak emana, zeinaren bidez ingurumen txosten estrategikoa ematen baita Gesalazko Udal Planaren aldaketa egituratzaileari buruz. Aldaketak Hirigintzako Araudi Orokorraren 53. artikuluari eragiten dio (Lurzoru urbanizaezineko arau orokorrak. Erabilerak eta eraikuntzako jarduerak), eta Gesalazko Udalak sustatu du.
Proposamenak Udal Plana aldatzea sustatzen du, berariazko erregulazioa ezarri nahi delako lurzoru urbanizaezinean energia eolikoa sortzeko instalazioetarako eta sorkuntza fotovoltaikoko instalazioetarako eraikuntza erabilerak ezartzeari buruz.
Aldaketa proposamena, zehazki, urbanizaezin gisa sailkatutako lurzoru guztian honako hauek ezartzeko debekua da:
–Energia eolikoa sortzeko instalazioak, sortutako energia sarera isurtzeko bada.
–Energia fotovoltaikoa sortzeko instalazioak, sortutako energia sarera isurtzeko bada.
Baimengarriak izanen dira, hala badagokio, lurzoru urbanizaezineko kategoria eta azpikategoria bakoitzerako ezarritako erabilera eta jardueren araubidearen arabera, autokontsumorako diren energia eolikoa sortzeko instalazioak eta energia fotovoltaikoa sortzeko instalazioak, ez direnak instalatzen eraikinen estalkien gainean.
Ingurumen Zuzendaritza Nagusiaren ustez, ez dirudi lurraldean ezarri nahi den debeku generiko hori –CO2 emisioak murrizten dituzten energia berriztagarriak ezartzeari eragiten diona– foru lurralde osora estrapolatu daitekeen konponbide bat denik, emisioak murrizteko helburuak betetzea eragotziko lukeelako.
Biodibertsitatearen eta Arrantza Kudeaketaren Zerbitzuak adierazi du ingurumen ebaluazio estrategiko sinplifikatuaren prozedura egoki egin dela.
Adierazitakoarekin bat, eta honako hauek ematen dizkidaten eskudantziak erabiliz: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikulua, Nafarroako Foru Komunitateko Administrazioaren departamentuen egitura ezartzen duen Nafarroako Foru Komunitateko Lehendakariaren abuztuaren 17ko 10/2023 Foru Dekretua, eta Landa Garapeneko eta Ingurumeneko Departamentuaren oinarrizko egitura ezartzen duen abuztuaren 30eko 74/2023 Foru Dekretua,
EBAZTEN DUT:
1. Aldeko ingurumen txosten estrategikoa ematea Gesalazko Udal Planaren aldaketa egituratzaileari buruz, ingurumenaren gaineko ukipenik eragiten ez duela iritzita. Aldaketak Hirigintzako Araudi Orokorraren 53. artikuluari eragiten dio (Lurzoru urbanizaezineko arau orokorrak. Erabilerak eta eraikuntzako jarduerak), eta Gesalazko Udalak sustatu du.
2. Ebazpen hau Nafarroako Aldizkari Ofizialean argitaratzea.
3. Ebazpen hau Hirigintza Atalari jakinaraztea, behar diren ondorioak izan ditzan.
Iruñean, 2025eko otsailaren 9an.–Ingurumeneko zuzendari nagusia, Ana Bretaña de la Torre.
Iragarkiaren kodea: F2502104
