Iragarkia

50. ALDIZKARIA - 2025eko martxoaren 13a

3. ESTATUKO ADMINISTRAZIOA

EBROKO KONFEDERAZIO HIDROGRAFIKOA

Jendaurreko informazioa, proiektu honi buruzkoa eta proiektuak ukitutako ondasun eta eskubideen banakako zerrenda zehatzari buruzkoa: 10/24 Proiektua, Ebro ibaiaren egokitzapen morfologikoa eta ingurumen lehengoratzea "El Ortigoso" parajean, 2. fasea, Milagro (Nafarroa), 2021-GM-704 GAKOA. Erreferentzia: 2021-GM-704

Trantsizio Ekologikorako eta Erronka Demografikorako Ministerioko Uraren zuzendari nagusiak, TED/533/2021 Aginduaren arabera Ebroko Konfederazio Hidrografikoko lehendakariari egindako eskumenen eskuordetzearen bidez, baimena eman du, 2025eko otsailaren 10ean, honako proiektu honen eta hark ukitutako ondasun eta eskubideen banakako zerrenda zehatzaren jendaurreko informazioaren espedientea hasteko, hori guztia Administrazio Publikoen Administrazio Prozedura Erkideari buruzko urriaren 1eko 39/2015 Legearen 83. artikuluan eta Nahitaezko Desjabetzeari buruzko 1954ko abenduaren 16ko Legearen 15. artikuluan eta hurrengoetan ezarritako ondorioetarako: 10/24 Proiektua, "Ebro ibaiaren egokitzapen morfologikoa eta ingurumen lehengoratzea El Ortigoso parajean, 2. fasea, Milagro (Nafarroa), 2021-GM-704 GAKOA".

Proiektuaren helburuak honako hauek dira: Ebro ibaiaren uholdeen ondorioak murriztea, zehazki, Ebro ibaia eta Aragoi ibaia Milagroko udal mugartean (Nafarroa) elkartzen diren tokiaren ondo-ondoan, ibaian gora; Ebroko Plan Hidrologikoaren ingurumen helburuak betetzen laguntzea, Uraren Esparru Zuzentarauarekin bat etorriz eta Habitatei buruzko Zuzentarauarekin eta Natura 2000 Sareko guneetarako neurrien programekin koordinatuta; gaur egun dauden eta egon daitezkeen uretako, lurreko eta hezeguneetako ekosistemen egoera ingurumenaren aldetik berreskuratzea; eta erabilera publiko jasangarria antolatzea eta sustatzea, eta, horrekin batera, administrazio eskudunei eremuaren kudeaketa erraztea, administrazio horien arteko lankidetza-esparru bat ahalbidetuz, erabiltzaile guztientzat onuragarria izan dadin.

Horretarako, idatzitako proiektuak proposatzen du Ebroren ezkerreko ertzeko egungo kanalizazioan dauden estuguneak zuzentzea, ibilgua husteko ahalmena handitzea eta ibai-mugikortasuneko espazioa handitzea, honako jarduketa hauen bidez:

–Egungo defentsa-dikea kentzea 1.838 metro luze den tarte batean. Indusketaren bolumena 44.595 m³ izanen da. Material horren zati bat atzeraemandako defentsa berria eraikitzeko berrerabiliko da, eta gainerakoa bakoitzaren izaeraren arabera kudeatuko da.

–1.098 metro luze izanen den atzeraemandako defentsa berri bat eraikitzea. Lubeten bolumena 81.768 m³ izanen da. Behar den materiala egungo defentsa kentzetik ekarriko da. Hori baino lehen, lubeta berriko lursailei dagozkien 8,50 ha fruta-arbola kenduko dira.

–11,57 ha-ko zorupe-lanketa egitea, landaredia modu naturalean instalatzen eta hazten laguntzeko.

–Ibaiertzeko landaredia berreskuratzea, landaredi exotikoa kenduz eta eremuko 1.875 espezie autoktono landatuz.

–Lanen kontrola eta jarraipena egitea, kontratatutako obraren tipologiaren arabera ohikoak diren probak eginez eta obraren hasieratik bukatu arte jarraipen fotografikoa eta ikus-entzunezkoa eginez.

–Erabilera publikoa sustatzea, jarduketei buruzko informazio kartel bat jarriz.

–Ukitutako zerbitzuak berrezartzea. Lanak bukatu ondoren, makinen joan-etorrietarako erabilitako bide guztiak berrituko dira. Obren ondoren erabilerarik gabe geldituko den hodi bat ere kenduko da.

Obrak gauzatzeak ukitutako ondasun eta eskubideen banakako zerrenda zehatza 9. eranskinean dago jasota, "Proiektuak ukitutako ondasun eta eskubideen banakako zerrenda zehatza" izenekoan.

Bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 83. artikuluan, Nahitaezko Desjabetzeari buruzko 1954ko abenduaren 16ko Legearen 18. artikuluan eta Nahitaezko Desjabetzeari buruzko Legearen Erregelamendua onesten duen 1957ko apirilaren 26ko Dekretuaren 17. eta 18. artikuluetan xedatutakoarekin, jendaurrean jartzen dira 10/24 Proiektua (Ebro ibaiaren egokitzapen morfologikoa eta ingurumen lehengoratzea El Ortigoso parajean, 2. fasea, Milagro (Nafarroa), 2021-GM-704 GAKOA) eta desjabetu beharrekotzat jotzen diren ondasun eta eskubide ukituen banakako zerrenda zehatza, zeina eransten baita.

Uraren Zuzendaritza Nagusiak baimendutakoaren arabera, jendaurreko informazioaren tramiteak hogei (20) egun baliodun iraunen du, ohar honetako azken iragarkia Estatuko Aldizkari Ofizialean, Nafarroako Aldizkari Ofizialean edo Nafarroako Foru Komunitatean zabalkunde handiena duten egunkarietako batean argitaratu eta biharamunetik hasita. Jendaurreko informazioaren iragarkia Milagroko udalaren (Nafarroa) iragarki-taulan ere argitaratuko da.

Proiektuaren dokumentazioa, ukitutako ondasun eta eskubideen banakako zerrenda zehatza eta interesdunen zehaztapena barne, Ebroko Konfederazio Hidrografikoaren bulegoetan kontsultatzen ahalko da (Sagasta pasealekua 24-28, Zaragoza), aldez aurretik hitzordua eskatuta 976 711 000 telefonoan edo informacionciudadana@chebro.es helbidean.

Era berean, interesdunen eskura egonen da, euskarri digitalean, Ebroko Konfederazio Hidrografikoaren web-orrian (www.chebro.es), esteka honetan: www.chebro.es > Servicios a la Ciudadanía > Información Pública > Anuncios. Edo, ohar hau bitarteko elektronikoen bidez bistaratuz gero, zuzenean esteka honetan sakatuz: https://www.chebro.es/anuncios.

Aipatutako epean proiektuaz egokitzat jotzen diren alegazioak eta oharrak aurkezten ahalko dira, eta horretarako idatzi bat igorri beharko zaio Ebroko Konfederazio Hidrografikoari, 2021-GM-704 erreferentzia adierazita, Administrazio Publikoen Administrazio Prozedura Erkideari buruzko urriaren 1eko 39/2015 Legeak horretarako ezartzen duen edozein bide erabiliz.

Aurreko paragrafoan adierazitako modu berean, interesdunek datuak eta alegazioak aurkezten ahalko dizkiote konfederazio honi, aipatutako legeak horretarako zehazten duen edozein bitarteko erabiliz edo udal mugarteko alkatetzaren bidez, argitaratutako ondasun eta eskubideen zerrendan egon daitezkeen akatsak zuzentzeko edo, sakoneko edo formazko arrazoiengatik, okupazio beharraren aurka egiteko. Azken kasu horretan, aurkaratzearen oinarriak adieraziko dira, eta arrazoituko da zergatik jo behar den lehentasunezkotzat beste ondasun batzuk okupatzea, edo beste eskubide batzuk eskuratzea, zerrendan jasota ez daudenak, lortu nahi den helbururako komenigarriagoak direlakoan.

Hau da desjabetzeak ukitutako ondasun eta eskubideen zerrenda:

Zaragozan, 2025eko otsailaren 10ean.–Ur komisarioa, Miriam Pardos Duque.

Iragarkiaren kodea: E2502854