2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLAZTI
2025eko lan-egutegia
Olaztiko Udaleko alkateak 96/2025 Ebazpena eman du otsailaren 21ean, udal langileentzako 2025rako lan-egutegia onesteko. Hona hemen ebazpena, hitzez hitz:
Ikusirik Gizarte Ekonomiaren eta Lanaren zuzendari nagusiaren ekainaren 12ko 493/2024 Ebazpena, 2024ko uztailaren 16ko Nafarroako Aldizkari Ofizialean argitaratua (145. zk.), Nafarroako Foru Komunitatean 2025erako lan-jaiegunen egutegi ofizial ordaindua eta berreskuraezina ezartzen duena, eta Gizarte Ekonomiaren eta Lanaren zuzendari nagusiaren abenduaren 11ko 901/2024 Ebazpena, Nafarroako Foru Komunitatearen esparruan 2025erako tokiko jaiak, ordainduak eta berreskuratu ezin direnak, zehazten dituena.
Era berean ikusi da 112/2024 Foru Dekretua, abenduaren 27koa, Nafarroako Foru Komunitatean 2025. urterako epeak zenbatzeko egun baliogabeak ezartzen dituena.
Olaztiko Udaleko langileen ordezkariekin aldez aurreko negoziazioa eginda, 251/1993 LFAren 83. artikuluan xedatutakoa betetzeko.
Kontuan harturik Toki Araubidearen Oinarriak arautzen dituen apirilaren 2ko 7/1985 Legearen 21.1 h) artikuluak ematen didan eskumena, Nafarroako Toki Administrazioari buruzko uztailaren 2ko 6/1990 Foru Legearen 8. artikulura igorriz eta Nafarroako Administrazio Publikoen zerbitzuko Langileen Estatutuaren 84.1 artikuluarekin bat etorriz,
EBATZI DUT:
Lehenengoa.–Olaztiko Udalaren zerbitzura dauden langileen 2025. urteko jaiegunen egutegia onartzea, eta 2025. urterako jai ordaindu eta berreskuraezin hauek ezartzea:
–Urtarrilak 1: Urte berria.
–Urtarrilak 6: Errege eguna.
–Apirilak 17: Ostegun Santua.
–Apirilak 18: Ostiral Santua.
–Apirilak 12: Pazko Astelehena.
–Maiatzaren 1a: Langileen eguna.
–Uztailak 25: Santiago eguna.
–Uztailak 26: Zaindariaren jaiak.
–Abuztuak 15: Ama Birjinaren Jasokundea.
–Azaroak 1: Santu Guztien Eguna.
–Abenduaren 3an: San Frantzisko Xabierkoa.
–Abenduak 6: Konstituzioaren eguna.
–Abenduak 8: Andre María Sortzez Garbia.
–Abenduak 25: Eguberri eguna.
Bigarrena.–2025eko maiatzaren 2a eta irailaren 29a langile guztientzat lanekoak ez diren egunak direla deklaratzea.
Hirugarrena.–Bulegoetako eta garbiketako langileentzat laneguna ez izatea 2025eko uztailaren 24a.
Udal-bulegoak itxita egongo dira urteko larunbat eta igande guztietan, lehen aipatutako puntuetan jaieguntzat jotako egunetan eta 2025. urterako lan-egutegian jasotakoetan.
Bulegoetako jendaurreko ordutegia 09:00etatik 14:00etara.izango.da.
2025. urteko epeak zenbatzeko, baliogabeak izango dira larunbat eta igande guztiak eta udal-bulegoetarako jaieguntzat jotako egunak.
Laugarrena.–Udaleko langileen lanaldiaren urteko zenbaketaren banaketa 1.592 lanordu efektibotan finkatzen da, honela:
–Eguneko lanaldia astelehenetik ostiralera bitartekoa izango da, eta, oro har, 7 ordu eta 20 minutuko iraupena izango du. Ordutegi-malgutasuna ezartzen da, ordutegiaren zati finkoa 9:00etatik 14:00etara artekoa izango da, eta egiteko geratzen den denbora 7:00etatik 9:00etara eta 14:00etatik 16:30era bitartean geratuko da, langileak nahi duen bezala eta malgutasunez.
Langile tekniko-administratiboek 10 ordura arteko saldo positiboa edo negatiboa izan dezakete etengabe, eguneko lanaldiarekiko.
–Langile bakoitzak 21 ordu eta 20 minutuko poltsa bat izango du, urtean zehar hartzeko, zerbitzuaren beharren arabera.
Bosgarrena.–Haurren (Udan Euskaraz) eta gazteen (Gaztetxoko) zerbitzuek beren egutegi eta ordutegi espezifikoa izango dute, betiere ezarritako urteko gehienekoaren barruan.
Seigarrena.–Polizia-zerbitzuak eta obra-brigadak (zerbitzu anitzetako langileak) egutegi eta ordutegi berezia izango dute guardiei dagokienez, eta 2025eko abuztuaren 14a izango da egun baliogabea zerbitzu horietarako.
Zazpigarrena.–Ludoteka Zerbitzuak, bestalde, kultura, haur eta gazteen arloko teknikari eta koordinatzaileak horretarako garatuko duen egutegi espezifikoa izango du.
Zortzigarrena.–Erabaki hau Nafarroako Aldizkari Ofizialean, Udalbatzaren iragarki-taulan eta Olaztiko Udalaren egoitza elektronikoan argitaratzeko agintzea, eta Udaleko langileen ordezkariei eta Osoko Bilkurari jakinaraztea, kide anitzeko organo horrek egiten duen lehenengo ohiko bilkuran.
Administrazio-egintza honen aurka, honako errekurtso hauek jarri ahal izango dira:
–Berraztertzeko errekurtsoa egintza eman duen organoari, hilabeteko epean, ebazpen hau jakinarazi eta hurrengo egunetik.aurrera.
–Gora jotzeko errekurtsoa Nafarroako Administrazio Auzitegian, ebazpen hau jakinarazi eta hurrengo hilabetean.
–Administrazioarekiko auzi-errekurtsoa, bi hilabeteko epean, jakinarazpena egin eta hurrengo egunetik aurrera, Administrazioarekiko Auzien Epaitegian.
Olaztin, 2025eko otsailaren 21ean.–Alkatea, Joseba Vizuete Askargorta.
Iragarkiaren kodea: L2502757
