2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Deialdia, lana eta familia bateragarri egiteko 2025eko dirulaguntzena. Laburpena
Dirulaguntzen Datu Base Nazionala (identifikazioa): 816795.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatori816795).
Xedea.
Deialdiaren xedea da arautzea Eguesibarko Udalak ematen dituen dirulaguntzak, norgehiagokako araubidean, Eguesibarren erroldatuta dauden eta bertan bizi diren familientzat, baldin eta beren kargura adingabeak badituzte (2012tik aurrera jaiotakoak) eta lana eta familia bateragarri egiteko baliabideak erabiltzen badituzte 2025. urtean, eskolarik ez dagoen aldietan.
Aldi hauetan jaso daitezke laguntzak:
Inauteriak: martxoaren 3tik 7ra.
Aste Santua: apirilaren 22tik 25era.
Uda: ekainaren 23tik irailaren 10era.
Gabonak: 2025eko abenduaren 22tik 2026ko urtarrilaren 5era.
Onuradunak.
Beren kargura adingabeak dituzten familia-unitateak (adingabeok 2012tik aurrera jaiotakoak izan behar dira), Eguesibarren erroldatuak, gurasoak edo legezko tutoreak enplegu aktiboko egoeran direla, eta lana eta familia bateragarri egiteko baliabideak erabiltzen dituztenak eskolarik ez dagoen aldietan, hala nola haurtzaindegi pribatuak, "etxe lagunak", kanpalekuak eta aisialdiko eta denbora libreko jarduerak.
Eskaerak aurkezteko epea.
Eskabideak aurkezten ahalko dira iragarki hau Nafarroako Aldizkari Ofizialean argitaratu eta biharamunetik aurrera, eta epe hauek izanen dituzte:
Inauterietarako laguntzak eskatzeko, 2025eko apirilaren 22an amaituko da epea.
Aste Santuko laguntzak eskatzeko, 2025eko maiatzaren 26an amaituko da epea.
Udako laguntzak eskatzeko, 2025eko irailaren 20an amaituko da epea.
Gabonetako laguntzak eskatzeko, 2026ko urtarrilaren 7an amaituko da epea.
Sarrigurenen (Eguesibar), 2025eko otsailaren 6an.–Alkatea, Xuriñe Peñas López.
Iragarkiaren kodea: L2502873
