2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MAÑERUIBARKO ADMINISTRAZIO ZERBITZUEN BATASUNA
2025eko lan-egutegia
Mañeruibarko Administrazio Zerbitzuen Batasunak, 2025eko urtarrilaren 16an egindako ohiko bilkuran, aho batez onetsi zituen Mañeruibarko Administrazio Zerbitzuen Batasuneko lan egutegia eta egun baliogabeen deklarazioa 2025erako.
ERABAKITZEN DA:
Lehena.–Mañeruibarko Administrazio Zerbitzuen Batasuneko langileen lan egutegia onestea 2025erako. Urteko lanorduak 1.592 izanen dira, hala baitago ezarrita abenduaren 26ko 26/2012 Foru Legean. Hortaz, honako hauek aste barneko jaiegun izanen dira, eta horietan itxita egonen dira udal bulegoak:
–Urtarrilaren 1a: Urteberri eguna.
–Urtarrilaren 6a: Errege eguna.
–Apirilaren 17a: Ostegun Santua.
–Apirilaren 18a: Ostiral Santua.
–Apirilaren 21a: Pazko astelehena.
–Maiatzaren 1a: Langileen eguna.
–Maiatzaren 2a: zubia.
–Maiatzaren 15a: San Isidro.
–Uztailaren 25a: Santiago apostolua.
–Abuztuaren 15a: Andre Mariaren Jasokundea.
–Azaroaren 1a: Santu Guztien Eguna.
–Abenduaren 3a: San Frantzisko Xabierkoa.
–Abenduaren 6a: Konstituzioaren eguna.
–Abenduaren 8a: Andre Maria Sortzez Garbia.
–Abenduaren 25a: Eguberri eguna.
–Abenduaren 26a: zubia.
Bigarrena.–Baliogabeak izanen dira, 2025ean epeak kontatzeari dagokionez, larunbat eta igande guztiak eta honako ebazpen honen lehenbiziko xedapenean adierazitako jaiegunak, salbu eta maiatzaren 2a eta abenduaren 26a. Izan ere, egun horiek jaiegun izanen dira urteko lanorduak kalkulatzeari dagokionez, baina ez dira baliogabe izanen.
Urteko lanorduen banaketa doitze aldera, Mañeruibarko Administrazio Zerbitzuen Batasuneko langileek 28 orduko poltsa bat izanen dute, urtean zehar hartzeko, zerbitzuko premien arabera betiere.
Hirugarrena.– Astelehenetik ostiralera, eguneroko lanaldia izanen da, oro har, 7 ordu eta 20 minutukoa.
Laugarrena.–Erabaki hau argitaratzea Nafarroako Aldizkari Ofizialean.
Ziraukin, 2025eko otsailaren 19an.–Lehendakaria, Iván Cuellar Urdiáin.
Iragarkiaren kodea: L2502608
