Iragarkia

41. ALDIZKARIA - 2025eko otsailaren 28a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

402/2025 EBAZPENA, otsailaren 10ekoa, Funtzio Publikoko zuzendari nagusiak emana, zeinaren bidez xedatzen baita bidezkoa dela kontratazioak egitea Nafarroako Foru Komunitateko Administrazioaren eta haren erakunde autonomoen zerbitzuko suhiltzaile-peoi laguntzaileen lanpostuetan aritzeko, eta lanpostua esleitzen baitzaie.

Funtzio Publikoko zuzendari nagusiak urriaren 4an emandako 2569/2022 Ebazpenaren bidez, sarrera-prozeduraren bidezko deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko suhiltzaile-peoi laguntzaileen laurogeita zazpi lanpostu, gehienez ere, betetzeko, salbuespenezko merezimendu-lehiaketa bidez, hori guztia enplegu publikoan behin-behinekotasuna murrizteko egonkortze-prozesuen esparruan. Deialdi hori 2022ko 205. Nafarroako Aldizkari Ofizialean argitaratu zen, urriaren 17koan.

Funtzio Publikoko zuzendari nagusiaren martxoaren 8ko 968/2023 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori deialdiaren web-fitxan argitaratu zen, 2023ko martxoaren 16an.

Merezimendu-lehiaketaren baremazioa bukatuta, kalifikazio epaimahaiak kontratazio proposamena egin zuen, deialdian eskatutako baldintzak betetzen zituzten izangaien artean puntuaziorik handiena lortu zuten izangaien alde. Proposamen hori deialdiaren web-fitxan argitaratu zen 2024ko apirilaren 5ean, eta Funtzio Publikoko zuzendari nagusiaren maiatzaren 2ko 1610/2024 Ebazpenaren bidez eta azaroaren 6ko 4201/2024 Ebazpenaren bidez izangaiak kontratatzea xedatu zen.

Adierazi beharra dago ezen zortzi izangaik uko egin ziotela erreferentziako hautapen prozesuari, bik ez zutela kontratua sinatu, eta beste bat ezin izan zela izendatu.

Era berean, horretarako zuten epearen barruan eskatuta, Recesvinto Ibáñez Herrera jaunari, Íñigo Salón Pedroarena jaunari eta Larraitz Oses Ripalda andreari borondatezko eszedentzia eman zaie lanpostuaz jabetu ziren unetik aurrerako ondorioekin, administrazio honetan edo beste batean beste lanpostu batean zerbitzu ematen ari zirelako.

Aurrekoa oinarri hartuta, deialdiaren 8.2 oinarrian ezarritakoarekin bat etorriz, 2025eko urtarrilaren 10ean kontratazio proposamen osagarri bat argitaratu zen, prozesua gainditu zutenen zerrendan haien ondo-ondotik ageri ziren 14 izangairen alde.

Gorka Vales Aristu jaunak eta Igor Brasero Echávarri jaunak uko egin diote aipatutako hautapen prozesuari, eta Aritz Fernández Asiáin jauna eta Álvaro Roldán Escolano jauna ezin dira kontratatu, ez baitute aurkeztu deialdiaren 8.2 eta 7.3 oinarrietan eskatutako dokumentazioa.

Gainerako izangaiek eskatutako dokumentazioa aurkeztu dute, eta, egiaztaturik eskatutako baldintzak betetzen dituztela, bidezkoa da haiek kontratatzea eta lanpostuak esleitzea.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Xedatzea honako izangai hauek kontrata daitezela suhiltzaile-peoi laguntzaileen lanpostuetan aritzeko lanaldi partzialeko aldizkako lan kontratudun finko gisa:

CELAYA YUSTOS, IÑIGO

MUNIAIN ERRO, ENEKO

RODRIGUEZ GONZALEZ, DAVID

BARBERO IRIARTE, XABIER

ANDRADA FUENTES, JUAN JOSE

HUARTE ALZUETA, MIKEL XABIER

VILLOSLADA ECAY, JAVIER

DEL HOYO ABAD, VICTOR

IRURZUN JUANCO, JESUS ENRIQUE

INCHAURRONDO ERASO, ALEJANDRO

2. Lanpostu hutsak esleitzea I. eranskinean xedatutakoarekin bat.

3. Izangaiek behar den kontratua sinatu beharko dute, zeinak 2025eko martxoaren 3tik aurrera izanen baititu ondorioak. Kontratua eskuragarri dagoenean, horren berri emanen zaie, sina dezaten. Telematika bidez sinatzen ahalko dute, Giza Baliabideen dokumentuak sinatzeko plataformaren bidez, edo aurrez aurre, Funtzio Publikoko Zuzendaritza Nagusiko Barne Igoeraren eta Aldi Baterako Kontratuen Atalean.

Kontratua eskuragarri dagoenetik hasi eta 10 eguneko epean sinatzen ez dutenek, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioaren eta haren erakunde autonomoen zerbitzuko lanaldi partzialeko aldizkako lan kontratudun finko izateko eskubide guztiak galduko dituzte.

4. Ebazpen hau igortzea, behar diren ondorioak izan ditzan, Nafarroako Suhiltzaileen Zerbitzuko Gai Administratiboak eta Langileria Kudeatzeko Atalera eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura, Langileriaren Gastuaren Kontrolaren eta Nominen Zerbitzura eta Egiturako, Plantillako eta Langileen Aldi Baterako Kontratazioetako Zerbitzura, eta interesdunei jakinaraztea, eta adieraztea ebazpen honen kontra gora jotzeko errekurtsoa paratzen ahalko dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin.

5. Nafarroako Aldizkari Ofizialean argitara dadila agintzea, kontuan izanik argitalpen horrek jakinarazpenaren ondorio berberak izanen dituela, hala ezartzen baitu 45. artikuluan Administrazio Publikoen Administrazio Prozedura Erkideari buruzko urriaren 1eko 39/2015 Legeak.

Iruñean, 2025eko otsailaren 10ean.–Funtzio Publikoko zuzendari nagusia, Rashid Mohamed Vázquez.

I. ERANSKINA.–ESLEITUTAKO LANPOSTUAK

Iragarkiaren kodea: F2502128