Iragarkia

36. ALDIZKARIA - 2025eko otsailaren 21a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

205/2025 EBAZPENA, urtarrilaren 28koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen dituena eta beste zenbait izangairen kontratazioa bidezkoa dela ezartzen duena, zerbitzu orokorretako langileen lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren azaroaren 9ko 2943/2022 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko zerbitzu orokorretako langileen 106 lanpostu, gehienez ere, oposizio-lehiaketa bidez betetzeko sarrera-prozeduraren deialdia onetsi zen, enplegu publikoan behin-behinekotasuna murrizteko egonkortze-prozesuen esparruan. Deialdi hori 2022ko 236. Nafarroako Aldizkari Ofizialean argitaratu zen, azaroaren 28koan.

Funtzio Publikoko zuzendari nagusiaren otsailaren 14ko 658/2023 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori deialdiaren web-fitxan argitaratu zen, 2023ko otsailaren 20an.

Ekainaren 5eko 1921/2023 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori deialdiaren web-fitxan argitaratu zen, 2023ko ekainaren 9an.

Merezimendu-lehiaketa bukaturik, kalifikazio epaimahaiak izendapen eta kontratazio proposamena aurkeztu zuen, bete beharreko lanpostuetan sartzen ahal ziren izangaien aldekoa, eta Funtzio Publikoko zuzendari nagusiak irailaren 12an emandako 3360/2024 Ebazpenaren bidez, izangai horiek izendatu eta kontratatu ziren.

Txanda irekiko hamaika izangaik eta desgaitasuna duten pertsonentzako erreserba txandako batek uko egin zioten erreferentziako hautapen prozesuari.

Era berean, horretarako zuten epearen barruan eskatuta, txanda irekiko hogeita hamar izangairi eta desgaitasuna duten pertsonentzako erreserba txandako bi izangairi borondatezko eszedentzia eman zitzaien, lanpostuaz jabetu zirenetik aurrerako ondorioekin, administrazio honetan edo beste batean beste lanpostu batean ari zirelako lanean.

Azkenik, hiru izangai hautapen prozesutik baztertu ziren, langile finko bihurtu zirelako, eta hiruk uko egin zioten hautapen prozesuari.

Hori dela eta, deialdiaren oinarrietan ezarritakoarekin bat etorriz, 2024ko abenduaren 23an, izendapen edo kontratazio proposamen osagarria argitaratu zen deialdiaren web-fitxan, non gaindituen zerrendan haien atze-atzean agertzen ziren izangaiak sartu baitziren.

Adierazi behar da Itziar Baztán López andrea, Mario Orta Simón jauna, María Idoya Domeño Recalde andrea, Miguel Heras Raposo jauna, Susana Delgado Dols andrea eta María Josefa Velasco Beunza andrea prozesutik baztertu direla, langile finko bihurtu direlako. Horrez gain, Alba Azcona Pérez andreak, Ainhoa Ibáñez Beruete andreak eta Luis Alberto Iriarte Obanos jaunak uko egin diote erreferentziako hautapen prozesuari, eta José María Rodríguez Valenzuela jauna ezin da kontratatu, ez baitu aurkeztu deialdiaren 10.2 oinarrian eskatzen den dokumentazioa.

Gainerako izangaiek behar zen epean aurkeztu dutenez eskatutako dokumentazioa, eta eskatutako betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Bestalde, Carlos Andueza Balliriain jaunak, ezinbesteko arrazoi bat alegatuta, eskatu du epearen zenbaketa eten dadila aipatutako egoera desagertu arte.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Honako izangai hauek Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, zerbitzu orokorretako langileen lanpostuetan aritzeko:

LAVILLA REDRADO, ALBERTO

IPARRAGUIRRE MARTIJA, MIGUEL JOSE

LAHOZ ASENSIO, MARIA JESUS

BARANDIARAN PEREZ, MARIA PUY

PEREZ MARTINEZ, VANESA

FERRANDEZ PLANAS, JUANA MARIA

CERVIÑO ANTON, MARIA TERESA JESUS

MARTINEZ DE ALBENIZ EGÜES, MARIA ARANZAZU

GARATEA VELAZ, ELENA MARIA

DÍAZ DE CERIO RIPALDA, JOAQUÍN

SAN FRANCISCO ZABAL, PEDRO ANGEL

BALERDI ITURRALDE, JUAN CARLOS

ROMAN LUNA, MARIA CARMEN

SALGUERO CHAVEZ, JUAN ANTONIO

VALENCIANO TAMAYO, MARIA MAGDALENA

PABOLLETA IZAL, FERNANDO

ROSINO ARENAZA, MIGUEL

RIPODAS OCHOA, MARIA LUISA

ANDUEZA ELIA, ANA ISABEL

CHALER BLASCO, FCO JAVIER

HUARTE VILLANUEVA, MARIA IDOYA

ALONSO LOMBRAÑA, SARA

SORBET MALO, ANA MARIA

MENDEZ RAMIREZ, MARIA JESUS

ELIA MICHELENA, EDURNE

SAN MARTIN SANCHEZ, ANA ROSA

HERRERAS ROIG, CHRISTIAN

IRIGOYEN CELAYETA, ANA IDOYA

ECHAMENDI LAZARO, JOSE IGNACIO

AZNAREZ ALVAREZ, MIGUEL VALERIANO

PULIDO GARCIA DE VICUÑA, ALEXANDER

ZABALZA TEJADA, MARIA CRISTINA

2. Xedatzea honako izangai hauek kontrata daitezela lan araubide finkoan, lanaldi partzialean aritzeko:

ARANA GURPEGUI, MENDIA

3. Lanpostu hutsak esleitzea I. eranskinean xedatutakoarekin bat.

4. Izendatutako izangaiek 2025eko otsailaren 10ean hartu beharko dute lanpostuaren jabetza, bakoitzari dagokionaren arabera, toki hauetan: Kultura, Kirol eta Turismo Departamentuko Idazkaritza Tekniko Nagusian, Pertsonen Autonomiarako eta Garapenerako Nafarroako Agentziako Langileria Atalean, Hezkuntza Departamentuko Langileen Araubide Juridikoaren Zerbitzuan edo Nafarroako Ospitale Unibertsitarioko Langileriaren eta Lan Harremanen Zerbitzuan.

Lanaldi partzialeko lan kontratu finkoko izangaiek behar den kontratua sinatu beharko dute 2025eko otsailaren 10ean, dagokionaren arabera, Nafarroako Ospitale Unibertsitarioko Langileriaren eta Lan Harremanen Zerbitzuan.

Lanpostuaren jabetza hartzen ez dutenek edo, kasua bada, lan kontratu finkoa sinatzen ez dutenek, salbu behar bezala justifikatutako ezinbesteko kasuetan, Nafarroako Foru Komunitateko Administrazioko eta haren erakunde autonomoetako funtzionario edo langile lan kontratudun finko izateko eskubide guztiak galduko dituzte.

5. Epearen zenbaketa etetea Carlos Andueza Balliriain jaunarentzat, egiaztatu duen ezinbesteko arrazoia desagertu arte.

6. Ebazpen hau igortzea, behar diren ondorioak izan ditzan, Kultura, Kirol eta Turismo Departamentuko Idazkaritza Tekniko Nagusira, Hezkuntza Departamentuko Langileen Araubide Juridikoaren Zerbitzura, Aldi Baterako Langileak Kudeatzeko Zerbitzura eta Nominen eta Gizarte Aseguruen Zerbitzura, Pertsonen Autonomiarako eta Garapenerako Nafarroako Agentziako Langileriaren Atalera, Osasunbidea-Nafarroako Osasun Zerbitzuko Langileriaren Prozesu eta Ebaluazio Zerbitzura, Nafarroako Ospitale Unibertsitarioko Langileriaren eta Lan Harremanen Zerbitzura, Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzara, eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura, Langileriaren Gastuaren Kontrolaren eta Nominen Zerbitzura eta Egiturako, Plantillako eta Langileen Aldi Baterako Kontratazioetako Zerbitzura, eta interesdunei jakinaraztea, adierazita ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

7. Nafarroako Aldizkari Ofizialean argitara dadila agintzea.

Iruñean, 2025eko urtarrilaren 28an.–Funtzio Publikoko zuzendari nagusia, Rashid Mohamed Vázquez.

I. ERANSKINA.–ESLEITUTAKO LANPOSTUAK

Iragarkiaren kodea: F2501452