1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
7/2025 FORU AGINDUA, urtarrilaren 29koa, Ekonomia eta Ogasuneko kontseilariak emana, zeinaren bidez zuzentzen baita Ekonomia eta Ogasuneko kontseilariaren urtarrilaren 7ko 1/2025 Foru Agindua, onesten duena 193 eredua: "Kapital higigarriaren zenbait etekinengatik pertsona fisikoen errentaren gaineko zergarako eta, zenbait errentarengatik, sozietateen gaineko zergarako eta establezimendu iraunkorrei dagokien ez-egoiliarren errentaren gaineko zergarako egindako atxikipenen eta konturako sarreren urteko laburpena".
Akats bat atzeman da Ekonomia eta Ogasuneko kontseilariaren urtarrilaren 7ko 1/2025 Foru Aginduan, zeinaren bidez onesten baita 193 eredua, "Kapital higigarriaren zenbait etekinengatik pertsona fisikoen errentaren gaineko zergarako eta, zenbait errentarengatik, sozietateen gaineko zergarako eta establezimendu iraunkorrei dagokien ez-egoiliarren errentaren gaineko zergarako egindako atxikipenen eta konturako sarreren urteko laburpena". Bidezkoa da, beraz, zuzentzea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera. Izan ere, artikulu horrek ezartzen du administrazio publikoek noiznahi zuzen ditzaketela, ofizioz edo interesdunek eskatuta, beren egintzetako akats materialak, egitatezkoak edo aritmetikoak.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125.1 artikuluak ezartzen duenaren arabera, administrazio egintzetan egiten diren akats material, aritmetiko edo egitatezkoak zuzentzea kasuan kasuko egintza eman duen organoari dagokio.
Horrenbestez,
AGINTZEN DUT:
1. Zuzentzea Ekonomia eta Ogasuneko kontseilariaren urtarrilaren 7ko 1/2025 Foru Aginduan atzemandako akatsa. Foru agindu horren bidez onesten da 193 eredua: "Kapital higigarriaren zenbait etekinengatik pertsona fisikoen errentaren gaineko zergarako eta, zenbait errentarengatik, sozietateen gaineko zergarako eta establezimendu iraunkorrei dagokien ez-egoiliarren errentaren gaineko zergarako egindako atxikipenen eta konturako sarreren urteko laburpena". Hauxe da zuzenketa:
"193 ereduaren aurkezpen elektronikorako sortzen diren fitxategiek bete beharreko diseinu logikoak" eranskinean, 2. motako erregistroa (hartzailearen erregistroa), 95 idazgunea "ORDAINKETA" eremuan, 5 zenbakia,
Honako hau dioen tokian:
"5. Bestelako etekin edo errenten bitartekari gisa.
5. Bestelako etekin edo errenten bitartekari gisa, etekin edo errenta horiek lortzen badira hartutakoaren gakoan "B" letrarekin adierazitako eta "06" izaera duten kapital propioak hirugarrenei lagatzearen ondorioz".
Honako hau behar du:
"5. Bestelako etekin edo errenten bitartekari gisa, etekin edo errenta horiek lortzen badira hartutakoaren gakoan "B" letrarekin adierazitako eta "06" izaera duten kapital propioak hirugarrenei lagatzearen ondorioz".
2. Foru agindu hau Nafarroako Aldizkari Ofizialean argitaratzea.
Iruñean, 2025eko urtarrilaren 29an.–José Luis Arasti Pérez, Ekonomia eta Ogasuneko kontseilaria.
Iragarkiaren kodea: F2501373
