Iragarkia

260. ALDIZKARIA - 2025eko abenduaren 31 - BEREZIA

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Aldaketa, 2026rako, Hiri hondakinen kudeaketa zerbitzuak emateagatiko tributu izaera ez duten ondare-prestazio publikoak arautzeko ordenantzan. Behin betiko onespena

Iruñerriko Mankomunitateko Batzar Nagusiak, 2025eko urriaren 20an egindako bilkuran, hasierako onespena eman zion hiri-hondakinak kudeatzeko zerbitzuak emateagatik tributuak ez diren ondare-prestazio publikoak arautzen dituen 2023ko Ordenantzaren aldaketari.

Hasierako onespenaren erabakia Nafarroako Aldizkari Ofizialean (212. zk., 2025eko urriaren 23koa) argitaratuta, eta jendaurrean jartzeko epean aurkeztutako alegazioak ebatzita, ordenantza hori behin betiko onesten da, Nafarroako Toki Administrazioari buruzko 6/1990 Foru Legearen 325. artikuluan xedatutakoaren arabera, eta haren testu osoa argitaratzea xedatzen da, dagozkion ondorioetarako.

Iruñean, 2025eko abenduaren 17an.–Lehendakaria, David Campión Ventura.

HIRI HONDAKINEN KUDEAKETA ZERBITZUAK EMATEAGATIKO TRIBUTU IZAERA EZ DUTEN ONDARE-PRESTAZIO PUBLIKOAK ARAUTZEKO ORDENANTZA 2026

XEDEA, APLIKAZIO EREMUA ETA IZAERA

1. artikulua.

Ordenantza honek hondakinen kudeaketa zerbitzuak emateagatiko tarifak arautzen ditu, eta Iruñerriko Mankomunitatean integraturik dauden Udalen lurralde barrutietan aplikagarria izanen da, baldin eta zerbitzua egiazki burutzen bada.

Estatutuen 9. artikuluaren araberakoan, Mankomunitateak bere zerbitzuak udal eremuaren zati batean -Kontzeju batean edo zenbaitetan- ematen ditueneko kasuetan, honako Ordenantza zerbitzu-prestazioa egiten deneko Kontzejuen eremuetan soilik izanen da aplikagarria.

Zerbitzu horiek Iruñerriko Zerbitzuak SA (IZSA) sozietateak eman eta kudeatzen ditu, Iruñerriko Mankomunitatearen eta Iruñerriko Zerbitzuak SA sozietatearen arteko harremanen erregelamenduan ezarrita dagoenaren arabera.

2. artikulua.

Hiri hondakinen kudeaketa zerbitzuak emateagatiko tarifak tributu izaera ez duten ondare-prestazio publikoak dira.

EMANDAKO ZERBITZUAK

3. artikulua.

Ematen diren zerbitzuak, Ordenantza honetan arautzen diren zerbitzu eta jardueren erabilpena egin edo egin ahal izatearen kariaz zehazten dira. Direlako zerbitzu eta jarduerak, dagozkien tributu izaera ez duten ondare-prestazio publikoak sorrarazten dituztenak, ondoan zerrendatzen diren hauek dira, hori guztia Iruñerriko Mankomunitatean hondakinak kudeatzea arautzen duen Ordenantzarekin bat eginez:

1. Etxeko hondakin solidoen nahitaezko harrera, bilketa, garraioa eta ondoko balioztapen edo hustuketa zerbitzuen eskuragarritasuna edota erabilpena, Hiri Hondakinei buruzko Legearen eta Iruñerriko Mankomunitatearen HHS-en Kudeaketa Arautzeko Ordenantzaren kariaz sortzen direnak.

2. Ondoko zerbitzuen prestazioa:

a) Etxeko hondakinak balorizatu eta ezabatzeko instalazioetan hondakinak hartzea.

b) Hildako etxeko animaliak jasotzea, garraiatzea eta deuseztatzea.

c) Ekitaldietarako edukiontziak eta ontziak kokatu, kendu eta deskargatzea.

d) Obra, ekitaldi eta abarrengatik edukiontziak eta barandak kendu/lekualdatzea eta berriro jartzea.

ORDAINTZERA BEHARTUAK

4. artikulua.

1. 3. artikuluaren 1. atalean definitutako zerbitzuei dagozkien tributu izaera ez duten ondare-prestazio publikoak ordaintzera beharturik daude pertsona fisiko zein juridikoak, hala nola egoneko herentziak, ondasun elkargoak eta beste entitateak, izaera juridikoa izan gaberik ere, baldin eta, zerga ezar dakiekeen unitate ekonomiko edo ondare berezitua osatzen badute, edozein tituluren kariaz etxebizitza, lokal, establezimendu edo zentrorik erabiltzen badute, eta haien onura edo mesederako zerbitzua modu orokor eta beharrezkoan ematen edo prestatzen bada. Onuraduna ezaguna ez den kasuetan, direlako higiezinen jabeak izanen dira ordaintzera behartuak, haiek kuotak dagokien onuradunengana berrezarri ahal dituztelarik.

2. 3.2 artikuluan ezarritako prestazioak direlakoetan, ordaintzera behartuak izanen dira honakoak:

3.2.a) artikuluaren arabera emaniko zerbitzuak. Hondakinak Tratamendu Zentroan jasotzea eskatzen duten pertsona fisiko edo juridikoak.

3.2.b) artikuluaren arabera emaniko zerbitzuak. Zerbitzua ematea eskatzen dutenak. Ez dira zerbitzu honen ordaintzera beharturik egonen Mankomunitatean integratuta dauden entitate lokalak.

3.2.c) artikuluaren arabera emaniko zerbitzuak. Ekitaldi bakoitzerako zerbitzua eskatzen duten pertsona fisiko edo juridikoak. Ez dira behartuta egongo zerbitzu hau ordaintzera Mankomunitatearen barnean dauden toki erakundeak.

3.2.d) artikuluaren arabera emaniko zerbitzuak. Edukiontziak kentzeko eta berriro jartzeko zerbitzua eskatzen duten pertsona fisiko edo juridikoak. Ez dira behartuta egongo zerbitzu hau ordaintzera Mankomunitatearen barnean dauden toki erakundeak.

KUOTAREN OINARRIA

5. artikulua.

1. 3. artikuluaren 1. atalean aipaturiko zerbitzuaren kasurako, kuota zehazten deneko oinarria, era orokor batez, I. eranskinean ageri diren erabilpenaren araberako tarifa multzoetako ondasun higiezinen balioaren batura izanen da, fakturatzen ari den ekitaldiko une bakoitzean Nafarroako Lurralde Aberastasunaren Erregistroan ageri denean (erregistro-balioa).

Ondasun higiezinen bat delako Erregistroan balioztaturik ez dagoen kasuan, 7.1 b) artikuluan ezartzen denari jarraituko zaio.

2. Zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasurako, kuota zehazteko oinarria elementu hauek eratzen dute:

–Lehenik eta behin, I. eranskinean ageri diren erabilpenen araberako tarifa multzoetako ondasun higiezinen balioaren batura izanen da, fakturatzen ari den ekitaldiko une bakoitzean Nafarroako Lurralde Aberastasunaren Erregistroan ageri denean (erregistro-balioa). Gertatzen bada ondasun higiezin bat ez dagoela baloratuta erregistro horretan, 7. 1 b) artikuluan xedatutakoari jarraitu beharko zaio.

–Bigarrenik, ordaintzera behartuta dagoenak frakzioetako bakoitzerako dituen ontzien kopurua eta bolumena.

3. "Hondakin sortzaile handien" berariazko kasuan, eta halakotzat hartuta astean hondakinen 12 metro kubo baino gehiago sortzen dituzten subjektu pasiboak, astean sortutako hondakinen bolumenari dagokio oinarria.

TARIFAK

6. artikulua.

1. 3.1 artikuluan bildua den zerbitzuaren kasuan, eta erabilerari dagokion koefizienteaz zuzenduriko bere zerga-oinarriaren gainean, zeina I.A eranskinean zehazten den, oro har. I. Eranskinean erabilera bakoitzarentzat ezarri den tarifa aldakorra aplikatuko da, kuotaren zati aldakorra izanik. Hau ez zaie aplikagarri "hondakin sortzaile handiei".

2. Zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasurako, tarifa hauek aplikatuko dira:

–Aurreko paragrafoan (6.1 artikulua) araututakoaren arabera lortutako kuota aldakorraren eta I.A eranskinean jasota dagoen kuota finkoaren arteko batutari industrialdeetan hondakinak atez ate biltzeko sistemarako I.O. eranskinean zehaztuta dagoen koefiziente zuzentzailea aplikatuko zaio. Batura horrek ez du gaindituko erabilera bakoitzerako ezarritako gehieneko kuota. Koefiziente hori bi kopuru horien baturarekin biderkatzean lortzen da oinarrizko kuota.

–I.O. eranskinean jasotako taularen arabera, ontziak edukitzeagatiko tarifa bat aplikatuko da, haiek eskatu eta gero, ordaintzera behartuta dagoenak frakzioetako bakoitzerako dituen ontzien kopuruaren eta bolumenaren arabera. Modu horretara, ontziak edukitzeagatiko kuota lortzen da.

KUOTA

7. artikulua.

1. a) 3.1 artikuluan aurreikusten den zerbitzurako aterako den kuota osoa, oro har, zati aldakorraren eta I. Eranskinean ageri den kuota finkoaren batura izanen da. Ezin izanen da ezein kasutan ere kuota osoa erabilpen bakoitzeko kuotaren zenbatekoa baino handiagoa izan.

"Hondakin sortzaile handiek" kuota bakarra ordainduko dute, zenbatekoak I. Eranskinean agertzen baitira.

1. b) Zergapeko hiri-unitateei Hiriko Lurralde Kontribuzioaren ondorioetarako oinarri zergagarririk atxiki ez zaien kasuan, aterako den kuota, tarifa aldaezina eta Eranskinean ageri den tarifa aldakorraren batura izanen da, ezarritako erabilpenen arabera.

2. Zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasurako, guztizko kuota edo kuota osoa izango da I.O. eranskinean ageri diren ontziak edukitzeagatiko kuotaren eta oinarrizko kuotaren batura.

8. artikulua.

Kasu bakoitzean aterako den kuotari legeek une bakoitzean finkatzen dituzten zeharkako zergak aplikatuko zaizkio, haiek ezartzen dituzten era eta baldintzetan.

SORTZAPENA

9. artikulua.

1. 3.1.) artikuluan aipatzen diren zerbitzuendako ezarririko tributu izaera ez duten ondare-prestazio publikoak lauhileko natural bakoitzeko lehenengo egunean sortuko dira.

Zerbitzua jasotzen hasten diren erabiltzaileentzat, zerbitzua jasotzen hasten direneko egunean gertatuko da sortzapena, nolaz eta ordaintzera beharturik dagoenak bakarrik fakturazio-epea bukatzen den arteko egunei dagokiena ordain dezan.

Zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasurako, ontziak edukitzea eskatzen duten erabiltzaileentzat, ontziak edukitzeagatiko tarifarengatiko tributu-izaerakoak ez diren ondare-prestazio publikoak hileko edo lau hileko aldi bakoitzeko azken egunean sorraraziko dira.

2. Gainerako beste zerbitzu guztiengatik ezartzen diren tributu izaera ez duten ondare-prestazio publikoak interesdunak eskaera egiten duen momentuan edo zerbitzuaren prestazioa burutzen denean (3.2. b art.).

ORDAINARAZPENA

10. artikulua.

Ordenantza honen bidez erregulatzen diren tributu izaera ez duten ondare-prestazio publikoak hilabeteko edo lau hilabeteko alditan ordainaraziko dira.

DIRU-BILKETA

11. artikulua.

1. 3.1. artikuluan aurreikusten diren zerbitzuak emateaz sortzen diren zorrak "jakinerazpen gabekotzat" kontsideratuak izanen dira, zerga-ordaintzaile errolda batetatik sortuak direlako.

2. Ordenantza honetan artikuluan aurreikusten diren tributu izaera ez duten ondare-prestazio publikoek sortzen dituzten zorrak, behin eta 10. artikuluak aurreikusitakoaren arabera ordainaraziak, ordaindu behar direneko lauhileko naturaleko lehen hilabetearen lehenbiziko egunean jakinarazitzat emanen dira. Data horretatik aurrera hilabeteko epea kontatzen hasiko da, ordainketa egiteko.

3. Ezarritako epean ordainduak ez diren tributu izaera ez duten ondare-prestazio publikoei dagozkien zenbatekoak legezko urteko interes-tasa aplikatzetik sortzen den kopuruan gehituak izanen dira.

Korrituei dagokien zenbatekoaren sortzapena borondatezko ordainketa epea amaitzen den egunean gertatuko da, eta borondatezko ordainketa epea amaitzen den hilabetearen ondokoaren azken egunetik aitzina ordainaraziko dira.

Berantze-korrituak ez zaizkie aplikatuko beren jarduerak lege-ordenamendu pribatuari egokitu behar duten Administrazio Publiko, Erakunde Autonomo eta zuzenbide publikoko Entitateen zorrei.

12. artikulua.

Zorren ordainketa ondoko eran bete ahal izanen da:

a) Zorren ordainketa helbideratu duten subjektu pasiboendako, beraiek seinalatutako Banku edo Aurrezki Entitatean eta kontuan zordunketa bidez.

b) Zorren ordainketa helbideratu ez duten subjektu pasiboendako, edota helbideratua izan arren edozein arrazoirengatik zorrak bete gabe geratu diren kasuetan, IZSAren Bulegoetan.

13. artikulua.

Nahiz eta 9.1 artikuluan ezarritakoa hala izan, eraikina erabiltzearen eskubidea deuseztatzeak sortzapen eskubideak ezabatuko ditu, eta, hala, iraungipen dataz ondorengo egunei dagozkien ordainarazitako eta ordaindutako tributu izaera ez duten ondare-prestazio publikoak diruak ordaintzera beharturik dagoenari itzuli beharko zaizkio.

Zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasurako, ontziak edukitzea eskatzen duten eta ordaintzera behartuta dauden pertsonentzat, higiezina erabiltzeko eskubidea azkentzeak berekin ekarriko du ontziak edukitzeagatiko tarifarengatiko tributu-izaerakoak ez diren ondare-prestazio publikoak sorraraztea higiezina erabiltzeko eskubidea azkentzen den egunean.

AZKEN XEDAPEN BAKARRA

Ordenantza honek 2026ko urtarrilaren 1ean hartuko du indarra.

I. ERANSKINA. HONDAKINEN KUDEAKETA ZERBITZUA, NAHITAEZKO HARRERAPEKOA

A.–Erregimen orokorra -urteko tarifak-zenbatekoak eurotan.

(*) Koefiziente zuzentzaileak udalerrika aplikatuz (II. Eranskina).

(**) Tarifa hori izanen da baldin eta hondakinen bilketa egiten bada 300 metroko edo gutxiagoko distantzia batean, jabetza pribatuaren eta publikoaren arteko mugatik.

(***) 100,00 euroko urteko kuota minimoa aplikatuz.

(****) Industria-biltegitzat hartuko dira Lurralde Aberastasuneko Erregistroan erabilera hori izendatuta dutenak eta bai trastelekuak alokatzea dutenak jarduera, erregistro horretan izendatuta duten erabilera gorabehera.

(*****) Erabilera partikularreko lokaltzat hartuko dira jarduera ekonomikorik egiten ez den eta alokatuta dagoen edo, alokatuta ez badago, urte bateko epean 10 m³/lauhileko kontsumoa baino handiagoa duen edo eduki dezakeen lokal edo higiezin oro. Halaber, erabilera partikularreko lokaltzat hartu ahal izango dira, nahiz eta lokal itxi moduan edo erabilerarik gabeko etxabe moduan ageri diren, batez besteko kontsumoa urte bateko epean 10 m³/lauhileko kontsumoa baino handiagoa erregistratzen direnak.

(******) Lokal itxitzat hartuko da merkataritza-jarduera izateari utzi dion lokal oro, haren jabea denean ordaintzera behartuta dagoena eta 10 m³/lauhileko kontsumoa baino txikiagoa duena edo eduki dezakeena. Kasu bakoitzean egokiak diren egiaztapenak egin ondoren IZSAk ofizioz emango du erabilera hau.

B.–Diru-behar handiko egoeran dauden zerbitzu-erabiltzaileentzako kuota berezia.

Ordenantza honetan arautzen den etxebizitza-erabilerari aplika dakiokeen prezioari dagokion kuota osoa era orokorrean aplikagarria den kuotaren % 10 aplikatzetik sortzen den kantitatea bezainbestekoa izango da, kasu hauetan:

a) Kontratuaren titularra Errenta Bermatuaren edo Bizitzeko Gutxieneko Diru Sarreraren onuraduna denean.

b) Kontratuaren titularra Inklusioaren, Gizarte Segurantzaren eta Migrazioen Ministerioaren arreta humanitarioko eta nazioarteko babeserako harrerako programen eskatzailea edo onuraduna denean. Kasu honen barnean daude agindu hauetan aurreikusitako aldi baterako babeserako eskatzaileak: PCM/169/2022 Agindua, martxoaren 9koa, zeinaren bidez garatzen baita Ukrainako gatazkak ukitutako pertsonen aldi baterako babesa aitortzeko prozedura, eta PCM/170/2022 Agindua, martxoaren 9koa, zeinaren bidez kaleratzen baita Ministroen Kontseiluaren 2022ko martxoaren 8ko Akordioa. Akordio horrek luzatu egiten du 2022/382 (EB) Betearazpen Erabakia betez, 2022ko martxoaren 4ko Kontseiluarena, emandako aldi baterako babesa Ukrainako gatazkak ukitutako pertsonentzat, Espainian babesa aurki dezaketenentzat.

Eskatzaileek ondokoak aurkeztu beharko dituzte:

1. Eskaera.

2. Errenta bermatuaren edo bizitzeko gutxieneko errentaren onuraduna dela egiaztatzen duten agiriak.

3. Inklusioaren, Gizarte Segurantzaren eta Migrazioen Ministerioaren arreta humanitarioko eta nazioarteko babeserako harrerako programen eskatzailea edo onuraduna dela egiaztatzen duten agiriak.

4. Ukrainako gatazkak ukitutako pertsonen kasuan, babesa Espainian aurkitu dutenen kasuan, aldi baterako babeserako dagokien eskaera, eta, baliabide eskasia egiaztatzeko, baliabiderik ez izatearen erantzukizunpeko adierazpena.

5. Titularraren eta prestazioaren onuradunaren erroldatze-ziurtagiria edo udal-erroldako bizikidetza-ziurtagiria.

Adierazitako agiri horiez gain, Iruñerriko Zerbitzuak SA sozietateak eskatzaileari dokumentazio osagarria eskatu ahal izango dio, eskatzaileak adierazitakoa behar ekonomikoko bere benetako egoerarekin bat datorrela egiaztatzeko helburuarekin.

Nolanahi ere, tarifa honen onuraduna izango da ordenantza honetan araututako tributu izaera ez duten ondare-prestazio publikoak ordaindu behar dituena edo haren ezkontidea edo bizikidetza harreman analogoko pertsona, eta soil-soilik aplikatuko zaio familia-unitatearen ohiko etxebizitzari.

Tarifa hau 12 hilabeteko aldi baterako ematen da. Ordaindu behar duen obligaziodunari prestazioa ematea aldi luzeago baterako ezarri den kasuetan, tarifa emateko epea egokitu egingo zaio prestazioa ematearen epeari. Iruñerriko Zerbitzuak SAk, edozein unetan, tarifa hau emateko eskatzen diren betebeharrak mantentzen direlako egiaztapena egin ahal izango du, eta baldintzok betetzeari utzi edo egiaztapenean eskaturiko agiriak ekartzen ez dituzten onuradun guztiei (hori egiteko emandako epeak igaro direnean) tarifa osoa aplikatuko die.

Kuota hau ordenantza honetan jasotako beste kuota berezi batzuekin batera gertatzen bada, % 10a aplikatzea egingo da, azken batean, behin kuota osotik kenduta egokiak izan daitezkeen beste kuota berezi batzuk, hala nola jendez husteko arriskuan dauden udalerrietan aplikatu ahal direnak edo konpostaje-programetan parte hartzeagatik aplikatu ahal direnak.

Ordenantza honetan arautzen diren tributu izaera ez duten ondare-prestazio publikoetatik edozeini dagokion kuota osoa era orokorrean aplikagarri den kuotari % 10 aplikatuz ateratzen dena bezainbestekoa izango da, ordaindu behar duena Gobernuz kanpoko erakundea denean, eta zerbitzua zuzenki egintza publikorakoa denean, irabazteko asmorik gabea, eta horren xedea bere asmoetarako laguntzak biltzea denean.

C.–Sortzaile handiak.

Zerbitzuaren erabiltzaileak hondakinen 12 m³ edo gehiagoko kantitatea sortzen badu astean, ondoan aipatzen diren urteko kuotak aplikatuko zaizkio (balio katastrala edozein delarik ere ezarriko direnak).

D.–Edukiontzien aldi baterako erabilpena.

120 l-ko edukiontzien uztea 8,67 euro eguneko fakturatuko da.

E.–Obra, ekitaldi eta abarrengatik edukiontziak aldi baterako kentzea/lekualdatzea.

F.–Sortzaile handiak-trinkotu gabeko kaxa hertsiren bilketa.

G.–Katastro balioztapenik ezean.

Higiezinei balio katastralik atxiki ez zaien kasurako, koadro orokorreko jarduera multzoei dagozkien ondoko kuota aldakorrak ezarriak dira.

H.–Tarifa guztiei dagozkien xedapenak.

1. Hondakin unitate sortzaile bakarrean erabilpen mota batzuk sar daitezkeen kasuetan, katastro unitate nagusitzat hartu denaren erabilpen kuota finkoa aplikatuko da. Nolanahi dela, Jatetxe, Festa Areto, Kafetegi Taberna, Hotel, Egoitza, Polikiroldegi, Kasino jardueretarako kuota finkoak kasu guztietan aplikatuko dira, hondakin unitate sortzaile bakar batean sarturik egon arren.

2. Iruñerriko Zerbitzuak SAko ikuskatzaileek aldez aurretik konprobatutakoan, tarifak, kuotak, erabilpena eta ordaintzaileak aldatu ahal izanen dira, hauek errealitateari egokitu ez edota erabilpen edo balio katastralik atxikirik ez duten kasuetan, konprobaturiko erabilpen erreala faktura dadineko moduan. Higiezinaren erabilpen aldaketa egiaztatuko balitz, moldaketa atzerako ondorioz egin liteke, erabilpen aldaketa ziurtatzen den momentutik alegia. Era berean, ordaindu behar duen obligaziodunak, edozein kasutan, Iruñerriko Zerbitzuak SA sozietateari jakinarazi behar dio higiezinaren erabilerarekin lotutako edozein aldaketa.

3. Ezarpena dagokien higiezinen kasuan, baldin eta bilketa tokitik 300 metro baino urrutiago egon edota iristeko edo maniobra egiteko zailtasunik badago, Ikuskapen Zerbitzuek iritzia eman eta gero, aplikatuko den tarifa soilik kuotaren oinarriari dagokion tarifa aldakorra izanen da. (I. Eranskina).

4. Erregimen orokorreko gehieneko kuota (7.1.a artikulua) 4.434,54 euro izango da, zerbitzua kudeatzeko ordenantzan atez ateko bilketaren gainean egiten den erregulazioaren arabera, industrialdeetan hondakinak atez ate biltzeko sistemaren bidez ematen den 3. artikuluaren 1. atalean aipaturiko zerbitzuaren kasuan izan ezik. Kasu horretan guztizko kuota edo kuota osoa izango da I.I.O. eranskinean ageri diren ontziak edukitzeagatiko kuotaren eta oinarrizko kuotaren batura, gehieneko kuota aplikatu gabe.

I.–HHTZ-ko hondakinen tratamendu zerbitzuaren erabilpena.

J.–Hondakinak onartzea hhtz-ko garbigunean.

K.–Hildako animalien jasoketa, garraioa eta deuseztapena.

170,90 euro/animalia.

L.–Lurpeko edukiontziak.

Urteko kostua honako formularen bitartez zehaztuko da kasu bakoitzean, plataforma jasotzaile bakoitzerako kalkulaturik:

Kostua = 289,89 euro (Fv + Fe + Fc + Fp)

Fv: Maiztasuna, organikoa-gainerakoa frakzioaren asteko bilketa kopuruaz adierazia.

Fe: Maiztasuna, ontzi frakzioaren asteko bilketa kopuruaz adierazia.

Fc: Maiztasuna, beira frakzioaren asteko bilketa kopuruaz adierazia.

Fp: Maiztasuna, Paper-kartoi frakzioaren asteko bilketa kopuruaz adierazia.

M.–Despopulatzeko arriskuan dauden udalerri eta kontzejuetarako kuota berezia.

Despopulatzeko muturreko arriskuko edo arrisku biziko baldintzak betetzen dituzten udalerrietan kokatuta dauden higiezinetan, I. eranskineko 2., 3., 4., 4.1, 5. eta 6. taldeetako erabileretarako 3.1. artikuluko zerbitzuei aplikatzekoak zaizkien tarifei dagokien kuota osoa (III. eranskinean definitutakoak) izango da oro har aplikatzekoa den kuotaren % 50 aplikatzearen emaitza den kantitatearen baliokidea.

N.–Nahitaez hartzeko hondakinen kudeaketa-zerbitzua.

3.1 artikuluko zerbitzuengatik aplikagarriak diren tarifei dagokien kuota osoan murrizketa aplikatuko zaie gai organikoen konpostaje-programetan parte hartzen duten eta ordaintzera behartuta dauden pertsonei, ordenantzako bigarren xedapen iragankorreko A) puntuaren arabera (hondakinak landa-eremuan biltzeari buruzkoa), urteko zenbateko hauetan:

Ordaintzera behartuta dauden pertsonek betebehar hauek bete beharko dituzte, murrizketa horiek eskuratu ahal izateko:

a) IZSAk behar bezala erregistratuta egotea, etxeko konpostajeko programan, etxeko konpostaje autogestionatukoan edo auzoko konpostajekoan parte hartzen duen pertsona gisa. IZSAk pertsona horiek erregistratuko ditu baldintza hauek betetzen dituztenean:

Etxeko konpostajearen kasuan, IZSAko zerbitzu teknikoek egiaztatuko dute eskatzaileak betetzen dituela etxeko konpostaje programan parte hartzeko baldintza tekniko hauek:

1.–Etengabe eta erregulartasunez sortzen direla konposta egiteko hondakin organiko nahikoak, sukaldeko hondakinak eta baratzeko eta/edo lorategiko hondakinak.

2.–Berdegune bat edukitzea, gutxienez, 20 metro koadrokoa, konpost-ontzia kokatzeko.

3.–Baratzeen, landetxeen edo aisiako baratzeen kasuan, zerbitzua ordaintzera behartuta dauden hondakinen unitate ekoizleei baino ez zaizkie emango konpost-ontziak.

4.–Urtaroko baratzeen kasuan, IZSAren gomendioa da konposta egitea pila eginez, beti egin izan den moduan. IZSAk aholkularitza eman ahal izango die telefonoz, konpostaje-gida jarri ahal izango du haien eskura, baina ez du konpost-ontzirik emango.

5.–Etxeko konpostajean parte hartzen duten eta ordaintzera behartuta dauden pertsonek helburu horretarako aurreikusita dagoen kuota berezia aplikatzeari onura atera ahal izateko, aurreko baldintza horiez gain, beste hauek bete beharko dira:

–Utzitako konpost-ontzia hondakinak sortzen dituen unitateko (etxebizitza, lokala, landetxea...) baratzean eta/edo lorategian kokatzea edo ordaintzera behartuta dagoen pertsonak erabiltzeko eskubidea duen eta kuota berezia aplikatzeari onura ateratzen dion unitate ekoizlearen herri berberean dagoen gune natural batean. Herri urbanoen kasuan, toki horiek auzo berberean kokatuta egon beharko dute.

–Parte-hartzaileak uztea IZSAko langile teknikoei edo IZSAk kontratatutako langile teknikoei bere konpost-ontziko prozesuaren kontrola egiteko jarraipenak egiten, utzitako materiala behar bezala erabiltzen ari dela eta konpostaje-prozesua ongi doala, eta, horrenbestez, egokia dela egiaztatzeko helburuarekin. Hau da, konpostajea egiten ari dela, beharrezkoak diren mantentze-lanak egiten direla eta hondakinak eraldatzen ari direla.

Behin egiaztatu denean aurreko baldintzak betetzen direla, etxeko konpostaje programan parte hartzea eskatu duen pertsonak prestakuntza-saio bat egin beharko du eta IZSAk beharrezkotzat jotzen duen materiala jasoko du.

Etxeko konpostaje autogestionatuaren kasuan, IZSAren zerbitzu teknikoek eskatzailea erregistratuko dute etxeko konpostaje programan parte hartzen duten pertsonentzat adierazitako baldintza tekniko berberak betetzen dituela egiaztatzen dutenean, konpost-ontzia ematea izan ezik, eta bai bio-hondakinak birziklatzeko prozesu zuzena egiteko baldintza egokiak dituela egiaztatzen dutenean. Horrez gain, parte-hartzaile horiek behartuta egongo dira IZSAko langile teknikoei uztera beren ekoizpen-unitatean egiten den autogestio-prozesuaren kontrolerako jarraipena egiten, ongi egiten dela egiaztatzeko xedearekin.

Auzoko konpostajearen kasuan, kuota berezi hau aplikatzea eskatzen duen pertsonak hondakinen zerbitzua ordaintzeko betebeharra eragiten duen unitate ekoizlea kokatuta dagoen biztanle-entitateko auzoko konpostajerako gune batean egin beharko du konpostajea.

Bere jarduketa-esparruaren barnean auzoko konpostajerako Iruñerriko Mankomunitateak zehazten dituen irizpideak hauek dira:

1.–Hiri-eremuan, kudeaketa nagusia gai organikoetarako edukiontzi bidez egiten dela aintzat hartuta, auzoko konpostajerako dauden guneen kopurua mantenduko da, gehiago egokitu gabe.

2.–Landa-eremuan, gai organikoetarako edukiontzirik ez dagoela eta, beraz, hondakin horien kudeaketa konpostajearen bidez egin behar dela aintzat hartuta: auzoko konpostajea kokatuko da, IZSAk eskatutako baldintza teknikoak betetzen badira, hau da, instalaziorako toki egokia badago eta interesa duten parte-hartzaileen gutxieneko kopuru bat badago, IZSAren zerbitzu teknikoek nahikotzat hartzen duten kopurua, zehazki.

Konpostaje-gunea IZSAk emandako jarraibideen arabera erabiltzeko konpromisoa hartuko du parte-hartzaileak, eta hondakinak behar bezala bereizita botako ditu eta bai material egituratzailea ere.

Konpostaje-gunearen jarraipena, nagusiki, IZSAko zerbitzu teknikoek egiten dute. Edonola ere, gunean boluntario aritzen diren pertsonen jarraipenaren informazioa ere bildu ahal izango du IZSAk. Konpostaje-gune bakoitzaren jarraipenetan, IZSAk kontrolatuko du gai organikoen ekarpenak erregistratutako pertsonei dagozkiela. Ekarpen horiek ez badatoz bat erregistratutako pertsonekin, IZSAren zerbitzu teknikoek egoera bakoitzean egin beharreko jarduketa egokienak erabakiko dituzte: abisuak, parte-hartzaileen ekarpenen segimendua, gunean parte hartzeko erregistroan baja ematea edo beste batzuk.

b) Etxeko konpostajeko programan, etxeko konpostaje autogestionatukoan edo auzoko konpostajekoan parte hartzeagatiko kuota berezia aplikatzeko eskabidea aurkeztea. Ordaintzera behartuta dagoen pertsonak egin beharko du eskaera, IZSAk erabakitzen dituen bitartekoen bidez, eta pertsona horrek egunean eduki beharko ditu IZSArekin edo IMrekin dituen betebehar ekonomikoak.

Ordaintzera behartuta egonda, ezin izango dira kuota berezi hau aplika dakiekeen pertsona izan I. eranskineko 7. multzoaren barnean sailkatutako hondakin-erabilera dutenak ("Erabiltzen ez diren etxabeak" eta "Lokal itxiak").

Halaber, ordaintzera behartuta egonda, ezin izango dira kuota berezi hau aplika dakiekeen pertsona izan eskaera egiten duten unean IZSArekin edo IMrekin dituzten betebehar ekonomikoak egunean ez dituztenak.

Behin onartuta kuota berezi hau aplikatzeko eskaera, hurrengo sortzapen-aldian hasiko da aplikatzen. Aldi bakoitzean aplikatu beharreko murrizketa-kopurua dagokion urteko murrizketaren zati alikuotari egokituko zaio, eta, hartara, ordaintzera behartuta dauden eta urte naturaleko aurreneko egunetik aurrera murrizketarako eskubidea duten pertsonak baino ez dira helduko urte horretarako aurreikusitako zenbateko osora. Ordenantza honetako 3.1. artikuluan deskribatutako zerbitzua ordaintzeko betebeharra eragiten duen higiezinaren erabilera-eskubidea azkentzeak berekin dakar sortzapenaren eraginak baliogabetzea, eta, horrenbestez, kuota berezi hau aplikatzearenak.

Konpostaje-programen jarraipenetan IZSAk detektatzen badu erabilera desegokia dela edo programan parte hartzen ari den pertsona ez dela konpostatzen ari sortutako bio-hondakin guztiak, dagokion erregistroan pertsona horren baja emango da eta atal honetan jasotako kuota berezia aplikatzeko eskubidea izateari utziko dio. Halaber, utzitako materiala itzultzeko eskatuko da, halakorik badago. Kuota berezi hau berriro aplikatzeko aukera edukitzeko, dagokion konpostaje-sisteman parte hartzea berriz eskatu beharko da eta ezarritako baldintzak bete beharko dira.

O.–Zerbitzua atez ateko bilketa-sistemaren bidez ematea industrialdeetan eta/edo enpresa-eremuetan.

Industrialdeetan hondakinak atez ate biltzeko sistemaren koefiziente biderkatzailea (6.2 artikulua): 0,6841.

Zerbitzua atez ateko bilketa-sistemaren bidez ematen den industrialdeetan benetako etxebizitza-erabilera duten higiezinei ez zaizkie aplikatuko tarifa hauek kuota osoa kalkulatzeko. Kasu horietan, kuota osoa kalkulatuko da ordenantza honetako 3.1. artikuluan zerbitzuaren erregimen orokorrerako jasotako xedapenak aplikatuta.

I.A eranskineko 7. multzoaren barnean sailkatutako hondakin-erabilera duten higiezinek ("Erabiltzen ez diren etxabeak" eta "Lokal itxiak") ezingo dituzte eduki ontziak, nahiz eta industrialdeetan hondakinak atez ate biltzeko sistema duten inguruetan kokatuta egon.

Hondakinak atez ate biltzeko sistema duten industrialdeetan kokatuta dauden merkataritza-zentroek, bulegoen eraikinek eta beste mota bateko eraikin kolektiboek, jarduera desberdinak gauzatzen dituzten zenbait lokal dauzkatenek, eraikineko jarduera guztiek batera erabiltzeko ontziak edukitzea eskatu ahal izango dute. Horretarako, beharrezkoa izango da merkataritza-zentro, bulegoen eraikin edo pareko horiek jarduketa bakar baten zati izatea eta legez eratutako kudeaketa edo administrazio komun edo baterako bat edukitzea. Kasu horretan, legez eratutako jabeen erkidegoa izango da industrialdeetan hondakinak atez ate biltzeko zerbitzuarengatik ordaindu beharreko kuota osoa ordaintzera behartuta egongo den pertsona.

Higiezina erabiltzeko eskubidea azkentzeak berekin ekarriko du IZSAri ontziak kentzeko eskatzeko betebeharra, halakorik badago, nahiz ordaintzeko betebeharra eteten duen pertsonak nahiz hura ordezten duenak. Ez bada eskatzen ontziak kentzeko, IZSAk ulertuko du ordaintzera behartuta dagoen pertsonak zerbitzu hori edukitzeko borondatea duela, eta, hortaz, bere gain hartzen dituela ontziak edukitzetik eratortzen diren betebehar ekonomikoak.

Tarifa honek 2026ko urtarrilaren 1ean hartuko du indarra Landabengo industrialderako. Industrialdeetan atez ateko bilketa egiteko proiektu pilotuan sartuta dago Landaben.

Lehendakariaren ebazpenaren bidez, Iruñerriko Mankomunitateak erabakiko du, hala badagokio, proiektu pilotuko beste industrialde batzuei tarifa hau aplikatzea.

II. ERANSKINA.–UDALEZ UDALEKO KOEFIZIENTE ZUZENTZAILEA 4. ERABILPEN KODEARI (ETXEBIZITZA) APLIKAGARRIA

1 baino koefiziente zuzentzaile altuagorik ez da aplikatuko, baldin eta higiezinaren katastro balioa, 2026ko urtealdirako, 72.770,77 euro baino altuagoa bada.

2026ko ekitaldian balorazio txosten berri batek indarra hartzen badu, katastroko balioak aldatu diren proportzio berean egokituko da udalerri horretako koefiziente zuzentzailea.

III. ERANSKINA.–DESPOPULATZEKO MUTURREKO ARRISKUAN EDO ARRISKU BIZIAN DAUDEN UDALERRIAK ETA KONTZEJUAK

I.I.M eranskinean jasotako hobariak aplikatzeko eraginetarako, despopulatzeko muturreko arriskuan eta arrisku bizian dauden udalerri eta kontzejutzat jotzen dira kilometro koadroko 25 biztanletik beherako biztanleria-dentsitatea dutenak.

Informazioa emate aldera, hauek dira:

–Argiñaritz (Girgillao).

–Anue.

–Atetz.

–Basaburua.

–Goñi.

–Imotz.

–Lantz.

–Ollo.

–Tirapu.

Une bakoitzean aplikatzekoa den indarreko zerrendak ordeztuko du udalerrien eta kontzejuen zerrenda hori, despopulatzeko arriskua duten eremuen mapan ondoz ondo sartzen joango diren aldaketak kontuan harturik.

Iragarkiaren kodea: L2516648