Iragarkia

258. ALDIZKARIA - 2025eko abenduaren 30a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2025eko abenduaren 23an hartua, Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak onesten dituena 2026ko urtarrilaren 1etik abenduaren 31ra bitarterako, bi egun horiek barne.

Nafarroako Gobernuaren 1997ko abenduaren 15eko, 2007ko ekainaren 18ko eta 2015eko abenduaren 23ko erabakietan ezarritako prozedurari jarraikiz, Nafarroako AP-15 autobidearen enpresa kontzesiodunak 2025eko abenduaren 18ko eskabidearen bitartez eskatu du onetsi daitezela tarifak berrikusteko koefiziente berria eta 2026ko tarifa eguneratuen taula.

Aipatu erabakietan ezarritakoaren arabera, Nafarroako Gobernuak "Autopistas de Navarra SA" sozietate kontzesiodunean daukan ordezkariak aldeko txostena emanik, honako hauek onestea proposatzen da:

a) Nafarroako Autobidearen oinarrizko tarifak eta oinarrizko bidesariak berrikustea, 2025eko urtarrilaren 1etik abenduaren 31ra bitarterako indarrean dauden tarifei %2,945eko eguneratze koefizientea aplikatuz, hain zuzen, 2024ko azaroaren 1etik 2025eko urriaren 31ra arteko KPI nazionalaren (%3,1) %95. Oinarrizko tarifak euroko sei dezimalekin adierazi dira, euroa ezartzeko aplikatu beharreko araudian ezarritakoari jarraikiz, horiek zehazkiago kalkulatzeko zortzi dezimal erabiltzen badira ere. Oinarrizko bidesariak kalkulatzean, emaitzak zerora edo euroko bost zentimotara biribildu dira.

Halaber, onetsi dira 2026. urtean aplikatu beharreko koefizienteak "garraio bereziak" kategorian sartzen diren ibilgailuen oinarrizko bidesariak kalkulatzeko, Nafarroako Gobernuaren 2019ko abenduaren 26ko Erabakiaren 1. puntuan ezarritako formularen arabera.

b) Berariazko deskontuak aplikatzetik ateratzen diren bidesariak eguneratzea. Berariazko deskontuak dituzten bidesariei, 2025erako onetsitakoei (BEZa gabe), urriaren 31n pilatutako KPIa adinako igoera aplikatu zaie, hots, %3,1ekoa. Erabiltzaileei jasanarazi beharreko BEZari dagokionez, Nafarroako Gobernuak 2015eko abenduaren 23an hartutako Erabakiaren 3. apartatuaren arabera, berariazko deskontuen prezioari loturiko dirulaguntzaren ehunekoak ezartzen dira 2026. urteko bidesarietarako.

Adierazitakoarekin bat, Nafarroako Gobernuak, Ekonomia eta Ogasuneko kontseilariak proposatuta,

ERABAKITZEN DU

1. 2026ko urtarrilaren 1etik abenduaren 31ra arte, biak barne, honako oinarrizko tarifa hauek aplikatuko ditu enpresa kontzesiodunak Nafarroako AP-15 autobideko tarteetan, ibilgailuen kategoriaren eta egindako tarteen arabera:

2. Aipatu aldirako bidesarien oinarrizko prezioak kategoria eta ordainlekuen arabera kalkulatzeko, kasuan kasuko tarifa egindako tartearen luzerarekin biderkatu behar da, eta gero, BEZa gehitu. Emaitza euroko bost zentimotara biribilduko da. Hona hemen, bada, oinarrizko prezioak:

(Zenbatekoa eurotan, BEZa barne).

3. Garraio bereziko ibilgailuei dagokien oinarrizko bidesaria honako hau izanen da: ibilgailu bakoitzari Nafarroako Gobernuaren 2018ko abenduaren 26ko Erabakiaren (akats zuzenketa 2019ko urtarrilaren 10eko Erabakian) 1.2 apartatuan ezarritako formula eta 2026rako koefiziente hauek aplikatzearen emaitza:

4. Nafarroako Gobernuaren 1997ko abenduaren 15eko, 2000ko otsailaren 28ko, 2001eko martxoaren 19ko, 2007ko ekainaren 18ko eta 2015eko abenduaren 23ko erabakietan ezarritakoa aplikatuz, aldi horretarako eguneratu egiten dira, baita ere, ezarritako deskontu berariazkoak aplikatzetik ateratzen diren bidesariak.

Nafarroako Gobernuaren 2015eko abenduaren 23ko Erabakiaren 3.2 eta 3.4 apartatuei dagokienez, kontuan izanda Audenasak bidalitako aurreikuspenak, Nafarroako Gobernuak 2025ean egin beharreko ekarpenari eta kasuan-kasuan aplikatutako deskontuei buruzkoak, honako hauek dira berariazko deskontuen prezioari lotutako dirulaguntzaren ehunekoak:

Horrenbestez, bidesariak honako hauek izanen dira, kategoria, mota eta ordainlekuen arabera:

–4.1 Ibilgailu arinak:

Berariazko deskontuak aplikatuko zaizkie bidesaria AP-15 txartelarekin ordaintzen duten ibilgailu arinen erabiltzaileei, edo deskontuei loturiko antzeko gailu batekin ordaintzen dutenei (Teleordainketari buruzko 2008ko martxoaren 14ko hitzarmena).

Itzulerako bidaia 72 ordu baino lehen egiten badute, itzulerako bidaia hori doan izanen da:

Ibilgailu arinen gainerako erabiltzaileei indarra duten oinarrizko tarifa eta bidesariak aplikatuko zaizkie.

–4.2 Ibilgailua astunak 1:

–4.3 Ibilgailu astunak 2:

1. taldeko ibilgailu astunei (II. mota) eta 2. taldeko ibilgailu astunei (III. mota) berariazko deskontuak egin ondoko bidesariak aplikatuko zaizkie (aurreko tauletan adierazi direnak), zein den ere ordaintzeko erabiltzen den modua.

5. Erabaki hau igortzea Ekonomia eta Ogasun Departamentuari (Idazkaritza Tekniko Nagusia), Herri-lanen eta Azpiegituren Zuzendaritza Nagusiari eta Nafarroako Gobernuak enpresa kontzesiodunean duen ordezkariari, behar diren ondorioak izan ditzan.

6. Erabaki hau jakinaraztea Autopistas de Navarra SA kontzesiodunari.

7. Erabaki hau Nafarroako Aldizkari Ofizialean argitaratzea 2025eko abenduaren 31 baino lehen, orok jakin dezan.

Iruñean, 2025eko abenduaren 23an.–Nafarroako Gobernuko kontseilari-idazkaria, Félix Taberna Monzón.

Iragarkiaren kodea: F2517011