1. NAFARROAKO FORU KOMUNITATEA
1.7. BESTELAKOAK
159/2025 EBAZPENA, ekainaren 10ekoa, Vianako Printzea Erakundea-Kulturako zuzendari nagusiak emana, zeinaren bidez onesten baita Dokumentuen Ebaluaziorako Batzordeak proposatutako ebaluazio erabakia, baimena ematen diona Iruñeko Udalari (Hirigintzako Kudatzailetza) ezaba ditzan obra-kontratazioei buruzko 1994-2008 urteetako espedienteen dokumentu sailak eta zerbitzuen kontratazioei buruzko 1999-2008 urteetako espedienteen dokumentu sailak.
Nafarroako Artxibo Garaikidearen Ataleko buruak egindako txostenaren bidez, zeinak Artxiboen eta Dokumentu Ondarearen Zerbitzuko zuzendariaren oniritzia baitu, Dokumentuen Ebaluaziorako Batzordearen 1249 erabakia igortzen da, zeinaren bidez Iruñeko Udalari (Hirigintza Arloa) baimena ematen baitzaio ezaba ditzan obra-kontratazioei buruzko 1994-2008 urteetako espedienteen dokumentu sailak eta zerbitzuen kontratazioei buruzko 1999-2008 urteetako espedienteen dokumentu sailak, Vianako Printzea Erakundea-Kulturako zuzendari nagusiaren ekainaren 7ko 166/2022 Ebazpenaren bidez onetsitako 689 eta 691 erabakien arabera (2022ko 162. Nafarroako Aldizkari Ofiziala, abuztuaren 16koa). Dokumentu sail horiek kontratazio publikoari, desjabetzeei, ondare erantzukizunari eta ziurtagiriei buruzkoak dira, batzuk Nafarroako administrazio publiko guztienak, eta beste batzuk, berariazkoagoak, toki entitateenak.
Horrenbestez, Kultura, Kirol eta Turismo Departamentuaren egitura organikoa onesten duen azaroaren 15eko 256/2023 Foru Dekretuak ematen dizkidan eskudantziak erabiliz,
EBAZTEN DUT:
1. 1249 ebaluazio erabakia onestea, baimena ematen diona Iruñeko Udalari (Hirigintzako Kudeatzailetza) ezaba ditzan obra-kontratazioei buruzko 1994-2008 urteetako espedienteen dokumentu sailak eta zerbitzuen kontratazioei buruzko 1999-2008 urteetako espedienteen dokumentu sailak.
2. Erabakiaren testua argitaratzea Nafarroako Aldizkari Ofizialean.
3. Ebazpen hau igortzea Kultura, Kirol eta Turismo Departamentuko Idazkaritza Tekniko Nagusira eta Kultura, Kirol eta Turismo Departamentuko Artxiboen eta Dokumentu Ondarearen Zerbitzura, eta Iruñeko Udalera (Hirigintzako Kudeatzailetza), behar diren ondorioak izan ditzan.
Iruñean, 2025eko abenduaren 10ean.–Vianako Printzea Erakundea-Kulturako zuzendari nagusia, Ignacio Apezteguía Morentin.
Iragarkiaren kodea: F2516198
